చక్కని పూరణలు చేసిన రవీందర్ గారికి బాల సుబ్రహ్మణ్యం గారికి అభినందనలు. ఆర్యా ! నిజమే " జేసెన్ననుజుడు " అంటే సరిపోతుంది. అయినా పదాలు ( సమాసము కానివి) వేరు, పాదాలు వేరు కనుక తప్పులేదని భావించుచున్నాను. గురువులు సందేహము తీర్తురు గాక. ధన్యవాదములు
నాగరాజు రవీందర్ గారూ, బాగుంది మీ పూరణ. అభినందనలు. 'తను ప్రేమించుచు' అన్నదానిని 'తననే వలచిన' అంటే ఎలా ఉంటుంది? * గోలి హనుమచ్ఛాస్త్రి గారూ, మంచి విషయంతో పూరణ చెప్పారు. బాగుంది. అభినందనలు. 'చేసెన్ + అనుజుడు = చేసె ననుజుడు' అవుతుంది. 'చేసె న్ననుజుడు' వంటి రూపాలు అక్కడక్కడ కనిపించినా పండితామోదాలు కావు. అజ్ఞాత గారు చెప్పినట్లు వాక్య ప్రారంభం కనుక అనుజుడు అని అచ్చుతో మొదలుపెట్టవచ్చు. * తోపెల్ల బాల సుబ్రహ్మణ్య శర్మ గారూ, మీ పూరణ మనోహరంగా ఉంది. అభినందనలు. * అజ్ఞాత గారూ, మీ పూరణ బాగుంది. అభినందనలు. * సహదేవుడు గారూ, బాగుంది మీ పూరణ. అభినందనలు.
సుబ్బారావు గారూ, బాగుంది మీ పూరణ. అభినందనలు. 'కామేశ్వరియున్ + అనురాగము' అన్నప్పుడు నుగాగమం రాదు కదా... కామేశ్వరియే యనురాగము'... అందామా? * డా. ప్రయాగ శ్రీరామచంద్రమూర్తి గారూ, మంచి భానంతో చక్కని పూరణ చెప్పారు. అభినందనలు. మొదటి పాదంలో ఒక లఘువు తక్కువయింది. 'మన సెరిగిన తన ప్రియుఁ గా/దని....' అంటే ఎలా ఉంటుందంటారు?
శంకరార్యులకు, పండిత నేమాని గారికి, అజ్ఞాతగారికి, బాల సుబ్రహ్మణ్యం గారికి, సహదేవుడు గారికి ధన్యవాదములు. మీ మీ సూచనలతో పూరణను సవరించుచున్నాను. చక్కని పూరణలు చేసిన మిత్రులందరికీ అభినందనలు.
సహదేవుడు గారూ, మంచి పట్టే పట్టారు. వాస్తవాన్ని చెప్పిన మీ పూరణ బాగుంది. అభినందనలు. అన్నట్టు.... ఐశ్వర్యారాయ్ కంటే అభిషేక్ బచ్చన్ చిన్నవాడని విన్నాను. నిజమేనా?
మను వాడెదమని యెందఱొ
రిప్లయితొలగించండిచనుదెంచిరి చిన్నదాని సరసకు యువకుల్
తను ప్రేమించుచు మనసి
చ్చిన వానిని పెండ్లియాడి చేడియ మురిసెన్.
వినగా నాతని లీలలు
రిప్లయితొలగించండిమనమందున హరిని నిలిపి మన్నన జేసెన్
అనుజుడు వలదన మది దో
చినవానిని పెండ్లియాడి చేడియ మురిసెన్.
మనసున మనసై తలపుల
రిప్లయితొలగించండివనమున మురిపెము లెనయుచు వడివడి చదువన్
చిననాటి నుండి తావల
చినవానిని పెండ్లియాడి చేడియ మురిసెన్.
శ్రీ శాస్త్రి గారూ! రుక్మిణీ ఘట్టం బాగుంది.చిన్న మనవి.
రిప్లయితొలగించండిజేసెన్ + అనుజు. సంధికార్యం తప్పదు.పరిశీలించండి.
చక్కని పూరణలు చేసిన రవీందర్ గారికి బాల సుబ్రహ్మణ్యం గారికి అభినందనలు.
రిప్లయితొలగించండిఆర్యా ! నిజమే " జేసెన్ననుజుడు " అంటే సరిపోతుంది. అయినా పదాలు ( సమాసము కానివి) వేరు, పాదాలు వేరు కనుక తప్పులేదని భావించుచున్నాను. గురువులు సందేహము తీర్తురు గాక. ధన్యవాదములు
అనగనగరుక్మిణీసతి
రిప్లయితొలగించండివినియెనుగోవిందు గూర్చివేడుకతోడన్
మనమున తలచెను, ప్రేమిం
చినవానిని పెండ్లియాడి చేడియ మురిసెన్ .
జేసెన్ననుజుడు
రిప్లయితొలగించండిజేసెన్ + అనుజుడు = జేసెననుజుడు
ఇక్కడ ద్విత్తాక్షరం వస్తుందా?
జేసెన్ అనుజుడు
రిప్లయితొలగించండినిజమే పాదాలు వేరు కనుక తప్పులేదని భావించుచున్నాను.
తన దాని నౌదు ననుచున్
రిప్లయితొలగించండివినతుల రుక్మిణి బనుపగ విప్రుని తోడన్
గొనిపోవనెంచి యరుదెం
చినవానిని పెండ్లియాడి చేడియ మురిసెన్!
మిత్రులు గోలి వారు యిలా సవరిస్తే ఎలా వుంటుంది?
రిప్లయితొలగించండి'మన్నన జేయగ
ననుజుడు వలదన...'
స్వస్తి .
నాగరాజు రవీందర్ గారూ,
రిప్లయితొలగించండిబాగుంది మీ పూరణ. అభినందనలు.
'తను ప్రేమించుచు' అన్నదానిని 'తననే వలచిన' అంటే ఎలా ఉంటుంది?
*
గోలి హనుమచ్ఛాస్త్రి గారూ,
మంచి విషయంతో పూరణ చెప్పారు. బాగుంది. అభినందనలు.
'చేసెన్ + అనుజుడు = చేసె ననుజుడు' అవుతుంది. 'చేసె న్ననుజుడు' వంటి రూపాలు అక్కడక్కడ కనిపించినా పండితామోదాలు కావు.
అజ్ఞాత గారు చెప్పినట్లు వాక్య ప్రారంభం కనుక అనుజుడు అని అచ్చుతో మొదలుపెట్టవచ్చు.
*
తోపెల్ల బాల సుబ్రహ్మణ్య శర్మ గారూ,
మీ పూరణ మనోహరంగా ఉంది. అభినందనలు.
*
అజ్ఞాత గారూ,
మీ పూరణ బాగుంది. అభినందనలు.
*
సహదేవుడు గారూ,
బాగుంది మీ పూరణ. అభినందనలు.
మనమున వలచిన వానిని,
రిప్లయితొలగించండితన మనమున గలుగు వాని, తన బావను స
జ్జను లెల్లర పజ్జన నిలి
చినవానిని పెండ్లియాడి చేడియ మురిసెన్.
రిప్లయితొలగించండిచినవాఁడఁ గాను, ప్రేమిం
చినవాఁడను, నీదు వన్నె చిన్నెలఁ గీర్తిం
చినవాఁడ ననఁగఁ దా మె
చ్చినవానిని పెండ్లియాడి చేడియ మురిసెన్.
చింతా రామ కృష్ణా రావు గారూ,
రిప్లయితొలగించండిసజ్జనుల పజ్జన నిలిచినవాడికి వేరే యోగ్యత లేముంటాయి? అద్భుతమైన పూరణ. ధన్యవాదాలు.
వినుమీ సంగతి మొదటన
రిప్లయితొలగించండికనులకు పెను విందు సేయు కామేశ్వరియున్
ననురాగముతో దా వల
చిన వానిని పెండ్లి యాడి చేడియ మురిసెన్ .
మనసెరిగిన ప్రియుని కా
రిప్లయితొలగించండిదని మనలేనని మనసున దలచుచు వాడే
తన సర్వంబని తావల
చినవానిని పెండ్లియాడి చేడియ మురిసెన్.
- - -
డా. ప్రయాగ శ్రీరామచంద్రమూర్తి
బెంగుళూరు
సుబ్బారావు గారూ,
రిప్లయితొలగించండిబాగుంది మీ పూరణ. అభినందనలు.
'కామేశ్వరియున్ + అనురాగము' అన్నప్పుడు నుగాగమం రాదు కదా... కామేశ్వరియే యనురాగము'... అందామా?
*
డా. ప్రయాగ శ్రీరామచంద్రమూర్తి గారూ,
మంచి భానంతో చక్కని పూరణ చెప్పారు. అభినందనలు.
మొదటి పాదంలో ఒక లఘువు తక్కువయింది. 'మన సెరిగిన తన ప్రియుఁ గా/దని....' అంటే ఎలా ఉంటుందంటారు?
శ్రీ గోలి హనుమఛ్ఛాస్త్రి గారూ!
రిప్లయితొలగించండిమీ పద్యము బాగున్నది. రుక్మి రుక్మిణికి అనుజుడా? అగ్రజుడగునని నా భావన. స్వస్తి.
తనమనసును తడవకనే
రిప్లయితొలగించండితనపెండ్లిని చేయబూన తగునా మీకున్
కినుకను తెలిపియు తను వల
చినవానిని పెండ్లియాడి చేడియ మురిసెన్
డా. ప్రభల రామలక్ష్మి
రిప్లయితొలగించండిగురువు గారూ ! మీ సూచన మేరకు మార్పులు చేయగా :
మను వాడెదమని యెందఱొ
చనుదెంచగ చిన్నదాని సరసకు యువకుల్
తను నచ్చిన వాడిని యా
చిన వానిని పెండ్లియాడి చేడియ మురిసెన్.
ఈ కామెంట్‌ను రచయిత తీసివేశారు.
రిప్లయితొలగించండిమరియొక చిన్న మార్పుతో :
రిప్లయితొలగించండిమను వాడెదమని యెందఱొ
చనుదెంచగ చిన్నదాని సరసకు యువకుల్
తను నచ్చిన వాడిని నొక
చినవానిని పెండ్లియాడి చేడియ మురిసెన్.
మునుపెన్నడు గాంచ నట్టి
రిప్లయితొలగించండికనువిందగు సొగసు లెన్నొ కనుపించగనే !
మనమున సంతస మొందుచు
చిన వానిని పెండ్లి యాడి చేడియ మురిసెన్ !
ఇదొక చిన్న ప్రయత్నము:
రిప్లయితొలగించండిమనములు కలియ విమలు వల
చిన వానిని పెండ్లియాడి చేడియ మురిసెన్
జనతతి చేరి పొగడ నతి
వినయగుణు రమణు శుభాంగు విజ్ఞు నరవరున్
నరవరున్ మనోహరుని మనములు కలియ
విమలు వలచిన వానిని పెండ్లియాడి
చేడియ మురిసెన్ జనతతి చేరి పొగడ
నతి వినయగుణు రమణు శుభాంగు విజ్ఞు
శంకరార్యులకు, పండిత నేమాని గారికి, అజ్ఞాతగారికి, బాల సుబ్రహ్మణ్యం గారికి, సహదేవుడు గారికి ధన్యవాదములు. మీ మీ సూచనలతో పూరణను సవరించుచున్నాను.
రిప్లయితొలగించండిచక్కని పూరణలు చేసిన మిత్రులందరికీ అభినందనలు.
వినగా నాతని లీలలు
మనమందున హరిని నిలిపి మన్నన జేసెన్
తనయన్న నెదిరి మది దో
చినవానిని పెండ్లియాడి చేడియ మురిసెన్.
డా. ప్రభల రామలక్ష్మి గారూ,
రిప్లయితొలగించండిమీ పూరణ బాగుంది. అభినందనలు.
*
రాజేశ్వరి అక్కయ్య గారూ,
పూరణ బాగుంది. అభినందనలు.
మొదటి పాదంలో గణదోషం...
మునుపెన్నడు గాంచని యా
కనువిందగు..... అని సవరిద్దాం.
*
పండిత నేమాని వారూ,
గర్భకవిత్వంతో సమస్యాపూరణమా! అద్భుతమైన ప్రయోగం.
మీ కంద గర్భిత గీతం అలరించింది. ధన్యవాదాలు.
*
హనుమచ్ఛాస్త్రి గారూ,
సవరించిన మీ పూరణ చాలా బాగుంది. అభినందనలు.
శాస్త్రిగారూ! అద్భుతముగా వచ్చింది. అభినందనలు.
రిప్లయితొలగించండిపండితార్యా!ఏమి మా అదృష్టము. క్రొత్తదారి చూపినారు. ధన్యులము.
రిప్లయితొలగించండిమొనగాడు పరుగు లందు స
రిప్లయితొలగించండిచిను టెండూల్కరు, వయసున చినవా డైనన్
ఘనుడని యంజలి మది మె
చ్చిన వానిని పెండ్లి యాడి చేడియ మురిసెన్!
సహదేవుడు గారూ,
రిప్లయితొలగించండిమంచి పట్టే పట్టారు. వాస్తవాన్ని చెప్పిన మీ పూరణ బాగుంది. అభినందనలు.
అన్నట్టు.... ఐశ్వర్యారాయ్ కంటే అభిషేక్ బచ్చన్ చిన్నవాడని విన్నాను. నిజమేనా?
గురువుగారికి నమస్సులు,
రిప్లయితొలగించండిధన్యవాదములు.నేను కూడ చదివినట్లు గుర్తు. ఐశ్వరే పెద్దదై వుండొచ్చు నేమొనండి. స్వస్తి .
రిప్లయితొలగించండికం//
నునుపుగ మీసము తీసిన
వనితల వలె ఉండుననెడి భావము తోడన్
ఘనముగ సరి మీసము మొల
చినవానిని పెండ్లియాడి చేడియ మురిసెన్
అయ్యా,
రిప్లయితొలగించండిప్రాసకోసం 'వనితలు' అనవలసివచ్చినది కాని, నాలాగున మీసము లేనివారందరూ కోపగించుకోవద్దని మనవి.
మీసమూడినంత రోసము పోదయా
జుట్టు నెరిసినంత పట్టుపోదు
తోకలేని పులికి తేకువ తక్కువా
తరచి చూచినంత ధరణిలోన
వినయము విద్యయు రూపము
రిప్లయితొలగించండిమనమున సంతసము శాంతి మాయలె యనుచున్
ఘనముగ నల్లధనము దా
చినవానిని పెండ్లియాడి చేడియ మురిసెన్
కనగా క్రికెట్టు నందున
రిప్లయితొలగించండిఘనమగు రీతిని పరుగిడు గండరగండున్
తనకన్న నారు సాలులు
చినవానిని పెండ్లియాడి చేడియ మురిసెన్