10, మే 2015, ఆదివారం

సమస్యా పూరణము - 1670 (గంగానది యుప్పునీరు గలదై పాఱెన్)

కవిమిత్రులారా,
ఈరోజు పూరించవలసిన సమస్య ఇది....
గంగానది యుప్పునీరు గలదై పాఱెన్.
(మూలము- गङ्गानदी लवणवारिमयी बभूव |
కన్నడ బ్లాగు ‘పద్యపాన’ సౌజన్యంతో)

33 కామెంట్‌లు:

  1. నింగిని నిలచిన దేవత
    లింగని శిరమందు నుండి లీలగ భువిపై
    సంగమ ముకోరి సింధువు
    గంగా నదియుప్పు నీరు గలదై పాఱెన్

    రిప్లయితొలగించు
  2. అందరికీ వందనములు !
    అందరి పూరణలూ అలరించు చున్నవి !

    గంగానదిని సింగారింప బూనిన చెత్తంతా పోటీపడి దానిలో కలుస్తుంటే :

    01)
    _________________________________

    గంగానది కిరు వైపుల
    పొంగారెడు కశ్మలంబు - పోటీ పడుచున్
    సింగారింపగ గలసిన
    గంగానది యుప్పునీరు - గలదై పాఱెన్ !
    _________________________________

    రిప్లయితొలగించు
  3. రాజేశ్వరి అక్కయ్యా,
    మీ పూరణ బాగున్నది. అభినందనలు.
    *****
    అశ్వత్థ నారాయణ మూర్తి గారూ,
    మీ పూరణ బాగున్నది. అభినందనలు.
    మూడవపాదంలో గణదోషం. ‘బో|వంగను జలధారల కర...’ అనండి.
    *****
    వసంత కిశోర్ గారూ,
    మీ పూరణ బాగున్నది. అభినందనలు.

    రిప్లయితొలగించు
  4. తింగర వర్తకుడొకడా
    నింగిని జూడక లవణము నింపి విపణి బో
    వంగను జలధారల కర
    గంగా, నది యుప్పు నీరు గలదై పారెన్

    గురువుగారికి కృతజ్ఞతలు.

    రిప్లయితొలగించు
  5. పొంగులు వారుచు గదిలెడి
    గంగానది యందు జనులు కలుషము లిడువన్
    కంగారున జెమరించుచు
    గంగానది యుప్పునీరు గలదై పాఱెన్ !!

    రిప్లయితొలగించు
  6. భంగ పరచ భూకంపము!
    క్రుంగగ జనజీవనమ్ము! ఘోరమటంచున్
    నింగి వగచి విలపించగ!
    గంగానది యుప్పునీరు గలదై పాఱెన్ !!

    రిప్లయితొలగించు
  7. గంగను మునుగగ భక్తులు
    వింగడమైనట్టి తాను వేడుక జెందున్
    డింగరుల చెమట కలియగ
    గంగానది యుప్పునీరు గలదై పాఱెన్!!

    రిప్లయితొలగించు
  8. తుంగుని సిగనుండి తెరలి
    చెంగున మరి పొంగి పొర్లి చెన్నుగ తానే
    సంగమ తావుల యందున
    గంగానది యుప్పునీరు గలదై పారున్!!!

    రిప్లయితొలగించు
  9. సవరణ :
    మొదటి పూరణలో రెండవ పాదం :
    ” కలుషములు విడన్ "

    రిప్లయితొలగించు
  10. భృంగీశుని ఘర్మజలము
    గంగా పూరమున బడిన కతన, సుకృతయై
    పొంగుచు పాతాళమునకు
    గంగానది యుప్పునీరు గలదై పాఱెన్!!

    రిప్లయితొలగించు
  11. నాగరాజు రవీందర్ గారూ,
    మీ మూడు పూరణలు బాగున్నవి. అభినందనలు.
    *****
    గుండా వేంకట సుబ్బ సహదేవుడు గారూ,
    మీ పూరణ బాగున్నది. అభినందనలు.
    *****
    శైలజ గారూ,
    మీ పూరణ బాగున్నది. అభినందనలు.
    ‘సంగమ తావులు’ అని సమాసం చేయరాదు. అక్కడ ‘సంగమము జరుగు తావుల’ అనండి.

    రిప్లయితొలగించు
  12. భంగమయి ప్రకృతి, తిమి జరు
    గంగా నదిఉప్పునీరు గలదై పాఱెన్
    సంగమపు ప్రదేశమునను
    రంగని యాలయముగూడ లవణమయమయెన్

    రిప్లయితొలగించు
  13. అన్నపరెడ్డి సత్యనారాయణ రెడ్డి గారూ,
    మీ పూరణ బాగున్నది. అభినందనలు.

    రిప్లయితొలగించు
  14. డంగైపోతిని కలలో
    నింగియె వర్షించుచుండెనిలపై యుప్పున్
    పొంగుచు పొరలుచు రయమున
    గంగానది యుప్పునీరు గలదై పాఱెన్

    రిప్లయితొలగించు
  15. గంగా సంగమమునను క-
    వుంగిలిలో జేర్చ నుదధి యుల్లాసముతో
    పొంగుచు మమేక మయ్యెను
    గంగానది యుప్పునీరు గలదై పారెన్.

    రిప్లయితొలగించు
  16. కాన్పూరులో తోళ్ళ పరిశ్రమ కాలుష్యంతో ఉప్పగా మారుతుంది.
    తుంగముల నుండి పాఱుచు
    భంగము చేయగను తోళ్ళ పరుషము నరవన్
    జంగమ దేవర ప్రియసఖి
    గంగానదియుప్పునీరు గలదై పాఱెన్

    రిప్లయితొలగించు

  17. తొంగలి గొను కశ్మలములు
    అంగుళ మంగుళమున నిండి యలజడి రేపన్
    పొంగిన యశ్రుజలమ్ముల
    గంగానది యుప్పు నీరు గలదై పారెన్

    రిప్లయితొలగించు
  18. అంగజు పితసుత వీవట
    భంగముఁలజనుల యఘములు భంగమొనర్చన్
    సంగము గోరుచు సంద్రుని
    గంగానది యుప్పు నీరు గలదై పాఱెన

    రిప్లయితొలగించు
  19. భాగవతుల కృష్ణారావు గారి పూరణ

    సంగమమందు త్రివేణిని
    గంగను మునుగంగ జనుల ఘర్మజలంబుల్
    గంగను కలియగ నటు పై
    గంగానది యుప్పునీరు గలదై పాఱెన్.

    రిప్లయితొలగించు
  20. ఈ కామెంట్‌ను రచయిత తీసివేశారు.

    రిప్లయితొలగించు
  21. చంద్రమౌళి సూర్యనారాయణ గారూ,
    మీ పూరణ బాగున్నది. అభినందనలు.
    *****
    మిస్సన్న గారూ,
    మీ పూరణ బాగున్నది. అభినందనలు.
    *****
    అన్నపరెడ్డి సత్యనారాయణ రెడ్డి గారూ,
    మీ పూరణ బాగున్నది. అభినందనలు.
    *****
    కెంబాయి తిమ్మాజీ రావు గారూ,
    మీ పూరణ బాగున్నది. అభినందనలు.
    రెండవ పాదంలో గణదోషం. ‘అంగుళ మంగుళము నిండి...’ అనండి.
    *****
    డా. బల్లూరి ఉమాదేవి గారూ,
    మీ పూరణ బాగున్నది. అభినందనలు.
    *****
    భాగవతుల కృష్ణారావు గారూ,
    మీ పూరణ బాగున్నది. అభినందనలు.
    *****
    కె. ఈశ్వరప్ప గారూ,
    మీ రెండు పూరణలు బాగున్నవి. అభినందనలు.
    రెండవపూరణ మూడవపాదంలో గణదోషం. ‘పొంగారుచు/గ కల్మషమై’ అందామా?

    రిప్లయితొలగించు
  22. గంగను గలియుట సంద్రము
    గంగానది యుప్పు నీరు గలదై పారెన్
    మంగా !తెలియుము విషయము
    భంగము లుం బెక్కు గలిగి భయమును గొల్పన్

    రిప్లయితొలగించు
  23. మంగళకరుడు హిమాలయ
    శృంగిసముడు గాంధి దాస్య శృంఖల ద్రెంపన్
    సంగరమొనర్ప "దండి"న
    గంగానది యుప్పునీరు గలదైపాఱెన్ !!!

    రిప్లయితొలగించు
  24. పోచిరాజు సుబ్బారావు గారూ,
    మీ పూరణ బాగున్నది. అభినందనలు.
    *****
    మంద పీతాంబర్ గారూ,
    మీ పూరణ బాగున్నది. అభినందనలు.

    రిప్లయితొలగించు
  25. గంగానది కల్మష మే
    పొంగిన సమయాన గట్టు పూర్తిగ నింపన్?
    రంగేమారిన నీరే
    గంగానదియుప్పు నీరు గలదై పాఱెన్|
    2.అంగాంగము లే నిధియై
    సింగారపు,శిరులుబంచి-సిరి వెన్నెలలో
    పొంగరుచుగ కల్మషమై|
    గంగానది యుప్పునీరు గలదై పాఱెన్|

    రిప్లయితొలగించు
  26. మిత్రులు శ్రీ కంది శంకరయ్యగారికి, సుకవి మిత్ర బృందమునకు నమశ్శతములతో....

    నింగినిఁ జీల్చి నిదాఘము
    పొంగుచు నేలకునుఁ దాకఁ బొగిలి జనులుఁ బో
    రంగ దొరువుఁ ద్రవ్వఁగఁ బరఁ
    గంగా నది యుప్పునీరు గలదై పాఱెన్!
    (పరఁగన్+గాన్+అది...అని విఱచి పఠించునది)

    రిప్లయితొలగించు
  27. కె. ఈశ్వరప్ప గారూ,
    మీ రెండు పూరణలు బాగున్నవి. అభినందనలు.
    రెండవపూరణ మూడవపాదాన్ని ‘పొంగారుచు కల్మషమై’ అనండి.
    *****
    గుండు మధుసూదన్ గారూ,
    వైవిధ్యమైన విరుపుతో మీ పూరణ బాగున్నది. అభినందనలు.

    రిప్లయితొలగించు
  28. గంగ |పొంగంగ చెత్త వేగంగ జేర?
    నీటి వడబోతయుసుకల పోటిదరుగ?
    శుబ్రబరచేటి సిబ్బంది చూడకున్న?
    గంగానది యుప్పునీరు గలదై పాఱెన్గంగానది కల్మష మే

    రిప్లయితొలగించు
  29. చెంగున మోడీ చేరగ
    ప్రాంగణమా వారణాసి ప్రజలందరివౌ
    పొంగిన కన్నీరు కలిసి
    గంగానది యుప్పునీరు గలదై పాఱెన్

    రిప్లయితొలగించు


  30. అంగజహరు కొప్పువిడిచి
    గంగానది యుప్పునీరు గలదై పాఱెన్
    బంగాళాఖాతములో,
    చెంగలి శివుని విడువంగ చింతయె సుదతీ !

    జిలేబి

    రిప్లయితొలగించు
  31. రంగములోనోడి ఘనుడు
    హంగులతో మోడిఁ జూచి హర హర యనుచున్
    చెంగున దూకుచు నేడ్వగ
    గంగానది యుప్పునీరు గలదై పాఱెన్

    రిప్లయితొలగించు