24, ఫిబ్రవరి 2014, సోమవారం

సమస్యాపూరణం - 1333 (వృద్ధురాలిని వధియించె)

కవిమిత్రులారా,
ఈరోజు పూరించవలసిన సమస్య ఇది...
వృద్ధురాలిని వధియించె బుద్ధుఁ డలిగి.

17 కామెంట్‌లు:

  1. బుద్ధుడని తలంచి చేరదీసె
    బద్ధురాలగుచు నొక వృద్ధురాలు, వా
    డిద్దె యడిగిన దివ్వనంత
    వృద్ధురాలిని వధియించె బుద్ధు డలిగి.

    రిప్లయితొలగించండి
  2. శుద్ధ సాత్వికుడయిన ప్రబుధ్ధుపైన
    బుధ్ధుడనువాడు వైరియై క్రుద్ధుడయ్యె
    బుద్ధి మరలింప నొక తల్లి సిద్ధమవగ
    వృద్ధురాలిని వధియించె బుద్ధుఁ డలిగి

    రిప్లయితొలగించండి
  3. శ్రీ శంకరయ్య గురుదేవులకు,శ్రీ నేమాని గురుదేవులకు వినమ్రవందనములతో.....
    =============*=============
    గోన బుద్ధుని వలె తన కొమరుడు కవి
    గావలె నని,బుద్దు డనుచు కరము బట్టి
    వ్రాయ నేర్పి,ముద్దుగ బిల్వ,పాడు పనులు
    జేయుచు,పరగ మూడుడై జెంత నున్న
    వృద్ధురాలిని వధియించె బుద్ధు డలిగి.!

    రిప్లయితొలగించండి
  4. కవిమిత్రులకు వందనాలు.
    ఎట్టకేలకు ఇంటికి చేరుకున్నాను. ఈ నాలుగురోజులు నిరంతరప్రయాణాల వల్ల బ్లాగును చూసి, పూరణల పద్యాల సమీక్ష చేయడానికి అవకాశం దొరకలేదు. ఎందుకో ఈ మధ్య మిత్రుల భాగస్వామ్యం తక్కువైనట్లు తోస్తున్నది.
    ఇన్నిరోజులు పూరణలు, పద్యాలను రచించిన మిత్రులకు, తమ స్తుతిఖండికలతో మనలను అలరిస్తున్న పండిత నేమాని వారికి అభినందనలు, ధన్యవాదాలు.
    *
    రఘుకుమార్ గారూ,
    మీ ప్రయత్నం ప్రశంసనీయం.
    కాని సమస్య తేటగీతిలో ఉంటే మీకు కందం వ్రాశారు. సవరించండి.
    *
    భాగవతుల కృష్ణారావు గారూ,
    మీ పూరణ బాగున్నది. అభినందనలు.
    *
    వరప్రసాద్ గారూ,
    మీ పూరణ బాగున్నది. అభినందనలు.

    రిప్లయితొలగించండి
  5. బుద్ధు డనువాడు నీచుడై క్రుద్ధుడవగ
    బుధ్ధి నేర్పగ దలచెను ముదుసలవ్వ
    దిద్ది తీర్చగ వానిపై శ్రధ్ద జూప
    వృధ్ధురాలిని వధియించె బుధ్ధుడలిగి

    రిప్లయితొలగించండి
  6. బుద్ధి మంతుడనుచు నమ్మి, ముదముతోడ
    వృద్ధదంపతులొకనిని వేడ్క బెంచి
    బుద్ధుడని పేరుపెట్టిరి ముద్దుగాను
    బుద్ది సడలగ నాతని ముఱికి మదిని
    ఆస్తి విక్రయించుట వారు అడ్డుకొనగ
    వృద్ధు రాలిని వదియించెబుద్ధుడలిగి


    రిప్లయితొలగించండి
  7. శైలజ గారూ,
    మీ పూరణ బాగున్నది. అభినందనలు.

    రిప్లయితొలగించండి
  8. అన్నపరెడ్డి సత్యనారాయణ రెడ్డి గారూ,
    మీ పూరణ బాగుంది. అభినందనలు.
    ‘వారు + అడ్డుకొనగ’ అన్నప్పుడు సంధి జరిగుతుంది. అక్కడ ‘వార లడ్డుకొనగ’ అనండి.

    రిప్లయితొలగించండి
  9. వృద్ధురాలను బిడ్డడా బుద్ధిగ విను
    వద్దురా మద్యపానము హద్దుమీరి
    నాదు ప్రాణాలు నీపైనె నమ్ము మన్న
    వృద్ధురాలిని వధియించె బుద్ధుఁ డలిగి.

    రిప్లయితొలగించండి
  10. మిస్సన్న గారూ,
    మీ పూరణ బాగున్నది. అభినందనలు.

    రిప్లయితొలగించండి
  11. పూజ్య గురుదేవులు శంకరయ్య గారికి నమస్సులు. తమరి సవరణకు కృతజ్ఞతలు

    రిప్లయితొలగించండి
  12. పూజ్యులు గురుదేవులు శంకరయ్య గారికి వందనములు

    యజ్ఞయాగాది క్రతువుల విజ్ఞత యను
    వృద్ధురాలిని వధియించె బుద్ధు డలిగి
    శూన్య ధ్యానపు మార్గమే సుగమమనుచు
    జ్ఞాన బోధను జేసె శాక్యముని మనకు .

    రిప్లయితొలగించండి
  13. కెంబాయి తిమ్మాజీ రావు గారూ,
    మీ పూరణ వైవిధ్యంగా చక్కగా ఉంది. అభినందనలు.
    ‘శూన్యధ్యానపు’ అన్నప్పుడు ‘న్య’ గురువై గణదోషం. అక్కడ ‘శూన్యమౌ ధ్యానమార్గమే...’ అనండి.

    రిప్లయితొలగించండి
  14. పూజ్యులుగురుదేవులు శంకరయ్య గారికి వందనములు
    మీసవరణకు ధన్యవాదమ్ములు మీఅభినందనకు
    కృతజ్ఞతలు

    రిప్లయితొలగించండి
  15. బుద్ధు డను పేరు పెట్టిన బుద్ధి పెరిగి
    గొప్ప వాడగు నని దల్చె నిప్పుడేమొ
    బుడ్డి మందుకు సొమ్మమ్మ నడ్డగించ
    వృద్ధురాలిని వధియించె బుద్ధుఁ డలిగి.

    రిప్లయితొలగించండి
  16. గోలి హనుమచ్ఛాస్త్రి గారూ,
    మీ పూరణ బాగున్నది. అభినందనలు.

    రిప్లయితొలగించండి
  17. వీధి లోన తిరుగుచును వింత చూచు
    గౌతముడడిగె "చన్న! నెవడు కనమె వాని
    వృద్ధురాలిని వధియించె". బుద్ధు డలిగి
    నగరి వదలె సాధింపగ తనదు ప్రశ్న

    రిప్లయితొలగించండి