అజ్ఞాత గారికి శుభాశీస్సులు. మీ పూరణలు ఎన్నడు కానరావేల? మీరు పద్యరచనలు చేస్తున్నపుడే అందరికీ ఆనందము. కేవలము ఇతరుల పద్యములను చూస్తూ మీ ప్రతిభలను చూపక పోతే ఏమి బాగుంటుంది? ఆ దిశలో ఒక అడుగు ముందునకు వేయండి. ఆకాశ రామన్న పేరుతో సరిపెట్టుకొనక మీ అసలు పేరుతో బయట పడండి. తెర వెనుక భాగవతములు మంచి పద్ధతులు కావు కదా. శుభం భూయాత్. స్వస్తి.
అయ్యా నేమానిగారు , తెర ముందు నడిచే భారతములను తెర వెనుక నుండే సరిదిద్దెదను అది కూడ తెలిసి తెలిసి గ్రామ్యములు వాడిన సందర్భాలలో మాత్రమని విన్నవించుకొనుచున్నాను. నేను చెప్పినదాని గురించి మీరు శ్రద్ధ చూపించెదరని ఆశించుచున్నాను . మీరేమో అది తప్ప తక్కినవన్నీ చెప్పుచున్నారు.
అయ్యా శంకరయ్యగారు, అక్కడ మంచు కురిసి అంటే కురవడం వలన అని కవి భావమనుకొనుచున్నాను . ఆసనం అని కాదేమో అనిపించుచున్నది , మీరు దయతో మరొక్కమారు పరిశీలించగలరని విన్నపం.
రయమున జూడ గోరె చనిరాగను నేడట సోయగంబులే
రిప్లయితొలగించండిభయమది వేయుచుండె మరి బాంబుల దాడులు జర్గునో నుషో
దయమున మేను వణ్కు నటు మీదట మంచులు గుర్సి ముంచునో
అయినను పోయి చూడవలె హస్తినలో గణతంత్ర పర్వమున్.
జయ జయ దేశమాత! యని సన్మతి పూని పతాకమొండు స
రిప్లయితొలగించండిన్నయముగ జూచుటొప్పు నయనమ్ముల విందగు సంబరమ్ములన్
రయముగ జేరుదామనిన ప్రఖ్య విమానమె దిక్కు బాపురే
అయినను పోయి చూడవలె హస్తినలో గణతంత్ర పర్వమున్
గోలివారి పూరణలో కుర్సి (కురిసి ?) , నేమాని గారి పూరణలో చేరుదాము (చేరుదము?) అనునవి మంచి ప్రయోగాలేనా ? చేరుదాము అనునది గ్రామ్యము వలెనున్నది అనిపించుచున్నది.
రిప్లయితొలగించండిఅజ్ఞాత గారికి శుభాశీస్సులు.
రిప్లయితొలగించండిమీ పూరణలు ఎన్నడు కానరావేల? మీరు పద్యరచనలు చేస్తున్నపుడే అందరికీ ఆనందము. కేవలము ఇతరుల పద్యములను చూస్తూ మీ ప్రతిభలను చూపక పోతే ఏమి బాగుంటుంది? ఆ దిశలో ఒక అడుగు ముందునకు వేయండి. ఆకాశ రామన్న పేరుతో సరిపెట్టుకొనక మీ అసలు పేరుతో బయట పడండి. తెర వెనుక భాగవతములు మంచి పద్ధతులు కావు కదా. శుభం భూయాత్. స్వస్తి.
అయ్యా నేమానిగారు , తెర ముందు నడిచే భారతములను తెర వెనుక నుండే సరిదిద్దెదను అది కూడ తెలిసి తెలిసి గ్రామ్యములు వాడిన సందర్భాలలో మాత్రమని విన్నవించుకొనుచున్నాను. నేను చెప్పినదాని గురించి మీరు శ్రద్ధ చూపించెదరని ఆశించుచున్నాను . మీరేమో అది తప్ప తక్కినవన్నీ చెప్పుచున్నారు.
రిప్లయితొలగించండిఅయ్యా శంకరయ్యగారు, అక్కడ మంచు కురిసి అంటే కురవడం వలన అని కవి భావమనుకొనుచున్నాను . ఆసనం అని కాదేమో అనిపించుచున్నది , మీరు దయతో మరొక్కమారు పరిశీలించగలరని విన్నపం.
అజ్ఞాత గారూ,
రిప్లయితొలగించండిమన్నించండి. నేను గోలి వారి పూరణ చూడక వ్యాఖ్యానించాను. దోషమే....
ట్రెయిను టికెట్ లభించుటన ఢిల్లికి నేడును కష్టమే సుమా !
రిప్లయితొలగించండిరయమున బోవనెంచిన సరాసరి ఫ్లైటున లేదు విత్తమున్
పయనము జేయ బస్సున నపాయము గల్గునొ ? చేరు టెప్పుడో !?
అయినను పోయి చూడవలె హస్తినలో గణతంత్ర పర్వమున్
క్షయమయె దేశ సంపద, విశాల ధరిత్రి విభాజితంబయెన్
రిప్లయితొలగించండి"స్వయ"మను పాలనాభిహితచట్టములన్, ప్రజ భీతి నొందు ని
ర్ణయముల భారతీయతయు నాశము నొందుచు నుండె; నేది యే
మయినను పోయి చూడవలె హస్తినలో గణతంత్ర పర్వమున్
ఓ మహిళ ఆలోచన:
రిప్లయితొలగించండిభయమగు బస్సులోనఁజన భంగము జేసెడు దూర్తులుండ ని
ర్భయ గతి పట్టు నేమొనని,రైలున బోవ ప్రమాద ముండునో? విమా
నయతనమన్న ప్రేలుడులె నామతి తోచును, గోర్కెతీరగా
నయినను పోయి చూడవలె హస్తినలో గణతంత్ర పర్వమున్
ఈ కామెంట్‌ను రచయిత తీసివేశారు.
రిప్లయితొలగించండిఅజ్ఞాత గారూ ! దోషమును తెలిపినందులకు ధన్యవాదములు. సవరించుచున్నాను.
రిప్లయితొలగించండిశంకరార్యా ! అది ' మంచు' కురిసి అనియే.. ధన్యవాదములు.
రయమున జూడ గోరె చనిరాగను నామది సోయగంబులే
భయమది వేయుచుండె మరి 'బాంబుల' దాడులు గల్గునో నుషో
దయమున మేను వణ్కు నటు మీదట మంచుయె తాకి ముంచునో
అయినను పోయి చూడవలె హస్తినలో గణతంత్ర పర్వమున్.
ప్రియముగ నయ్యె నిత్యమొకరీతిని పెంచగ నిత్య వస్తువుల్
రిప్లయితొలగించండిభయమగు చుండె జీవితపు భారము హెచ్చ జనాళి కంతటన్
నయమగు రీతి రాష్ట్రపతి న్యాయము చేయుదురేమొ యంచుమే
మయినను పోయి చూడవలె హస్తినలో గణతంత్ర పర్వమున్.
ఈనాటి సమస్యకు చక్కని పూరణలు చెప్పి అలరించిన కవిమిత్రులు....
రిప్లయితొలగించండిగోలి హనుమచ్ఛాస్త్రి గారికి,
పండిత నేమాని వారికి,
నాగరాజు రవీందర్ గారికి,
రాంభట్ల వారికి,
సహదేవుడు గారికి,
తోపెల్ల బాల సుబ్రహ్మణ్య శర్మ గారికి
అభినందనలు, ధన్యవాదాలు.
*
సహదేవుడు గారూ,
'ఏమొ + అని' అన్నప్పుడు యడాగమం వచ్చి 'ఏమొయని' అవుతుంది.
తెలదొరసాని పాలనయు తేరగ మ్రింగిన దొంగలచ్చటన్
రిప్లయితొలగించండివెలవెలబోవు రాష్ట్రపతి వేడుక మాటల గారడీలతో
అలసిన భారతాంబకును హారతి పట్టెడి వైనమేమిటో!
అయినను పోయి చూడవలె హస్తినలో గణతంత్ర పర్వమున్.
రిప్లయితొలగించండిజయజయ భారతీ ధ్వనుల జాతి సగర్వముగా రిపబ్లిక
క్షయమగు గాక యని చక్కగ కోట్ల జనాళి వేడుకన్
భయరహితమ్ముగా జరుపు పర్వవిశేషము కష్ట సాధ్యమే
యయినను పోయి చూడవలె హస్తినలో గణతంత్ర పర్వమున్.
గురువుగారికి తప్పు తెలియ జేసినందులకు ధన్యవాదములు
రిప్లయితొలగించండిమిత్రులు చంద్రశేఖర్ గారు మీ పద్యం బాగుంది. కాని ప్రాస పొరపడ్డారు.
శ్రీసహదేవుడుగారూ, మంచిపట్టే పట్టారు. గమనించనేలేదు. భావంకోసం ఇప్పటికి ఇలా కానిచ్చేద్దాం. సమయానుకూలంగా ఇంకో పూరణ ప్రయత్నిస్తాను. ధన్యవాదాలు.
రిప్లయితొలగించండిగురువు గారు,
రిప్లయితొలగించండిశంకరాభరణం సామరస్యంగా ఉండగలదని ఆశిస్తున్నాను.
మాబోటి (అ)జ్ఙానులకు కూడా కొంత తావు కల్పించగలరని ఆశించడం అత్యాశ కాబోదని అభిప్రాయపడుతున్నాను.
"చట్టము" అన్నచోట శాశన మన్న సవరణతో
రిప్లయితొలగించండిక్షయమయె దేశ సంపద, విశాల ధరిత్రి విభాజితంబయెన్
"స్వయ"మను పాలనాభిహితశాశనమున్, ప్రజ భీతి నొందు ని
ర్ణయముల భారతీయతయు నాశము నొందుచు నుండె; నేది యే
మయినను పోయి చూడవలె హస్తినలో గణతంత్ర పర్వమున్!!
చంద్రశేఖర్ గారూ,
రిప్లయితొలగించండిప్రాస తప్పినా మీ పూరణలోని ఉదాత్తమైన భావం అలరిస్తున్నది. అభినందనలు.
*
కమనీయం గారూ,
మీ పూరణ ప్రశస్తంగా ఉంది. అభినందనలు.
*శాసన
రిప్లయితొలగించండిరయమున బాలబాలికలు రంజిలు నాట్యము జేయుచుండ వి
రిప్లయితొలగించండిస్మయమును గొల్పునట్టి మన సైన్యము వింతలు సల్పుచుండగా
భయమును గొల్పు చల్లనగు వాయువు వీచును, శీతకాలమే
అయినను పోయి చూడవలె హస్తినలోగణతంత్ర పర్వమున్
రయమున స్కూటరెక్కుచును రంగుల టీవిని మార్కెటందునన్
రిప్లయితొలగించండిభయమును వీడి గైకొనుచు భామకు తోడుత మంచమెక్కుచున్
నయమున చూడ వచ్చుగద నందము మీర పకోడి మేయుచున్...
అయినను పోయి చూడవలె హస్తినలో గణతంత్ర పర్వమున్
ప్రియముగ నేడిపించగను పిండిని రుబ్బెడి నత్తగారినిన్
* యత్తగారినిన్
తొలగించండి