సమస్య * గు రు మూ ర్తి ఆ చా రి * ,,,,,,,,,,,,,,,,,,,,,,,,,,,,,,,
అతి సులభ సమస్య. నడిగితిరి కద. కు ి మార జనకు డతడె = మార వైరి !
ఆ కుమార సామి కగును త౦డ్రి = శివు౦డు
మన్మధుని రిపువె = యుమాధవు౦డు
క్షమి౦చ౦డి గురువు గారూ !
Kumara స్వామి ని , కుమార సామి అన్నాను . రె౦డుపదాలను సమాస౦గా భావి౦చకొనకు౦డా సవరణ చేసుకొనుటకు వీలగు తు౦దా ? పెద్దగా దోషమేమీ లేదు కదా ! పదక్రమ౦ బాగు౦టు౦దని ఉపయోగి౦చాను .
పోచిరాజు సుబ్బారావు గారూ, మీ పూరణ బాగున్నది. అభినందనలు. మొదటిపాదంలో యతి తప్పింది. భ-మ లకు యతిమైత్రి లేదు. కేవల పు-ఫు-బు-భు-ము లకు మాత్రమే ఉంది. ‘భస్మధారు డతడు వసియించు కాటిలో’ అనండి.
గురువుగారికి, పెద్దలకు నమస్కారం. ఈ రోజు సమస్య నాకు చాలా నచ్చింది. ఏమీ లేని ఆది భిక్షువు, అన్నీ ఇచ్చే ఆది గురువు అతనే, రెండు కళ్ళలోనూ కరుణ, మూడో కంటిలో చిచ్చు కల కంఠుడు అయిన శివుడే కందకుమారుడు అనగా కుమారస్వామి తండ్రి మరియు మన్మధుని వైరి అన్న అర్ధంలో రాశాను. దయచేసి పరిశీలించి తప్పులు తెలియచేయగలరు. ధన్యవాదాలు. ఆ. ఆది భిక్షువతడు, ఆదిగు రువగును రెండు కనుల కరుణ రెండు నొకటి కంట నుండు చిచ్చు,కంఠుడు, కందకు మారజనకుఁ డతఁడె మారవైరి.
శ్రీ స్వామి గారూ, శంకరాభరణం బ్లాగు మీకు స్వాగతం పలుకుతున్నది. మీ పూరణ బాగున్నది. అభినందనలు. కాకుంటే కొన్ని చిన్నచిన్న లోపాలు. ‘అందు లిమడజేసి’..? అక్కడ ‘లేనెల తలలోన లీలఁ జేర్చి’ అనండి.
49 కామెంట్లు:
సృష్టి జేయు జగతి పుష్టినీయ గలడు
మార జనకుఁ డతడె మార వైరి
మసన మందు జనుల భసిత మలదుకొంచు
పాప పున్నె మందు ప్రమద మలరు
అందరికీ వందనములు !
అందరి పూరణలూ అలరించు చున్నవి !
అలరింప నున్నవి !
శివాయ విష్ణురూపాయ
శివరూపాయ విష్ణవే|
శివస్య హృదయం విష్ణుః
విష్ణోశ్చ హృదయం శివః||
01)
__________________________________________
నామ రూప రహితు ♦ నేమని పిలచిన
సృష్టి స్థితి లయల ♦ సేయు నొకడె !
ఊర నూర మెరయు ♦ నుషపు డొకడు గాదె !
మారజనకుఁ డతఁడె ♦ మారవైరి !
__________________________________________
మిత్రులందఱకు నమస్సులు!
తలను గంగను మఱి తరుణేందు ధరియించుఁ
గంఠమందు నురగ గరళములను!
మూఁడు కన్నులున్న మొదటి వేల్పతఁడె! కు
మార జనకుఁ డతఁడె మారవైరి!!
కరివదనుని గాంచి గౌరమ్మ బల్కె, కు
మార, జనకుఁడతడె, మారవైరి,
భక్తసులభు డగుచు ముక్తి నొసంగును
ప్రమధనాధుడైన పరమశివుడు !!!
రాజేశ్వరి అక్కయ్యా,
మీ పూరణ బాగున్నది. అభినందనలు.
‘పుష్టి నీయగల కు|మారజనకుఁ డతడె...’ అంటే బాగుంటుంది.
వసంత కిశోర్ గారూ,
మీ పూరణ బాగున్నది. అభినందనలు.
‘సృష్టిస్థితి’ అన్నపుడు ‘ష్టి’ గురువై గణదోషం. ‘సృష్టి రిష్ట లయల...’ అనండి. (స్థితికి రిష్ట అన్న పర్యాయపదముంది).
గుండు మధుసూదన్ గారూ,
మీ పూరణ బాగున్నది. అభినందనలు.
శైలజ గారూ,
మీ పూరణ బాగున్నది. అభినందనలు.
సకలభువనపాల సరసిజాసను తండ్రి
మార జనకుడతడె ,మారవైరి
భవుని విల్లు విరిచి పడతిచే పట్టిన
హరికి మ్రొక్కు లిడుదు ననవరతము.
2.సగము తనువు ననొసగె నగజాత కాతడు
భోళ శంకరుండు భువిని నిజము
వేడుఉఉఉకొన్న జనుల విడువడే పూట,కు
మార జనకు డితడె మార వైరి.
1.
తారకుడను జంప తల్లి పార్వతి సుతు
డగ్ని గర్భ మందు నంకురించె
కార్తికేయుడనుచు నార్తితో పిలుచు, కు
మారజనకు డతడె మారవైరి.
2.
గళము నందు విషము తలపైన గంగయు
శిఖన చంద్రరేఖ శ్రీకరుండు
పాల లోచనుండు పరమ పురుషుడు కు
మార జనకు డతడె మారవైరి
సమస్య
* గు రు మూ ర్తి ఆ చా రి *
,,,,,,,,,,,,,,,,,,,,,,,,,,,,,,,
అతి సులభ సమస్య. నడిగితిరి కద. కు
ి
మార జనకు డతడె = మార వైరి !
ఆ కుమార సామి కగును త౦డ్రి = శివు౦డు
మన్మధుని రిపువె = యుమాధవు౦డు
క్షమి౦చ౦డి గురువు గారూ !
Kumara స్వామి ని , కుమార సామి అన్నాను .
రె౦డుపదాలను సమాస౦గా భావి౦చకొనకు౦డా
సవరణ చేసుకొనుటకు వీలగు తు౦దా ?
పెద్దగా దోషమేమీ లేదు కదా !
పదక్రమ౦ బాగు౦టు౦దని ఉపయోగి౦చాను .
డా. బల్లూరి ఉమాదేవి గారూ,
మీ రెండు పూరణలు బాగున్నవి. అభినందనలు.
కొన్ని టైపు దోషాలున్నవి.
ఆంజనేయ శర్మ గారూ,
మీ రెండు పూరణలు బాగున్నవి. అభినందనలు.
‘తారకుని వధింప...’ అనండి. అలాగే ‘శిఖను’ అనండి.
గురుమూర్తి ఆచారి గారూ,
మీ పూరణ బాగున్నది. అభినందనలు.
‘కుమారసామి’ అనడం గ్రామ్యం. ‘ఆ కుమారున కగు నసమనేత్రుడు తండ్రి’ అందామా?
మంచుకొండపై ప్రమథగణములు గొల్చు
మంగళమయు డౌ యుమాధవుండు,
దేవసైన్యముల కధిపతియౌ గిరిజాకు
మార జనకు డతడె మారవైరి
ఏన్గు శిరము దెచ్చి యింపుగా నతికించి
పత్ని మెచ్చ సుతుని ప్రాణమిచ్చి
చేరదీసి ముద్దుజేసెనుగద ముద
మార జనకుఁ డతఁడె మారవైరి.
కెంబాయి తిమ్మాజీ రావు గారూ,
మీ పూరణ బాగున్నది. అభినందనలు.
‘మంగళమయుడౌ’ అంటే గణదోషం. ‘మంగళమయు డగు నుమాధవుండు’ అనండి.
మిస్సన్న గారూ,
ఎన్నోసార్లు అన్నాను “మీ రూటే సపరేటు” అని. అన్నట్టుగానే మీ పూరణ వైవిధ్యంగా ఉంది. అభినందనలు.
భస్మ ధారు డతడు మసన మందు వసించు
సకల శుభము లీయు శంకరుండు
నాగ భూష ణుండు నగజప తియు ను ,కు
మార జనకు డతడె మార వైరి
శంభు డిందుమౌలి శంకరు డీశుండు
నీలకంఠు డసమ నేత్రు డజుడు
త్రిపురవైరి శివుడు దేవదేవుండు కు
మారజనకుఁ డతఁడె మారవైరి.
పోచిరాజు సుబ్బారావు గారూ,
మీ పూరణ బాగున్నది. అభినందనలు.
మొదటిపాదంలో యతి తప్పింది. భ-మ లకు యతిమైత్రి లేదు. కేవల పు-ఫు-బు-భు-ము లకు మాత్రమే ఉంది. ‘భస్మధారు డతడు వసియించు కాటిలో’ అనండి.
పోచిరాజు కామేశ్వర రావు గారూ,
మీ పూరణ బాగున్నది. అభినందనలు.
గట్టుపట్టి మగడు కాట్రేడె యగ్ని కు
మార జనకుడతడె మార వైరి
తపము చెరచ మరుడు తామసమున్ బొంది
మూడవ కను తోడ ముగియ చేసె
* గు రు మూ ర్తి ఆ చా రి *
,,,,,,,,,,,,,,,,,,,,,,,,,,,,,,
{ శైవు లారా ! వైష్ణవు లారా ! అదిగో !
హరిహరాలయము ! మీ ఇష్ట౦. హరి కైనా
మ్రొక్క౦డి లేదా హరుని కైనా మ్రొక్క౦డి }
ఆహ ! యద్భుతమ్ము ! హరిహరాలయ ; మదే
మార జనకు ; డతడె మార వైరి ;
శైవ వైష్ణవులు నస౦శయముగ మ్రొక్క ్
గలరు హ రు ని , లేక నలరు హరిని ! !
అన్నపరెడ్డి సత్యనారాయణ రెడ్డి గారూ,
మీ పూరణ బాగున్నది. అభినందనలు.
గురుమూర్తి ఆచారి గారూ,
మంచి పూరణ చెప్పి అలరింపజేశారు. అభినందనలు.
గురువు గారికి నమస్కృతులు మీసూచన మేరకు సవరించిన పద్యము
మంచుకొండపై ప్రమథగణములు గొల్చు
మంగళమయు డౌ యుమాధవుండు,
దేవసైన్యముల కధిపతియౌ గిరిజాకు
మార జనకు డతడె మారవైరి
మంచుకొండపై ప్రమథగణములు గొల్చు
మంగళ మయుడగు నుమాధవుండు,
దేవసైన్యముల కధిపతియౌ గిరిజాకు
మార జనకు డతడె మారవైరి
నిన్నటి సమస్యకు పూరణలు
1.జీవుల యందు మానవుడె చెతన గల్గిన వాడు ప్రౌఢిమన్
భావనజేసె, నీ ప్రకృతి,భానుడు,చంద్రుడు తారకావళుల్,
యేవిధి గల్గె?దాని కొక నీశుని సృష్టిని జేసె .గాన నే
దైవము గొల్వ రాదనుచు ధర్మవిదుల్ వచియింతు రెల్లెడన్
పూరణ 2.కావిరులైన మానవులు క్రమ్ముకొనంగను లోభమోహముల్,
దెవునిపేర కానుకలు దీటుగ గైకొని మోసగించగా
జీవునిలోనె దైవమది చేపడి యుండును,కల్లబొల్లి యౌ
దైవముగొల్వ రాదనుచు ధర్మవిదుల్ వచియింతు రెల్లెడన్
మౌని ఈశ్వరునకు మర్యాద తోడను
పుష్ప ఫలములనిడి పొంద గోరె
సురలు గోరినంత మొరవినె పార్వతీ
మా రజనకుడతడె మారవైరి!
రజన = సంపాదన అయినపుడు
రజనకుడు = సంపాదకుడు అవుతుందనే భావనతో పూరించాను. గురుదేవుల అభిప్రాయము తెలియజేయ ప్రార్థన.
తిమ్మాజీ రావు గారూ,
‘మంగళమయుడౌ’ అన్నచోట గణదోషం లేదు. నేనే పొరబడ్డాను. మన్నించండి. ‘మంగళమయుడౌ నుమాధవుండు’ అనాలి.
గుండా వేంకట సుబ్బ సహదేవుడు గారూ,
మీ ప్రయత్నం ప్రశంసనీయం. పద్యం బాగుంది. అభినందనలు.
కాని ‘రజనకుడు’ శబ్దం గురించే సందేహం. నేను చెప్పలేకున్నాను.
కెంబాయి తిమ్మాజీ రావు గారూ,
మీ రెండు పూరణలు బాగున్నవి. అభినందనలు.
గురుదేవులకు ధన్యవాదములు.
గురువుగారికి, పెద్దలకు నమస్కారం. ఈ రోజు సమస్య నాకు చాలా నచ్చింది. ఏమీ లేని ఆది భిక్షువు, అన్నీ ఇచ్చే ఆది గురువు అతనే, రెండు కళ్ళలోనూ కరుణ, మూడో కంటిలో చిచ్చు కల కంఠుడు అయిన శివుడే కందకుమారుడు అనగా కుమారస్వామి తండ్రి మరియు మన్మధుని వైరి అన్న అర్ధంలో రాశాను. దయచేసి పరిశీలించి తప్పులు తెలియచేయగలరు. ధన్యవాదాలు.
ఆ.
ఆది భిక్షువతడు, ఆదిగు రువగును
రెండు కనుల కరుణ రెండు నొకటి
కంట నుండు చిచ్చు,కంఠుడు, కందకు
మారజనకుఁ డతఁడె మారవైరి.
వేదుల సుభద్ర గారూ,
మీ పూరణ బాగున్నది. అభినందనలు.
ధీర |సూర నిన్ను చేరదీసెనులే కు
మార|జనకు డతడె|మార వైరి
నిన్ను జంపి మరల నిందను మాన్పెను
గజ ముఖుని జేయ? ఘనుడు హరుడు|
మీ అభిమానానికి ధన్యవాదాలు గురువుగారూ.
కె. ఈశ్వరప్ప గారూ,
మీ పూరణ బాగున్నది. అభినందనలు.
శ్రీ భాగవతుల కృష్ణారావు గారి పూరణ
గజముఖుని జనకుని గా ,కపర్ధియె నాడు
ద్రుంచి దక్షుని బ్రతికించి , పిదప
గౌరి నేలు కొనగ కాముని గూల్చె, కు
మారజనకు డతడె మార వైరి
భాగవతుల కృష్ణారావు గారూ,
మీ పూరణ బాగున్నది. అభినందనలు.
వళ్ళు బడగ చర్మ మొళ్ళు గూల, జనని
మార జనకుఁ డతఁడె మార, వైరి
భావమదియె వద్దు వారిపైన, వలదు
వదల వృద్ధ గృహము నందునింక
సృష్టి జేయు జగతి పుష్టినీయ గలకు
మార జనకుఁ డతడె మార వైరి
మసన మందు జనుల భసిత మలదుకొంచు
పాప పున్నె మందు ప్రమద మలరు
ఆ.వె
కుడుములు తిను వాని కొమరునిగా నొంది
లేనెల తల యందులిమడ జేసి
తెల్లకొండ నుండు తెల్లదొరే ,సుకు
మారజనకుఁ డతఁడె మారవైరి.
రవికాంత్ మల్లప్ప గారూ,
మీ పూరణ వైవిధ్యంగా ఉంది. బాగుంది. అభినందనలు.
శ్రీ స్వామి గారూ,
శంకరాభరణం బ్లాగు మీకు స్వాగతం పలుకుతున్నది.
మీ పూరణ బాగున్నది. అభినందనలు.
కాకుంటే కొన్ని చిన్నచిన్న లోపాలు. ‘అందు లిమడజేసి’..? అక్కడ ‘లేనెల తలలోన లీలఁ జేర్చి’ అనండి.
కామెంట్ను పోస్ట్ చేయండి