శ్రీమంతం
కవిమిత్రులారా,
పై చిత్రమును పరిశీలించి తగిన పద్యము(ల)ను వ్రాయండి.
ఈరోజు మా కోడలు సౌ|| కల్పన శ్రీమంతం.
కవిమిత్రులారా,
పై చిత్రమును పరిశీలించి తగిన పద్యము(ల)ను వ్రాయండి.
ఈరోజు మా కోడలు సౌ|| కల్పన శ్రీమంతం.
కవిమిత్రులు ఆశీస్సు లందజేయవలసిందిగా మనవి.
శ్రీమంతంబగు కందివంశమునకున్ శ్రీభూషయౌ రీతిగా
రిప్లయితొలగించండిప్రేమన్ జిల్కెడు వంశ వర్ధకుడు పృథ్విన్ జన్మనొందున్ హృదా
రామంబుల్ వెలుగొందజేయు ననుచున్ రమ్యాక్షరాశీస్సులన్
శ్రీమంతంపు వధూటి కల్పనకివే చెన్నొంద గావించెదన్
చిరం జీవి సౌభాగ్యవతి కల్పనకు హృదయ పూర్వక శుభా కాంక్షలు
రిప్లయితొలగించండికుం॥ సౌ॥ కల్పన శ్రీమంతం సంధర్భంగా హృదయపూర్వక శుభాశీస్సులు.
రిప్లయితొలగించండిహేమంతంబున జరిగెడు
శ్రీమంతంబిది సుగుణుని శ్రీరాముని మీ
ప్రేమను పొందెడు తనయుని
యీమహి మెచ్ఛంగ నిచ్చునీశుడుమీకున్!
గురువు గారికి హృదయ పూర్వకాభినందనలు. చిరంజీవి సౌభాగ్యవతి కల్పన గారికి శుభాకాంక్షలు.
రిప్లయితొలగించండికోడలి సీమంతంబని
రిప్లయితొలగించండివేడుక సెలవిచ్చినారు విబుధా! మనవం-
డాడుత బుడిబుడిగా నడ-
యాడుత నట్టింట మీకు హాయిగ త్వరలో.
(గర్భిణీ స్త్రీకి జేసే శుభ కార్యాన్ని శ్రీమంతం అంటారా లేక సీమంతం అంటారా అని నా సందేహం.)
మిస్సన్న మహోదయా! నమస్కారము. వాడుకలో రెండు పదములు గలవు. శ్రీమంతము-ఒప్పిదముగలది, సంపదగలది అని ఆంధ్రవాచస్పత్యము.స్త్రీకి నిజమైన సంపద సంతానమే గదా! ఇక సీమంతము అన్నది స్త్రీకి చేయు ఒక సంస్కారము. నా అవగాహనమేరకు చేప్పితిని. సవివరము పెద్దలు తెల్పవచ్చు.
రిప్లయితొలగించండిఅయ్యా! శ్రీ మిస్సన్న మహాశయా!
రిప్లయితొలగించండిశుభాశీస్సులు. బాగానే సెలవిచ్చేరు. సీమంతమే ఒప్పు.
శ్రీమంతమ్ముగ పర్వము
సీమంతము జరుగు ననుచు జిత్తంబలరన్
శ్రీమంతంబని నుడువుట
యో మిస్సన్నా! మహాత్మ! ఒప్పే యనమా?
కుం||సౌ|| కల్పన గారికి శుభాభినందనలు. మీ కుటుంబానికి సర్వశుభాలూ ఒనగూరాలని పరమేశ్వరుని ప్రార్థిస్తున్నాను.
రిప్లయితొలగించండితరుణులు గూడి మహాసం
రిప్లయితొలగించండిబరముగ సీమంతమునిట భళిరా యనగన్
జరిపించిరనెడు మంచి క
బురు విన మనమున మఱింత మోదము కూడున్.
అమ్మ ! కల్పన! శ్రీ మంత మమ్మ నీ కు
రిప్లయితొలగించండిజరుపు చుండిరి యింతులు స హృ దయముగ
అందు కొనుమమ్మ వారల యాశిసు లను
బంధు మిత్రులు దోడురా భవ్య ముగను .
అమ్మా ! కల్పన! వేగమె
యిమ్మా నొక మనుమరాలి నీ శా రూపున్
ఇమ్ముగ శంకరు సామికి
నెమ్మది నా శీ ర్వదింతు నిరతము నిన్నున్
పండితుల వారికి ప్రణామములు.
రిప్లయితొలగించండినిన్నటి మీ ఆశీస్సులు మాకు మఱింత ఉత్సాహమునిచ్చుచున్నవి.
పూజ్యశ్రీ కందిశంకరార్య సదనాన జరుగు సీమంతోత్సవానికి,
రిప్లయితొలగించండికులదీపకుండగు పౌత్రాగమనానికి స్వాగతం పలుకుతూ చి.ల.సౌ. కల్పన గారికి ఆశీఃపూర్వకముగా “స్వాగత” వృత్తమున
రాగ రంజిత సరాగపు “సీమం
తా”గమంబు సతతామని గాగన్
కౌగిలిన్ శిశువు “కల్పన “నిల్పన్
స్వాగతోత్సవము “పౌత్రుని” గాంచన్.
సౌఖ్యమబ్బుగాత, సత్పుత్రభాగ్యంబు
రిప్లయితొలగించండికలుగుగాత, శుభము కల్పనకిక
భగవదాశిషంబు పత్యనురాగంబు
లందుచుండుగాత యనవరతము.
శ్రీమంతము జరుపుకొనెడు
రిప్లయితొలగించండిశ్రీమతి కల్పనకు గల్గు శ్రీలును శుభముల్
ధీమంతుండగు తనయుడు
శ్రీమంతుడె పుట్టిపెరిగి చిరముగ బ్రదుకున్
తోపెల్ల సుబ్రహ్మణ్య శర్మ గారూ మీ వివరణకు ధన్యవాదాములండీ.
రిప్లయితొలగించండిసీమంతంబను వేడుక
రిప్లయితొలగించండిశ్రీ మంతంబైనదనుచు సెలవిచ్చిన శ్రీ
నేమాని పండితార్యా !
నేమోదంబందినాడ నిర్మల చరితా!
రిప్లయితొలగించండిచక్కనైనట్టి చెలువకు మక్కువగను
రమణులెల్లరు సలుపు సంరంభములను
హరువు మీర సీమంతమ్ము ,నతిమనోహ
రముగ జిత్రించె దామెర్ల రామరావు.
' సీమంతము 'అన్న పదమే సరియైనది.
రిప్లయితొలగించండిమీ కోడలు చి.సౌ.కల్పనకు నా శుభాకాంక్షలు.
సౌ|| కల్పన గారికి సర్వశుభాలూ ఒనగూరాలని పరమేశ్వరుని ప్రార్థిస్తున్నాను.
రిప్లయితొలగించండి
రిప్లయితొలగించండిఒక్క సుబ్బారావుగారు తక్క, అందరూ పుత్రుడు/మనుమడు పుట్టాలని దీవించారు.
2013లో కూడా ఇంత gender bias ఎందుకో?? :-)
చి.ల.సౌ|| కల్పనకు,
నిండుగ నవమాసంబులు
మెండుగ ఆరోగ్యమిచ్చి, మీవంశమునన్
పండంటి బిడ్డనొసగగ
తొండపుదేవునిఁ దలచుచు స్తుతియింతు మదిన్
pushyam garu!
రిప్లయితొలగించండిnamaskaramulu.now a days putrula kante putrikale manalanu aadaraabhimaanaalato chustaarani naa abhipraayamu.
రిప్లయితొలగించండినేను శుభాకాంక్షలు మాత్రం తెలిపానని గమనించగలరు.నాకు gender bias లేదు.పుట్టబోయే బిడ్డ ఆరోగ్యవంతంగా ఉండాలనే దీవిస్తున్నాను.(మగ ఐనా,ఆడ ఐనా.)
అందరి ఆశీర్వాదాలతో ‘సీమంతం’ వేడుక సంతోషకరంగా జరిగింది. శుభాకాంక్షలు తెలిపిన పూజ్యులు శ్రీ పండిత నేమాని గారికి, శ్రీమతి రాజేశ్వరి నేదునూరి గారికి, శ్రీ సహదేవుడు గారికి, శ్రీ గన్నవరపు నరసింహ మూర్తి గారికి, శ్రీ మిస్సన్న గారికి, శ్రీ తోపెల్ల బాల సుబ్రహ్మణ్య శర్మ గారికి, శ్రీమతి లక్ష్మీదేవి గారికి, శ్రీ సుబ్బారావు గారికి, శ్రీ హ.వేం.స.నా.మూర్తి గారికి, శ్రీ నాగరాజు రవీందర్ గారికి, శ్రీ కమనీయం గారికి, శ్రీ పుష్యం గారికి, ధన్యవాదాలు. అందరికీ నా నమస్కారాలు.
రిప్లయితొలగించండిమా కోడలు సౌ. కల్పన సీమంతానికి ఆశీస్సులందించిన కవిమిత్రులందరికీ ధన్యవాదాలు.
రిప్లయితొలగించండిపలికిరి శుభములు మా కో
డలి సీమంతమ్మునందు లలితములగు వా
క్కులతో పద్యమ్ములతో;
కలిగెను మోదమ్ము; నతులు కవిమిత్రులకున్.
*
‘సీమంతమే’ సరియైన పదం. ‘శ్రీమంతము’ శబ్దాన్ని విశేష్యంగా తీసుకుంటే దానికి కడిమిచెట్టు, రావిచెట్టు అనే అర్థాలు ఉన్నాయి. నేనే పొరబడ్డాను. మన్నించండి.
*
మా ఆవిడకు ‘మనుమడు’ కావాలనీ, నాకు ‘మనుమరాలు’ కావాలనీ ఉంది. ఈ విషయంలో మా యిద్దరి మధ్యా అప్పుడప్పుడు సంతోషకరమైన గొడవ జరుగుతూ ఉంటుంది. నేనెప్పుడైనా ‘నాకు మనుమరాలే కావాలి’ అంటే మా ఆవిడ ‘ఏమిటా అపశకునపు మాటలు? పైన తథాస్తు దేవతలుంటారు" అంటుంది.