కవిమిత్రులారా,
ఈరోజు పూరించవలసిన సమస్య ఇది ...
కలకాలము బ్రతుకువాఁడు కామాతురుఁడే.
ఈ సమస్యను పంపిన పోచిరాజు సుబ్బారావు గారికి ధన్యవాదాలు.
ఈరోజు పూరించవలసిన సమస్య ఇది ...
కలకాలము బ్రతుకువాఁడు కామాతురుఁడే.
ఈ సమస్యను పంపిన పోచిరాజు సుబ్బారావు గారికి ధన్యవాదాలు.
రిప్లయితొలగించండినా ఎరుకల యవ కాలమున
నిదుర పోయి, తేలి పోవు
గాలికల లో విహరించి 'కల '
కాలము బతుకువాడు కామాతురుడే !
చీర్స్
జిలేబి.
ఇల కామములను వీడక
రిప్లయితొలగించండిబలమాయువు నీయ మనుచు భగవంతునితో
పలుమార్లు వేడి కాకిగ
కలకాలము బతుకువాడు కామాతురుడే
శాస్త్రిగారు! కలికాలపు కాముక కాకుల రీతి చాల బాగ చెప్పినారు. అభినందనలు.
రిప్లయితొలగించండి
రిప్లయితొలగించండితలపండిన దినములలో
వలపుల దా తివిరి, తివిరె ! ప్రభువై యుండిన్
పలువనితల పెనుతలపుల
కలకాలము బ్రతుకువాఁడు కామాతురుఁడే !
( అందుకే ఆయన్ని తివారి అన్నారు )
శర్మ గారూ ! ధన్యవాదములు.
రిప్లయితొలగించండిఇల కామమె కారణమగు
రిప్లయితొలగించండిపలు జన్మమ్ములకు కామ వర్జన సుఖమౌ
తలపక భవ లక్ష్యంబును
కల కాలము బ్రతుకు వాడు కామాతురుడే
కలియుగ మందున కాముని
రిప్లయితొలగించండిదలపున నున్నట్టి వాం ఛ తలపున నే యౌన్
వలపులు దీ రున దనుకను
కలకాలము బ్రదుకు వాడు , కామాతురుడే
వలదంచు వావి వరుసలు
రిప్లయితొలగించండితలచిన ప్రతి నారి తోడి దాహముఁదీరన్
కులుకగ, లోకుల నాల్కల
కలకాలము బ్రతుకు వాడు కామాతురుడే!
కలలోనైనను దేవుని
రిప్లయితొలగించండిదలపక యిల్లాలు, సుతులు, తనవారనుచున్
పలుతెరగుల స్వార్థంబున
కలకాలము బ్రతుకువాడు కామాతురుడే.
పండిత శ్రీనేమాని గురువులకు నమస్సులతో
రిప్లయితొలగించండికలియుగ మందున చెలియల
వలపుల దగులం బడచుచు వారి దలచుచున్
తలపుల వలలను చిక్కుచు
కలకాలము బ్రతుకువాఁడు కామాతురుఁడే.
ఫలమేమి జన్మమెత్తియు
రిప్లయితొలగించండితలువుమనంతు మరు జన్మ తప్పక దొలుగున్
దెలియక సంభవ హేతువు
కలకాలము బ్రతుకు వాడు కామాతురుడే.
పండిత శ్రీనేమాని గురువులకు నమస్సులతో
రిప్లయితొలగించండితలబోడి యగుచున్నను
తలపుల బోడా యనుచును తరుణుల తిరుగన్
కులకాంతను కాదనుచును
కలకాలము బ్రతుకువాఁడు కామాతురుఁడే.
చలియించెడు మనమందున
రిప్లయితొలగించండితలయెత్తు వివిధ రకముల తామస వాంఛల్
పలు తెరగుల తీర్చుకొనుచు
కలకాలము బ్రతుకువాఁడు కామాతురుఁడే.
వలవేసి పట్టి వనితల
రిప్లయితొలగించండివిల విల బాధించి మదిని వేడుక నొందన్ !
కలకలమును సృష్టిం చుచు
కలకాలము బ్రతుకు వాఁ డు కామాతురుఁ డే !
శ్రీ శంకరయ్య గురువర్యులకు,శ్రీ పండిత నేమాని గురువర్యులకు పాదాభివందనములతో
రిప్లయితొలగించండి=======*============
విలువల వలువలు వీడిన
ఖలులను కీర్తించు నరుడు,కర్షక జాతిన్
కలుషిత కడలిని ముంచియె
కలకాలము బతుకువాడు కామాతురుడే
ఈ కామెంట్‌ను రచయిత తీసివేశారు.
రిప్లయితొలగించండితలుప నిది ధర్మ కామము
రిప్లయితొలగించండిజలజాక్షా! నీ పదమ్మె చాలు నితరముల్
వలదని వేడుచు మాటికి
కలకాలము బతుకువాడు కామాతురుడే!
అలనాటి యాంజనేయుడు
రిప్లయితొలగించండినిల లోనే మసలునంట యినకుల స్వామిన్
దలచిన దారస పడునట
కలకాలము బ్రతుకు వాడు కామాతురుడే
తమ్ముడు చి. డా. నరసింహమూర్తి పద్యములో యడాగమమును తొలగించుచు, ఆ పద్యమును ఇలా ప్రారంభించుదాము:
రిప్లయితొలగించండిఅలనాటి ఆంజనేయుం
డిలలోనే....................
స్వస్తి.
అన్నయ్య గారికి ప్రణామములు.ధన్యవాదములు. ఆంజనేయునికి యడాగమ మాపాదించడములో నెనూ యిబ్బంది పడ్డాను.
రిప్లయితొలగించండిఅలనాటి ఆంజనేయుం
డిల లోనే మసలునంట యినకుల స్వామిన్
దలచిన దారస పడునట
కలకాలము బ్రతుకు వాడు కామాతురుడే
కవిమిత్రులకు నమస్కృతులు.
రిప్లయితొలగించండినిన్న హైదరాబాద్ వెళ్ళి వచ్చిన కారణంగా పూరణలను, పద్యాలను సమీక్షించే అవకాశం లేకపోయింది. మన్నించడి.
మంచి మంచి పూరణల నందించిన....
గోలి హనుమచ్ఛాస్త్రి గారికి,
గన్నవరపు నరసింహ మూర్తి గారికి,
పండిత నేమాని వారికి,
సుబ్బారావు గారికి,
సహదేవుడు గారికి,
హరి వేంకట సత్యనారాయణ మూర్తి గారికి,
తోపెల్ల బాలసుబ్రహ్మణ్య శర్మ గారికి,
గండూరి లక్ష్మినారాయణ గారికి,
లక్ష్మీదేవి గారికి,
రాజేశ్వరి అక్కయ్యకు,
వరప్రసాద్ గారికి,
మిస్సన్న గారికి,
అభినందనలు, ధన్యవాదాలు.
కలలో నిద్దుర లోనున్
రిప్లయితొలగించండిమెలకువ లోనున్న హరిని మెరిపించక కొం
డలపై గుడిలో వెదకుచు
కలకాలము బ్రతుకువాఁడు కామాతురుఁడే
కలలో మెలకువ లోనన్
రిప్లయితొలగించండిచలిలో వేడిమిని యందు చావున బ్రతుకున్
పలు తెరగుల జీవులలో
కలకాలము బ్రతుకువాఁడు కామాతురుఁడే