కవిమిత్రులారా,
ఈరోజు పూరించవలసిన సమస్య ఇది ...
ప్రశ్నకు ప్రశ్నయె జవాబు భామిని పలికెన్.
(ఆశావాది ప్రకాశరావు గారు అవధానంలో ఎదుర్కొన్న సమస్య)
ఈ సమస్యను సూచించిన చింతా రామకృష్ణారావు గారికి ధన్యవాదములు.
ఈరోజు పూరించవలసిన సమస్య ఇది ...
ప్రశ్నకు ప్రశ్నయె జవాబు భామిని పలికెన్.
(ఆశావాది ప్రకాశరావు గారు అవధానంలో ఎదుర్కొన్న సమస్య)
ఈ సమస్యను సూచించిన చింతా రామకృష్ణారావు గారికి ధన్యవాదములు.
ప్రశ్నలు లభింప వయ్యెను
రిప్లయితొలగించండిప్రశ్నింపగ బూనినట్టి ప్రష్టకు నకటా!
ప్రశ్న నిడె నిటుల నంతట
ప్రశ్నకు ప్రశ్నయె జవాబు భామిని పలికెన్
అయ్యా! శ్రీ శంకరయ్య గారూ! శుభాశీస్సులు.
రిప్లయితొలగించండిఈ నాటి సమస్య ఏ విధముగా సమస్య యగును? దుష్కర ప్రాస మాత్రమే ప్రాతిపదిక కావలయునా? భావ వైవిధ్యముతో 10 మంది నింపుటకు అవకాశము గలిగిన సమస్యలే సమంజసమగునని నా అభిప్రాయము. ప్రశ్నకు ప్రశ్నయె జవాబు భామిని పలికెన్ అను వాక్యము కూడా సంపూర్ణము కాదు. స్వస్తి
రస్నా రుచులను తెలుపుచు
రిప్లయితొలగించండిప్రశ్నించెను చెలియ నిటుల పరమ ప్రీతిన్ !
రస్నా త్రాగక పోతివ ?
ప్రశ్నకు ప్రశ్నయె జవాబు భామిని పలికెన్ !
ప్రశ్నించెద నిను భామా !
రిప్లయితొలగించండిప్రశ్నా నన్నడుగు మామ ! పనికొస్తావా?
ప్రశ్నకు పనికొస్తావా?
ప్రశ్నకు ప్రశ్నయె జవాబు భామిని పలికెన్.
హశ్నా ! వత్తువ యింటికి ?
రిప్లయితొలగించండిబ్రశ్నను నే వేయ బలికె వత్తున యిపుడే ?
ప్రశ్నను వేసియు మరలన
ప్రశ్నకు ప్రశ్నయె జవాబు భామిని పలికెన్ .
కళారత్న బిరుదాంకితులు డా.ఆశావాది ప్రకాశరావు గారి పూరణ.
రిప్లయితొలగించండిప్రశ్నలపై వడి ప్రశ్నలు,
ప్రశ్నించెడి తనదు భర్త భావం బేమో
ప్రశ్నించును, తన యెదలో
ప్రశ్నకు ప్రశ్నయె జవాబు భామిని పలికెన్.
ప్రశ్నయె "కం బల వంతః"?
రిప్లయితొలగించండిప్రశ్నకు ప్రతి ప్రశ్న పలుకి పరికింపుడయా!
ప్రశ్నగు "కంబల వంతః"
ప్రశ్నకు ప్రశ్నయె జవాబు భామిని పలికెన్.
భావము:- కం బలవంతః:?(శీతాకాలంలో ఒకడు ప్రశ్నించాడు ఎవడు బలవంతుడు అని) ఇది ఒక ప్రశ్నయే.
దానికి సమాధానంగా ఆ ప్రశ్ననే పలికి చూడండి. అలా చూచినట్లైతే "కంబల వంతః" (కంబలి కలవాడే అంటే రగ్గు కలవాడే అని సమాధానం) ఆ సమాధానంగా ఈ ప్రశ్నయే అగును. కావున ప్రశ్నకు ప్రశ్నయె జవాబు అని భామిని ఎంత అద్భుతంగా పలికింది!
స్వస్తి.
"జవరాలా ముద్దిడవా?"
రిప్లయితొలగించండివివాహితులవక,ప్రియుడన "పెళ్ళెపుడ?"నుచున్
వివాద 'ప్రశ్నకు ప్రశ్నయె
జవాబు భామిని పలికెను' సంస్కారముగన్!
అయ్యా! శ్రీ సహదేవుడు గారూ! శుభాశీస్సులు.
రిప్లయితొలగించండిమీరు పాదములని వ్యత్యస్తము చేసేరు - బాగుగనె యున్నది. కానీ 3వ పాదములో గణభంగము మీరు గమనించలేదు. స్వస్తి.
అయ్యా! శ్రీ రామకృష్ణా రావు గారూ! శుభాశీస్సులు.
రిప్లయితొలగించండిఈ సమస్య మీరు సూచించినదే కాబట్టి ఒక మారు చూడండి. ఈ పాదములో పూర్తిగా అన్వయము ఉన్నదా? దీనిని సమస్యగా ఈయ వచ్చునా? అర్థము పూర్తి కాని వాక్యములను సమస్యగా ఇచ్చుటను సమర్థించగలమా? స్వస్తి.
అయ్యా! శ్రీ రామకృష్ణారావు గారూ! శుభాశీస్సులు.
రిప్లయితొలగించండిమీరు ఏదో మాదిరిగా కిట్టించి సమస్యను నింపేను అనుకొన్నారేమో. 2వ పాదములో "పలుకి"? -- అలాగుననే 3వ పాదములో "ప్రశ్నగు" అనునది వ్యాకరణ బద్ధమా? పరిశీలించండి. స్వస్తి.
మిత్రులారా! శుభాశీస్సులు.
రిప్లయితొలగించండిఈనాటి సమస్య పాదమును ఇలాగ సవరించితే అర్థవంతముగా నుంటుంది:
"ప్రశ్నయె ప్రత్యుత్తరమని భామిని పలికెన్"
స్వస్తి.
గురువుగారికి ధన్యవాదములు. తమరి సూచన ప్రకారం సవరణను పరిశీలించ ప్రార్థన:
రిప్లయితొలగించండి"జవరాలా ముద్దిడవా?"
వివాహితులవక,ప్రియుడన "పెళ్ళెపుడ?"నుచునా
యవగుణ 'ప్రశ్నకు ప్రశ్నయె
జవాబు భామిని పలికెను' సంస్కారముగన్!
ఆర్యా! పండిత నేమాని కవి వరా! సరుకు లేని డొల్లను నేను. రంధ్రాన్వేషణ చేత కాని వాడిని. ఒక సుప్రసిద్ధ అవధాని గారు చేపట్టి పూరించిన సమస్య కదా అని శంకరయ్య గారికి ఈ సమస్యను సూచించాను.నా అజ్ఞానాన్ని మన్నించండి. ఇక నా పూరణలో మీరు దోషములుగా గుర్తించినవి నేను సరి చేసి మళ్ళీ ఉంచుతున్నాను. ఈ పద్యము కూడా దోష రహితమని నేననుకోలేను. ఏమంటారా ముందేచెప్పానుగా నేను వట్టి డొల్లనని. మీవంటి వారి మధ్య వ్రాయ సాహసించడమే నా డొల్లతనాన్నే రుజువు చేస్తోంది. మన్నించండి. ఈ విషయంలో ఎవ్వరి నుండీ ఎటువంటి ప్రతిస్పందనా నేను కోరుకోవటం లేదు. నమస్తే.
రిప్లయితొలగించండిప్రశ్నయె "కంబలవంతః"?
ప్రశ్నకు ప్రతి ప్రశ్న పలకి పరికింపుడయా!
ప్రశ్నయె శీతాతపునకు.
"ప్రశ్నకు ప్రశ్నయె జవాబు" "భామిని పలికెన్".
“ప్రశ్నకు జవాబు లేకయె
రిప్లయితొలగించండిప్రశ్న నడుగువాడు లోకువ గదా ?! " యనుచున్
ప్రశ్నను ప్రశ్నింప కినిసి
"ప్రశ్నయె ప్రత్యుత్తరమని భామిని పలికెన్"
ప్రశ్నకు ప్రశ్నయె ప్రశ్నగు
రిప్లయితొలగించండిప్రశ్నను ప్రశ్నీంపగలదు ప్రశ్నయె, ప్రశ్నల్
ప్రశ్నిఒంచు ఘనులెరుగుదురు
ప్రశ్నకు ప్రశ్నయె జవాబు " భామిని పలికెన్
ప్రశ్నించెద నిను భామా !
రిప్లయితొలగించండిప్రశ్నా ? నన్నడుగు మామ ! *వాట్టన నేమీ ?
ప్రశ్నను వెదకుము కనబడు
ప్రశ్నకు ప్రశ్నయె జవాబు భామిని పలికెన్.
* what = ఏమి
హనుమచ్ఛాస్త్రి గారూ,
రిప్లయితొలగించండిఅప్పటి సమస్య ఇప్పుడు మీ దృష్టికెలా వచ్చింది అని నా ప్రశ్న!
మీ పూరణ బాగుంది. అభినందనలు.