మిత్రులకు శుభాశీస్సులు. ఈ నాటి పూరణలు అన్నియును అలరించుచున్నవి. అందరికి అభినందనలు.
శ్రీ గుండు మధుసూదన్ గారు: తాటక వధ గురించి మీ పద్యము చాల బాగుగ నున్నది.
శ్రీ నాగరాజు రవీందర్ గారు: రావణు చెరనుండి అని వాక్రుచ్చిన మీ పద్యము బాగుగ నున్నది.
శ్రీ గోలి హనుమఛ్ఛాస్త్రి గారు: మీ పద్యము బాగుగ నున్నది. పరుల సతి అన్నారు -- పర వనితను/పర వనితల అంటే బాగుంటుంది.
శ్రీ అన్నపరెడ్డి సత్యనారాయణ రెడ్డి గారు: సతిని కావ అనుచు మంచి విరుపుతో మీ పద్యము బాగుగ నున్నది.
శ్రీ గండూరి లక్ష్మీనారాయణ గారు: రాముని రాజ్యములో ఒక కథను ప్రస్తావించేరు. బాగున్నది మీ పద్యము.
శ్రీ తిమ్మాజీ రావు గారు: మీ పద్యము బాగున్నది. తాటకనెడి కి బదులుగా తాటకయను అంటే బాగుగ నుండును.
శ్రీమతి శైలజ గారు: మీ పద్యము బాగుగ నున్నది. రాక్షస చెర అంటే దుష్ట సమాసము - రక్కసు చెర అందాము.
శ్రీ ప్రయాగ శ్రీరామచంద్ర మూర్తి గారు: మీ పద్యము బాగుగ నున్నది. వంశ క్షయమగును - అనుచోట శ గురువు అగును - అందుచేత గణభంగము - కనుక వంశనాశమగును అందాము. ఉన్మద - మోహము లకు యతి చెల్లదు. ఆ పాదమునకు బదులుగా "కామి పంక్తికంఠు కామమ్ము నాశిల్ల" అందాము.
శ్రీ శంకరయ్య గురుదేవులకు,శ్రీ నేమాని గురుదేవులకు నీ శిష్యపరమాణువు వినమ్రవందనములతో. ==========*============= సతిని బంపె రామ చంద్ర మూర్తి విపిన ములకు జదివె నిట్లు పొట్టి వాడు సతిని జంపె రామ చంద్రమూర్తి తన సో దరుని తోడ తాను తాపమొంది
పూజ్యులు నేమానివారికి, మిత్రులు శంకరయ్యగారికి, కవిపండిత మిత్రులకు నమస్కారములు!
రిప్లయితొలగించండిజనకు నాజ్ఞ వడసి, మునియజ్ఞమును గావ
వనములకును వెడలి, భయము గొలుపు
తాళ దీర్ఘ్హ దేహ దానవి తాటకీ
సతినిఁ జంపె రామచంద్రమూర్తి!
అనుజుడుండు రక్ష యని యుంచి జానకీ
రిప్లయితొలగించండిసతిని, జంపె రామచంద్ర మూర్తి
కదన రంగమందు ఖరదూషణాదుల
నమిత మోదమంద నమరగణము
రావణాసురుండు రణములో నెదిరించ
రిప్లయితొలగించండిపరుల సతిని బట్టె పాపియనుచు
తలచి మదిని వనిని తపియించుచున్నట్టి
సతిని, జంపె రామచంద్రమూర్తి
ఈ కామెంట్‌ను రచయిత తీసివేశారు.
రిప్లయితొలగించండికావ లంక లోన కడునిడుములబడు
రిప్లయితొలగించండిసతిని, జంపె రామచంద్ర మూర్తి
రక్కసులఁ రయముగ, రాజుగా జేసెను
రావణానుజన్ము రాజ్యమునకు
రామ రాజ్యమందు రాక్షసు డీ వ్యక్తి
రిప్లయితొలగించండిసతిని జంపె, రామచంద్ర మూర్తి !
పట్టి తెచ్చి తిమిటు పాపిష్టి వానిని
కఠిన శిక్షనిడుము కరుణ వీడి .
ఈ కామెంట్‌ను రచయిత తీసివేశారు.
రిప్లయితొలగించండిపండిత నేమాని గారికి పూజ్యులు గురుదేవులు
రిప్లయితొలగించండిశంకరయ్య గారికి వందనములు
యాగరక్ష సేయ నేగుచు త్రోవలో
తారసిల్లు క్రూర “తాటక”నెడి
సతిని జంపె రామచంద్ర మూర్తి కుశికు
తనయు నాజ్ఞ వడసి మునులు మెచ్చ
రాక్షసచెరనుండి రక్షించు కొనుటకు
రిప్లయితొలగించండిసతిని, జంపె రామచంద్రమూర్తి
లంక నేలు నృపతి రావణ బ్రహ్మను
లక్షణముగ కుజకు రక్ష జెేసె
గురువులకు ప్రయాగ శ్రీరామచంద్రమూర్తి చేయు నమస్కారములు.
రిప్లయితొలగించండివంశక్షయమగును వలచినచో పర
సతినిఁ, జంపె రామచంద్రమూర్తి
ఉన్మద దశకంఠ మోహముపశమించ
కాముకులకు వమ్ము కరుణ గాదె
మిత్రులకు శుభాశీస్సులు. ఈ నాటి పూరణలు అన్నియును అలరించుచున్నవి. అందరికి అభినందనలు.
రిప్లయితొలగించండిశ్రీ గుండు మధుసూదన్ గారు:
తాటక వధ గురించి మీ పద్యము చాల బాగుగ నున్నది.
శ్రీ నాగరాజు రవీందర్ గారు:
రావణు చెరనుండి అని వాక్రుచ్చిన మీ పద్యము బాగుగ నున్నది.
శ్రీ గోలి హనుమఛ్ఛాస్త్రి గారు:
మీ పద్యము బాగుగ నున్నది. పరుల సతి అన్నారు -- పర వనితను/పర వనితల అంటే బాగుంటుంది.
శ్రీ అన్నపరెడ్డి సత్యనారాయణ రెడ్డి గారు:
సతిని కావ అనుచు మంచి విరుపుతో మీ పద్యము బాగుగ నున్నది.
శ్రీ గండూరి లక్ష్మీనారాయణ గారు:
రాముని రాజ్యములో ఒక కథను ప్రస్తావించేరు. బాగున్నది మీ పద్యము.
శ్రీ తిమ్మాజీ రావు గారు:
మీ పద్యము బాగున్నది. తాటకనెడి కి బదులుగా తాటకయను అంటే బాగుగ నుండును.
శ్రీమతి శైలజ గారు:
మీ పద్యము బాగుగ నున్నది. రాక్షస చెర అంటే దుష్ట సమాసము - రక్కసు చెర అందాము.
శ్రీ ప్రయాగ శ్రీరామచంద్ర మూర్తి గారు:
మీ పద్యము బాగుగ నున్నది.
వంశ క్షయమగును - అనుచోట శ గురువు అగును - అందుచేత గణభంగము - కనుక వంశనాశమగును అందాము.
ఉన్మద - మోహము లకు యతి చెల్లదు. ఆ పాదమునకు బదులుగా "కామి పంక్తికంఠు కామమ్ము నాశిల్ల" అందాము.
శ్రీ శంకరయ్య గురుదేవులకు,శ్రీ నేమాని గురుదేవులకు
రిప్లయితొలగించండినీ శిష్యపరమాణువు వినమ్రవందనములతో.
==========*=============
సతిని బంపె రామ చంద్ర మూర్తి విపిన
ములకు జదివె నిట్లు పొట్టి వాడు
సతిని జంపె రామ చంద్రమూర్తి తన సో
దరుని తోడ తాను తాపమొంది
వెంట బెట్టుకు నడవికి నేగె రాముడు
రిప్లయితొలగించండిసతిని, జంపె రామ చంద్ర మూర్తి
రావణాది దుష్ట రాక్షస మూకను
హర్ష మొందె లోక మతని జూచి
శ్రీ వరప్రసాద్ గారు: శుభాశీస్సులు.
రిప్లయితొలగించండిమీ పద్యము బాగుగ నున్నది. రాముడు సీతా పరిత్యాగమును చేయుట గురించి చెప్పేరు. అభినందనలు.
శ్రీ సుబ్బా రావు గారు: శుభాశీస్సులు.
మీ పద్యము బాగుగ నున్నది. అభినందనలు.
రాక్షస మూక అనుట దుష్ట సమాసము. రక్కసి మూక అందాము.
అసురరాజు బట్ట నలరామచంద్రుని
రిప్లయితొలగించండిసతినిఁ , జంపె రామచంద్రమూర్తి
రావణుని రణమున ప్రాణ సఖిని గావ
జను లయోధ్య పురిని జై యనంగ
ఆర్యా ! ధన్యవాదములు. మీరు చూపిన సవరణతో...
రిప్లయితొలగించండిరావణాసురుండు రణములో నెదిరించ
పర వనితను బట్టె పాపియనుచు
తలచి మదిని వనిని తపియించుచున్నట్టి
సతిని, జంపె రామచంద్రమూర్తి
శ్రీ భాగవతుల కృష్ణా రావు గారు: నమస్కారములు.
రిప్లయితొలగించండిమీ పద్యము బాగుగ ఉన్నది. అభినందనలు.
వీర హనుమ యునికి వెదకి తెలుప
రిప్లయితొలగించండిసతిని, జంపె రామచంద్ర మూర్తి
రావణాది లంక రక్కసి మూకల
ధర్మ రక్షణమ్ము ధరణి నిలుప
పండిత నేమాని గారికి
రిప్లయితొలగించండిమీసూచన|సవరణకు ధన్యవాదములు
శ్రీ సహదేవుడు గారు: శుభాశీస్సులు.
రిప్లయితొలగించండిమీ పద్యము బాగుగ నున్నది. కొన్ని సవరణలు చేసేను ఈ విధముగా:
వీర హనుమ యునికి వెదకి తెలుప రామ
సతిని, జంపె రామచంద్ర మూర్తి
రావణాదులైన రక్కసి మూకల
ధర్మ రక్షణమ్ము ధరణి నిలుప
శ్రీ నేమని గురువర్యుగురువుల చక్కటి సవరణలకు ధన్యవాదాలు.
రిప్లయితొలగించండి