తోపెల్ల బాల సుబ్రహ్మణ్య శర్మ గారూ, మీ పూరణ బాగుంది. అభినందనలు. జనబాహుళ్యంలో ప్రచారంలో ఉన్న కథే కాని నరకుని చంపింది శ్రీకృష్ణుడే... * గోలి హనుమచ్ఛాస్త్రి గారూ, బాగుంది మీ పూరణ. అభినందనలు. * సుబ్బారావు గారూ, మీ పూరణ బాగుంది. అభినందనలు. మొదటి పాదం నడక కొద్దిగా ఇబ్బంది పెడుతున్నది. ఇలా మార్చితే ఎలా ఉంటుంది? "నరక విభుని పాలనము నరకము గాగ" * లక్ష్మీదేవి గారూ, బాగుంది మీ పూరణ. అభినందనలు. * పండిత నేమాని వారూ, మీ ప్రశంసాపద్యానికి ధన్యవాదాలు. 'సద్గురుండు" అన్నారు. అక్కడ "సజ్జనుండు" అంటే చాలేమో... నేను బోధగురువును కాదు, బాధగురువును.... మీ స్వపరిష్కృత పూరణ చాలా బాగుంది. అభినందనలు. * నాగరాజు రవీందర్ గారూ, లోకమాతపై మీ పూరణ బాగుంది. అభినందనలు.
తోపెల్ల బాల సుబ్రహ్మణ్య శర్మ గారూ, శ్రీకృష్ణుని మేనత్త పేరును బాగానే గుర్తుంచుకున్నారే! సవరించిన మీ పూరణ బాగుంది. అభినందనలు. మూడవ పాదంలో ప్రాసయతి తప్పింది. ప్రాస పూర్వాక్షర లఘు గురు సామ్యాన్ని పాటించాలి కదా! "నూరు చేయగ గిరి ధారుండు సాత్వతీ" అందాం....
నరక బాధ పెట్టు నరకుని పాలనన్
రిప్లయితొలగించండిబ్రతుక లేము కావ రావ దేవ
యనుచు మెరను పెట్ట, సత్యభామతనదు
తనయుఁ జంపి చేసె జనహితమ్ము.
ధరను మునుల పుణ్య నరులనే హింసించ
రిప్లయితొలగించండిదానవారి హరిని దరికి జేరి
వేడు కొనగ సురలు వేంచేసి కైకసీ
తనయుఁ జంపి చేసె జనహితమ్ము.
నరకు విభుని పాల న నరకమ్ము కతన
రిప్లయితొలగించండివేడ ప్రజలు ,సురలు విష్ణు నపుడు
లోక హితము కొఱకు లోకేశు నర్ధాంగి
తనయు జంపి చేసె జన హితమ్ము .
శ్రీరాముడు......
రిప్లయితొలగించండియజ్ఞ వాటిక నెడ నాటంక పఱచుచు
రక్తమాంసములను రంగరించి
కుమ్మరింప జూచి కోపించి తాటకా
తనయుఁ జంపి చేసె జనహితమ్ము.
మన శ్రీ శంకర సద్గురుండు కవి సమ్మాన్యుండు సోత్సాహియై
రిప్లయితొలగించండియనునిత్యంబు ననేక ప్రక్రియలతో నందంబుగా సాహితీ
వనిలోనన్ దగు శిక్షణన్ బొసగగా పద్య ప్రపంచంబునన్
విను వీధిన్ విహరించు సభ్యవితతిన్ వేడ్కన్ బ్రశంసించెదన్
దుర్గము డనువాడు దుష్టరాక్షసు డొండు
రిప్లయితొలగించండిజనుల కష్టపెట్ట కినిసి హిమజ
సకల ప్రాణులకును జనని గావున తానె
తనయు జంపి చేసె జనహితమ్ము
తనయు జంపి చేసె జనహితమ్ము నొకర్తె
రిప్లయితొలగించండిక్ష్మాస్వరూపయైన సత్యభామ
జనకు నానతిమెయి జనని నొక్కడు చంపె
భద్రగుణ రతుండు భార్గవుండు
చిన్న సవరణతో:
రిప్లయితొలగించండితనయు జంపి చేసె జనహితమ్ము నొకండు
చక్రపాణి నరకు సంహరించి
జనకు నానతి మెయి జనని నొక్కడు జంపె
భద్రగుణరతుండు భార్గవుండు
తోపెల్ల బాల సుబ్రహ్మణ్య శర్మ గారూ,
రిప్లయితొలగించండిమీ పూరణ బాగుంది. అభినందనలు.
జనబాహుళ్యంలో ప్రచారంలో ఉన్న కథే కాని నరకుని చంపింది శ్రీకృష్ణుడే...
*
గోలి హనుమచ్ఛాస్త్రి గారూ,
బాగుంది మీ పూరణ. అభినందనలు.
*
సుబ్బారావు గారూ,
మీ పూరణ బాగుంది. అభినందనలు.
మొదటి పాదం నడక కొద్దిగా ఇబ్బంది పెడుతున్నది. ఇలా మార్చితే ఎలా ఉంటుంది?
"నరక విభుని పాలనము నరకము గాగ"
*
లక్ష్మీదేవి గారూ,
బాగుంది మీ పూరణ. అభినందనలు.
*
పండిత నేమాని వారూ,
మీ ప్రశంసాపద్యానికి ధన్యవాదాలు. 'సద్గురుండు" అన్నారు. అక్కడ "సజ్జనుండు" అంటే చాలేమో... నేను బోధగురువును కాదు, బాధగురువును....
మీ స్వపరిష్కృత పూరణ చాలా బాగుంది. అభినందనలు.
*
నాగరాజు రవీందర్ గారూ,
లోకమాతపై మీ పూరణ బాగుంది. అభినందనలు.
శ్రీకృష్ణునికి నరకాంతకుడు అనే పేరు మరిచి పుక్కిట గాధను ఎన్నితిని.గురువుగారి యొక్కసూచన పూజ్యశ్రీ పండితులవారి పునఃపూరణ చూచి నాపునఃప్రయత్నము
రిప్లయితొలగించండిఎగ్గు సిగ్గు లేక నెగ్గించి పెద్దలన్
దబ్బర పనులు కడు నిబ్బరమున
నూరు చేయగ గిరి ధరుడంత సాత్వతీ
తనయుఁ జంపి చేసె జనహితమ్ము.
తోపెల్ల బాల సుబ్రహ్మణ్య శర్మ గారూ,
రిప్లయితొలగించండిశ్రీకృష్ణుని మేనత్త పేరును బాగానే గుర్తుంచుకున్నారే! సవరించిన మీ పూరణ బాగుంది. అభినందనలు.
మూడవ పాదంలో ప్రాసయతి తప్పింది. ప్రాస పూర్వాక్షర లఘు గురు సామ్యాన్ని పాటించాలి కదా!
"నూరు చేయగ గిరి ధారుండు సాత్వతీ" అందాం....
తనదు పుత్రుఁలోక దనుజుడనగ
రిప్లయితొలగించండితల్లియోర్వగలదెధరణి మీద
నరకుఁ బట్టి సత్య , నారాయణుని గూడి
తనయుఁ జంపి చేసె జనహితమ్ము