కవిమిత్రులారా,
ఈరోజు పూరించవలసిన సమస్య ఇది ...
దూఱలేదని యర్ధాంగి దూఱెఁ బతిని.
ఈ సమస్యను పంపిన గోలి హనుమచ్ఛాస్త్రి గారికి ధన్యవాదములు.
ఈరోజు పూరించవలసిన సమస్య ఇది ...
దూఱలేదని యర్ధాంగి దూఱెఁ బతిని.
ఈ సమస్యను పంపిన గోలి హనుమచ్ఛాస్త్రి గారికి ధన్యవాదములు.
అద్దె నీయరు నెనెలా యడుగలేవు
రిప్లయితొలగించండిఖాళి జేయగ చెప్పవు గట్టిగాను
యెదురు తిరిగెడు వారినే యెందుకీవు
దూఱలేదని యర్ధాంగి దూఱెఁ బతిని.
ఏల నాడు నన్నటుల నిందించి తీవు ?
రిప్లయితొలగించండియనుచు జగడ మాడగ భర్త యాలి తోడ
ఎన్నడు నటుల నిన్ను దూషించలేదు
దూఱలేదని యర్ధాంగి దూఱె పతిని
తప్ప తాగిన యొక్కడు తలుపు తట్టి
రిప్లయితొలగించండిఇంటి లోనికి జొఱబడి ఇంతి గూర్చి
పలువి ధములుగ బూతులు బలుక ,నతని
దూ ఱ లేదని యర్ధాంగి దూఱె పతిని
శాస్త్రి గారు ! నమస్కారములు
రిప్లయితొలగించండిమొదటి పాదములో " నెలనెలా " అని ఉండాలేమో అండి
నిజమేనండీ సుబ్బారావు గారూ ! ఒక ' లా ' పడ లేదు. ధన్యవాదములు.
రిప్లయితొలగించండిఅద్దె నీయరు నెలనెలా యడుగలేవు
ఖాళి జేయగ చెప్పవు గట్టిగాను
యెదురు తిరిగెడు వారినే యెందుకీవు
దూఱలేదని యర్ధాంగి దూఱెఁ బతిని.
పత్ని పతితోడ నడచుచు పట్టణమున
రిప్లయితొలగించండిపోవుచుండగా నపుడొక పోకిరతడు
త్రాగి గట్టిగా భార్యను దాకె , వాన్ని
దూఱలేదని యర్ధాంగి దూఱె పతిని
ఈ సమస్య చూస్తుంటే చిన్నప్పుడు నే చూసిన దంపతులు గుర్తుకొస్తోంది. ఆ మొగుడూ పెళ్ళాలు పగలంతా తెగ తిట్టుకొనేవాళ్ళు కొండొకచో కొట్టుకొనేవాళ్ళు." ఎప్పుడైనా మొగుడు సైలెంట్ గా కూర్చుని పనిచేసుకొంటుంటే "ఏం ఈరోజు అయ్యగారి నోరు పడిపోయిందే" అని ఆవిడ తిట్ల పంచాంగం ఎత్తుకోనేది. దాంతో మళ్ళా యుద్ధం మొదలు. ఇలా కొన్నేళ్ళు చూశాను. గోలి వారికి కూడా ఇలాంటి అనుభవం ఏదో అయిందేమో:-)
రిప్లయితొలగించండిఔర మిక్కిలి సౌమ్యు లయ్యాలుమగలు
రిప్లయితొలగించండికలిసి మెలసి యుందురు తమ కాపురమున
బంధు లరుదెంచ వారిని బంపబూని
దూఱ లేదని యర్ధాంగి దూఱె బతిని
భాగ పంపక మందున బావ గారు
రిప్లయితొలగించండిమంచి యాస్తుల తనకేమొ పంచు కొనిన
నోరు మెదపక కూర్చుండి వారి నసలు
దూఱ లేదని యర్థాంగి దూఱెఁ బతిని
నీదు హృదయంబున సిరిని నేను నిలువ
రిప్లయితొలగించండిభృగువు వచ్చి తన్నె యెదను వింత గొలుప
మూర్ఖుడై ప్రవర్తించిన మునిని నీవు
దూఱలేదని యర్ధాంగి దూఱెఁ బతిని!!
ఇల్లు వాకిలు బట్టక నింటి సుఖము
రిప్లయితొలగించండిబారు బీరుల వెంబడి తిరిగి తిరిగి
బాగు కోరని హితులను భోగ మనుచు
దూఱ లేదని యర్ద్ధాంగి దూఱెఁ బతిని
ఈ కామెంట్‌ను రచయిత తీసివేశారు.
రిప్లయితొలగించండిశ్రీ గురువులకు, శ్రీ శంకరయ్య గారికి
రిప్లయితొలగించండిప్రణామములు!
దైవసములైన మాతృపితరుల సేవ
మాని వేర్వడఁ గోరె దుర్మార్గుఁ డొకఁడు
“దంపతుల కనర్హ; మఘము దానియట్టి
దూఱ లే” దని యర్ధాంగి దూఱెఁ బతిని.
దంపతులకు+అనర్హము = గృహస్థులకు అనుచితమైన, దానియట్టిది = తల్లిదండ్రులను విడువగోరు అటువంటి, అఘము = పాపమును, ఊఱ లేదని = పోలునది లేదని, అర్ధాంగి పతిని నిందించెను.
ఊఱు = సరిపోలు.
సప్రశ్రయంగా,
ఏల్చూరి మురళీధరరావు
వలువ లొలిచిన చెదరని పతులు మీరు
రిప్లయితొలగించండిసతిని చెఱ బట్టి యీడ్చిన హితము గాను
జూద మందున పణమిడు సూరు లనగ
దూఱ లేదని యర్ద్ధాంగి దూఱెఁ బతిని
నిన్నటి సమస్య అశ్లీలార్థాన్ని స్ఫురింపజేస్తుందేమో అని సందేహిస్తూనే ఇచ్చాను. అప్పటికీ సుబ్బారావు గారు ఫోన్ చేసి అడగనే అడిగారు. అయినా సంస్కార హృదయులైన కవిమిత్రులు చక్కని పూరణ లందించారు.
రిప్లయితొలగించండిగోలి హనుమచ్ఛాస్త్రి గారికి,
నాగరాజు రవీందర్ గారికి,
సుబ్బారావు గారికి,
గండూరి లక్ష్మినారాయణ గారికి,
పండిత నేమాని వారికి,
సహదేవుడు గారికి,
జిగురు సత్యనారాయణ గారికి,
రాజేశ్వరి అక్కయ్యకు,
ఏల్చూరి మురళీధర రావు గారికి,
అభనందనలు, ధన్యవాదాలు.