24, ఫిబ్రవరి 2015, మంగళవారం

పద్యరచన - 830 (క్రికెట్టు)

కవిమిత్రులారా,
ఈనాటి పద్యరచనకు అంశము...
“క్రికెట్టు”

21 కామెంట్‌లు:

  1. కిక్కెక్కించును చూచువారలకునీక్రీడన్న ప్రాణంబుగా
    పక్కంబెట్టుచు సర్వకార్యముల రెప్పన్ వాల్చకన్ జూచునీ
    తిక్కేంటంచు విమర్శ జేసినను ముద్దీయాటయేయంచు నీ
    క్రిక్కెట్టున్ మురిపెంబుగా గనెడు వారీ దేశమందెందరో
    (వాడుకపదాలకు క్షంతవ్యుండను )

    రిప్లయితొలగించు
  2. జనులు దమతమ పనులను సహిత మునిల
    బెట్టి ప్రక్కన , జూతురు పిచ్చ గాను
    నీ క్రి కెట్టును మఱి వారి కేమి సుఖము
    కలుగు నోతెలి యదునాకు తెలియు మీకు ?
    బంతి దెబ్బల తోబాధ పడగ వారు !

    రిప్లయితొలగించు
  3. జేసెడి పనులను వీడుచు
    మీసము లనుమెలి వేసి మీరిన బెట్టున్
    రోసముగ క్రికెటు గెలిచిన
    భాసము గాముదము నొంది పలువురు మెచ్చన్

    రిప్లయితొలగించు
  4. పురిటి గ్రుడ్డు కూడ పొరలుచు నటునిటు
    చూచు చుండె నిపుడు చోద్య ముగను
    నీ క్రి కెట్టు నార్య ! నెంత గా నోమఱి
    యెంత యిష్ట మాయె ? యిదియ ప్రజకు

    రిప్లయితొలగించు
  5. చంద్ర మౌళి గారూ, పద్యం లయాత్మకంగా ఉండాలి కాని పద్యంలో తెలుగు నుడికారాలు, పలుకుబళ్ళు, మాండలికాలు వద్దనుకొంటే ఎలా? మీ పద్యం చాలా బాగుంది.

    రిప్లయితొలగించు
  6. ఆడెడిఆటలందు,దునుమాడకనందరికిష్టమైనదై
    నేడు క్రికెట్టుయంసమన?నెవ్వరువద్దనజాలరందుకే
    కాడియుగట్టువారలకు,కమ్మనివంటలుజేయుఅమ్మకున్
    ఆడెడిబాలబాలికలనంతరమందుననిల్పె|లోకమున్|

    రిప్లయితొలగించు
  7. క్రీడ లందు లెస్స నేడు క్రికెట్టాట
    ఆడ మొగలు కలసి యలుపు లేక
    ఆట చూడ వచ్చు అన్ని వయసులందు
    గుండె బిగువు కొద్ది గోల పెట్టి

    బేటు పెట్టి కొట్ట పోటుగానొకషాటు
    సెకెను లోన ఆట షేపు మారు
    కెవ్వు కెవ్వు మంటు కేక లేసి జనము
    ఆరు నాలు గనుచు యరుపు పెట్టు

    విశ్వ కప్పు యుద్ధ వీరవిహారులై
    ధోని సేన దున్ని దుమ్ము రేప
    భరత జాతి జనుల పౌరుషమ్ములదురు
    గెంతి గెంతి జనము ఘీంక రించు

    రిప్లయితొలగించు
  8. పట్టించు కున్నప్రజకు క్రి
    కెట్టే లోకమ్ము చూడ, గెలుపోటములన్
    బెట్టింగులు, హర్టింగులు,
    గట్టిగ గన శ్వాస, తిండి, ఘన నిద్రదియే.

    రిప్లయితొలగించు
  9. చంద్రమౌళి సూర్యనారాయణ గారూ,
    మీ పద్యం బాగున్నది. అభినందనలు.
    ‘తిక్కేంటంచు’ అన్నచోటనే వాడుకపదం ఉంది. ‘తిక్కల్ చాలు...’ అంటే సరి!
    *****
    పోచిరాజు సుబ్బారావు గారూ,
    మీ రెండు పద్యాలు బాగున్నవి. అభినందనలు.
    రెండవ పద్యంలో ‘...యిష్టమాయె నిదియ..’ అనండి.
    *****
    రాజేశ్వరి అక్కయ్యా,
    మీ పద్యం బాగున్నది. అభినందనలు.
    రెండవ పాదంలో గణదోషం.‘మీసమ్ములను మెలివేసి..’ అంటే సరి!
    *****
    కె. ఈశ్వరప్ప గారూ,
    మీ పద్యం బాగున్నది. అభినందనలు.
    ‘క్రికెట్టు యంసమన’...?
    *****
    భళ్ళముడి శ్రీరామ శంకర ప్రసాద్ గారూ,
    మీ పద్యాలు బాగున్నవి. అభినందనలు.
    *****
    గోలి హనుమచ్ఛాస్త్రి గారూ,
    మీ పద్యం బాగున్నది. అభినందనలు.

    రిప్లయితొలగించు
  10. ఒట్టీ భారత క్రిక్కెటు
    జట్టుకు విజయంబు కలుగు జయ ఘోషణలున్
    ముట్టును గగనంబునకున్
    పట్టును నీరాజనంబు ప్రజ సంప్రీతిన్

    రిప్లయితొలగించు
  11. ఒట్టీ భారత క్రిక్కెటు
    జట్టుకు విజయంబు కలుగు జయ ఘోషణలున్
    ముట్టును గగనంబునకున్
    పట్టును నీరాజనంబు ప్రజ సంప్రీతిన్

    రిప్లయితొలగించు
  12. ఒట్టీ భారత క్రిక్కెటు
    జట్టుకు విజయంబు కలుగు జయ ఘోషణలున్
    ముట్టును గగనంబునకున్
    పట్టును నీరాజనంబు ప్రజ సంప్రీతిన్

    రిప్లయితొలగించు
  13. పదకొండు మంది యాటకు
    పదివేవురు ప్రజ సతతము పరవశపడుచున్
    వదలి దినపు కార్యములను
    కదలరు క్యాంటీన్లనుండి కాంచుచు టీవీ!

    రిప్లయితొలగించు
  14. ధన్యవాదములు కుమార్ గారూ..ధన్యవాదములు మాష్టారు

    రిప్లయితొలగించు
  15. సర్వము మరచి క్రికెట్టున్
    నుర్వీజనులంత జూచు నుల్లాసముగన్
    పర్వంబుగ దలచి గెలువ
    గర్వముతో గంతులేయు కప్పును కొడితే!!!

    రిప్లయితొలగించు
  16. మొన్న ఆదివారము నాటి ఆట గుర్తు తెచ్చుకొంటూ:

    శిఖరముఁ దాకెడు నూపున
    శిఖారు, రహనే పరుగుల చిందులు వేయన్
    దఖలుపడె నాట సాంతము
    నిఖార్సయిన నాట తీరు నెగడించుగదే!

    రిప్లయితొలగించు
  17. టీమిండియా కింత టెంపరా తప్పదు
    .............పాక్చేతిలో గొప్ప భంగపాటు
    నెగ్గెలే పాక్పైన నీటుగా విరమించు
    .............సౌతాఫ్రికా జట్టు చవట కాదు
    సౌతాఫ్రికా పైన సాధించినారులే
    .............వెస్టిండియన్సన్న వెర్రి భయము
    ఐర్లండు జట్టు పై నంత తేలిక కాదు
    .............అసలు ముందుకు సాగ నవదు చూడు

    భళిభళీ కైవసమయె ప్రపంచ కప్పు
    యేమి మాటలే ఇండియా టీమనంగ?
    మాట మార్చిరి వేగ విమర్శకాళి
    పొంగె భారత హృదయాలు పోరు ముగిసె.

    రిప్లయితొలగించు
  18. గండూరి లక్ష్మినారాయణ గారూ,
    మీ పద్యం బాగున్నది. అభినందనలు.
    *****
    అన్నపరెడ్డి సత్యనారాయణ రెడ్డి గారూ,
    మీ పద్యం బాగున్నది. అభినందనలు.
    *****
    శైలజ గారూ,
    మీ పద్యం బాగున్నది. అభినందనలు.
    *****
    గుండా వేంకట సుబ్బ సహదేవుడు గారూ,
    మీ పద్యం హిందూస్తానీ పదాలతో బాగున్నది. అభినందనలు.
    *****
    మిస్సన్న గారూ,
    మీ పద్యం చాలా బాగున్నది. అభినందనలు.

    రిప్లయితొలగించు
  19. మూడు పుల్లల తోడను ముదము నాడు
    వీధి క్రికెటును మొదలుగా విశ్వమందు
    జరుగు పోటీల వరకును జనులు వెఱ్ఱి
    గాను దీనినే జూడరే ఘనము నేడు

    రిప్లయితొలగించు
  20. మల్లెల సోమనాథ శాస్త్రి గారూ,
    మీ పద్యం బాగున్నది. అభినందనలు.

    రిప్లయితొలగించు