కవిమిత్రులారా,
ఈ రోజు పూరించవలసినసిన సమస్య ఇది -
పేదలు నిరు పేద లగుట ప్రియమొనరించున్.
(ఈ సమస్యను పంపిన లక్కాకుల వెంకట రాజారావు గారికి ధన్యవాదాలు)
ఈ రోజు పూరించవలసినసిన సమస్య ఇది -
పేదలు నిరు పేద లగుట ప్రియమొనరించున్.
(ఈ సమస్యను పంపిన లక్కాకుల వెంకట రాజారావు గారికి ధన్యవాదాలు)
చేదగు బాధనిపించును
రిప్లయితొలగించండిపేదలు నిరు పేద లగుట, ప్రియమొనరించు
న్నాదము లెప్పుడు తీయని
మోదములిచ్చునని యెంచు మోహము విడుమా!
ఇది తీపి యని, ఇది బాధ యని యెన్ను మోహాన్ని విడుమనుట.
సత్సాధువుల గురించి............
రిప్లయితొలగించండిమోదంబొనరించెడు సం
వాదంబులజేసి భక్తిభావంబుల నా
పాదించుచు, దుర్బుద్ధికి
పేదలు నిరుపేదలగుట ప్రియమొనరించున్.
దుర్బుద్ధి కి పేదలు , దుర్బుద్ధికి నిరుపేదలు
పేదలు పెద్దగ మారగ
రిప్లయితొలగించండినూదర గొట్టుచు నెవరిని ఓట్లని యడుగున్
జూదము లాడెడి ప్రభుతకు
పేదలు నిరు పేద లగుట ప్రియమొనరించున్.
ఖేదకరము మనలకు నా
రిప్లయితొలగించండిపేదలు నిరుపేద లగుట; ప్రియమొనరించున్
ప్రోదిగొను నాయకులకున్
ఆదారిద్ర్యము గెలుచుట కాయువు పట్టై!
మేదిని సంపద యంతయు
రిప్లయితొలగించండిమాదేయను భూర్జువాల మానస విధముల్
ప్రోదిపడి దోచు వారికి
పేదలు నిరు పేదలగుట ప్రియ మొనరించున్
దుర్భుధ్ధి గల నాయకులున్న
రిప్లయితొలగించండిఈ స్ద్బుధ్ధి గల లోకమున
పేదలు నిరుపేదలగుట ప్రియమొనరించునన్న
భావ్యము హేయము కాదగునా..
వేదన కలిగెడివిషయము
రిప్లయితొలగించండిపేదలు నిరు పేద లగుట , ప్రియ మొనరించున్
పేదలకు సాయ పడిన చొ
పేదలు లేకుండ జేయ మెచ్చును శివుడున్ .
గురువు గారికి నమస్కారములు
రిప్లయితొలగించండిగురువు గారికి నమస్కారములు
రాజకీయనాయకులకు
--------
పేదలు రాళ్ళను గొట్టిన
పాదము వద్దకు పరుగున పైసలకొచ్చున్|
సాధన లేకనె వారికి
పేదలు నిరుపేదలగుట ప్రియమొనరించున్|
శ్రీగురుభ్యోనమ:
రిప్లయితొలగించండిసోదరులారా మోదమె
పేదలు నిరుపేదలగుట? ప్రియమొనరించున్
చేదోడుగ సాయంబుల
నాదరముగ జేసినంత హ్లాదన కలుగున్
పేదలు నిరుపేదలకే
రిప్లయితొలగించండిసాదర ఆహ్వానమదియు సముచితరీతిన్
ఆదర సత్కారములన
పేదలు నిరుపేదలగుట ప్రియమొనరించున్
పోదురు, మీఆశికములు
రిప్లయితొలగించండిపేదలు నిరుపేదలగుట ప్రియమెటులౌ? మీ
వాదన నిజమా! ఆహా!
పేదలు నిరుపేదలగుట ప్రియమనిపించున్
ఖేదము మిక్కిలి హెచ్చును
రిప్లయితొలగించండిమోదము లడుగంట, వస్తువులు దొరకమిచే
వేదన కల్గును, ధరలును
పేదలు నిరుపేదలగుట ప్రియమనిపించున్
మోదము పొందెడి ప్రభుతకు
రిప్లయితొలగించండిబాధలు పెట్టంగ జనుల బేధము లేకన్ !
ఖేదము మరచుట దెలిసిన
పేదలు నిరు పేదలగుట ప్రియ మొనరిం చున్ !
ఆదరణయె మోదమనుచు
రిప్లయితొలగించండిసాదరముగ గలసిమెలసి సతతము మెలిగే
పేదరికమునకు ధనికులు
పేదలు నిరుపేదలగుట ప్రియమొనరించున్
మందాకిని గారూ,
రిప్లయితొలగించండిబాగుంది మీ పూరణ. అభినందనలు.
‘బాధ + అనిపించును’ అన్నప్పుడు సంధి లేదు, యడాగమం వస్తుంది. ‘చేదగు బాధయె తోచును’ అందామా?
*
సంపత్ కుమార్ శాస్త్రి గారూ,
మీ పద్యం చక్కని నడకతో అలరిస్తున్నది. మంచి పూరణ. అభినందనలు.
*
గోలి హనుమచ్ఛాస్త్రి గారూ,
మీ పూరణ ప్రశస్తంగా ఉంది. అభినందనలు.
*
‘మన తెలుగు’ చంద్రశేఖర్ గారూ,
మీ పూరణ బాగుంది. అభినందనలు.
*
లక్కాకుల వెంకట రాజారావు గారూ,
చక్కగా ఉంది మీ పూరణ. అభినందనలు.
*
అజ్ఞాత గారూ,
మీ భావం బాగుంది. కవిమిత్రులెవరైనా దానిని ఛందోబద్ధం చేస్తారేమోనని చూసాను. వీలైతే ఈ సాయంత్రం వరకు దానిని పద్యంగా వ్రాస్తాను.
*
సుబ్బారావు గారూ,
చాలా బాగుంది మీ పూరణ. అభినందనలు.
‘పడినచో’ అనవలసింది ‘చొ’ అని హ్రస్వాన్ని ప్రయోగించారు. అక్కడ ‘పడినన్’ అంటే సరి!
*
వరప్రసాద్ గారూ,
చక్కని పూరణ. అభినందనలు.
‘పైసలకొచ్చున్’ అన్నచోట ‘ఒచ్చున్’ ప్రయోగం తప్పు. ‘పైసల కేగున్’ అందాం.
*
శ్రీపతి శాస్త్రి గారూ,
మీ పూరణ ప్రశస్తంగా ఉంది. అభినందనలు.
*
నిరంజన్ కుమార్ గారూ,
మీ మూడు పూరణలూ ముచ్చటగా ఉన్నాయి. సంతోషం! అభినందనలు.
మీ పద్యాలలో అక్కడక్కడ పాదం మధ్య అచ్చులను ప్రయోగించారు. అది దోషమే.
*
మిస్సన్న గారూ,
మీ పూరణ చాలా బాగుంది. అభినందనలు.
*
రాజేశ్వరి అక్కయ్యా,
పూరణ బాగుంది. అభినందనలు.
కాకుంటే రెండవ పాదంలో యతి తప్పింది. ‘జనులు పల్లట లేకన్’ అందాం.
మీ సవరణ శిరోధార్యము.
రిప్లయితొలగించండిచేదగు బాధగ తోచును,
పేదలు నిరు పేద లగుట; ప్రియమొనరించు
న్నాదము లెప్పుడు తీయని
మోదములిచ్చునని యెంచు మోహము విడుమా!
వాదుకు దిగి యిట్లాడిన
రిప్లయితొలగించండినేదో సరిపెట్ట వచ్చు నిజముగ జూడన్
కాదే యసత్య మెట్టుల
పేదలు నిరుపేద లగుట ప్రియ మొనరించున్?
-----------
గేదెలు మంత్రులు కాగా
రిప్లయితొలగించండియాదవ బీహారు నందు హాహాయనుచున్
దాదాలు దొంగి లించగ
పేదలు నిరు పేద లగుట ప్రియమొనరించున్
అమిత్ షా:
రిప్లయితొలగించండిసోదరి ధనమును గ్రోలగ
బాదుచు గుండెలను నేటి బంగాలందున్
చీదరతో దీదినిగని
పేదలు నిరు పేద లగుట ప్రియమొనరించున్