పండిత నేమాని వారూ, హిడింబ ప్రస్తావనతో మీ పూరణ చాలా బాగుంది. అభినందనలు. * గుండు మధుసూదన్ గారూ, శూర్పణఖను ఉద్దేశించిన మీ పూరణ ప్రశస్తంగా ఉంది. అభినందనలు. * సంపత్ కుమార్ శాస్త్రి గారూ, రాముని వలచిన దనుజకాంత వృత్తాంతంతో మీ పూరణ చాలా బాగుంది. అభినందనలు. * నాగరాజు రవీందర్ గారు, మంచి ప్రయత్నం చేసారు. కాని మీరు పూరించిన విధానం సంప్రదాయం కాదు. సమస్య ప్రథమాక్షరమైన హల్లుకు ముందు వేరొక హల్లు చేర్చడం ఉంది (కర్ముని, ధర్ముని, సన్ముని...), కానీ దాని తరువాత హల్లు చేర్చి సమ్యుక్తాక్షరంగా మార్చరాదు. * లక్ష్మీదేవి గారూ, మీ పూరణ హిడింబ ప్రస్తావనతో బాగుంది. అభినందనలు. * సుబ్బారావు గారూ, మీ పూరణ బాగుంది. అభినందనలు. చిన్న సవరణ.... చనుచు వనంబుల వెంబడి తనరగ నా చుప్పనాతి....
జిగురు సత్యనారాయణ గారూ, మీ పూరణ బాగుంది. అభినందనలు. * ‘శీనా’ శ్రీనివాస్ గారూ, మీ రెండు పూరణలూ వైవిధ్యంగా చక్కగా ఉన్నాయి. అభినందనలు. కాకుంటే మొదటి పూరణలో ‘వలచేరు’ అని వ్యావహారికాన్ని ప్రయోగించారు. రెండవ పూరణలో ‘అగు నా రాముని’ అనకుండా యడాగమం చేసారు. * గుండు మధుసూదన్ గారూ, మీ రెండవ పూరణ వైవిధ్యంగా చక్కగా ఉంది. అభినందనలు. కాకుంటే ఆ సంఘటన సినిమావాళ్ళ సృష్టి. హీరో హీరోయిన్లకు ఒక్కటన్నా డ్యూయెట్ లేకుంటే ఏం బాగుంటుంది? కానీ పెళ్ళికాకుండానే సీతారాములతో యుగళగీతం పాడిస్తే జనం మెచ్చరు కదా! అందుకే కపట సీతారాముల సృష్టి జరిగి ఉంటుంది... ‘శ్రీ సీతారామ కళ్యాణం’ చిత్రంలో. * వరప్రసాద్ గారూ, మీ రెండు పూరణలూ బాగున్నవి. ముఖ్యంగా మొదటి పూరణలో రామునకు, భీమునకు అన్వయించే విధంగా చేసిన పూరణ భేష్... అభినందనలు.
రాజేశ్వరి అక్కయ్యా, బాగుంది మీ పూరణ. అభినందనలు. కానీ.. ఈ 'మనుమధుడు' ప్రయోగం ఏమిటి? * తోపెల్ల బాలసుబ్రహ్మణ్య శర్మ గారూ, 'ధర్మజుని తమ్ముని' ఉద్దేశించిన మీ పూరణ చాలా బాగుంది. అభినందనలు. * మిస్సన్న గారూ, రాముణ్ణి ఇంద్రవందితుణ్ణి చేసిన మీ పూరణ ప్రశస్తంగా ఉంది. అభినందనలు. అన్నట్టు.. ఎన్నికలేమిటి..? విముక్తి ఏమిటి..? ఈ తమ్ముడెవరు?
అన్నా!మిస్సన్నా! ఎప్పుడౌతాయో తెలియదుగాని బంతి ఆకోర్టునుండి ఈకోర్టుకు ఈకోర్టునుండి ఆకోర్టుకు పరిగెడుతోంది. తత్పూర్వ ప్రక్రియలు నెరవేర్చె పని తప్పటంలేదు. ప్రస్తుత పరిస్థితిని బట్టి సెప్టెంబరు దాకా నాకు విముక్తి ఉండకపోవచ్చు.
ఘన భూధర సన్నిభ గా
రిప్లయితొలగించండిత్రుని శృంగార రసమయుని స్తుత్య చరిత్రున్
మనమలర హిడింబయె భీ
ముని గని దనుజాంగన వలపుల వల విసిరెన్
దనుజాంతకు, సుగుణు, దయా
రిప్లయితొలగించండిత్ముని, మునిజన హృద్విరాము, మోక్షప్రదునిన్,
జనకాత్మజేశు, శ్రీ రా
మునిఁ గని దనుజాంగన వలపుల వల విసిరెన్.
వనవాస విహితుఁడయి స
రిప్లయితొలగించండిన్ముని దీక్షా వ్రతవిహార మూర్ధన్యుండై
జను మహితాత్ముండగు రా
మునిఁగని దనుజాంగన వలపుల వల విసిరెన్.
తన మది దోచిన యువకుడు
రిప్లయితొలగించండిమనుమడు శ్రీకృష్ణునకును, మరులన్ గొల్పన్
ననవిల్తు బోలు ప్రద్యు
మ్నుని గని దనుజాంగన వలపుల వల విసిరెన్
వనవాసమందు నన్ననుఁ,
రిప్లయితొలగించండిదన దమ్ములఁ జాగరూకతపరుండగుచున్
కనిపెట్టుకునుండగ భీ
మునిఁ గని దనుజాంగన వలపుల వల విసిరెన్
చనుచు న్న డవుల వెంబడి
రిప్లయితొలగించండితనులత యా చుప్పనాతి దరహాసమునన్
వినయము గలిగిన యారా
ముని గని దనుజాం గన వలపుల వల విసిరెన్ .
పండిత నేమాని వారూ,
రిప్లయితొలగించండిహిడింబ ప్రస్తావనతో మీ పూరణ చాలా బాగుంది. అభినందనలు.
*
గుండు మధుసూదన్ గారూ,
శూర్పణఖను ఉద్దేశించిన మీ పూరణ ప్రశస్తంగా ఉంది. అభినందనలు.
*
సంపత్ కుమార్ శాస్త్రి గారూ,
రాముని వలచిన దనుజకాంత వృత్తాంతంతో మీ పూరణ చాలా బాగుంది. అభినందనలు.
*
నాగరాజు రవీందర్ గారు,
మంచి ప్రయత్నం చేసారు.
కాని మీరు పూరించిన విధానం సంప్రదాయం కాదు. సమస్య ప్రథమాక్షరమైన హల్లుకు ముందు వేరొక హల్లు చేర్చడం ఉంది (కర్ముని, ధర్ముని, సన్ముని...), కానీ దాని తరువాత హల్లు చేర్చి సమ్యుక్తాక్షరంగా మార్చరాదు.
*
లక్ష్మీదేవి గారూ,
మీ పూరణ హిడింబ ప్రస్తావనతో బాగుంది. అభినందనలు.
*
సుబ్బారావు గారూ,
మీ పూరణ బాగుంది. అభినందనలు.
చిన్న సవరణ....
చనుచు వనంబుల వెంబడి
తనరగ నా చుప్పనాతి....
చను మొనల విషమును గలిగి
రిప్లయితొలగించండిమునుముందుగ కృష్ణు జంప పూతన వచ్చెన్
మనమున క్రూరంబై శ్యా
మునిఁ గని దనుజాంగన వలపుల వల విసిరెన్!!
గన మనమున నది చోద్యం
రిప్లయితొలగించండిబనిపించిన గాని దనుజ భామలు వలచే
రు, నరులను,సురుల నట్లే
మునిఁ గని దనుజాంగన వలపుల వల విసిరెన్.
ముని వందితు డగు యా రా
రిప్లయితొలగించండిముని గని తా శూర్పణఖ తమో వాంఛను పొం
దను, పరిణయ మాడగ రా
ముని గని దనుజ కాంత వలపుల వల విసిరెన్
మనువాడ శూర్పణఖయును
రిప్లయితొలగించండిజనకాత్మజ రూపుఁ దాల్చి సనె, రావణుఁడున్
జనె రామాకృతి; సట రా
మునిఁ గని దనుజాంగన వలపుల వల విసిరెన్.
(సట = కపటము)
శ్రీ శంకరయ్య గురువర్యులకు, శ్రీ నేమాని గురువర్యులకు పాదాభివందనములతో,
రిప్లయితొలగించండిగురువు గారికి ధన్యవాదములు
=====*=====
అనవరతము దైత్యతతిన్
దన బలమును జూపి జంపు దందనకానిన్
వనమున మనమలరగ భీ(రా )
ముని గని దనుజాంగన వలపుల వల విసిరెన్
=======*======
అనవరతము సోదరులకు హాని జేయు వారిపై
దన బలమును జూపి జంపు,తౌల్యమును గణించి నా
వనమున దన మనమలరగ పాండవ సుతుడైన భీ
ముని గని దనుజాంగన వలపుల వల విసిరె నిలలో
(తౌల్యము= సామ్యము )
జిగురు సత్యనారాయణ గారూ,
రిప్లయితొలగించండిమీ పూరణ బాగుంది. అభినందనలు.
*
‘శీనా’ శ్రీనివాస్ గారూ,
మీ రెండు పూరణలూ వైవిధ్యంగా చక్కగా ఉన్నాయి. అభినందనలు.
కాకుంటే మొదటి పూరణలో ‘వలచేరు’ అని వ్యావహారికాన్ని ప్రయోగించారు. రెండవ పూరణలో ‘అగు నా రాముని’ అనకుండా యడాగమం చేసారు.
*
గుండు మధుసూదన్ గారూ,
మీ రెండవ పూరణ వైవిధ్యంగా చక్కగా ఉంది. అభినందనలు.
కాకుంటే ఆ సంఘటన సినిమావాళ్ళ సృష్టి. హీరో హీరోయిన్లకు ఒక్కటన్నా డ్యూయెట్ లేకుంటే ఏం బాగుంటుంది? కానీ పెళ్ళికాకుండానే సీతారాములతో యుగళగీతం పాడిస్తే జనం మెచ్చరు కదా! అందుకే కపట సీతారాముల సృష్టి జరిగి ఉంటుంది... ‘శ్రీ సీతారామ కళ్యాణం’ చిత్రంలో.
*
వరప్రసాద్ గారూ,
మీ రెండు పూరణలూ బాగున్నవి. ముఖ్యంగా మొదటి పూరణలో రామునకు, భీమునకు అన్వయించే విధంగా చేసిన పూరణ భేష్... అభినందనలు.
రిప్లయితొలగించండిఅనుజుఁడు భార్యయుఁ దోడుగ
వనవాసముఁ జేయుచున్నవానిని రామున్
దినమణి వంశార్ణవ సో
మునిఁ గని దనుజాంగన వలపుల వల విసిరెన్.
విచిత్ర రామాయణ మని ఒక కావ్యం ఉందనీ, ఆ కావ్యంలో శ్రీ మధుసూదన్ గారు పేర్కొన్న సంఘటన ఉన్నదనీ విన్నాను.
రిప్లయితొలగించండిగురువుగారు, ధన్యవాదాలు.
రిప్లయితొలగించండిరామచంద్రుని - రామునిగా, ఇనవంశాబ్ధి చంద్రునిగా వర్ణించిన పద్యము ఎంతో బాగున్నది.
ఈ కామెంట్‌ను రచయిత తీసివేశారు.
రిప్లయితొలగించండిమనుమధుని దలచి నంతనె
రిప్లయితొలగించండివిను వీధుల సంచరించు వేసవి కొలిమై
కనుమిను గానని తలపున
మునిగని దనుజాంగన వలపుల వల విసిరెన్ !
గురువు గారికి శత సహస్ర ధన్యవాదములు
రిప్లయితొలగించండిశ్రీపండితనేమాని గురువులకు నమస్సులతో, అన్న మిస్సన్నగారి పున:ప్రేరణతో
రిప్లయితొలగించండిఘన బాహుబలాఢ్యుండై
అనివారిత భీషణరణ హంవీరుండై
తనరారు యుధిష్టిరు త
మ్ము నిఁ గని దనుజాంగన వలపుల వల విసిరెన్.
ఈ కామెంట్‌ను రచయిత తీసివేశారు.
రిప్లయితొలగించండిఆ ఎన్నికలు ఎప్పుడవుతాయి తమ్ముడూ?
రిప్లయితొలగించండినీకు విముక్తెప్పుడు తమ్ముడూ?
ఈ కామెంట్‌ను రచయిత తీసివేశారు.
రిప్లయితొలగించండిఅనయము ధర్మాచరణకు
రిప్లయితొలగించండితన ప్రాణము బెట్టు వాని, ధరణీ సుత భ-
ర్తను, రాముని, నతసుత్రా
మునిగని దనుజాంగన వలపుల వల విసిరెన్ !
రాజేశ్వరి అక్కయ్యా,
రిప్లయితొలగించండిబాగుంది మీ పూరణ. అభినందనలు.
కానీ.. ఈ 'మనుమధుడు' ప్రయోగం ఏమిటి?
*
తోపెల్ల బాలసుబ్రహ్మణ్య శర్మ గారూ,
'ధర్మజుని తమ్ముని' ఉద్దేశించిన మీ పూరణ చాలా బాగుంది. అభినందనలు.
*
మిస్సన్న గారూ,
రాముణ్ణి ఇంద్రవందితుణ్ణి చేసిన మీ పూరణ ప్రశస్తంగా ఉంది. అభినందనలు.
అన్నట్టు.. ఎన్నికలేమిటి..? విముక్తి ఏమిటి..? ఈ తమ్ముడెవరు?
రిప్లయితొలగించండిదనుజాధిపుని వలచెను మ
యుని సుత మందోదరి; విరహోత్కంఠను నె
మ్మన మలరఁగ రావణ నా
ముని గని దనుజాంగన వలపుల వల విసిరెన్.
అన్నా!మిస్సన్నా! ఎప్పుడౌతాయో తెలియదుగాని బంతి ఆకోర్టునుండి ఈకోర్టుకు ఈకోర్టునుండి ఆకోర్టుకు పరిగెడుతోంది. తత్పూర్వ ప్రక్రియలు నెరవేర్చె పని తప్పటంలేదు. ప్రస్తుత పరిస్థితిని బట్టి సెప్టెంబరు దాకా నాకు విముక్తి ఉండకపోవచ్చు.
రిప్లయితొలగించండిశంకరార్యా! చాల బాగున్నది మీపూరణ. మునికి నా చేర్చి నామధేయుని చేసారు.అద్భుతం.
రిప్లయితొలగించండిగురువుగారూ! ధన్యవాదాలు . మీ రెండవ పూరణ చాలా బాగుంది.
రిప్లయితొలగించండికనుమా సీతా దేవిని!
రిప్లయితొలగించండితనువున మనమున మనువున తన వాడిని నే
నని పలికిన రాముని త
మ్మునిఁ గని దనుజాంగన వలపుల వల విసిరెన్