మర్మ మెరిగిన వ్యాసుని మాట గొనుచు ధర్మ రాజాదులు గనిన ధర్మ మార్గ మదియె తమ్ముని భార్యయై మసలు నపుడు ధర్మ సుతునకుఁ బాంచాలి తనయ గాదె?
ఆర్యా ! పండిత నేమాని వారికి అనేక నమస్కారములు. మర్మ అని రాసినపుడు యతి సరిపోతుంది మరియు ధర్మ రహస్యము మర్మమినదే కావున సందర్భోచితంగా ఉంటుంది అనే భావన తో మర్మ అని మార్చినాను. చిత్తగించగలరు.
కవిమిత్రులకు నమస్కౄతులు. కొద్ది రోజులుగా అనారోగ్యం, ఆపై తప్పని సరిగా ఊళ్ళు తిరగడం కారణంగా పూరణలపై, పద్యాలపై, వ్యాఖ్యలపై వెంటవెంటనే స్పందించలేక పోతున్నాను. ఈరోజు మా మనుమడి నామకరణోత్సవము. అదికూడా మా కోడలి ఊళ్ళో.. రేపటి నుండి తప్పక అందుబాటులో ఉంటాను. మన్నించండి.. నిన్నటి సమస్యకు చక్కని పూరణలు పంపిన కవిమిత్రులు... సంపత్ కుమార్ శాస్త్రి గారికి, గుండు మధుసూదన్ గారికి, పండిత నేమాని వారికి, లక్ష్మీదేవి గారికి, సుబ్బారావు గారికి, శీనా శ్రీనివాస్ గారికి, జిగురు సత్యనారాయణ గారికి, గన్నవరపు నరసింహ మూర్తి గారికి, రాజేశ్వరి అక్కయ్యకు, అభినందనలు, ధన్యవాదాలు.
క్రమాలంకార పూరణ.......
రిప్లయితొలగించండినిత్య ధర్మంబు శాతియు నేత్ర యుగము,
పంచభర్తృకలుండిన ప్రథితురాలు,
మనదు కోడలు వేరొక మాతృమూర్తి,
ధర్మరాజుకు, పాంచాలి, తనయ గాదె.
ఈ కామెంట్‌ను రచయిత తీసివేశారు.
రిప్లయితొలగించండిఅయ్యా! శుభాశీస్సులు.
రిప్లయితొలగించండిమీరిచ్చిన పాదములో వ్యాకరణ దోషము కలదు. ధర్మరాజునకు అని ఉండవలెను కదా. స్వస్తి.
ధర్మ మెఱిఁగిన రాజుకుఁ దనదు ప్రజలు
రిప్లయితొలగించండిస్వీయ సంతానమౌనట్లు, జాయ యయ్యుఁ,
బ్రజలలోఁ దాను నొకతెయై వఱలు కతన,
ధర్మరాజుకుఁ బాంచాలి తనయ గాదె?
పండిత నేమాని వారూ,
రిప్లయితొలగించండిధన్యవాదాలు. సవరిస్తున్నాను.
పండిత నేమానివారికి ధన్యవాదములు. వ్యాకరణ దోషమును సవరించిన పిదప నా పూరణము...
రిప్లయితొలగించండిధర్మ మెఱిఁగిన నృపతికిఁ దనదు ప్రజలు
స్వీయ సంతానమౌనట్లు, జాయ యయ్యుఁ,
బ్రజలలోఁ దాను నొకతెయై వఱలు కతన,
ధర్మ సుతునకుఁ బాంచాలి తనయ గాదె?
మధ్యాక్కర:
రిప్లయితొలగించండిధర్మసుతునకు బాంచాలి తనయగాదే యనుటెట్టి
ధర్మమో యని యెంచ నేల? తనయ యనెడు పదమ్మునకె
మర్మార్థ మిడిరి పాండవులు మహినుండి యజ్ఞాతముగను
ధర్మమే యంత వారలకు త్రాతయై యలరారె బళిర!
ప్రియమగు పత్నియై దాను ప్రేమగురియు
రిప్లయితొలగించండిధర్మసుతునకుఁ బాంచాలి; తనయ గాదె
ద్రుపద రాజునకును, చెల్లి ధృష్టద్యుమ్ను
నకును, కుంతి మెచ్చిన యట్టి నారి దానె.
ఆలి యగునార్య ! నిజముగ యమసుతుడగు
రిప్లయితొలగించండిధర్మ సుతునకు బాంచాలి , తనయ గాదె
కుంతి భోజున కీ యమ కుంతి దేవి
ధర్మజాదులు మిగులను ధర్మ విదులు
ధర్మ మెరిగిన వ్యాసుని మాట గొనుచు
రిప్లయితొలగించండిధర్మ రాజాదులు గనిన ధర్మ మార్గ
మదియె తమ్ముని భార్యయై మసలు నపుడు
ధర్మ సుతునకుఁ బాంచాలి తనయ గాదె?
శ్రీ షీనా గారూ!
రిప్లయితొలగించండిశుభాశీస్సులు.
మీ పద్యము బాగుగ నున్నది. 1వ పాదములో యతి నియమము పాటింపబడ లేదు. స్వస్తి.
మర్మ మెరిగిన వ్యాసుని మాట గొనుచు
రిప్లయితొలగించండిధర్మ రాజాదులు గనిన ధర్మ మార్గ
మదియె తమ్ముని భార్యయై మసలు నపుడు
ధర్మ సుతునకుఁ బాంచాలి తనయ గాదె?
ఆర్యా ! పండిత నేమాని వారికి అనేక నమస్కారములు. మర్మ అని రాసినపుడు యతి సరిపోతుంది మరియు ధర్మ రహస్యము మర్మమినదే కావున సందర్భోచితంగా ఉంటుంది అనే భావన తో మర్మ అని మార్చినాను. చిత్తగించగలరు.
తత్తర పడెడి బాలుఁడు నత్తి తోడ
రిప్లయితొలగించండికంఠము వణక "తన జాయ గాదె" యనుచు
పలుక నెంచి"జా"ను వదిలి పలుకె నిటుల
ధర్మసుతునకుఁ బాంచాలి తనయ గాదె!!
ప్రియమగు పత్నియై దాను ప్రేమగురియు
రిప్లయితొలగించండిధర్మసుతునకుఁ బాంచాలి; తనయ గాదె
ద్రుపదునకు, ప్రాణదాయి యా ద్రోణ పుత్రు
నకును, కుంతి మెచ్చిన యట్టి నారి దానె.
ధర్మ మెఱుగంగ నితరులు తనకు సాటె ?
రిప్లయితొలగించండితమ్మునకు భార్య యరయగ తనయ యనగ
గరము ప్రేమతో భీముని కదిసి యుండ
ధర్మసుతునకుఁ బాంచాలి తనయ గాదె.
యజ్ఞ కుండము నందుండి యాజ్ఞ శీలి
రిప్లయితొలగించండిపంచ భర్తృక యైనట్టి పరమ సాధ్వి
ద్రోవదను పేరు బడసిన ద్రుపదు డనెడి
ధర్మ సుతునకు బాంచాలి తనయ గాదె !
కవిమిత్రులకు నమస్కౄతులు.
రిప్లయితొలగించండికొద్ది రోజులుగా అనారోగ్యం, ఆపై తప్పని సరిగా ఊళ్ళు తిరగడం కారణంగా పూరణలపై, పద్యాలపై, వ్యాఖ్యలపై వెంటవెంటనే స్పందించలేక పోతున్నాను. ఈరోజు మా మనుమడి నామకరణోత్సవము. అదికూడా మా కోడలి ఊళ్ళో.. రేపటి నుండి తప్పక అందుబాటులో ఉంటాను. మన్నించండి..
నిన్నటి సమస్యకు చక్కని పూరణలు పంపిన కవిమిత్రులు...
సంపత్ కుమార్ శాస్త్రి గారికి,
గుండు మధుసూదన్ గారికి,
పండిత నేమాని వారికి,
లక్ష్మీదేవి గారికి,
సుబ్బారావు గారికి,
శీనా శ్రీనివాస్ గారికి,
జిగురు సత్యనారాయణ గారికి,
గన్నవరపు నరసింహ మూర్తి గారికి,
రాజేశ్వరి అక్కయ్యకు,
అభినందనలు, ధన్యవాదాలు.