శంకరాభరణం: పద్యరచన

24, డిసెంబర్ 2015, గురువారం

పద్యరచన - 1127

కవిమిత్రులారా,

పై చిత్రాన్ని పరిశీలించి తగిన పద్యము(ల)ను వ్రాయండి.

22 కామెంట్‌లు:

విరించి చెప్పారు...: ఎన్నెన్ని రంగులున్నవె
మన్నన సేసెదరునిన్న మహిలో జనులే
నిన్నిక మించెడు సొగసరి
నెన్నడు కాంచంగలేము నీవే ఘనమౌ

ధాత నేర్పు దెలుపు సీతకోకచిలుక
అంద మదియు జూడ నవని లోన
సొబగు లీను విరుల సోయగమ్ముకు తాను
సాటి యనుచు నిలుచు కీటకమ్ము; గురువారం, డిసెంబర్ 24, 2015 2:08:00 AM
shashima.with.ekalamu చెప్పారు...: భీతిని గలిగించెడు బహు
రోతౌ గొంగడి పురుగది రూపాంతరమై
సీతాకోకచిలుకగను
భూతలమున దైవసృష్టి బొగడగ తరమే; గురువారం, డిసెంబర్ 24, 2015 5:48:00 AM
కంది శంకరయ్య చెప్పారు...: ఆంజనేయ శర్మ గారూ,
మీ పద్యాలు బాగున్నవి. అభినందనలు.
‘మన్నన సేసెదరు నిన్ను/నిన్నె’ అని ఉండాలనుకుంటాను.; గురువారం, డిసెంబర్ 24, 2015 7:11:00 AM
కంది శంకరయ్య చెప్పారు...: శశికాంత్ మల్లప్ప గారూ,
మీ పద్యం బాగున్నది. అభినందనలు.; గురువారం, డిసెంబర్ 24, 2015 7:12:00 AM
గోలి హనుమచ్చాస్త్రి చెప్పారు...: రోతగ గొంగళి పురుగుగ
భీతిని గొలుపిన కనులకు ప్రీతిని జేయన్
నీ తపము పూర్తియవగా
సీతాకోకగను మారి చెలువొందితివే.; గురువారం, డిసెంబర్ 24, 2015 8:35:00 AM
కంది శంకరయ్య చెప్పారు...: గోలి హనుమచ్ఛాస్త్రి గారూ,
మీ పద్యం బాగున్నది. అభినందనలు.; గురువారం, డిసెంబర్ 24, 2015 8:43:00 AM
విరించి చెప్పారు...: ధన్యవాదములండి ...గురువుగారూ....సరిచేయగలను; గురువారం, డిసెంబర్ 24, 2015 9:27:00 AM
subbarao చెప్పారు...: రంగు రంగుల తోడను రమ్య మలరి
చూడ ముచ్చట గొల్పును జూప రులకు
చెలువు గలదిసీ తాకోక చిలుక యార్య !
దశ లు దశలుగ మారును దనర యదియ; గురువారం, డిసెంబర్ 24, 2015 10:36:00 AM
A.Satyanarayana Reddy చెప్పారు...: సీతాకోకచిలుక కడు
ప్రీతిని గూర్చును సతతము వీక్షక తతికిన్
నాతులచీరెల రంగుల
తా తిరుగుచు పూలపైన త్రాగుచు తేనెన్ /
తో తిరుగుచుపువ్వు నుండి దోచుచు తేనెన్; గురువారం, డిసెంబర్ 24, 2015 12:18:00 PM
కామేశ్వర రావు పోచిరాజు చెప్పారు...: కమనీయ వర్ణ సముదా
యము నన్నలరుచు ఛదద్వ యాకర్షణ వి
భ్రమ, సీతా కోక చిలుక,
సుమ మకరందాశను గన చోద్యంబాయెన్; గురువారం, డిసెంబర్ 24, 2015 12:57:00 PM
కామేశ్వర రావు పోచిరాజు చెప్పారు...: పత్రమున చిత్రము కడు వి
చిత్రము గన్నేత్రములకు చిత్తంబునకున్
చిత్రానుభూతి నిచ్చి ప
విత్రానందము నొసంగె విస్తారముగన్; గురువారం, డిసెంబర్ 24, 2015 12:59:00 PM
Unknown చెప్పారు...: సీతకోక-చిలుక రీతిగనుండగ?
సీతకోకచిలుక-చేర్చి కొనెన?
సీత,కోక,చిలుక,సింగారమున్ జూడ?
సృష్టి కర్త రచనె పుష్టి మనకు.; గురువారం, డిసెంబర్ 24, 2015 1:09:00 PM
Unknown చెప్పారు...: .రెక్కలురేపు యూహల నిరీక్షణ జేయక పువ్వునవ్వగా?
టక్కునవాలి తేలికగ టక్కరిచే మకరంద మంతయున్
మెక్కెడి తొండమున్ నిడుచు”మేటిగ రెక్కలరంగుజూడగా
చక్కదనాలచిల్క| ననజాలక కీటకమాయె|మాయగా|
3.జన్మ జన్మల బంధంబు జగతియందు
కలదటంచు నిరూపణ దెలుపు” సీత
కోకచిలుకల దశలు|సంకోచ మేల
నన్న భావనగనుపించు వన్నెలందు”.; గురువారం, డిసెంబర్ 24, 2015 4:50:00 PM
కంది శంకరయ్య చెప్పారు...: పోచిరాజు సుబ్బారావు గారూ,
మీ పద్యం బాగున్నది. అభినందనలు.; గురువారం, డిసెంబర్ 24, 2015 6:06:00 PM
కంది శంకరయ్య చెప్పారు...: అన్నపరెడ్డి సత్యనారాయణ రెడ్డి గారూ,
మీ పద్యం బాగున్నది. అభినందనలు.; గురువారం, డిసెంబర్ 24, 2015 6:07:00 PM
కంది శంకరయ్య చెప్పారు...: పోచిరాజు కామేశ్వర రావు గారూ,
మీ పద్యాలు బాగున్నవి. అభినందనలు.; గురువారం, డిసెంబర్ 24, 2015 6:08:00 PM
కంది శంకరయ్య చెప్పారు...: కె. ఈశ్వరప్ప గారూ,
మీ పద్యాలు బాగున్నవి. అభినందనలు.; గురువారం, డిసెంబర్ 24, 2015 6:09:00 PM
గుండా వేంకట సుబ్బ సహదేవుడు చెప్పారు...: అరె! సీతాకోకచిలుక
మరిమరి పలు విరులపైన మధురిమ గ్రోలన్
ధరణిని మేలగునది పర
పరాగ సంపర్క క్రియకు బాసట యగుచున్!; గురువారం, డిసెంబర్ 24, 2015 9:33:00 PM
sailaja చెప్పారు...: దశలను దాటిన తదుపరి
పసగల రంగులను దాల్చి పరువము తోడన్
మిసమిస సీతాకోకయి
కుసుమముపైవ్రాలి గ్రోలు ఖుసిగా మధువున్!!!; గురువారం, డిసెంబర్ 24, 2015 9:34:00 PM
కంది శంకరయ్య చెప్పారు...: గుండా వేంకట సుబ్బ సహదేవుడు గారూ,
మీ పద్యం బాగుంది. అభినందనలు.; గురువారం, డిసెంబర్ 24, 2015 9:57:00 PM
కంది శంకరయ్య చెప్పారు...: శైలజ గారూ,
మీ పద్యం బాగున్నది. అభినందనలు.; గురువారం, డిసెంబర్ 24, 2015 9:57:00 PM
డా.బల్లూరి ఉమాదేవి. చెప్పారు...: రంగులీను చున్న రమణీయతను జూడ
అలరు చుండు మనము నవని యందు
చూడచూడ దాని సొబగు హెచ్చుచు నుండు
చిన్ని సీతకోక చిలుకయదియె

నలువ సృష్ఠిలోని నయగారమునుగాంచ
దాని హొయలు చూడ తమియు హెచ్చు.
తాకినంత తనువు తల్లడిల్లచునుండు
కమ్మనైన పులుగు కనుల విందు.; గురువారం, డిసెంబర్ 24, 2015 10:47:00 PM

కామెంట్‌ను పోస్ట్ చేయండి