శ్రీ శంకరయ్య గురుదేవులకు,శ్రీ నేమాని గురుదేవులకు నీ శిష్య పరమాణువు వినమ్రవందనములతో. శ్రీ నేమాని గురుదేవులకు ధన్యవాదములతో..
సరదాగా:"గుర్జారి"మురార్జీ వారి వంశమని,మురార్జి దేశాయ్ నీతి నిగమము లందు కుబేరుడు,నేటి రాజకీయ నాయకులు రాక్షసులని ===========*============ గుర్జారి వంశ మందున మార్జాలము సింహమయ్యె మర్మంబేమో? తర్జన భర్జన లేల ము రార్జి కుబేరుడుగ నేటి రక్కసుల గనన్!
మిత్రులారా! శుభాశీస్సులు. ఈ నాటి సమస్యకు వైవిధ్యముతో కూడిన పూరణలు వచ్చినవి. అన్నియును బాగుగ ఉన్నవి. అందరికి అభినందనలు. అక్కడక్కడ ఉన్న కొన్ని పొరపాటులకు కొన్ని సూచనలు:
శ్రీమతి శైలజ గారూ: అర్జున్ యింటను అన్నారు. అక్కడ యడాగమము రాదు. అర్జునునింటను అనవచ్చును.
శ్రీ మిస్సన్న గారూ: మీ పద్యములో కందపద్యము 3 వపాదము ఇలాగ నున్నది: దుర్జనుడు జయద్రధుండు. 3వ గణము (బేసి గణము) జగణము ఉండకూడదు కదా.
కవిమిత్రులకు నమస్కృతులు. ఇల్లు మారడం జరిగిపోయింది. నా సిస్టంను సెట్ చేసుకున్నాను. నెట్ కనెక్షన్ కూడా వచ్చింది. కాకుంటే బాగా అలసిపోయాను. ఈ మూడు రోజులు సమస్యాపూరణలు చేసిన వారికి అభినందనలు. మిత్రుల పూరణలను సమీక్షించిన గురుదేవులు పండిత నేమాని వారికి ధన్యవాదాలు.
ఘూర్జర సీమలలో నొక
రిప్లయితొలగించండిమార్జాలము సింహమయ్యె మర్మంబేమో?
నిర్జరవర! యన బదులిడె
ఖర్జూరము తినుట వలన కాబోలు సుమా!
శ్రీ నేమాని గురుదేవులకు వినమ్రవందనములతో.
రిప్లయితొలగించండిమార్జాలమునకు ఖర్జూరము తిని పించుట చాలా బాగున్నది !
దర్జగ నేతలు సంపద
రిప్లయితొలగించండిలార్జించి బలిష్టులైరి యవినీతి గతిన్
దుర్జన పరిపాలనలో
మార్జాలము సింహమయ్యె మర్మంబేమో
దుర్జన శ్రేష్టులు ధనసం
రిప్లయితొలగించండిపార్జనయే పరమమనుచు పాలిం పంగన్
గర్జించలేనిఓటరు
మార్జాలము, సింహమయ్యె మర్మoబేమో !!!
అర్జున్ యింటను పెరిగిన
రిప్లయితొలగించండిమార్జాలము సింహమయ్యె మర్మంబేమో!
ఖర్జువు కుట్టిన దేమో!
గర్జించుచుసింహమువలె గడపను దాటెన్
ఈ కామెంట్‌ను రచయిత తీసివేశారు.
రిప్లయితొలగించండిమీర్జా ప్రేమగ పెంచన్
రిప్లయితొలగించండిమార్జాలము సింహమయ్యె మర్మంబేమో?
కార్జముకూరయు లేదని
యూర్జిత కోపము గలుగగ నుఱికెను సుమ్మా!
శ్రీ శంకరయ్య గురుదేవులకు,శ్రీ నేమాని గురుదేవులకు
రిప్లయితొలగించండినీ శిష్య పరమాణువు వినమ్రవందనములతో.
శ్రీ నేమాని గురుదేవులకు ధన్యవాదములతో..
సరదాగా:"గుర్జారి"మురార్జీ వారి వంశమని,మురార్జి దేశాయ్ నీతి నిగమము లందు కుబేరుడు,నేటి రాజకీయ నాయకులు రాక్షసులని
===========*============
గుర్జారి వంశ మందున
మార్జాలము సింహమయ్యె మర్మంబేమో?
తర్జన భర్జన లేల ము
రార్జి కుబేరుడుగ నేటి రక్కసుల గనన్!
నిర్జన ప్రదేశ మందున
రిప్లయితొలగించండిమార్జాల తపంబు మెచ్చి మహిమాన్వితుడే
తర్జనితో గీర నుదుట
మార్జాలము సింహ మయ్యె మర్మంబేమో?
తర్జన భర్జన సలుపక
రిప్లయితొలగించండి"మార్జాలము సింహ మయ్యె మర్మం బేమో"
ధూర్జటిగా బలుకుమనిన
దుర్జనులిట పదవి గోర దూషించుడనెన్
సార్జెంటు ప్రేమఁ బెంచిన
రిప్లయితొలగించండిమార్జాలము సింహమయ్యె మర్మంబేమో?
మార్జికఁ ద్రాగెనని కనలి
మార్జని తోడఁ దఱుమసతి,మార్కొనె కసితో.
రిప్లయితొలగించండిఅర్జును డనె బావా యె
ట్లార్జించెను ధైర్య మట్టు లానా డనిలో
దుర్జనుడు జయద్రధుండు ?
మార్జాలము సింహ మయ్యె మర్మం బేమో!
********************
********************
అర్జున! నిజమే కనగా
మార్జాలము సింహమయ్యె మహనీ యంబౌ
ధూర్జటి వర గర్వంబున
దుర్జనుడౌ సైంధవుండు దుడుకుగ మసలెన్.
నిర్జీవమైన బ్రతుకును
రిప్లయితొలగించండివర్జింపగ ప్రభుతపైన బాహాటముగా
గర్జించ పేద వాడను
'మార్జాలము' సింహమయ్యె మర్మంబేమో?
దర్జా యొకడ ట బ్రీతిని
రిప్లయితొలగించండిమార్జాలపు బొమ్మ గీయ మఱి యది చూడన్
నిర్జీవపు రూపంబున
మార్జాలము సింహమయ్యె మర్మంబే మో
మిత్రులారా! శుభాశీస్సులు.
రిప్లయితొలగించండిఈ నాటి సమస్యకు వైవిధ్యముతో కూడిన పూరణలు వచ్చినవి. అన్నియును బాగుగ ఉన్నవి. అందరికి అభినందనలు.
అక్కడక్కడ ఉన్న కొన్ని పొరపాటులకు కొన్ని సూచనలు:
శ్రీమతి శైలజ గారూ:
అర్జున్ యింటను అన్నారు. అక్కడ యడాగమము రాదు. అర్జునునింటను అనవచ్చును.
శ్రీ మిస్సన్న గారూ:
మీ పద్యములో కందపద్యము 3 వపాదము ఇలాగ నున్నది:
దుర్జనుడు జయద్రధుండు.
3వ గణము (బేసి గణము) జగణము ఉండకూడదు కదా.
స్వస్తి.
శ్రీ వరప్రసాద్ గారు:
రిప్లయితొలగించండిశుభాశీస్సులు.
మా పద్యమును గూర్చి మీరు స్పందించినందులకు సంతోషము.
స్వస్తి.
పండిత నేమాని గారికి పూజ్యులు గురుదేవులు
రిప్లయితొలగించండిశంకరయ్య గారికి వందనములు
ఆర్జించె పదవి నాల్గవ
దర్జాలో జేరి తొల్లి ,దైవము కరుణన్
మీర్జా తో స్నేహమమరె
మార్జాలము సింహమయ్యె మర్మంబేమో
దుర్జనుల ప్రకృతి మరి యది
రిప్లయితొలగించండిగర్జింతురు బలముఁ జూపి; కరుణయు లేదా
పర్జన్యునకని తలచిన
మార్జాలము సింహ మయ్యె మర్మం బేమో
కవిమిత్రులకు నమస్కృతులు.
రిప్లయితొలగించండిఇల్లు మారడం జరిగిపోయింది. నా సిస్టంను సెట్ చేసుకున్నాను. నెట్ కనెక్షన్ కూడా వచ్చింది. కాకుంటే బాగా అలసిపోయాను. ఈ మూడు రోజులు సమస్యాపూరణలు చేసిన వారికి అభినందనలు.
మిత్రుల పూరణలను సమీక్షించిన గురుదేవులు పండిత నేమాని వారికి ధన్యవాదాలు.
దర్జీ వాడే చూడగ
రిప్లయితొలగించండిమార్జాలము , సింహమయ్యె మర్మంబేమో
దర్జాగా యెన్నికలో
దుర్జనులను మట్టిగరపి దొరగా గెలిచెన్.
నేమాని పండితార్యా ధన్యవాదములు. పద్యం నడకలో ఏదో తేడా ఉన్నట్లనిపించింది కానీ దోషాన్ని పట్టుకో లేక పోయాను. సవరించిన నా పద్యం:
రిప్లయితొలగించండిఅర్జును డనె బావా యె
ట్లార్జించెను ధైర్య మట్టు లానా డనిలో
దుర్జనుడు సైంధవుం డొక
మార్జాలము సింహ మయ్యె మర్మం బేమో!
*
అర్జంటుగ కుట్టిమ్మని
రిప్లయితొలగించండియర్జీ పెట్టగ డిజైను నాహా కనుమా!
దర్జీ మిషనందున భళి
మార్జాలము సింహ మయ్యె మర్మం బేమో
వర్జించుచు సిగ్గు షరము
రిప్లయితొలగించండిదర్జాగా మోడిఁ దిట్టి తసభుసమని భల్
గర్జించుచు మ్యావనెడిది
మార్జాలము సింహ మయ్యె మర్మం బేమో