7, అక్టోబర్ 2012, ఆదివారం

సమస్యాపూరణం - 844 (హెడ్మాస్టరు నేర్వసాగె)

కవిమిత్రులారా,
ఈరోజు పూరించవలసిన సమస్య   ఇది...
హెడ్మాస్టరు నేర్వసాగె నేబీసీడీల్.
(సమస్యలోనే ఉన్నందున పూరణలో అన్యభాషాపదాలను నిరభ్యంతరంగా ప్రయోగించవచ్చు)

19 కామెంట్‌లు:

  1. హెడ్మరి పొగరే యతనికి
    'పడ్మా' యని బిలచి వ్రాసె పద్మను పలకన్
    'పడ్మయు' కొడతా డనుకొని
    హెడ్మాస్టరు, నేర్వసాగె నేబీసీడీల్.

    రిప్లయితొలగించండి
  2. ఒక హెడ్మాస్టరు గారి మనుమరాలు ముద్దుగా టీచర్ ఆట ఆడుతూ..

    గుడ్మాన్ నీవే తాతా
    పాడ్మరి పేపర్ నునీవు బట్టుకు రైటిట్
    హెడ్ మిస్సును నేనే నన
    హెడ్మాస్టరు నేర్వసాగె నేబీసీడీల్.

    రిప్లయితొలగించండి
  3. గురువుగారు,
    అన్యభాషాపదాలతో పద్యములు వ్రాయడంలో ఆసక్తి లేనందున పూరణ చేయడం లేదు. మౌనంగా ఊరుకుంటే మీరు చెప్పకుండా శలవు పెట్టారంటారేమోనని ఈ రోజు చెపుతున్నాను.

    రిప్లయితొలగించండి
  4. మిడ్ మే కద సెలవుల నొక
    గుడ్ మార్నింగ్ వేళ క్రొత్త కోర్సని యందున్
    బ్రాడ్ మైండెడ్ వాడగు నొక
    హెడ్ మాస్టరు నేర్వసాగె నేబీసీడీల్

    రిప్లయితొలగించండి
  5. గుడ్మార్ని౦గులు కొట్టియె
    హెడ్మాస్టరయెన్ కులుకుచు హిందీ పంతుల్
    అడ్మిట్ చేయుట కేడ్చుచు
    హెడ్మాస్టరు నేర్వసాగె నేబీసీడీల్.

    రిప్లయితొలగించండి
  6. బాడ్మింటన్ నేర్చుటకై
    హెడ్మాస్టరు పూనుకొనగ, ఎడ్మండనె కోచ్
    అడ్మిష నిచ్చెన్ ; క్రీడన్
    హెడ్మాస్టరు నేర్వసాగె నేబీసీడీల్ !

    రిప్లయితొలగించండి
  7. హెడ్మా యను వాడే యిట
    హెడ్మా ష్ట రు, నేర్వ సాగె నేబీ సీ డీ ల్
    లె డ్మా జేరిన రోజునె
    రెడ్మా యే దోస్తి జేసె లె డ్మా తోడన్

    రిప్లయితొలగించండి
  8. గుడ్మార్నింగనుచునొకడు
    నడ్మిషనందియుఁజదువక నాటక మాడన్
    బ్యాడ్మార్నింగగునీకన
    హెడ్మాష్టరు , నేర్వ సాగె నేబీసీడీల్

    రిప్లయితొలగించండి
  9. బ్యాడ్ మార్నిం గులు భరియించ
    హెడ్ మాస్టరు పదవి మిగుల హెడెక్కాయెన్ !
    గుడ్ మార్నిం గులు కరువని ?
    హెడ్ మాస్టరు నేర్వ సాగె నేబీ సీడీల్ !

    రిప్లయితొలగించండి
  10. చిన్న సవరణ తో..

    హెడ్మీద కొట్టు కొనుచును
    'పడ్మా' యని పద్మ బిలచి వ్రాసెను పలకన్
    'పడ్మయు' కొడతా డనుకొని
    హెడ్మాస్టరు, నేర్వసాగె నేబీసీడీల్.

    రిప్లయితొలగించండి
  11. శ్రీ సరస్వత్యై నమః:
    మిత్రులారా!
    శ్రీ కంది శంకరయ్య గారికి అస్వస్థతతో మన బ్లాగునకు కొంచెము ఇబ్బంది పొడ సూపినది. నిన్నటి సమస్య "దుష్కర ప్రాస" అయితే ఈనాటి సమస్య పరభాషా పదమయమైనది. అందుచేత ప్రతి యొక్కరి పద్యమును విడివిడిగా వ్యాఖ్య చేయుటకు అవకాశము దొరకలేదు. పూరించిన వారందరికీ శుభాభినందనలు.

    శ్రీ గోలి హనుమఛ్ఛాస్త్రి గారికి;
    శ్రీ చంద్రశేఖర్ గారికి;
    శ్రీ నాగరాజు రవీందర్ గారికి;
    శ్రీ సుబ్బారావు గారికి;
    శ్రీ సహదేవుడు గారికి; మరియు
    శ్రీమతి రాజేశ్వరి గారికి పేరు పేరునా అభినందనలు,

    స్వస్తి.

    రిప్లయితొలగించండి
  12. ముందుగా దుష్కరప్రాసతో ఆంగ్లపదాలతో సమస్య నిచ్చినందుకు మన్నించమని కవిమిత్రులను వేడుకుంటున్నాను. క్లిష్టమైన సమస్య ఇచ్చినా ఉత్సాహంగా చక్కని పూరణలు చేసిన అందరికీ ధన్యవాదాలు.
    *
    గోలి హనుమచ్ఛాస్త్రి గారూ,
    హెడ్మాస్టర్ కొడతాడని ‘పడ్మ’ ఏబీసీడీలు నేర్చిందన్న మీ మొదటి పూరణ, హెడ్మాస్టర్ చేత మనుమరాలు ఏబీసీడీలు దిద్దించిన రెండవ పూరణ చాలా బాగున్నవి. అభినందనలు.
    *
    లక్ష్మీదేవి గారూ,
    బడికి వచ్చికూడా పాఠం అప్పజెప్పనంటారు. సరే... కానీండి.
    *
    పండిత నేమాని వారూ,
    ఏ విద్యలోనైనా ప్రవేశం లేనప్పుడు అతడికి అందులో ఏబీసీడీలు రావని, ఓనమాలు రావని అనడం లోకోక్తి. అంటే అందులో ప్రాథమిక జ్ఞానం లేదని భావం. ఈ భావాన్ని మీ పూరణలో ప్రతిబింబించారు. చక్కని పూరణ. అభినందనలు.
    *
    చంద్రశేఖర్ గారూ,
    హిందీ పంతులు హెడ్మాస్టర్ అయినప్పుడు ఆఫీసు వ్యవహారాలకోసం తప్పని సరియై ఆంగ్లం నేర్చుకోవలసి వచ్చిందన్న మీ పూరణ బాగుంది. అభినందనలు.
    *
    నాగరాజు రవీందర్ గారూ,
    బాడ్మింటన్‌లో ఏబీసీడీలు నేర్చుకున్నాడా హెడ్మాస్టర్! బాగుంది మీ పూరణ. అభినందనలు.
    *
    సుబ్బారావు గారూ,
    మీ పూరణ చదవగానే ‘ఈనా మీనా డీకా’ అనే పాత హిందీ పాట గుర్తొచ్చింది. సమయస్ఫూర్తితో చక్కని పూరణ చెప్పారు. అభినందనలు.
    *
    సహదేవుడు గారూ,
    చక్కని విరుపుతో మంచి పూరణ చెప్పారు. అభినందనలు.
    *
    రాజేశ్వరి అక్కయ్యా,
    మీ పూరణ బాగుంది. అభినందనలు.
    మొదటి పాదంలో గణదోషం. ‘బాడ్మార్నింగు భరించగ’ అంటే సరి.

    రిప్లయితొలగించండి
  13. గురువు గారు,
    దయచేసి అంత మాట అనకండి. ఐచ్ఛిక విషయాలు ఎంచుకునే అవకాశం ఉన్నపుడు ఇది నా విషయం కాదు. అనుకునే స్వాతంత్ర్యాన్ని మాత్రమే నేను తీసుకున్నాను. కానీ, మీరు అప్పజెప్పమన్న పాఠం చెప్పననను.

    రిప్లయితొలగించండి
  14. శ్రీ నేమాని వారికీ, శంకరార్యులకు ధన్యవాదములు.

    రిప్లయితొలగించండి

  15. ఉడ్ యూ ప్లీజ్ లిజను టు మీ
    కుడ్ యూ నోనీడ్ ఫీల్ షై కూల్ మై చిల్డ్రెన్
    గుడ్ ఐ వి టీచ్ యనుచున్
    హెడ్ మాస్టెరు నేర్వసాగె నేబీసీడీల్.

    రిప్లయితొలగించండి
  16. లక్ష్మీనరసింహం గారూ,
    దాదాపుగా ఆంగ్లభాషావాక్యాలతో మీ పద్య రచన ప్రశంసింపదగినదే.
    అయితే మీరు ప్రాస నియమాన్ని ఉల్లంఘించారు. సమస్యలోని ప్రాసాక్షరం `డ్మ" హల్లులను విడివిడిగా వ్రాసినా "డ్ మా అనే రెండు హల్లులు ప్రాసస్థానంలో రావాలి.
    రెండవపాదంలో "ఫీల్ షై' అన్నచోట గణదోషం. అది గగం అవుతుంది. అక్కడ నలం కాని, జగణం కాని ఉండాలి కదా!

    రిప్లయితొలగించండి
  17. అందరికీ నమస్కారం !

    నా వంతు సరదా ప్రయత్నమిది.

    హెడ్మేస్త్రీ కాంగ్లములో
    గుడ్మార్నింగుయె తెలుసని గుట్టుగ నవ్వే
    బాడ్మౌతులకా తాపీ
    హెడ్మాస్టరు నేర్వసాగె నేబీసీడీల్

    రిప్లయితొలగించండి
  18. ఎడ్మిషను దొంగ దారిన
    హెడ్మాస్టరుగా గడించి హిందీ పండిత్
    "గుడ్మార్ణింగ్" వ్రాయుటకై
    "హెడ్మాస్టరు" నేర్వసాగె నేబీసీడీల్

    రిప్లయితొలగించండి