శ్రీ శ్రీరామచంద్రుడు గారికి శుభాశీస్సులు. మీ నుండి వెలువడిన మంచి వాక్యములు చాల ఆనందము కూర్చినవి. మనకు ముఖతః పరిచయము లేదు. మీలోని కవిత్వపరమైన వినయగుణమును ప్రశంసించుచున్నాను. నా పేరు నేమాని రామజోగి సన్యాసి రావు, ప్రస్తుత నివాసము విశాఖపట్టణము. 12వ ఏటి నుండి పద్య విద్య అలవడినది. తెలుగులో చదువు పి.యు.సి. వరకు మాత్రమే. అంతా శ్రుత పాండిత్యమే. భగవత్ కటాక్షము వలన పూర్వము అష్టావధానములను చేసితిని. అనేకపద్య కావ్యములను స్తోత్రములను వ్రాసితిని. మిత్రులతో కాలక్షేపమునకు శంకరాభరణము మరియు ఆంధ్రామృతము బ్లాగులను చూస్తూ ఉంటాను. వృత్తి పరముగా కంపనీ సెక్రెటరీ -- ప్రస్తుతము విశ్రాంత జీవితమే. స్వస్తి.
విష్ణుస్తుతిని మనోహరంగా చేసిన కవిమిత్రులు... పండిత నేమాని వారికి, గోలి హనుమచ్ఛాస్త్రి గారికి, తోపెల్ల బాల సుబ్రహ్మణ్య శర్మ గారికి, సుబ్బారావు గారికి అభినందనలు, ధన్యవాదాలు. * శ్రీరామచంద్రుడు గారూ, నా బ్లాగును వీక్షించి మీ సదభిప్రాయాన్ని తెలిపినందుకు ధన్యవాదాలు.
డా. ప్రభల రామలక్ష్మి గారూ, మీ పద్యంలోని భావం మనోహరంగా ఉంది. అభినందనలు. మొదటి పాదంలో 'తులైన' అన్నచోట గణదోషం. 'తులయిన' అంటే సరి! * సహదేవుడు గారూ, మీ పద్యం మనోహరంగా ఉంది. అభినందనలు.
పూజనీయులైన, పండిత శ్రీ ఎన్. ఆర్. ఎస్. రావు గార్కి, వందన శతములు. చిన్ననాటినుండి నేనెవరికైనా ఉత్తరము వ్రాసే భాష ఇదే ధోరణిలో ఉంటుంది. వ్యవహారిక భాషోద్యమం అంటూ కొంతమంది ప్రముఖులు చేసిన ప్రయత్నములకు నేను పూర్తి వ్యతిరేకిని. ఇది ప్రయత్నపూర్వకముగా అవలంబించినది కాదని మనవి చేస్తున్నాను. తమబోటి పెద్దలు నా ధోరణి మార్చుకోమని సూచించిన యెడల వినయంగా స్వీకరిస్తాను. దయచేసి దిశానిర్దేశం చేయగలరు.
శ్రీ సహదేవుడుగారికి, మీ పద్యం ప్రాతఃస్మరణీయ పద్యాలలో ఒకటిగా చేసుకోవచ్చనే భావన కలుగుతున్నది.
సహస్ర శీర్ష శోభితాయ సత్యమూర్తయే నమః
రిప్లయితొలగించండిసహస్ర దివ్య లోచనాయ చారుమూర్తయే నమః
సహస్ర పాదపంకజాయ సౌఖ్యదాయ తే నమః
సహస్ర దివ్య నామ రూప సంధృతాయ తే నమః
క్షీర సాగర సుతా చిత్తాబ్జ మకరంద
పాన విలోలాయ తే నమోస్తు
వేదసంస్తుత్యాయ వేదాంత వేద్యాయ
త్రిభువన నాథాయ తే నమోస్తు
భోగీంద్ర శయనాయ యోగీంద్ర వరదాయ
నానావతారాయ తే నమోస్తు
సురబృంద పూజిత చరణ సరోజాయ
జ్ఞాన నిధానాయ తే నమోస్తు
ధర్మ సంరక్షణ విధాన తత్పరాయ
దినకర సహస్ర దీప్తాయ తే నమోస్తు
చక్రరాజయుధ ధరాయ శాశ్వతాయ
దీనలోక శరణ్యాయ తే నమోస్తు
తేటగీతిలో ఒక టైపు పొరపాటు:
రిప్లయితొలగించండి3వ పా: చక్ర రాజాయుధ ధరాయ శాశ్వతాయ అని పాదము ఉండాలి.
వాయు పుత్రుడు స్తోత్రంబు చేయు చుండ
రిప్లయితొలగించండిగరుడు డొకవైపు కదలక కరము మోడ్ప
శంఖ చక్రమ్ము గద తోడ సదయు డైన
హరిని భజియింతు నామది నార్తి తోడ
మరొక ప్రయత్నము:
రిప్లయితొలగించండిపరమ భక్త శేఖరులగు పక్షిరాజ పావనుల్
చరణ దివ్య వారిజాత సన్నిధిన్ జెలంగగా
నిరత విశ్వపాలనాత్త నిర్మలాత్ము శ్రీహరిన్
సరసిజాక్షు సాగరాత్మజావిభున్ నుతించెదన్
భారతీకృపాకటాక్షపాతృలగు, పండిత నేమానివారికి సాదర ప్రణామములు,
రిప్లయితొలగించండిమీచే కావింపబడిన పద్యరచన తిక్కనార్యుని హరిహరనాథ స్తొత్రంవలె మంచి సొబగునొందింది. అద్భుతం. అటులనే. పరమ భక్త శేఖరులగు.... అను రచన " చంద్రశేఖర, చంద్రశేఖర, చంద్రశేఖర పాహిమాం...... స్తొత్రంవలె కడు రమ్యంగా ఉంది. ధన్యవాదములు. "రసనకు బూతవృత్తి సుకరంబుగ చేకురునట్లు వాక్సుధారసములు జిల్క పద్యముఖరంగమునందు నటింపవయ్య". నా భావొద్వేగానికి అక్షర రూపమీయదలచి జేసిన ప్రయత్నమందు దోషములున్నయెడల క్షంతవ్యుణ్ణి, అటులనె పెద్దవారైన తమ పూర్తి నామధేయంబెరుంగక తమ ఇంటి పేరుతోనే సంబోధన చేసినందులకు మన్నించగలరు.
శ్రీ శ్రీరామచంద్రుడు గారికి శుభాశీస్సులు.
రిప్లయితొలగించండిమీ నుండి వెలువడిన మంచి వాక్యములు చాల ఆనందము కూర్చినవి. మనకు ముఖతః పరిచయము లేదు. మీలోని కవిత్వపరమైన వినయగుణమును ప్రశంసించుచున్నాను. నా పేరు నేమాని రామజోగి సన్యాసి రావు, ప్రస్తుత నివాసము విశాఖపట్టణము. 12వ ఏటి నుండి పద్య విద్య అలవడినది. తెలుగులో చదువు పి.యు.సి. వరకు మాత్రమే. అంతా శ్రుత పాండిత్యమే. భగవత్ కటాక్షము వలన పూర్వము అష్టావధానములను చేసితిని. అనేకపద్య కావ్యములను స్తోత్రములను వ్రాసితిని. మిత్రులతో కాలక్షేపమునకు శంకరాభరణము మరియు ఆంధ్రామృతము బ్లాగులను చూస్తూ ఉంటాను. వృత్తి పరముగా కంపనీ సెక్రెటరీ -- ప్రస్తుతము విశ్రాంత జీవితమే. స్వస్తి.
పక్షిరాజ పవనసుత పరమభక్త
రిప్లయితొలగించండిగుణగణాంచిత ధీరుల కొల్వబడుచు
శంఖచక్రములిరుచేత శౌరిపట్టి
నాదు కష్టముల్ తీర్పుమా ! నతులొనర్తు
ఆంజ నేయుడు కైదండ లంద జేయ
రిప్లయితొలగించండిగరుడు డాది పురుషునకు కరము లెత్తి
వంద నంబులు జేయగ వాసు దేవు
డభయ మిచ్చెను నిరువుర కపుడు చూడు .
విష్ణుస్తుతిని మనోహరంగా చేసిన కవిమిత్రులు...
రిప్లయితొలగించండిపండిత నేమాని వారికి,
గోలి హనుమచ్ఛాస్త్రి గారికి,
తోపెల్ల బాల సుబ్రహ్మణ్య శర్మ గారికి,
సుబ్బారావు గారికి
అభినందనలు, ధన్యవాదాలు.
*
శ్రీరామచంద్రుడు గారూ,
నా బ్లాగును వీక్షించి మీ సదభిప్రాయాన్ని తెలిపినందుకు ధన్యవాదాలు.
పరమ భాగవతులైన భక్తులిచట
రిప్లయితొలగించండిచేరి కొలుచుచునుండెగా శ్రీనివాసు
పనియు తగిలిన తీతురు పరుగులెన్నొ
సమయముండిన కొలుతురు సరసిజాక్షు
తోపెల్ల బాల సుబ్రహ్మణ్య శర్మ గారు,
రిప్లయితొలగించండిమీ పద్యం చాలా హృద్యం గా ఉంది.
అభినందనలు.
నారద తుంబుర వందిత!
రిప్లయితొలగించండిమారుతి ఖగరాజ సేవ మాకందరికిన్
జేరగ నీ పద సన్నిధి
దారుల నిడె శంఖ చక్ర ధారీ! శౌరీ!
డా. ప్రభల రామలక్ష్మి గారూ,
రిప్లయితొలగించండిమీ పద్యంలోని భావం మనోహరంగా ఉంది. అభినందనలు.
మొదటి పాదంలో 'తులైన' అన్నచోట గణదోషం. 'తులయిన' అంటే సరి!
*
సహదేవుడు గారూ,
మీ పద్యం మనోహరంగా ఉంది. అభినందనలు.
పూజనీయులైన, పండిత శ్రీ ఎన్. ఆర్. ఎస్. రావు గార్కి,
రిప్లయితొలగించండివందన శతములు. చిన్ననాటినుండి నేనెవరికైనా ఉత్తరము వ్రాసే భాష ఇదే ధోరణిలో ఉంటుంది. వ్యవహారిక భాషోద్యమం అంటూ కొంతమంది ప్రముఖులు చేసిన ప్రయత్నములకు నేను పూర్తి వ్యతిరేకిని. ఇది ప్రయత్నపూర్వకముగా అవలంబించినది కాదని మనవి చేస్తున్నాను. తమబోటి పెద్దలు నా ధోరణి మార్చుకోమని సూచించిన యెడల వినయంగా స్వీకరిస్తాను. దయచేసి దిశానిర్దేశం చేయగలరు.
శ్రీ సహదేవుడుగారికి,
మీ పద్యం ప్రాతఃస్మరణీయ పద్యాలలో ఒకటిగా చేసుకోవచ్చనే భావన కలుగుతున్నది.