21, ఏప్రిల్ 2014, సోమవారం

సమస్యాపూరణం - 1389 (మందాకిని పరువులెత్తె)

కవిమిత్రులారా,
ఈరోజు పూరించవలసిన సమస్య ఇది...
మందాకిని పరువులెత్తె మైసూరు దెసన్.
ఈ సమస్యను సూచించిన పోచిరాజు సుబ్బారావు గారికి ధన్యవాదాలు.

22 కామెంట్‌లు:

  1. అందము చిందులు వేయగ
    మందాకిని పరువు లెత్తె మైసూరు దెసన్
    వందిత మైనట్టి గంగ
    బంధము లను కలుపు గొనుచు భాగీ రధియై

    రిప్లయితొలగించు
  2. ఎందుండి యెందు జనెనో
    బంధంబుల త్రెంచుకొనుచు, వరదాయినియై
    బృందావనమును జేయగ
    మందాకిని పరువు లెత్తె మైసూరు దెసన్!!!

    రిప్లయితొలగించు
  3. పొందుగ నదులను గలుపగ
    మందాకిని పరువులెత్తె మైసూరుదెసన్
    సుందర దృశ్యంబుకడన్
    చిందులు వేసిరి ప్రజలు విచిత్రము గనుచున్

    రిప్లయితొలగించు
  4. మందాకిని యను రైలది
    మందగమనమున వెడలుచు మధ్యన వేగ
    మ్మందుకొనె హుబ్లి దాటన్ ;
    మందాకిని పరువులెత్తె మైసూరుదెసన్

    రిప్లయితొలగించు
  5. అందముగ ప్రయాగ దెసన్
    మందాకిని పరువులెత్తె ,మైసూరు దెసన్
    విందగు కావేరీనది
    చిందులు వేయచును పాఱు శ్రీరంగమునన్

    రిప్లయితొలగించు
  6. ఈ కామెంట్‌ను రచయిత తీసివేశారు.

    రిప్లయితొలగించు
  7. అందరి దాహము తీర్చెడు
    మందాకిని యనెడు గంగ మరి విశ్వేశుం
    డందముగా నేర్పఱచిన
    బృందావనమనెడు తోట పాఱెను గనుడీ!

    రిప్లయితొలగించు
  8. మందపు గమనము గలదగు
    మందాకిని బర్వు లెత్తె మైసూరు దెస
    న్నందము జిందుచు నడకల
    సుందర మగు రూపు తోడ సొగసులు విరియన్


    రిప్లయితొలగించు
  9. రాజేశ్వరి అక్కయ్యా,
    మీ పద్యం బాగుంది. కాని సమస్య పరిష్కింపబడినట్టు లేదు. గంగ మైసూరువైపు ఎందుకు పరుగుతీసింది?
    మూడవ పాదం చివర గణదోషం.
    *
    మంద పీతాంబర్ గారూ,
    మీ పూరణ బాగుంది. అభినందనలు.
    *
    అన్నపరెడ్డి సత్యనారాయణ రెడ్డి గారూ,
    మీ పూరణ బాగుంది. అభినందనలు.
    *
    నాగరాజు రవీందర్ గారూ,
    బాగుంది మీ పూరణ. అభినందనలు.
    మీ సవరణ కంటే ముందున్నదే సరైనది.. ‘మందాకిని + అనెడు’ అన్నప్పుడు సంధి లేదు. యడాగమం వస్తుంది.
    *
    శైలజ గారూ,
    మీ పూరణ బాగుంది. అభినందనలు.
    *
    లక్ష్మీదేవి గారూ,
    మీరు అసలు సమస్యను పూరించనే లేదు.
    *
    సుబ్బారావు గారూ,
    పద్యం బాగుంది. అభినందనలు.
    కాని రాజేశ్వరి అక్కయ్య గారి వలెనే మీరు కూడా సమస్యను పరిష్కరించలేదు.

    రిప్లయితొలగించు
  10. నిందితు రాలని దేలఁగ
    బందరు యక్రమ రవాణ వ్యాజ్యము నందున్
    బంధింతురనెడు భయమున
    మందాకిని పరువు లెత్తె మైసూరు దెసన్

    రిప్లయితొలగించు
  11. పండిత నేమాని గారికి పూజ్యులు గురుదేవులు
    శంకరయ్య గారికి వందనములు

    అందాల నటునితో, కను
    విందుగ నృత్యమ్ము సేయ బృందావనిలో
    నిందువదన హిందీ నటి
    మందాకిని పరువు లెత్తె మైసూరు దెసన్

    రిప్లయితొలగించు
  12. గురువు గారు,
    మన్నించండి.

    సుందర నామంబులతో
    నందముగా నుఱుకు గంగ యా విశ్వేశుం
    బృందావని కొఱకై యదొ
    మందాకిని పరువులెత్తె మైసూరు దెసన్.

    రిప్లయితొలగించు


  13. పండిత నేమాని గారికి పూజ్యులుగురుదేవులు శంకరయ్య గారికి వందనములు
    మరి యొకపూరణ : చిందులు వేయుచు సాగెను
    “బృందావని”వినగ పేరు కృష్ణుని వాస
    మ్మందున గలదని యనుకొని
    మందాకిని పరువు లెత్తె మైసూరు దెసన

    రిప్లయితొలగించు
  14. సుందర హిమగిరులందున
    మందాకిని పరువులెత్తె ; మైసూరు దెసన్
    చిందులు కృష్ణమ్మ యిడుచు
    నందముగా వెడలుచుండె నద్భుత రీతిన్

    రిప్లయితొలగించు
  15. సుందర హిమగిరులందున
    మందాకిని పరువులెత్తె ; మైసూరు దెసన్
    చిందులు కృష్ణమ్మ యిడుచు
    నందముగా వెడలుచుండె నద్భుత రీతిన్

    రిప్లయితొలగించు
  16. మందాకిని ఎక్స్ ప్రెస్సిది
    ఇందాకనె యెక్కినాను హెల్లో ఫ్రెండూ !
    ముందే స్టేషన్ కేరా !
    మందాకిని పరువు లెత్తె మైసూరు దెసన్.

    రిప్లయితొలగించు
  17. సహదేవుడు గారూ,
    మందాకిని అనే నేరస్తురాలిని గురించిన మీ పూరణ బాగుంది. అభినందనలు.
    *
    కెంబాయి తిమ్మాజీ రావు గారూ,
    మందాకిని అనే నటిని గురించిన మీ పూరణ బాగుంది.
    మీ రెండవ పూరణ కూడా బాగుంది. అభినందనలు.
    *
    లక్ష్మీదేవి గారూ,
    బాగుంది మీ పూరణ. అభినందనలు.
    *
    భాగవతుల కృష్ణారావు గారూ,
    విరుపుతో మీ పూరణ బాగుంది. అభినందనలు.
    కానీ కృష్ణానది మైసూరు వైపు ప్రవహించదు కదా!
    *
    గోలి హనుమచ్ఛాస్త్రి గారూ,
    అన్యభాషాపదాలను ఉపయోగించినా మీ పూరణ చమత్కారజనకంగా ఉంది. అభినందనలు.

    రిప్లయితొలగించు
  18. అందున, మైసూరున నొక
    సందున, విశ్వేశ్వరయ్య జననము వినగన్
    చిందులు త్రొక్కుచు భ్రమపడి
    మందాకిని పరువులెత్తె మైసూరు దెసన్

    విశ్వేశ్వరయ్య = మోక్షగుండం భారతరత్న

    రిప్లయితొలగించు
  19. చిందెడి నదులను కలుపగ
    ముందుగ విశ్వేశ్వరునకు మ్రొక్కుల నిడుచున్
    సందడి మెండుగ జేయుచు
    మందాకిని పరువులెత్తె మైసూరు దెసన్

    రిప్లయితొలగించు