వివిధ ప్రాంత నివాసు లాదరముతో విచ్చేయగా పర్వ వై భవముల్ తిర్పతిలో ప్రపంచ సభలన్ పాల్గొన్న వేవేలలో వి వి ఐ పీ లకు గాక యన్యుల గతుల్ పేర్కొందుమా బాపురే యెవడో యెవ్వడొ యెవ్వడో యెవడొ తా నెవ్వాడొకో యెవ్వడో
తిరుపతిలో జరిగిన ప్రపంచ తెలుగుమహాసభలు నిన్నటితో ముగిసినాయి. హంగు ఆర్భాటాలతో అవధాని శ్రీ రాళ్ళబండి కవితాప్రసాద్ గారి ఆద్వర్యములో కార్యక్రమాలన్నీ రసవత్తరంగానే జరిగినాయి. కానీ కొందరు తమకు అవకాశము రాలేదనే నెపముతో వేదికపైకి వచ్చిన సంధర్భములు కూడా ఉన్నాయి. దాన్ని దృష్టిలో ఉంచుకొని చెప్పిన పద్యము........
అయ్యా! శ్రీ గోలి హనుమఛ్ఛాస్త్రి గారూ! శుభాశీస్సులు. మీ పద్యము 3వ పాదము సరిజేయాలి. నిదురన్ + యెవడే అనే చోట యడాగమము రాదు. ఆ పాదమును ఇలా మార్చుదాము: ఎవడో మూతికి బూసె నా నిదురలో నీవెన్నలన్ జూచితే? స్వస్తి
ఒకరితో ఒకరు పోటీ పడి వ్రాసినట్లుగా అద్భుతమైన పూరణలు అందించిన కవిమిత్రులు..... పండిత నేమాని వారికి, సంపత్ కుమార్ శాస్త్రి గారికి, మిస్సన్న గారికి, లక్ష్మీదేవి గారికి, హరి వేంకట సత్యనారాయణ మూర్తి గారిక, సహదేవుడు గారికి, తోపెల్ల బాల సుబ్రహ్మణ్య శర్మ గారికి, రాజేశ్వరి అక్కయ్య గారికి, గోలి హనుమచ్ఛాస్త్రి గారికి, నాగరాజు రవీందర్ గారికి, అభినందనలు, ధన్యవాదములు.
వివిధ ప్రాంత నివాసు లాదరముతో విచ్చేయగా పర్వ వై
రిప్లయితొలగించండిభవముల్ తిర్పతిలో ప్రపంచ సభలన్ పాల్గొన్న వేవేలలో
వి వి ఐ పీ లకు గాక యన్యుల గతుల్ పేర్కొందుమా బాపురే
యెవడో యెవ్వడొ యెవ్వడో యెవడొ తా నెవ్వాడొకో యెవ్వడో
పూజ్య గురువులు శ్రీ పండితుల వారి పద్యం అద్భుతం .
రిప్లయితొలగించండితిరుపతిలో జరిగిన ప్రపంచ తెలుగుమహాసభలు నిన్నటితో ముగిసినాయి. హంగు ఆర్భాటాలతో అవధాని శ్రీ రాళ్ళబండి కవితాప్రసాద్ గారి ఆద్వర్యములో కార్యక్రమాలన్నీ రసవత్తరంగానే జరిగినాయి. కానీ కొందరు తమకు అవకాశము రాలేదనే నెపముతో వేదికపైకి వచ్చిన సంధర్భములు కూడా ఉన్నాయి. దాన్ని దృష్టిలో ఉంచుకొని చెప్పిన పద్యము........
రిప్లయితొలగించండివివిధప్రాంతపుపాండితీగరిమనుత్ప్రేక్షించి సద్భావనా
కవనంబుల్వెలయింపఁబూనిరికదా కళ్యాణమై తిర్పతిన్
వివరంబేదియులేకవేదికలపై వేంచేయుచున్నట్టివా
డెవఁడో యెవ్వఁడొ యెవ్వఁడో యెవఁడొ తానెవ్వాఁడొకో యెవ్వఁడో.
నేమాని పండితార్యా మీ పూరణ రాజేశ్వరి గారన్నట్లు
రిప్లయితొలగించండిసత్యదర్పణం.
సంపత్కుమార్ శాస్త్రి మీ పూరణ సందర్భోచితమై అలరారుతోంది.
ఎవడీ గాంధి యిదేమి వేష మహహా యీ సత్య సంకల్ప మీ
రిప్లయితొలగించండిపవలున్ రేయిని దీక్షలేమిటి మనోవాక్కాయ కర్మంబులన్
భవితన్ మార్చెడు భాగ్యరేఖ యని సంభావించు టేమీ జనం-
బెవడో యెవ్వడొ యెవ్వడో యెవడొ తా నెవ్వాడొకో యెవ్వడో.
ఈ కామెంట్‌ను రచయిత తీసివేశారు.
రిప్లయితొలగించండిఒక జవరాలి మనోగతం..
రిప్లయితొలగించండినవలానాయకుడెవ్వడో? యెపుడొ యేనాడో చెలీ దర్శన
మ్మవు? సేవించెడు భాగ్యమెన్నడది? నా మ్రొక్కుల్ ఫలింపంగ నన్,
జవరాలన్ మురిపించు నాథుడెవడో? చక్కన్నివాడెవ్వడో,
ఎవఁడో యెవ్వఁడొ యెవ్వఁడో యెవఁడొ తా నెవ్వాఁడొకో యెవ్వఁడో.
సవరణతో..
రిప్లయితొలగించండిఒక జవరాలి మనోగతం..
నవలానాయకుడెవ్వడో? యెపుడొ యేనాడో చెలీ దర్శన
మ్ము? విశేషమ్మగు భాగ్యమెన్నడది? నా మ్రొక్కుల్ ఫలింపంగ నన్,
జవరాలన్ మురిపించు నాథుడెవడో? చక్కన్నివాడెవ్వడో,
ఎవఁడో యెవ్వఁడొ యెవ్వఁడో యెవఁడొ తా నెవ్వాఁడొకో యెవ్వఁడో.
ఎవడీ సృష్టికి మూలమౌ జగతి తానెవ్వాని యందుండునో
రిప్లయితొలగించండిఎవడీ సృష్టి లయమ్మొనర్చునొ గదా యెవ్వాడు విశ్వాత్ముడో
ఎవడాదిన్ నడుమన్ తుదిన్ కలుగడో యెవ్వాడు భూతేశుడో
ఎవఁడో యెవ్వఁడొ యెవ్వఁడో యెవఁడొ తా నెవ్వాఁడొకో యెవ్వఁడో!
MISSANNA GARI PADYAM ADBHUTAMGA UNDI. VISHNU TATVANNI PRRASPHUTAMGA DRUSYAMPA CHESTOMDI.
రిప్లయితొలగించండిఅజ్ఞాత గారూ ధన్యవాదాలు. క్షమించాలి.
రిప్లయితొలగించండినేను పోతనగారి ఎవ్వనిచే జనించు పద్యాన్ని కాపీ కొట్టేను.
శ్రీ మిస్సన్న గారి స్ఫూర్తితో:
రిప్లయితొలగించండిఎవడీ బాలుడు? వేద శాస్త్రనిధి, వాగీశుండొ, పద్మాక్షుడో,
శివుడో? యీ బలి యజ్ఞవాటికకు వచ్చెన్ మారు వేషమ్ములో
భువిపై నింతటి ప్రాజ్ఞుడెవ్వడని సభ్యుల్ పల్కి రావేళలో
నెవడో యెవ్వడొ యెవ్వడో యెవడో తా నెవ్వాడొకో యెవ్వడో
భవబంధంబు విచిత్రమైన దకటా! భాగ్యంబులున్, పుత్రులున్,
రిప్లయితొలగించండినవలాసంగము, బంధుమోహము, సదా నాదన్నభావంబు లీ
భువిపై దేహికి ప్రాణముండువరకే పోకాడినన్నిల్పువా
డెవడో యెవ్వడొ యెవ్వడో యెవడొ తానెవ్వాడొకో యెవ్వడో
యువతన్ మాదక ద్రవ్య బానిసల,భావోద్రేకులన్ జేయగన్
రిప్లయితొలగించండిభవితన్ దల్చక నుగ్రవాదమను నభ్యాసమ్ముఁజేగొట్టగన్
భువినీ దుర్గతి బాపి భారతికి ధర్మోపాయమున్ జూపు వా
డెవఁడో యెవ్వఁడొ యెవ్వఁడో యెవఁడొ తానెవ్వాఁడొకో యెవ్వఁడో!
నేమని పండితార్యుని ప్రోత్సాహంతో:
రిప్లయితొలగించండిఎవడీ కోతి యిదేమి రూప మహహా యీ ధైర్య మీ విక్రమం
బవనిన్ గల్గునె మూర్ఖ వానరులకున్ భంజింపగా నా యశో-
కవనిన్ గూల్చగ రాక్షసాళి నొకడే కానోపు నా విష్ణువే
ఎవఁడో యెవ్వఁడొ యెవ్వఁడో యెవఁడొ తా నెవ్వాఁడొకో యెవ్వఁడో
జవజాశ్వంబట నశ్వమేధ క్రతువున్ చక్కంగ భూషాకృతిన్
రిప్లయితొలగించండిభువినాద్యంతము పర్యటింప విడువన్ భూపాలకోద్దండులే
వివిధోపాయములెన్ని, దీనినిలువంబెట్టన్ ధరన్ సాహసుం
డెవడో యెవ్వడొ యెవ్వడో యెవడొ తానెవ్వాడొకో యెవ్వడో.
ముద్రారాక్షసానికి క్షమించాలి.
రిప్లయితొలగించండిజవనాశ్వంబట నశ్వమేధ క్రతువున్ చక్కంగ భూషాకృతిన్
భువినాద్యంతము పర్యటింప విడువన్ భూపాలకోద్దండులే
వివిధోపాయములెన్ని, దీనినిలువంబెట్టన్ ధరన్ సాహసుం
డెవడో యెవ్వడొ యెవ్వడో యెవడొ తానెవ్వాడొకో యెవ్వడో.
ఎవడో యెవ్వడొ యెవ్వడో యెవడొ తానెవ్వాడొకో యెవ్వడీ
రిప్లయితొలగించండికవితా కల్పక దివ్య వాటికలలో కళ్యాణ భావాలతో
వివిధ ప్రక్రియలన్ వెలార్చునని భావింపంగ శ్రీ శంకరున్
భువి వెల్గొందెడు శంకరాభరణ వాగ్భూషన్ ప్రశంసించెదన్
కవనం బల్లెడి కావ్య కంఠ మునులన్ గాంచన్ ముదం బొందగా
రిప్లయితొలగించండిదవనిన్ గాంచిన బంధముల్ తనయులున్ తండ్రైన దారైన చొ
భవ బంధమ్ములు నాది నేననుచు సంభంధంబు సౌఖ్యం బహో
ఎవడో యెవ్వడొ యెవ్వడో యెవడొ తానెవ్వాడొకో యెవ్వడో !
తమ్ముడూ ! పెద్ద పెద్ద ఏనుగులూ పెద్ద పులులూ ఇస్తే నా అల్పత్వానికి ఎన్ని తప్పులో ?
ఈ కామెంట్‌ను రచయిత తీసివేశారు.
రిప్లయితొలగించండివెన్నదొంగ గురించి గోపికల ముచ్చట్లు...
రిప్లయితొలగించండినవనీతంబును దొంగిలించె నెవడో నాయింట నాదుత్తలే
యవలీలంగని దించినార దెవరో యాయుట్టి పై నుండగా
నెవడో మూతికి వెన్న బూసె నిదురన్ యెవడేమి ? నూ చూచితే !
ఎవఁడో యెవ్వఁడొ యెవ్వఁడో యెవఁడొ తానెవ్వాఁడొకో యెవ్వఁడో!
అయ్యా! శ్రీ గోలి హనుమఛ్ఛాస్త్రి గారూ!
రిప్లయితొలగించండిశుభాశీస్సులు.
మీ పద్యము 3వ పాదము సరిజేయాలి. నిదురన్ + యెవడే అనే చోట యడాగమము రాదు. ఆ పాదమును ఇలా మార్చుదాము:
ఎవడో మూతికి బూసె నా నిదురలో నీవెన్నలన్ జూచితే?
స్వస్తి
అక్కయ్య గారి భావపు స్ఫూర్తితో....
రిప్లయితొలగించండిపవిధాటిన్ తెగు పత్రముల్ పగిది నీ ప్రాణమ్ము కాయమ్ము,దా
లవలేశమ్మును ప్రీతి లేనటుల చేలమ్మంచు వీడంగనే,
భవబంధమ్ములు వీడ; బిడ్డలెవరో? ప్రాణేశ్వరుండెవ్వడో?
ఎవఁడో యెవ్వఁడొ యెవ్వఁడో యెవఁడొ తా నెవ్వాఁడొకో యెవ్వఁడో.
ఎవడోలోపల నుండు దా బయలు నుండే వ్యాపితుండై స్వయం
రిప్లయితొలగించండిభువనా లన్నియు జొచ్చి నిల్పు గద వైభోగమ్ము కీర్తించెదన్
శివుడో మాధవుడో చతుర్ముఖుడొ సాక్షీభూతుడై వెల్గుచున్
యెవడో యెవ్వడొ యెవ్వడో యెవడొ తా నెవ్వాడొకో యెవ్వడో
చక్కని సవరణ జూపిన శ్రీ నేమాని గారికి ధన్యవాదములు. సవరణ తో...
రిప్లయితొలగించండివెన్నదొంగ గురించి గోపికల ముచ్చట్లు...
నవనీతంబును దొంగిలించె నెవడో నాయింట నాదుత్తలే
యవలీలంగని దించినార దెవరో యాయుట్టి పై నుండగా
నెవడో మూతికి బూసె నా నిదురలో నీవెన్నలన్ జూచితే?
ఎవఁడో యెవ్వఁడొ యెవ్వఁడో యెవఁడొ తానెవ్వాఁడొకో యెవ్వఁడో!
ఒకరితో ఒకరు పోటీ పడి వ్రాసినట్లుగా అద్భుతమైన పూరణలు అందించిన కవిమిత్రులు.....
రిప్లయితొలగించండిపండిత నేమాని వారికి,
సంపత్ కుమార్ శాస్త్రి గారికి,
మిస్సన్న గారికి,
లక్ష్మీదేవి గారికి,
హరి వేంకట సత్యనారాయణ మూర్తి గారిక,
సహదేవుడు గారికి,
తోపెల్ల బాల సుబ్రహ్మణ్య శర్మ గారికి,
రాజేశ్వరి అక్కయ్య గారికి,
గోలి హనుమచ్ఛాస్త్రి గారికి,
నాగరాజు రవీందర్ గారికి,
అభినందనలు, ధన్యవాదములు.
శ్రీ మిస్సన్న గారికి
రిప్లయితొలగించండిధన్యవాద శతము.
భువనంబందున తేలుచున్ కడకుతా భూగర్భమున్ జొచ్చెనో...
రిప్లయితొలగించండిభవనమ్మంతట కూలగా కడకుతా బైరాగియై పారెనో...
జవనంబెక్కుచు నోడగా కడకుతా జందెమ్మునున్ వీడెనో...
ఎవఁడో యెవ్వఁడొ యెవ్వఁడో యెవఁడొ తా నెవ్వాఁడొకో యెవ్వఁడో?