2, మే 2016, సోమవారం

సమస్య - 2021 (కొయ్యగుఱ్ఱ మెక్కి...)

కవిమిత్రులారా, 
ఈరోజు పూరించవలసిన సమస్య ఇది.. 
కొయ్యగుఱ్ఱ మెక్కి కయ్యమాడె.

89 కామెంట్‌లు:

  1. వింత పనుల జేయు వెర్రి కొరకరాని
    కొయ్య గుర్రమెక్కి కయ్యమాడె
    నతడు మత్తులోన నాలుబిడ్డలతోడ
    గ్రామమందు జనులు కలత పడగ

    రిప్లయితొలగించు
    రిప్లయిలు
    1. ‘కొరకరాని కొయ్య’ అనే జాతీయంతో, ‘గుఱ్ఱమెక్కి’కి ఉన్న విశేషార్థంతో చక్కని పూరణ చెప్పారు. అభినందనలు.

      తొలగించు
  2. కీలు మావు లనుచు మేలైన చిత్రాలు
    చిన్న నాట వింటి మిన్న గాను
    వింత లనగ నేడు సొంత వియ్యంకుడు
    కొయ్య గుఱ్ఱ మెక్కి కయ్య మాడే

    రిప్లయితొలగించు
    రిప్లయిలు
    1. అక్కయ్యా,
      మీ పూరణ బాగుంది. అభినందనలు.
      ‘కీలుగుఱ్ఱం’ సినిమా గురించి తెలుసు. ‘కీలుమావులు’?

      తొలగించు
    2. మావు = గుఱ్ఱము
      రెండు సార్లు " గుఱ్ఱము " అని వస్తుందని"కీలు గుఱ్ఱానికి బదులుగా " కీలు మావు " అనిరాసాను .అదన్నమట అసల్ సంగతి

      తొలగించు
  3. మంచి తాయిలాలు , మరకార్లు సయ్యాట
    లాడి మించి పాట పాడు బొమ్మ
    లెన్నొ పాపకిడగ నెగుర దేమని తాను
    కొయ్యగుఱ్ఱ మెక్కి కయ్యమాడె.

    రిప్లయితొలగించు
  4. చామర్తి అరుణ గారి (వాట్సప్) సందేశానికి నా పద్యరూపం....

    రాక్షసుం డొకండు రాకుమారి నపహ
    రించఁ గీలుగుఱ్ఱ మెక్కె రాకు
    మారుఁ; డడవిఁ జేరి యా రాక్షసునితోడ
    కొయ్యగుఱ్ఱ మెక్కి కయ్యమాడె.

    రిప్లయితొలగించు
  5. శ్రీరాం కవి గారి (వాట్సప్) పూరణ....

    తల్లిమాటవినని తనయుడొకడు తాను
    గుఱ్ఱ మెక్కెదనని గొడవచేయ
    కోరి తల్లి కొయ్యగుఱ్ఱము గొనిపెట్ట
    కొయ్యగుఱ్ఱమెక్కికయ్యమాడె.

    రిప్లయితొలగించు

  6. కడుపునిండ కూడు కనులనిండ నిదుర
    లేని వాడు గుడ్డ లేని వాడు
    కలిమి పరుని విధము కలలు గనెడివాడ
    కొయ్య గుర్రమెక్కి కయ్య మాడె.

    రిప్లయితొలగించు
  7. అహహ! యిచట గనుమ! యలరుచున్నవి, నాన్న!
    ఆటలాడగ నాకు వీటిగొనుమ
    ననుచు, పాప యొకతె, యచ్చోట నున్న యా
    కొయ్య గుఱ్ఱమెక్కి కయ్య మాడె!

    రిప్లయితొలగించు
    రిప్లయిలు
    1. మీ పూరణ బాగున్నది. అభినందనలు.
      రెండవ పాదంలో గణదోషం. ‘ఆటలాడ నాకు వీటిఁ గొనుమ|టంచు పాప...’ అనండి.

      తొలగించు
    2. ధన్యవాదములు..... సవరించిన పద్యం

      అహహ! యిచట గనుమ! యలరుచున్నవి, నాన్న!
      ఆటలాడ నాకు వీటిగొనుమ
      టంచు పాప యొకతె, యచ్చోట నున్న యా
      కొయ్య గుఱ్ఱమెక్కి కయ్య మాడె!

      తొలగించు
    3. ధన్యవాదములు..... సవరించిన పద్యం

      అహహ! యిచట గనుమ! యలరుచున్నవి, నాన్న!
      ఆటలాడ నాకు వీటిగొనుమ
      టంచు పాప యొకతె, యచ్చోట నున్న యా
      కొయ్య గుఱ్ఱమెక్కి కయ్య మాడె!

      తొలగించు
  8. పిన్నక నాగేశ్వరరావు గారి (వాట్సప్) పూరణ....

    (1971 లో ఆకాశవాణి వారు ఇదే సమస్యను ఇచ్చినప్పుడు నేను పంపిన పూరణము.)
    కొయ్య గుఱ్ఱమెక్కి కూర్చున్న తమ్ముని
    లాగివైచి కొట్టి లాఘవముగ
    తనను కొట్టినాడు తమ్ముడనుచు అక్క
    కొయ్య గుఱ్ఱమెక్కి కయ్యమాడె.

    రిప్లయితొలగించు
  9. తాత, మనవడచట తగవాటలాడుచు
    నుండె నింటిలోన, నెక్కతాత
    చెక్కబల్లమీద చేరియా పిల్లడు
    కొయ్య గుర్రమెక్కి కయ్యమాడె.

    రిప్లయితొలగించు
    రిప్లయిలు
    1. మీ పూరణ బాగున్నది. అభినందనలు.
      ‘మనుమ డచట... నుండి రింటిలోన...’ అనండి.

      తొలగించు
    2. అవునండీ మాస్టరుగారూ...ధన్యవాదములు.

      తాత, మనవడచట తగవాటలాడుచు
      నుండి రింటిలోన, నెక్కతాత
      చెక్కబల్లమీద, చేరియా పిల్లడు
      కొయ్య గుర్రమెక్కి కయ్యమాడె.

      తొలగించు
  10. వీర శూర రాకుమారులు రణమున
    అశ్వమెక్కి పోర యలుపు లేక
    పిరికి వాడొకడిని పిలవఁ బోక, గృహంబు
    కొయ్య గుర్ర మెక్కి కయ్య మాడె

    రిప్లయితొలగించు
    రిప్లయిలు
    1. మీ పూరణ బాగున్నది. అభినందనలు.
      ‘పోరన్+అలుపు= పోర నలుపు’ అవుతుంది.

      తొలగించు
  11. బిడ్డలేయు లోపు పేరంటమైపోవు
    తిరిగి రాగలనని తరుణి వెడలె
    మనవడపుడె లేచి మారాము జేయుచున్
    కొయ్యగుఱ్ఱ మెక్కి కయ్యమాడె!

    రిప్లయితొలగించు
    రిప్లయిలు
    1. మీ పూరణ బాగున్నది. అభినందనలు.
      ‘బిడ్డ లేచులోపు’ అని ఉండాలనుకుంటాను. ‘మనుమ డపుడె’ అనండి.

      తొలగించు
    2. గురుదేవులకు ధన్యవాదములు.సవరించిన పూరణ:
      బిడ్డలేచు లోపు పేరంటమైపోవు
      తిరిగి రాగలనని తరుణి వెడలె
      మనుమడపుడె లేచి మారాము జేయుచున్
      కొయ్యగుఱ్ఱ మెక్కి కయ్యమాడె!

      తొలగించు
  12. తెనుఁగులోనఁ గాష్ఠ మనఁగ నర్థం బేమి?
    మనుజవిభుఁడు వనికిఁ జనియె నెట్లు?
    కక్ష బూనియు ప్రతిపక్ష మేమి యొనర్చె?
    కొయ్య; గుఱ్ఱమెక్కి; కయ్యమాడె.

    రిప్లయితొలగించు
  13. అంబటి భానుప్రకాశ్ గారి (వాట్సప్) పూరణలు....
    1)
    రాణివాస మందు వనితల గూడియు,
    రణము జేయ లేక రాజొకండు
    చేతగాని తనము చేరగా మనమున,
    కొయ్య గుర్ర మెక్కి కయ్య మాడె!!
    2)
    చలనచిత్ర మందు చరితను వెలిగెడి,
    నాయకుం డొకండు వేయి జనుల
    పోరు సల్ప నెంచి నేర్పున గూర్చొని,
    కొయ్య గుర్ర మెక్కి కయ్య మాడె.!!

    రిప్లయితొలగించు
  14. గుర్ర మెక్కినాను కొంచెమైనను మత్తు
    కలుగ లేద దేమి కారణ౦బొ?
    రమ్ము, విస్కి, బ్రాంది తెమ్ము..యిమ్మటంచు
    కొయ్య గుర్ర మెక్కి కయ్య మాడె.!!

    రిప్లయితొలగించు
    రిప్లయిలు
    1. మీ పూరణ బాగున్నది. అభినందనలు.
      ‘తెమ్ము+ఇమ్ము’ అన్నపుడు యడాగమం రాదు. ‘తెచ్చి యిమ్మటంచు’ అనండి.

      తొలగించు
  15. జి. మధుసుదన్ రాజు (సందిత) గారి పూరణ....

    రౌడి యొక్క డెక్కె రంగుల రాట్నమున్
    వేగమె తిరుణాల వేడ్కలందు
    తిప్పలేదటంచు చప్పునన్ బలుమార్లు
    కొయ్యగుర్ర మెక్కి కయ్యమాడె!

    రిప్లయితొలగించు
  16. అమరవాది రాజశేఖర శర్మ గారి పూరణ...

    ఎదగనేల పైరు ఏపుగ నిలపైన
    రాజునేగె నెట్లు రయముగాను
    కౌరవ పతినేది కదనానయొనరించె
    కొయ్య గుర్ర మెక్కి కయ్య మాడె.

    రిప్లయితొలగించు
    రిప్లయిలు
    1. క్రమాలంకారంలో పూరించడానికి ప్రయత్నించారు. సంతోషం. రెండవ ప్రశ్న తప్ప మిగిలిన ప్రశ్నోత్తరాల అన్వయం కుదరడం లేదు. సవరించండి.

      తొలగించు
  17. ఆట లాడు వేళ నన్నయ్య తోచెల్లి
    నాది గుఱ్ఱ మనుచు వాదులాడ
    నేను ముందు యాడి నీకిత్తుననచెల్లి
    కొయ్య గుఱ్ఱ మెక్కి కయ్యమాడె!!!

    రిప్లయితొలగించు
    రిప్లయిలు
    1. మీ పూరణ బాగున్నది. అభినందనలు.
      ‘ముందు+ఆడి’ అన్నపుడు యడాగమం రాదు. ‘నేను ముందె యాడి...’ అనండి.

      తొలగించు
  18. . * గు రు మూ ర్తి ఆ చా రి *
    ,,,,,,,,,,,,,,,,,,,,,,,,,,,,,,,,,,,,,


    పీక వరకు ద్రాగి వీరప్ప యను వాడు

    గొడవ సేయు స౦దు గొ౦దు ల౦దు |

    నయ్యొ యూరి లోన నతడు కొరక రాని

    కొయ్య. | " గర్ర మెక్కి " కయ్యె మాడె

    { గుర్రమెక్కి = వ్య౦గముగ తాగిన వాడు }

    రిప్లయితొలగించు
  19. నల్లాన్ చక్రవర్తుల వేంకట నారాయణాచార్యులు గారి పూరణ....

    ⁠కుఱ్ఱ నాయకుండు గుఱ్ఱంబు కోరగా
    దర్శకుండు తెలిపె తధ్య మనుచు
    దృశ్య చిత్రణమున తేని కారణమున
    కొయ్య గుఱ్ఱ మెక్కి కయ్య మాడె.

    రిప్లయితొలగించు
  20. అయ్య నుయ్యి గొయ్యి యని నియ్య కొనరయ్య
    యయ్య వారి యింటి దెయ్య మనుచు
    దుయ్య బట్ట బాలు డయ్య సయ్యాటలఁ
    గొయ్య గుఱ్ఱ మెక్కి కయ్య మాడె.

    రిప్లయితొలగించు
    రిప్లయిలు
    1. వృత్త్యనుప్రాసతో మీ పూరణ ప్రశస్తంగా ఉన్నది. అభినందనలు.

      తొలగించు
    2. పూజ్యులు శంకరయ్య గారికి వందనములు. ధన్యవాదములు.

      తొలగించు
  21. కోల యనగ నేమి బాలికా దెల్పుమా?
    రాజు వెడలు నెటుల లక్షణముగ?
    కలకు నేమి జేసె గాంధారి తనయుడు?
    కొయ్య, గుఱ్ఱమెక్కి, కయ్య మాడె!!!

    రిప్లయితొలగించు
    రిప్లయిలు
    1. క్రమాలంకారంలో మీ పూరణ బాగున్నది. అభినందనలు.
      ‘కలకు’...?

      తొలగించు
  22. అయ్య బంధువులును నాహవ మందుండ
    నాట లేల ననుచు చేటి పలుక
    బాలచంద్రు డేగి పగతుర పీకల
    కొయ్య, గుఱ్ఱ మెక్కి కయ్య మాడె.

    రిప్లయితొలగించు
    రిప్లయిలు
    1. మిస్సన్న గారూ,
      వైవిధ్యంగా పూరించాలన్న మీ ఆసక్తి ప్రశంశనీయం. కాని ‘కొయ్య(గా)’ వ్యాకరణ సమ్మతం కాదు. ‘కోయ(గా)’ సరైన రూపం.

      తొలగించు
  23. ఈ కామెంట్‌ను రచయిత తీసివేశారు.

    రిప్లయితొలగించు
  24. రాణి రుద్రదేవి రణరంగమందున
    కాళికాంబవోలే కలియదిరిగి
    కత్తిదూసి వైరి కుత్తుకలందెగ
    కొయ్య గుఱ్ఱమెక్కి కయ్యమాడె

    రిప్లయితొలగించు
    రిప్లయిలు
    1. మీ పద్యం బాగున్నది. కాని పూరణలో ‘కొయ్య’ కోయగా అనే అర్థంలో వాడరాదు.

      తొలగించు
  25. రాణి రుద్రదేవి రణరంగమందున
    కాళికాంబవోలే కలియదిరిగి
    కత్తిదూసి వైరి కుత్తుకలందెగ
    కొయ్య గుఱ్ఱమెక్కి కయ్యమాడె

    రిప్లయితొలగించు
  26. . పిల్లలిద్దరచట పెనుగు లాడుట జూచి
    తాత విషయమడిగి తగద టంచు
    మాన్పబూన దలచి మనముని దండించ?
    కొయ్యగుఱ్ఱ మెక్కి కయ్య మాడె.

    రిప్లయితొలగించు
    రిప్లయిలు
    1. మీ పూరణ బాగున్నది. అభినందనలు.
      ‘మనుమని’ టైపాటు వల్ల ‘మనముని’ అయింది.

      తొలగించు
  27. మిత్రులందఱకు నమస్సులు!

    అయ్యొ యయ్యొ యనుచు నందఱ నదలించి
    దుయ్యఁబట్టి తాను చయ్యనఁ జని
    గుఱ్ఱ మెక్కలేని గుండత్త ఛాయతోఁ
    గొయ్యగుఱ్ఱ మెక్కి కయ్య మాడె!

    రిప్లయితొలగించు
    రిప్లయిలు
    1. చాలా బాగుందండి! ...నమస్సులు.....సూర్యకాంతం...ఛాయాదేవిల ఫైటా?!

      తొలగించు
    2. గుండమ్మ కథ చిత్రం నేపథ్యంతో మీ పూరణ బాగున్నది. అభినందనలు.

      తొలగించు
  28. గుళ్ళపల్లి తిరుమల కాంతికృష్ణ గారి పూరణములు:

    1.
    రణము జేయ దలచు రాకుమారుని గని
    చిన్నవాడు గనుక గన్నతండ్రి
    చెక్క కత్తి నీయ జేబట్టి బాలుండు
    కొయ్యగుఱ్ఱ మెక్కి కయ్యమాడె!


    2.
    పండ్ల తోట గాయు వనపాలకునకును
    కోర వాని సామి గుర్ర మిచ్చె
    దొంగ యొకడు లోన దూరియు పండ్లను
    గొయ్య, గుఱ్ఱ మెక్కి కయ్యమాడె!

    రిప్లయితొలగించు
    రిప్లయిలు
    1. కాంతికృష్ణ గారూ,
      మీ రెండు పూరణలు బాగున్నవి. అభినందనలు.
      రెండవపూరణలో ‘కోయ’ను ‘కొయ్య’ అనడం సాధువు కాదని నా అభిప్రాయం.

      తొలగించు
  29. NVN చారి గారి రెండవ పూరణము:

    బారు లోన దూరి బాగుగ ద్రాగియు
    బిల్లు కట్టు మనిన బెట్టు సేయ;
    తంతుమనగ వారు, చెంతనే యున్నట్టి
    కొయ్య గుఱ్ఱమెక్కి, కయ్య మాడె!

    రిప్లయితొలగించు
  30. బీటుకూరు శేషుకుమార్ గారి పూరణము:

    మొయ్య లేని బావ మోసెద నేనంచు
    కాగితంపు కత్తి కరమునఁ గొని
    వీరు నట్టు లరచి వీడ్యము నుమ్ముచు
    కొయ్య గుర్ర మెక్కి కయ్య మాడె!

    రిప్లయితొలగించు
    రిప్లయిలు
    1. శేషుకుమార్ గారూ,
      మీ పూరణ బాగున్నది. అభినందనలు.
      ‘మోయలేని’ అనండి.

      తొలగించు
  31. నా రెండవ పూరణము:

    బాలచంద్రుఁ డపుడు పరిపంథి సేనల
    తోడఁ బోరఁ గాను, తూర్ణముగను
    సమర రంగమునకుఁ జని, కుత్తుకలఁ దెగఁ
    గొయ్య, గుఱ్ఱ మెక్కి, కయ్యమాడె!!

    రిప్లయితొలగించు
    రిప్లయిలు
    1. మీ రెండవ పూరణ బాగున్నది. అభినందనలు.
      ‘కొయ్యు’ క్రియాపదం విషయంలో నా సందేహం ఇంకా తీరలేదు.

      తొలగించు
  32. గురువు గారికీ నమస్కారములు

    మా అమ్మాయి పెళ్ళి నిశ్చయమైంది...ఏప్రిల్ 29 రోజు ఎంగేజ్ మెంట్ జరగడం వలన బిజీగా వుండిపోయాను

    ఆటలాడుచుండె యారేళ్ళ పసివాడు
    కొయ్య గుఱ్ఱ మెక్కి, కయ్య మాడె
    వలదనుచును తాత వారింప బోయినన్
    మంకు వదలకుండ మనవ డపుడు.

    చందమామ కథలు చదివెడు బాలుడు
    మోజు తోడ తాను రాజు ననుచు
    కొయ్య గుఱ్ఱ మెక్కి కయ్యమాడెను శత్రు
    పటల ముదును మాడు నటన జేసె

    రిప్లయితొలగించు
    రిప్లయిలు
    1. శీఘ్రమేవకళ్యాణప్రాప్తిరస్తు

      తొలగించు
    2. ధన్యవాదాలండి రుబ్బారావు గారు

      తొలగించు
    3. ఆంజనేయ శర్మ గారూ,
      సంతోషకరమైన విషయాన్ని చెప్పారు. అమ్మాయికి నా శుభాశీస్సులు. (పెళ్ళికి తప్పక పిలవండి!)
      మీ రెండు పూరణలు బాగున్నవి. అభినందనలు.
      మొదటి పూరణలో ‘..చుండె నారేళ్ళ...’ అనండి. ‘మనవడు’ సాధువు కాదు, ‘మనుమడు’ అనండి.

      తొలగించు


  33. 1.
    రణము జేయ దలచు రాకుమారుని గని
    చిన్నవాడు గనుక గన్నతండ్రి
    చెక్క కత్తి నీయ జేబట్టి బాలుండు
    కొయ్యగుఱ్ఱ మెక్కి కయ్యమాడె!


    2.
    పండ్ల తోట గాయు వనపాలకునకును
    కోర వాని సామి గుర్ర మిచ్చె
    దొంగ యొకడు లోన దూరియు పండ్లను
    గొయ్య ,గుఱ్ఱ మెక్కి కయ్యమాడె!
    3
    అసలు గుర్రమెక్కి యాటలాడగలేక
    దేనినెక్కినూహ దేలినాము
    దాని నెక్క దోటి గూనలేమొనరించె
    గొయ్య, గుఱ్ఱ మెక్కి, కయ్యమాడె!!

    రిప్లయితొలగించు
    రిప్లయిలు
    1. మీ మూడు పూరణలు బాగున్నవి. అభినందనలు.
      రెండవ పూరణలో 'కొయ్యు' క్రియాపదం విషయంలో సందేహం...

      తొలగించు
  34. రాజ్యమేలె నాడు రంజుగా తన తాత,
    పదను పెట్టె కత్తి కదనమందు!
    భేషజమ్ము నేడు శోష పోవగ తాను
    కొయ్య గుఱ్ఱమెక్కి కయ్య మాడె!

    రిప్లయితొలగించు
  35. 1.చలన చిత్రమందు చక్కగా యగుపిం చ
    కొయ్యగుఱ్ఱ మెక్కి కయ్య మాడి
    విజయలక్ష్మి తోడ వేంచేతు ననుచును
    గొడవ పెట్టట సాగె గొణిగి కొనుచు.

    2.చిన్న బాలుడొకడు చేత కత్తిని బట్టి
    కొయ్యగుఱ్ఱమెక్కి కయ్యయ మాడి
    వత్తు ననుచు పలుక పగలబడుచు నవ్వి
    ముద్దు చేసి రెల్ల మురిసి పోయి.

    3.రాకుమారి జాడ రయముగా నరయుచు
    నపహరించి నట్టి యసుర వరుని
    చంపనెంచి యొకడు సాగె ధైర్యంబుతో
    కొయ్యగుఱ్ఱమెక్కి కయ్యమాడె.

    రిప్లయితొలగించు
    రిప్లయిలు
    1. మీ మూడు పూరణలు బాగున్నవి. అభినందనలు.
      టైపు దోషాలున్నవి.

      తొలగించు
  36. రయ్యి రయ్య నంచు రణరంగమందున
    దూకి శత్రువులను దునుము కోర్కె
    బాలవీరు డపుడు పండ్లు కొరికి
    కొయ్యగుఱ్ఱమెక్కి కయ్యమాడె.

    రిప్లయితొలగించు
    రిప్లయిలు
    1. మీ పూరణ బాగున్నది.
      మూడవపాదంలో గణదోషం. ‘పండ్లుకొరికి వేగ...’ అనండి.

      తొలగించు
  37. కల్లలేమి లేని పిల్లవా డాటలో
    కొంత తడవు చెలిమి కూర్మి చేసి
    క్రీడలోన సుంత కినుక నటింపగా
    కొయ్యగుర్ర మెక్కి కయ్యమాడె

    రిప్లయితొలగించు
    రిప్లయిలు
    1. హనుమంత రావు గారూ,
      శంకరాభరణం బ్లాగు మీకు స్వాగతం పలుకుతున్నది.
      మీ పూరణ బాగున్నది. అభినందనలు.

      తొలగించు
  38. బుడతడచటయెంతముద్దుగానుండెనో
    కొయ్యగుర్రమెక్కి.కయ్యమాడె
    నతనిజూచివానియన్నశంకరరావు
    గుర్రముతనదియనిగొడవజేసి

    రిప్లయితొలగించు
  39. గుళ్ళపల్లి తిరుమల కాంతికృష్ణ గారి మూఁడవ పూరణము:


    అసలు గుర్ర మెక్కి యాట లాడగ లేక
    దేని నెక్కి యూహ దేలినాము?
    దాని నెక్క దోటి కూన లే మాడిరి?
    కొయ్యగుఱ్ఱ మెక్కి, కయ్యమాడె!!

    రిప్లయితొలగించు
    రిప్లయిలు
    1. కాంతికృష్ణ గారూ,
      క్రమాలంకారంలో మీ మూడవ పూరణ బాగున్నది. అభినందనలు.
      ‘కూన యే మాడెను’ అనండి. ‘కయ్యమాడె’ ఏకవచనంలో ఉంది కదా!

      తొలగించు
  40. ఏమి చెప్పనయ్య యేడాది నుండియు
    చిన్న పిల్ల వాని చేష్టల వలె
    తిన వలదన పడని తిండికై మా యయ్య
    కొయ్య గుఱ్ఱ మెక్కి కయ్య మాడె.

    రిప్లయితొలగించు
  41. వేగంలో "వేగ" లోపించింది.క్షమార్హుడను.

    రిప్లయితొలగించు
  42. వేగంలో "వేగ" లోపించింది.క్షమార్హుడను.

    రిప్లయితొలగించు
  43. క్రికెటు జూలు రాలి కిక్కులన్ గోరుచు
    ట్రిక్కు జేసి కుక్క ఠీవి జూపి
    సీటు క్రింద నక్కు సింహమున్ గానక
    కొయ్యగుఱ్ఱ మెక్కి కయ్యమాడె!

    రిప్లయితొలగించు