31, జనవరి 2015, శనివారం

పద్యరచన - 807

కవిమిత్రులారా,

పై చిత్రాన్ని పరిశీలించి తగిన పద్యము(ల)ను వ్రాయండి.

26 కామెంట్‌లు:

  1. బీరకాయ యనిన ప్రియము నాకెంతయో
    పప్పుదీనిచేయ గొప్పరుచిర
    పచ్చడైనచేయ వచ్చును బీరతో
    నేయికలపితినిన నెంత రుచియొ

    రిప్లయితొలగించు
  2. చిత్ర మందున బెట్టిరి చెలువు గాను
    బీరకాయలు లేతవి యాఱు చూడు
    నచ్చి , వాటిని కసకస నమలి మ్రింగ
    నూరు చున్నది నానోరు మేరి ! కంటె

    రిప్లయితొలగించు
  3. బీరలు వంటికి మంచిది
    బేరము లేకుండ తినిన బీరము చెడదే
    నీరము నిండిన శాకము
    కూరలలో శ్రేష్ట మనుచు కొనియాడె దరే

    రిప్లయితొలగించు
  4. బీరకాయలోన పీచు మెండుగ (దండిగ)నుండు
    శుభ్ర పఱచి కడుపు, సుఖమునిచ్చు
    బీరుగొనుట మాని బీరకాయ తినిన
    రోగబారి పడరు రూఢి గాను

    రిప్లయితొలగించు
  5. పద్య విద్యలో అడుగిడి తక్కువ సమయంలోనే అన్నిరకముల పద్యములను అవలీలగా వ్రాస్తున్న చంద్రమౌళి సూర్యనారాయణ గారికి అభినందనలు.

    రిప్లయితొలగించు
  6. లేత బీరకాయ చేతనత్వము బెంచు
    ముదిరెనేని దాని ముట్టరెవరు
    బాల్యమందె బుద్ధి వర్ధిల్ల వలయును
    బీరకాయ లోని సారమిద్ది .
    మద్దూరి రామమూర్తి
    కర్నూల్

    రిప్లయితొలగించు
  7. బీరములేనిబీరయన?బీదకయిష్టముగాదునెప్పుడున్
    కోరినరీతిగోసిమనకోర్కెలమేర-మసాలనింపుచున్
    చేరిననూనెతోనుడికిచెంతనజేరుచపాతి,రొట్టెతో
    తీరికచేతతిండిదిన?దెల్పగపుష్టికినౌషదంబగున్

    రిప్లయితొలగించు
  8. ఆకుపచ్చగనుండి నచ్చెరువుగొలుపు
    ........బీరకాయలుగన సౌరు లొలుకు
    గూర జేయనివియె గొనియాడు నందరు
    .........పప్పు జేయగ నొప్పు గొప్ప రుచిగ
    నూలు పొడిని జల్ల నోరూరు జనులకు
    .........పచ్చడైన తినగ వహవ యనరె
    గుత్తి బీరను వండ ఘుమఘుమ లాడుచు
    ..........చిచ్చర కంటైన మెచ్చు గాదె


    వసుధలోన నిదియె పత్యంపు గూరగా
    వాసిగాంచు బీర బలము నిడును
    సులువుగాను వండు చెలువలందరుదీని
    పొడుగు బీర నిన్ను బొగడ తరమె !!!

    రిప్లయితొలగించు
  9. అందరికిని చాల దారు బీరలకూర
    రెండు వ్యంజనములు వండు నేడు
    చెల్ల బోదు తల్లి చిరుచేదు తోచినా
    తప్ప దింక చేయి దప్పళమును

    రిప్లయితొలగించు
  10. బీరకాయ బజ్జి ప్రీతిగా దలవగా
    నీరు ఊరి నోరు నిండు జూడు
    బీర పొట్టు కూడ బేషుగా కూరౌను
    బీర తోటి వంట బ్రియము నాకు

    రిప్లయితొలగించు
  11. బీర కాయను జూడగా పిలచినటుల
    పలుకు కొన్ని జ్ఞాపకములు పసి తనమున
    అమ్మ పెట్టిన పథ్యము అమృతమిపుడు
    తెచ్చు కొన్నను జ్వరమమ్మ తిరిగి రాదు

    రిప్లయితొలగించు
  12. చిన్న తనము లోను చీయంటి బీరనూ
    పెద్దయైన పిదప ప్రేమ బెరిగె
    లేత బీరకాయ లెస్సైన కూరగా
    ఒప్పు కొనుట కిపుడు నొచ్చుకోను

    రిప్లయితొలగించు
  13. శౖలజ గారూ - బీరకాయపై చక్కని సీసపద్యం వ్రాశారు. అభినందనలు. "చిచ్చర కంటైన" - అర్థం తెలియ జేయండి.

    రిప్లయితొలగించు
  14. సుసర్ల నాగజ్యోతి గారూ చక్కని పద్యం వ్రాశారు. అభినందనలు. నాలుగవ పాదం యతి తప్పినట్లుంది. సరిచేయండి.

    రిప్లయితొలగించు
  15. పెద్దలు అన్నపరెడ్డి సత్యనారాయణరెడ్డి గారికి ధన్యవాదములు. మీపంటి పెద్దల సాహచర్యఫలం

    రిప్లయితొలగించు
  16. చంద్రమౌళి సూర్యనారాయణ గారూ - తినినన్+ ఎంతరు చియొ - యతి "ఎ" కే వేయాలి.ఇది తెలుగు పండితులు నాకు తెలిపిన విషయం. చంద్రమౌళి రామా రావు గారి అభిప్రాయం తీసుకొని నాకు కూడా తెలియ జేయండి.

    రిప్లయితొలగించు
  17. ఈ కామెంట్‌ను రచయిత తీసివేశారు.

    రిప్లయితొలగించు
  18. శ్రీ అన్నపురెడ్డి సత్యనారాయణరెడ్డిగారికి ధన్యవాదములు...చిచ్చరకంటి,.... శివుడికి మరోపేరు ...

    రిప్లయితొలగించు
  19. ఆరుబీరలున్న?గీరిపీచునుదీసి
    ముక్కలట్లుదరిగిముందుగానె
    తరిగినట్టిఉల్లి,ధనియాలపొడివేసి
    వంటజేసి ?తినగనంటురుచులు|

    రిప్లయితొలగించు
  20. శూరుడు కర్ణుడు మొదలుగ
    ధీర వనిత ఝాన్సిలక్ష్మి,దీటుగ బరిలో
    పోరాడిన మోడి వరకు
    బీర రుచులు మెచ్చు కోని వీరులు గలరే?

    రిప్లయితొలగించు
  21. చిన్న తనము లోను చీయంటి బీరనూ
    పెద్దయైన పిదప ప్రేమ బెరిగె
    లేత బీరకాయ లెస్సైన కూరగా
    వలపు జూప నాకు వగపు లేదు A.Satyanarayana Reddy గారు ఇప్పుడు సరి పోయిందా?



    రిప్లయితొలగించు
  22. శ్రీ సత్యనారయణ రెడ్డిగారు,

    నమస్కారములు.

    తినినన్+ ఎంతరు చియొ - యతి "ఎ" కే వేయాలి
    మీరన్నది సబబే. ఆ విధమైన యతిమైత్రిని "అఖండయతి" అంటారు. శుద్ధ తప్పు అని చెప్పలేము కానీ లాక్షణికులు ఈ విధమైన యతిమైత్రిని ఒప్పుకోరు. కొందరు ఉద్దండ కవిశేఖరులు కూడా ఈ విధమైన యతిమత్రిని వేశారు. కానీ ఈవిధమైన యతిమత్రిని వీలైనంత వరకు ఉపయోగించక పోవడము మంచిదనే అభిప్రాయము చాలా మంది కవులలో ఉంది. వాడడము తప్పు కాదు.

    శ్రీ చంద్రమౌళి సూర్యనారాయణగారూ, నొప్పించి వుంటే క్షమించండి.

    రిప్లయితొలగించు
  23. సుసర్ల నాగజ్యోతి గారూ - మీ సవరణ సరిపోయింది.

    రిప్లయితొలగించు
  24. ధన్యవాదములు సత్యన్నారాయణ రెడ్డి గారు

    రిప్లయితొలగించు