సంపత్ కుమార్ శాస్త్రి గారూ, చక్కని ఊహతో పూరణ చెప్పారు బాగుంది. అభినందనలు. రుక్మిణి మాట అయితే ‘వరించితిన్’ అని ఉండవలసి వస్తుంది. కాబట్టి పైమాటను కుండిన నగర పౌరులు అనుకున్నట్లు చెప్తే సరి! ‘హృన్నీరేజం’ టైపాటు వల్ల ‘హృనీరేజం’ అయింది. * శ్రీఅదిభట్ల కామేశ్వర శర్మ గారూ, నిజమే రెండవది ప్రశస్తంగా ఉంది. మీరూహించిన భావం ఉదాత్తంగా ఉంది. అభినందనలు.
పండిత నేమాని వారి పద్యం లో కర్త కృష్ణుడైనట్టున్నాడు కాబట్టి అన్వయం అంత సరిగ్గా కుదరలేదేమో అనిపిస్తుంది. రుక్మిణి , దేవకి కన్నకొడుకైన కృష్ణుడిని వరించింది అని రుక్మిణిపరంగా చెప్పాలనుకుంటాను
చివరికి “...వెం-కన్నకుమారుండు...” నాకు వదిలేసినందుకు ధన్యవాదాలతో: మిన్నులరాయడు మన సున్నమనిషి పూర్వభాషి సొగసరి గుణసం పన్నుడు, పండిత శ్రీ వెం కన్నకుమారుండు, మగఁడు గాఁగ వరించెన్!
పన్నగ ధర శివ చాపము
రిప్లయితొలగించండిపన్నగ శయ నుండు విరిచె పదుగురు చూడన్
కన్న రమ సీత దశరథ
కన్నకుమారుండు మగఁడు గాఁగ వరించెన్
గోలి హనుమచ్ఛాస్త్రి గారూ,
రిప్లయితొలగించండిచక్కని పూరణ నందించారు. అభినందనలు.
‘దశరథ’శబ్దాన్ని విభక్తి లేకుండా ప్రయోగించారు.
మాస్టారు గారూ! ధన్యవాదములు.
రిప్లయితొలగించండిపోస్ట్ చేసిన తరువాత దోషాన్ని గమనించాను. నిజమే...
సవరణ తో..
పన్నగ ధర శివ చాపము
పన్నగ శయ నుండు విరిచె పదుగురు చూడన్
కన్న రమ సీత దశరథు
కన్నకుమారుండు మగఁడు గాఁగ వరించెన్
కన్నియ రుక్మిణి చేసిన
రిప్లయితొలగించండివిన్నపమున కాత్మ బొంగి వే జని గుణ సం
పన్నుడు కృష్ణుడు దేవకి
కన్న కుమారుండు మగడు గాగ వరించెన్
పండిత నేమాని వారూ,
రిప్లయితొలగించండిఅద్భుతమైన భావం, అత్యద్భుతమైన నడక. సర్వోత్తమంగా ఉంది మీ పూరణ. అభినందనలు, ధన్యవాదాలు.
వివాహానంతరము రుక్మిణీ దేవి తన చెలికత్తెతో............
రిప్లయితొలగించండిహృనీరేజనివాసుం
డన్నను రణరంగమందునద్భుతరీతిన్,
బన్నము జేసిన దేవకి
కన్నకుమారుండు మగడుగాగ వరించెన్.
బన్నము = ఓటమి,
మన్ననగొని భువి దల్లిగ
రిప్లయితొలగించండినెన్నిన మనుజుండు పుడమి కేలిక యగుచో
కన్నట్టి వారలనరో
కన్న కుమారుండు మగడు గాగ వరించెన్
కన్నట్టి తల్లిగా భువి
రిప్లయితొలగించండినెన్నిన మనుజుండు పుడమి కేలికయగుచో
కన్నట్టి వారలనరో
కన్న కుమారుండు మగడు గాగ వరించెన్
తొలి పద్యం కన్నా ఇది కొంచెం సరళంగా ఉన్నదనిపిస్తోంది.
సంపత్ కుమార్ శాస్త్రి గారూ,
రిప్లయితొలగించండిచక్కని ఊహతో పూరణ చెప్పారు బాగుంది. అభినందనలు.
రుక్మిణి మాట అయితే ‘వరించితిన్’ అని ఉండవలసి వస్తుంది. కాబట్టి పైమాటను కుండిన నగర పౌరులు అనుకున్నట్లు చెప్తే సరి!
‘హృన్నీరేజం’ టైపాటు వల్ల ‘హృనీరేజం’ అయింది.
*
శ్రీఅదిభట్ల కామేశ్వర శర్మ గారూ,
నిజమే రెండవది ప్రశస్తంగా ఉంది. మీరూహించిన భావం ఉదాత్తంగా ఉంది. అభినందనలు.
ధన్యోస్మి గురువు గారూ.
రిప్లయితొలగించండి"హన్నా! పులితో నాడెను
రిప్లయితొలగించండికన్నకుమారుండు, మగఁడు గాఁగ వరించెన్
మన్నడు , రక్తంబిదియౌ!"
యన్నుల మిన్నగు శకుంతలచ్చెరువొందెన్.
తనని వరించిన వాడు వీరుడు _ వాని రక్తము గాన ఈ బిడ్డ ఇంత వీరుడని తలుచుట.....
అన్నా వదినల ముద్దుల
రిప్లయితొలగించండికన్న కుమారుండు మగడు గాగ వరించెన్
వెన్నెల విరియగ నగవులు
మిన్నగ పంచెడు యతివను, మెఱుపుల కన్యన్.
పన్నగ శయనుని గారపు
కన్న కుమారుండు మగడు గాగ; వరించెన్,
వన్నెలు కురిపించెను రతి,
యెన్నడు వీడక ననంగు నిల్లాలగుచున్.
వెన్నెల రాతురు లందున
రిప్లయితొలగించండివన్నెలు కురిపించి యతడు వాంచించి మదిన్ !
యెన్నగ నాతడు మేనత్త
కన్న కుమారుండు మగఁడు గాఁగ వరించెన్ !
పండిత నేమాని వారి పద్యం లో కర్త కృష్ణుడైనట్టున్నాడు కాబట్టి అన్వయం అంత సరిగ్గా కుదరలేదేమో అనిపిస్తుంది. రుక్మిణి , దేవకి కన్నకొడుకైన కృష్ణుడిని వరించింది అని రుక్మిణిపరంగా చెప్పాలనుకుంటాను
రిప్లయితొలగించండికన్నట్టి తల్లిగా భువి
రిప్లయితొలగించండినెన్నిన జనపతుల తండ్రి యెట్లున్ హరియే
నన్నా! యెటులందురు? భువి
గన్న కుమారుండు మగడుగాగ వరించెన్
పన్నగ శయనుడు శ్రీహరి
రిప్లయితొలగించండికన్న కుమారుండు మగఁడు గాఁగ వరించెన్ !
యెన్నగ నాతడు నలువయె
కన్నియగా ధన్యు రాలు గాన వాగ్దేవయ్యెన్ !
చివరికి “...వెం-కన్నకుమారుండు...” నాకు వదిలేసినందుకు ధన్యవాదాలతో:
రిప్లయితొలగించండిమిన్నులరాయడు మన
సున్నమనిషి పూర్వభాషి సొగసరి గుణసం
పన్నుడు, పండిత శ్రీ వెం
కన్నకుమారుండు, మగఁడు గాఁగ వరించెన్!
మిన్నయగు దేవగురు బృహస్పతి
రిప్లయితొలగించండికన్న కుమారుండు మగడు గాగ వరించెన్ !
మన్నించు మనగ కచుడిని
మన్నన యెరుగని దేవయాని యాగ్రహ మొందెన్ !
మందాకిని గారూ,
రిప్లయితొలగించండిమీ మూడు పూరణలూ దేనికదే వైవిధ్యంగా చక్కగా ఉన్నాయి. ముఖ్యంగా మూడవది ఉత్తమంగా ఉంది. అభినందనలు.
*
అజ్ఞాత గారూ,
నిజమే! మీరు చెప్పింది సరైనదే. ధన్యవాదాలు.
రెండవపాదంలో ‘వే జని’ ని ‘వే జనె’ అని మార్చితే అన్వయం కుదురుతుందనుకుంటాను. ఆ పద్యాన్ని ఇప్పుడు చూడండి.
కన్నియ రుక్మిణి చేసిన
విన్నపమున కాత్మ బొంగి వే జనె గుణ సం
పన్నుడు కృష్ణుడు; దేవకి
కన్న కుమారుండు మగడు గాగ వరించెన్
*
రాజేశ్వరి అక్కయ్యా,
మీ మూడు పూరణలూ భావవైవిధ్యంతో అలరిస్తున్నాయి. అభినందనలు.
మూడు పద్యాల్లోను గణదోషా లున్నాయి. నా సవరణలు ....
మొదటి పూరణ ........
వెన్నెల రాతురు లందున
వన్నెలు కురిపించి యతడు వాంచించె గదా !
యెన్నగ నా మేనత్తకు
కన్న కుమారుండు మగఁడు గాఁగ వరించెన్ !
రెండవ పూరణ ....
పన్నగ శయనుడు శ్రీహరి
కన్న కుమారుండు మగఁడు గాఁగ వరించెన్ !
పన్నుగ నాతడు నలువయె
కన్నియగా ధన్యు రాలు గద వాక్సతియే !
మూడవ పూరణ .....
మిన్నయగు నా బృహస్పతి
కన్న కుమారుండు మగడు గాగ వరించెన్ !
మన్నించు మనగ కచుడిని
మన్నన విడి దేవయాని మటమట లాడెన్ !
*
లక్కాకుల వెంకట రాజారావు గారూ,
విష్ణ్వంశ ఉన్నవాడే రాజవుతాడు కదా! చక్కని పూరణ. అభినందనలు.
*
చంద్రశేఖర్ గారూ,
మంచి పట్టే పట్టారు. ‘వెం/కప్పను గని పాము ...’ పూరణను గుర్తుకు తెచ్చారు. ఉత్తమమైన పూరణ. అభినందనలు.
గురువుగారూ, ధన్యవాదాలండి.
రిప్లయితొలగించండిఇచ్చట నేను ప్రస్తావించినది భూమిని తల్లిగా భావించే రాజుల సంగతి ...
రిప్లయితొలగించండిశ్రీగురుభ్యోనమ:
రిప్లయితొలగించండినన్నే వలచినవాడై
వన్నెల చెలికాడు నాకు వరుడైనాడే
చిన్నతనంబున కలలో
కన్న కుమారుండు మగఁడు గాఁగ వరించెన్
శ్రీపతి శాస్త్రి గారూ,
రిప్లయితొలగించండి‘కలలో కన్న కుమారుడా?’ అద్భుతమూ, వినూత్నమూ ఐన భావం. ఉత్తమమైన పూరణ. అభినందనలు.
అందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
" మాయాబజార్ " సినిమాలో శశిరేఖ :
01)
_____________________________
కన్న జనకుడే కాదన;
కన్నె కలువగు శశిరేఖ - కళవళ బడుచున్
కన్నఱ దీరగ , యత్తకు
కన్నకుమారుండు మగఁడు - గాఁగ వరించెన్ !
____________________________
కన్నఱ = దుఃఖము
తల్లి మనోవేదన:
రిప్లయితొలగించండిఅన్న కుమార్తెకయో నా
కన్నకుమారుండు మగఁడు గాఁగ వరించెన్
మిన్నగు నాస్తిని కోరుచు
తన్నుల కోర్చంగ నోపి తడబడకుండన్