పలికెగా అని వ్రాసుకున్నాను. బ్లాగులోకి తర్జుమా చేయడంలో తప్పు జరిగింది. మన్నించ గోర్తాను.. సవరించి వ్రాస్తున్నాను. పరిచయము తెల్పు పావని ప్రతిభ జూచి లక్ష్మణునితోడ పలికెగా రాముడపుడు శాస్త్ర మెరిగినట్టి హనుమ చక్కని నుడి కారమది లోక కళ్యాణ కారకమ్ము
పిన్నక నాగేశ్వర రావు గారూ, శంకరాభరణం బ్లాగు మీకు స్వాగతం పలుకుతున్నది. మీ పూరణ బాగున్నది. అభినందనలు. వాట్సప్‍లో మధుసూదన్ గారు సూచించినట్లు ‘సౌహార్ద విధిని’ అనండి.
మీ పూరణ బాగున్నది. అభినందనలు. ‘అస్త్రములను+ఉగ్రదేశాలు+ఉత్పత్తి’ ఇక్కడ సంధి నిత్యం, మీరు విసంధిగా వ్రాశారు. ‘...మొనరించి యస్త్రరాశి| నగ్రదేశమ్ము లుత్పత్తి నాపుజేసి...’ అనండి. ‘స్థాపింపజేయు కారము’..?
శుచిగ బోవలె గుడికంట శుభము గలుగు
రిప్లయితొలగించండివిమల యశమున బ్రతుకంత వెలుగు నట్లు
పరవ శించగ జగతిని పరులకు సహ
కార మది లోక కళ్యాణ కార కమ్ము.
అక్కయ్యా,
తొలగించండిమీ పూరణ బాగున్నది. అభినందనలు.
బాలభాస్కరుం డల్లదే పసిడి కాంతి
రిప్లయితొలగించండిపంచిపెట్టగ ధాత్రికి పరుగుతోడ
పొడుపు కొండల నెక్కె కనుడు మహోప
కార మది లోక కల్యాణ కారకమ్ము.
మిస్సన్న గారూ,
తొలగించండిమీ పూరణ బాగున్నది. అభినందనలు.
అర్కజునివంశ నుదయించి యవనిపైన
రిప్లయితొలగించండినరుని రూపంబు ధరియించె నాడురామ
ధరణి యందున శిక్షించ దానవులను
కార మది లోక కళ్యాణ కార కమ్ము
"శ్రీను "
పద్యం బాగుంది. కాని సమస్య సమర్థంగా పూరించినట్టు లేదు.
తొలగించండి‘వంశమున బుట్టి యవనిపైన... నాడు హరియె... దానవాంధ|కార మది...’ అనండి.
డా.ఎన్.వి.ఎన్.చారి
రిప్లయితొలగించండిధర్మసంస్థాప నార్థమ్ము ధరణి వెలసి
దుష్ట దానవ కోటిని దునిమి వేసి
శిష్ట సంరక్షణము జేయు శ్రీకరు నుప
కార మది లోక కళ్యాణ కారకమ్ము
మీ పూరణ బాగున్నది. అభినందనలు.
తొలగించండితనకుటుంబపు వృఇద్ధికై తపన పడక
రిప్లయితొలగించండిమానవత్వము తోడను మనుచు సతము
పేదవారికి నిచ్చెడి ప్రేమయు సహ
కారమదిలోక క్ళ్యాణ కారకమ్ము
మీ పూరణ బాగున్నది. అభినందనలు.
తొలగించండిభానుడుదయాద్రిపై నెక్కి పగడమటుల
రిప్లయితొలగించండిదినము వెల్గులు ప్రసరించు మన గురించి
నిజము, నిత్యమై జను, యినుని మహితోప
కార మది , లోక కళ్యాణ కారణమ్ము!
'కళ్యాణ కారకమ్ము' అని సవరణతో జదువగలరు
తొలగించండిమీ పూరణ బాగున్నది. అభినందనలు.
తొలగించండిరావణాసురు జంపిన రామచంద్రు
రిప్లయితొలగించండిడతని సోదరుని విభీషణాఖ్యు చేసి
రాజుగా - నిచ్చె లంకాపురము పయినధి
కార మది లోకకళ్యాణ కారకమ్ము.
మీ పూరణ బాగున్నది. అభినందనలు.
తొలగించండిమనము దిన్నది క్షణములో మాయమగును
రిప్లయితొలగించండిపరులకిడినట్టి దానంబు పరమ యోగ్య
మై నిలచు. పేదవారి సమ్మానపు మమ
కారమది లోక కల్యాణ కారకమ్ము
మీ పూరణ బాగున్నది. అభినందనలు.
తొలగించండిబండకాడి అంజయ్య గౌడు గారి (వాట్సప్) పూరణ....
రిప్లయితొలగించండిఎప్పుడేమౌనొ దెలియగ నెవరి తరము
హితులు మిత్రులు బంధువు లెవరికైన
ఆపదల్ గల్గు వేళలో యందెడి మమ
కార, మది లోకకల్యాణ కారకమ్ము"
మీ పూరణ బాగున్నది. అభినందనలు.
తొలగించండిలోక కల్యాణమైనను, ప్రాకటముగ
రిప్లయితొలగించండిపెండ్లి, పండుగ నేదేని వేడ్కలందు
శోభ గుమ్మాల గూర్చెడు సుందర సహ
కారమది,లోకకల్యాణ కారకమ్ము.
మీ రెండు పూరణలు బాగున్నవి. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిసర్వ భూత హితుండు నఖర్వ విష్ణు
తొలగించండిభక్తుడును బద్మజ సుతుండు పావనుండు
లోక సంచారు నారదు రూప కలహ
కార మది లోక కళ్యాణ కారకమ్ము.
మీ పూరణ బాగున్నది. అభినందనలు.
తొలగించండి[10:24AM, 5/1/2016] అంబటిభానుప్రకాశ్.: 🙏🌺🙏
రిప్లయితొలగించండిఅంబటి భానుప్రకాశ్,
దుప్పల్లి.
తే**
రాము వెలసెను రక్కసు రాజు జంప,
కట్టి దాటెను వారధి ,కపివ ర,సహ
కార మది,లోక కళ్యాణ కార కమ్ము,
ధరణు రాముని చరితను దైవ మందు ! !
🌺🙏🌺
[10:28AM, 5/1/2016] అంబటిభానుప్రకాశ్.: 🙏🌺🙏
తే**
లోక మందలి జనులకు నొక్క టైన,
మంచి కార్యము జేయగ మనసు నందు,
తలచి కదలిన కష్టము తొలగునె సహ,
కార మదిలోక కల్యాణ కార కమ్ము,
🌺
[10:33AM, 5/1/2016] అంబటిభానుప్రకాశ్.:
తే**
సడియు లేకను కపులను నుడుత. గూడి,
కట్ట వచ్చెను వారధి, మట్టి పులిమి,!
సర్వ జనులకు హితమది పర్వమె,సహ
కారమది లోక కల్యాణ కార కమ్ము! !
మీ మూడు పూరణలు బాగున్నవి. అభినందనలు.
తొలగించండిమొదటి పూరణలో మొదటి పాదాన్ని ‘రాముడు వెలసె రాక్షసరాజు జంప’ అనండి. నాల్గవ పాదంలో ‘ధరను...’ అనండి.
మనము దిన్నది క్షణములో మాయమగును
రిప్లయితొలగించండిపరులకిడినట్టి దానంబు పరమ యోగ్య
మై నిలచు. పేదవారి సమ్మానపు మమ
కారమది లోక కల్యాణ కారకమ్ము
మీ రెండవ పూరణ బాగున్నది. అభినందనలు.
తొలగించండిదోచుకొని , గుప్తధనమును దాచు కొనక
రిప్లయితొలగించండిబడుగు వర్గపు ప్రగతికై పాటు పడగ
ధనిక వర్గము జూప సుంతైనను మమ
కార మది లోకకళ్యాణ కారకమ్ము.
మీ పూరణ బాగున్నది. అభినందనలు.
తొలగించండిపరిచయము తెల్పు పావని ప్రతిభ జూచి
రిప్లయితొలగించండిలక్ష్మణునితోడ పలికె రాము డపుడు
శాస్త్ర మెరిగినట్టి హనుమ చక్కని నుడి
కారమది లోక కళ్యాణ కారకమ్ము.
చాలా బాగుందండీ పూరణ
తొలగించండిమీ పూరణ బాగున్నది. అభినందనలు.
తొలగించండిరెండవపాదంలో గణదోషం. ‘పలికెను’ అనండి.
పలికెగా అని వ్రాసుకున్నాను. బ్లాగులోకి తర్జుమా చేయడంలో తప్పు జరిగింది. మన్నించ గోర్తాను.. సవరించి వ్రాస్తున్నాను.
తొలగించండిపరిచయము తెల్పు పావని ప్రతిభ జూచి
లక్ష్మణునితోడ పలికెగా రాముడపుడు
శాస్త్ర మెరిగినట్టి హనుమ చక్కని నుడి
కారమది లోక కళ్యాణ కారకమ్ము
రిప్లయితొలగించండిదుష్టజనులనురక్షించిశిష్టులనిల రక్షజేయగజన్మించిరామునిగను పుట్టిలోకానశాంతినిపొడమినమమ కారమదిలోకకళ్యాణకారకమ్ము
మీ పూరణ బాగున్నది. అభినందనలు.
తొలగించండితనకు కల్గిన దానిని తాను పంచు
రిప్లయితొలగించండితాను ఇవ్వలేకున్నచొ తగిన వారి
చేసహాయముపేదల్కి చేయుట ఉప
కారమది లోకకళ్యాణ కారకమ్ము
మీ పూరణ బాగున్నది. మీ పద్యానికి నా సవరణ....
తొలగించండితనకు గల్గినదానిని తాను పంచు
తా నొసగలేకున్నచో తగిన వారి
చే సహాయము పేదకు చేసెడి యుప
కార మది....
సూర్యచంద్రులు, తరువులు,సురభి, విరులు
రిప్లయితొలగించండిసురటితానము, నీరము, పరుల కొరకు
కదలు దినదినము నరయ ఘన పరోప
కారమది లోక కల్యాణ కారకమ్ము !!!
మీ పూరణ బాగున్నది. అభినందనలు.
తొలగించండిశ్రీరాం కవి గారి పూరణ...
రిప్లయితొలగించండిచేయి చేయి కలిపి మన శ్రేష్ఠశక్తి
బలిమి చాటుచును నిలిచి కలిమి పెంచి
కలలు కనుచును ప్రగతిని గాంచెడి సహ
కార మది లోకకళ్యాణ కారకమ్ము
మీ పూరణ బాగున్నది. అభినందనలు.
తొలగించండిబయటి పనులకు వనితలు బయలుదేరు
రిప్లయితొలగించండివేళ, వారిపై దాడులు పెరుగు చుండె
స్వీయ రక్షణ కోసమై స్ప్రేగ వాడ
కార మది లోకకళ్యాణ కారకమ్ము
భేష్!!!
తొలగించండిభేష్!!!
తొలగించండిమీ పూరణ వైవిధ్యంగా చక్కగా ఉంది. అభినందనలు.
తొలగించండి[12:01, 01/05/2016] Kanthi Krishna: జనక భూవిభుడంతట తనదు కూతు
రిప్లయితొలగించండిపరిణయమ్మొనరించగ ప్రకటనీయ
రమణి సీతపై గురిపించు రాముడిమమ
కార మది లోక కళ్యాణ కారకమ్ము
[12:47, 01/05/2016] Kanthi Krishna: జీవులందున్న పరమాత్మ చేవనెరిగి యన్ని జీవుల నొకరీతి నాదరించి లోకమందున జనులు సలుపు పరోప
కార మది లోక కళ్యాణ కారకమ్ము
శంకరయ్య గారూ పాదాలు సరిగా విడదీయ రాలేదు
రిప్లయితొలగించండిమీ రెండు పూరణలు బాగున్నవి. అభినందనలు.
తొలగించండిమొదటిపూరణలో ‘ప్రకటన+ఈయ=ప్రకటన నీయ’ అవుతుంది. ‘ప్రకటన నిడ’ అనండి.
పిన్నక నాగేశ్వరరావు గారి పూరణ....
రిప్లయితొలగించండిఉగ్ర వాదమ్ము నణచగ నుర్వి లోన
అగ్ర రాజ్యాలు కూడ సౌహార్ద పగిది
చిన్న దేశములకు నందజేసెడు సహ
కారమది లోక కళ్యాణ కారకమ్ము.
పిన్నక నాగేశ్వర రావు గారూ,
తొలగించండిశంకరాభరణం బ్లాగు మీకు స్వాగతం పలుకుతున్నది.
మీ పూరణ బాగున్నది. అభినందనలు.
వాట్సప్‍లో మధుసూదన్ గారు సూచించినట్లు ‘సౌహార్ద విధిని’ అనండి.
ఈ కామెంట్‌ను రచయిత తీసివేశారు.
రిప్లయితొలగించండిమీ పూరణ బాగున్నది. అభినందనలు.
తొలగించండి‘సహకార పంచ’ అనడం దుష్టసమాసం. ‘మంచి మమకారమును పంచు మార్గ మెంచి’ అనండి.
మిత్రులందఱకు నమస్సులు!
రిప్లయితొలగించండిఉన్నదాని తోన నొదిగి సంతృప్తితో
మనుట మేలు! పరుల ధనము పట్ల
మదిని నిర్వికార మది లోక కళ్యాణ
కారకమ్ము! ముక్తి కాకరమ్ము!!
పాదభ్రంశం చేసి ఆటవెలదిలో చేసిన మీ పూరణ అద్భుతంగా ఉంది. అభినందనలు.
తొలగించండిపుట్టిరెక్కడో నిద్దరు! పుస్తెతోడ
రిప్లయితొలగించండిఆలుమగలౌచు సంతతి నందు వారి
రసభరిత జీవనమున పరస్పరాధి
కార మది లోకకళ్యాణ కారకమ్ము!
మీ పూరణ బాగున్నది. అభినందనలు.
తొలగించండి‘పుట్టి రెక్కడో యిద్దరు...’ అనండి.
గురుదేవులకు ధన్యవాదములు. సవరించిన పద్యం:
తొలగించండిపుట్టిరెక్కడో యిద్దరు! పుస్తెతోడ
ఆలుమగలౌచు సంతతి నందు వారి
రసభరిత జీవనమున పరస్పరాధి
కార మది లోకకళ్యాణ కారకమ్ము!
అంబటి భానుప్రకాశ్,
రిప్లయితొలగించండిదుప్పల్లి.
సవరించిన పద్యం
తే**
రాముడు వెలసె రాక్షస రాజు జంప,
కట్టి దాటెను వారధి ,కపివ ర,సహ
కార మది,లోక కళ్యాణ కార కమ్ము,
ధరను రాముని చరితను దైవ మందు ! !
‘చెన్నకేశవ’ గారి పూరణము....
రిప్లయితొలగించండిస్వజను లనుజంప లేనని సవ్యసాచి
వాసు దేవుని తోడన వగచె నంత
చంప చంపించ నెవ్వరు? చక్ర ధరుని
కార మదిలోక కళ్యాణ కారకమ్ము
‘చెన్నకేశవ’ గారూ,
తొలగించండిమీ పూరణ బాగున్నది. కాని ‘చక్రధరుని కారము’... అర్థం కాలేదు.
1.నరకుని దునుమ కృష్ణుడు నారితోడ
రిప్లయితొలగించండిసాగ సంధించె శరమును సత్యభామ
జనులు హర్షించి పొగడంగ జగమునకుప
కారమది లోక కల్యాణ కారకమ్ము.
2ఆత్మలింగము గోరుచు నసురవరుడు
తపము నొనరించి గొనిపోవ ధరణియందు
శివకుమారుడసురునాపి చేయగ నుప
కారమది లోక కల్యాణ కారకమ్ము
3బాలభానుడు ప్రభవించ ప్రజలకునుప
కారమది లోక కల్యాణ కారకమ్ము
సూర్యరశ్మియు సోకంగ సులువుగాను
తరువు లెల్ల పరవశించె తలల నూపి.
మీ మూడు పూరణలు బాగున్నవి. అభినందనలు.
తొలగించండిపరుల మేలొన గూర్చెడి పనులుజరిపి
రిప్లయితొలగించండిమంచిమమకార మును బంచుమార్గమెంచి
ధర్మ మార్గాన మెలగుట నిర్మల సహ
కారమది|లోక కళ్యాణ కారకమ్ము|
మీ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిమూగ జీవుల పాలన ముఖ్యమనుచు,
రిప్లయితొలగించండిచెట్టు కెపుడు చెఱుపు తల పెట్టననుచు,
చెన్నుగ నపకారికినైన చేసెడి నుప
కారమది లోక కళ్యాణ కారకమ్ము!
గురువు గారికి నమస్కారములు. నిన్నటి సమస్యకు నేను వ్రాసిన పూరణ కూడా చదువ గోరుతాను.
ధన్యవాదములు. శ్రీధర రావు.
ఏటి కొక మారు వచ్చెడి
పోటీ కూడిన పరీక్ష వుసి గొలుపంగా,
ధాటిగ వ్రాయుటలో పొర
పాటు పడిన వారికెట్లు ఫలితము దక్కున్!
మీ రెండు పూరణలు బాగున్నవి. అభినందనలు.
తొలగించండి‘ఉసి’ని ‘వుసి’ అనరాదు. ‘వు,వూ,వొ,వో లతో ప్రారంభమయ్యే తెలుగు పదాలు లేవు’. ‘పరీక్ష యుసిగొలుపంగన్’ అనండి.
ద్వేష మాక్రోష క్రోధము విశ్వమందు
రిప్లయితొలగించండిమానవత భావ బంధాల మట్టి గలుపు
సర్వమున్నను వ్యర్థమే సజ్జన! మమ
కార మది లోకకళ్యాణ కారకమ్ము.
మీ పూరణ బాగుంది. అభినందనలు.
తొలగించండి‘ద్వేష మాక్రోశ క్రోధముల్... మానవత భవబంధాల...’ అనండి.
అణువిభేదన మొనరించి అస్త్రములను
రిప్లయితొలగించండిఅగ్రదదేశాలు ఉత్పత్తి నాపు జేసి
విశ్వమందున శాంతి స్థాపింప జేయు
కార మది లోకకళ్యాణ కారకమ్ము.
అణువిభేదన మొనరించి అస్త్రములను
రిప్లయితొలగించండిఅగ్రదదేశాలు ఉత్పత్తి నాపు జేసి
విశ్వమందున శాంతి స్థాపింప జేయు
కార మది లోకకళ్యాణ కారకమ్ము.
మీ పూరణ బాగున్నది. అభినందనలు.
తొలగించండి‘అస్త్రములను+ఉగ్రదేశాలు+ఉత్పత్తి’ ఇక్కడ సంధి నిత్యం, మీరు విసంధిగా వ్రాశారు. ‘...మొనరించి యస్త్రరాశి| నగ్రదేశమ్ము లుత్పత్తి నాపుజేసి...’ అనండి.
‘స్థాపింపజేయు కారము’..?
ఐదుసంవత్సరాలకునొక్కసారి
రిప్లయితొలగించండివచ్చు యవకాశ మోయినీవదలబోకు
జనుల కోసము నుపయుక్త జనితమునధి
కారమది లోకకళ్యాణ కారకమ్ము
మీ పూరణ బాగున్నది.
తొలగించండిమొదటిపాదంలో యతి తప్పింది.
‘ఐదు వత్సరముల గడువైన పిదప
వచ్చు నవకాశ మిది నీవు వదలబోకు...’ అనండి.
[3:43PM, 5/1/2016] అంబటిభానుప్రకాశ్.: 🌺🙏🌺
రిప్లయితొలగించండిఆ**
అహము తోడ చెలగి అభిమాన వంతులు,
పరుల హాని జేయ తరలు నెపుడు,
మదిన హం'కార మది లోక కళ్యాణ,
కార కమ్ము 'గాదు, కనుము నెపుడు.
🌺
అంబటి భానుప్రకాశ్.
[3:44PM, 5/1/2016] అంబటిభానుప్రకాశ్.: సార్ మీరు ఇచ్చిన పూరణ ఆటవెలదిలో......
మీ పూరణ అద్భుతంగా ఉంది. అభినందనలు.
తొలగించండిలడ్లు జాంగిరీలు జిలేబి రాజభోగ్లు
రిప్లయితొలగించండిసున్ని యుండలు హల్వ మైసూరు పాక్లు
కొల్ల గొట్టగ జిహ్వను గొడ్డు కొరివి
కార మది లోకకళ్యాణ కారకమ్ము!