16, ఏప్రిల్ 2013, మంగళవారం

పద్య రచన - 313 (పిల్లల పరీక్షలు)

కవిమిత్రులారా,
నేటి పద్యరచనకు అంశము...
“పిల్లల పరీక్షలు”

7 కామెంట్‌లు:

  1. పిల్లల ప రీ క్ష రోజులు
    ఉల్లములం బదిల పఱచి యురు విషయములన్
    చల్లగ గూర్చుని హాలున
    మెల్లగ నిక వ్రాయు చుండ్రు మెదలక యుండన్ .

    రిప్లయితొలగించు
  2. శారద కరుణాదృష్టిని
    కోరిన వారికి సుకరము, కోటి పరీక్షల్
    భారమ్ముగఁ దోచక, నే
    మారక విజయము లభించు మంగళమబ్బున్.

    రిప్లయితొలగించు
  3. పిల్లల పరీక్షలు........... ( ముఖ్యంగా ప్రయివేటు పాఠశాల పరీక్షల గురించి )

    జోలపాటలయందు తేలియాడెడు కూన
    పుస్తకాంబుధి యందు మునిఁగిపోయె
    ముద్దు మాటలఁబల్కు మురిపాల చిన్నారి
    వ్యాకరణంబులఁ వల్లెవేసె
    నాటపాటలయందు తోటిబాలురతోడి
    కలయాడు పసిపాప కలముఁ బట్టెఁ
    చిరునవ్వులొలికించు చిన్నారి పసికందు
    రాగమోహంబుల సాగిపోయె

    రివ్వుమనిసాగె పోటీ పరీక్షలందు
    క్షణము తీరిక లేని దుస్సాహసమిది
    పెద్దలింకైన గాంచుడీ! భీతిఁ జెంది
    డస్సినారిక చాలు పాఠాలు నేడు.

    రిప్లయితొలగించు
  4. పరీక్ష వ్రాయగ పిల్లలు
    నిరీక్షణ ముగిసె గాన నెమ్మిక మీరన్ !
    బరువుల చదువులు ముగియగ
    సరదాలకు పరుగు లిడుచు సంతస మొందన్ !

    రిప్లయితొలగించు
  5. పిల్లకు పరీక్ష నిజముగ
    తల్లికి సంకటము నేడు! తండ్రికి జూడన్
    తల్లడ మట్టి దినంబుల!
    నిల్లొక నిర్బంధ వసతి యేమను వాడన్?

    రిప్లయితొలగించు
  6. లక్ష్యసాధనె నాయొక్క లక్ష్యమనుచు
    సద్దు చేయక చదువును శ్రద్ధగాను
    పిల్లులౌదురు ఎంతటి పిల్లలైన
    పిల్లల పరీక్ష పెద్దలకెల్ల రక్ష.

    రిప్లయితొలగించు
  7. పిల్లల పరీక్షలు అన్న అంశంపై చక్కని పద్యాలను రచించిన కవిమిత్రులు....
    సుబ్బారావు గారికి,
    లక్ష్మీదేవి గారికి,
    సంపత్ కుమార్ శాస్త్రి గారికి,
    రాజేశ్వరి అక్కయ్యకు,
    మిస్సన్న గారికి,
    ప్రభల రామలక్ష్మి గారికి,
    అభినందనలు, ధన్యవాదాలు.

    రిప్లయితొలగించు