3, జనవరి 2015, శనివారం

సమస్యా పూరణం - 1574 (పతి తల ఖండించె సతియె పదుగురు మెచ్చన్)

కవిమిత్రులారా,
ఈరోజు పూరించవలసిన సమస్య ఇది...
పతి తల ఖండించె సతియె పదుగురు మెచ్చన్.

29 కామెంట్‌లు:

subbarao చెప్పారు...

సతతము ద్రాగుచు వచ్చెడి
పతితల ఖండించె సతి యె పదుగురు మెచ్చ
న్నతనిని కర్కశ దనమున
సతులను గాపాడ కొఱకు చంపెను నటులన్

రాజేశ్వరి నేదునూరి చెప్పారు...

అతలా కుతలము జేయుచు
సతతము హింసించు భర్త సహచరి కంటెన్
గత భర్తృకె విధి వ్రాతని
పతితల ఖండించె సతియె పదుగురు మెచ్చన్

భళ్ళముడి శ్రీరామ శంకర ప్రసాద్ చెప్పారు...

హితుల పలుకు నిసుము వినక
నతిగా త్రాగుచు వనితల నల్లరి జేయన్
మతి దప్పగ కోపములో
పతితల ఖండించె సతియె పదుగురు మెచ్చన్

A.Satyanarayana Reddy చెప్పారు...

శతధృతి యొసగిన వరముల
కతన మహిషుడు సురలను కారించ వెస
న్నతి కోపముతో రాక్షస
పతి తలఖండించె సతియె పదుగురు మెచ్చన్

sailaja చెప్పారు...

మితిమీరిన చేతలతో
వెతలను బెట్టెడు మహిషుని పేరడగించన్
మతిహీనుండగు దానవ
పతి తల ఖండించె సతియె పదుగురు మెచ్చన్!!!

గోలి హనుమచ్చాస్త్రి చెప్పారు...

మితి మీరిన గర్వముతో
నతలాకుతలమ్ము జేయ నన్నిజగములన్
పతితుండు మహిషుడు రాక్షస
పతి తల ఖండించె సతియె పదుగురు మెచ్చన్

గోలి హనుమచ్చాస్త్రి చెప్పారు...

మితిమీరి త్రాగి రాతిరి
మతిమాలుచు సుతను బట్టి మానము జెరచన్
గతి దప్పి మహిషు మించిన
పతి తల ఖండించె సతియె పదుగురు మెచ్చన్.

భళ్ళముడి శ్రీరామ శంకర ప్రసాద్ చెప్పారు...

పతియే రథమును తోలగ
ధృతితో రణమున చెలగుచు ధృత్యుడు కోరన్
అతిధూ ర్తుడు మహిషాసుర
పతి తల ఖండించె సతియె పదుగురు మెచ్చన్

సంపత్ కుమార్ శాస్త్రి చెప్పారు...

అతిదుర్లక్షణయుతుఁడై
శృతిదూరవిధానములకుఁజెందినవాఁడై
సతతము దుర్వ్యసనుండగు
పతితల ఖండించె సతియె పదుగురు మెచ్చన్

కంది శంకరయ్య చెప్పారు...

పోచిరాజు సుబ్బారావు గారూ,
మీ పూరణ బాగున్నది. అభినందనలు.
****
రాజేశ్వరి అక్కయ్యా,
మీ పూరణ బాగున్నది. అభినందనలు.
****
భళ్ళముడి శ్రీరామ శంకర ప్రసాద్ గారూ,
మీ రెండు పూరణలు బాగున్నవి. అభినందనలు.
****
అన్నపరెడ్డి సత్యనారాయణ రెడ్డి గారూ,
మీ పూరణ బాగున్నది. అభినందనలు.
****
శైలజ గారూ,
మీ పూరణ బాగున్నది. అభినందనలు.
****
గోలి హనుమచ్ఛాస్త్రి గారూ,
మీ రెండు పూరణలు బాగున్నది. అభినందనలు.
****
సంపత్ కుమార్ శాస్త్రి గారూ,
మీ పూరణ బాగున్నది. అభినందనలు.

A.Satyanarayana Reddy చెప్పారు...

పూజ్య గురుదేవులకు నమస్సులు. నా పూరణ రెండవ పాదంలో గణ దోషమును సవరించి మరల పంపుచున్నాను.

శతధృతి యొసగిన వరముల
కతన మహిషుడు దివిజులను కారించ, ఖలు
న్నతి కోపముతో రాక్షస
పతి తలఖండించె సతియె పదుగురు మెచ్చన్

గండూరి లక్ష్మీనారాయణ చెప్పారు...

మత మార్పిడి చేసిన బహు
హిత మగునని చెప్పిరోజు హింసించెడి యా
మతి హీనుని నచ్చక తన
పతి తల ఖండించె సతియె పదుగురు మెచ్చన్

A.Satyanarayana Reddy చెప్పారు...

మితిమీరిన కామముతో
సతతము పరసతులతోడ సరసములాడే
యతినీచుడైన ధరణీ
పతి, తల ఖండించె సతియె పదుగురు మెచ్చన్

గుండా వేంకట సుబ్బ సహదేవుడు చెప్పారు...

గతుకుట జరుగక యాకలి
వెతలను బాయంగ మేము వేశ్యల మనినన్
బ్రతికెడు దారులు గలవని
'పతిత'ల ఖండించె సతియె పదుగురు మెచ్చన్!
(ఖండించు=వాదమును ఖండించు)
వేశ్యలుగా మారటానికి వారల వాదనను ఓ ఇంతి ఖండించిందన్న భావం.

Unknown చెప్పారు...

1హితమెరుగక,పతిబాధలు
సతతముజేకూర్చుచుండ?సాగని-బ్రతుకై
మతిదప్పి-మధ్యమెంచెడి
పతితలఖండించెసతియెపదుగురుమెచ్చన్|
2క్రతువునుజెరపగ?ఋషియనె
మతిలేకనుజేయుపనికి-మమతలునింపే
సతియేనినుజంపుననగ
పతితలఖండించెసతియెపదుగురుమెచ్చన్

Unknown చెప్పారు...

మధ్యాక్కర
అతిగావ్యసనములంటగ?మనసునకల్మషముజేరుటన?
శృతిలయలేకనురాగ-కృతులనువాయించినట్లు
పతిమధ్యమమునందెగడిపి|పరకాంతనెంచుటజూచి
పతితలఖండించెసతియెపదుగురుమెచ్చన్"కలగనె"|

Unknown చెప్పారు...

సుతు డనిదెలియక-పంపా
పతితలఖండించె|సతియె,పదుగురుమెచ్చన్
మతిమంతునిజేసియు-గణ
పతిని,శివుడు|విఘ్నరాజుభాధ్యతలొసగెన్

Unknown చెప్పారు...

కె .యెస్ గురుమూర్తి ఆచారి గారి పూరణ
పతి యింట లేని తరి వ
చ్చితనను తాకగ కొడవలి చేసాహసి యై
అతి కాముకు డగు వెంకట
పతి తల ఖండించె సతియె పదుగురు మెచ్చన్
జనవరి 03, 2015 5:40 [PM]

Unknown చెప్పారు...


అతివల అమ్ముచు తనదౌ
బ్రతుకును సాగించుచు౦డ వలదనగను దు
ర్మతియై చంపగ వచ్చిన
పతి తల ఖండించె సతియె పదుగురు మెచ్చన్

Unknown చెప్పారు...

అతిదుర్మార్గుడు నగుచును
వెతలను గూర్పగ నరకుడు,వెన్నుడు సతితో
జతగను ననికేగ,నసుర
పతి,తల ఖండించె సతియె పదుగురు మెచ్చన్

అతివగు రుద్రమ తానటు
గత రాజుల కంటె ఘనముగను పాలింపన్
మతి నీసు వడెడి,యా నర
పతి,తల ఖండించె సతియె పదుగురు మెచ్చన్

అతిదుర్మార్గుడు నై,సుర,
లతివల బాధింప వెసను నంబయె దుర్గై
మతి హీనుండైన మహిష
పతి,తల ఖండించె సతియె పదుగురు మెచ్చన్

అతిగను కుడుములు తినియున్
వెతలను బడు నా గణేశు,వెన్నెల రేడే
కితకిత గేల్సేయగ,నుడు
పతి తల ఖండించె సతియె పదుగురు మెచ్చన్

అతివలు దుర్మార్గలునై
పతి లోగొని వానినితము పాడును చేయన్
గతి లేకను వెస కినుకను
పతితల ఖండించె సతియె పదుగురు మెచ్చన్

సుతయని జూడక కామిత
పతి మద్యపు మత్తు చెరచ,వానిని నీచున్
వెత,కోపములవి ముడిపడ
పతి,తల ఖండించె సతియె పదుగురు మెచ్చన్

పతియే దొరకగ, నోములు
సతియే చేయుచు చివరకు సద్గుణు డతడే
పతిగాగ తాను,కుక్కుట
పతి,తల ఖండించె సతియె పదుగురు మెచ్చన్

కంది శంకరయ్య చెప్పారు...

అన్నపరెడ్డి సత్యనారాయణ రెడ్డి గారూ,
మీ పూరణలోని ఆ దోషం నా దృష్టికి రాలేదు. సవరించినందుకు ధన్యవాదాలు.
మీ రెండవ పూరణ బాగున్నది. అభినందనలు.
ఈరోజు బమ్మెర గ్రామానికి వెళ్ళి పోతన సమాధి దగ్గర ‘భాగవత గణనాధ్యాయి’ ఊలపల్లి సాంబశివరావు గారిని కలిసాను. వారు మిమ్మల్ని జ్ఞాపకం చేశారు.
****
గండూరి లక్ష్మినారాయణ గారూ,
మీ పూరణ బాగున్నది. అభినందనలు.
****
గుండా వేంకట సుబ్బ సహదేవుడు గారూ,
నిస్సందేహంగా ఈనాటి పూరణలలో మీది చాలా బాగున్నది. అభినందనలు.
*
కె. ఈశ్వరప్ప గారూ,
మీ పూరణలన్నీ బాగున్నవి. అభినందనలు.
గణపతిని ‘పంపాపతి’ అన్నారు. వివరిస్తారా?
****
కె.యస్. గురుమూర్తి ఆచారి గారూ,
మీ ‘వెంకటపతి’ పూరణ బాగున్నది. అభినందనలు.
****
కెంబాయి తిమ్మాజీ రావు గారూ,
మీ పూరణ బాగున్నది. అభినందనలు.

కంది శంకరయ్య చెప్పారు...

మల్లెల సోమనాథ శాస్త్రి గారూ,
మీ ఏడు పూరణలు బాగున్నవి. అభినందనలు.

చంద్రమౌళి సూర్యనారాయణ చెప్పారు...

రసికత్వము జూపించుచు
వ్యసనపరులజేరదీయు పతితల ఖండిం
చె సతియె పదుగురు మెచ్చన్
వెసనట్టి వెలవెలదులను వెలివేయమనెన్

Unknown చెప్పారు...

పుజ్యులయినగురువర్యులకువందనాలతోవివరణ
పంపాపతి=హంపిపంపాపతి=ఈశ్వరుడుఅన్నభావన
ఈశ్వరునకు కుమారుడ నితె లియకఖండించుట

A.Satyanarayana Reddy చెప్పారు...

గోలి హనుమచ్ఛాస్త్రి గారు - మీమొదటి పూరణలో మూడవ పాదంలో మొదటి గణమును సరిచేయాలి.
"పతితుండు" "పతితుడు" గా మారిస్తే సరిపోతుంది.

గుండా వేంకట సుబ్బ సహదేవుడు చెప్పారు...

గురుదేవులకు ధన్యవాదాలు.

కంది శంకరయ్య చెప్పారు...

చంద్రమౌళి సూర్యనారాయణ గారూ,
ఆలస్యంగా స్పందిస్తున్నందుకు మన్నించండి.
మీ పూరణ బాగున్నది. ముఖ్యంగా చివరి పాదాన్ని పద్యాంతర్గతం చేయడంలోని మీ ఛందోనైపుణ్యం ప్రశంసనీయం. అభినందనలు.
****
అన్నపరెడ్డి వారూ,
గోలి వారి తరఫున ధన్యవాదాలు.

G P Sastry (gps1943@yahoo.com) చెప్పారు...

మితముగ తైలము వ్రాసియు
పతి తల; ఖండించె సతియె పదుగురు మెచ్చన్
సతమత మౌచును వడిగా
పతి తెచ్చిన పనస కాయ పండుగ పూటన్ :)

G P Sastry (gps1943@yahoo.com) చెప్పారు...

చతికిలపడి వంటింటిని
పతి కోరగ పుల్ల బజ్జి పడిగాపులతో
నతి ప్రేమను గొని కూరల
పతి తల ఖండించె సతియె పదుగురు మెచ్చన్

కూరల పతి = (కిరీటము గల) వంకాయ