కవిమిత్రులారా,
ఈరోజు పూరించవలసిన సమస్య ఇది...
మగవానికి గర్భమాయె మానినిఁ గూడన్.
(అవధాని అందె వెంకటరాజం పూరించిన సమస్య. పృచ్ఛకుని పేరు గానీ, పూరణ పద్యం కానీ దొరకలేదు)
ఈరోజు పూరించవలసిన సమస్య ఇది...
మగవానికి గర్భమాయె మానినిఁ గూడన్.
(అవధాని అందె వెంకటరాజం పూరించిన సమస్య. పృచ్ఛకుని పేరు గానీ, పూరణ పద్యం కానీ దొరకలేదు)
భగవంతుని వరమదె యొక
రిప్లయితొలగించండిమగవానికి, గర్భమాయె మానిని గూడన్
తగ వాని ధర్మపత్నికి
సుగుణాఢ్యుండైన యొక్క సుతుడొదవె బళా!
నిగమములు తెలిసి యుండిన
రిప్లయితొలగించండిమగవానికి , గర్భమాయె మానిని గూడన్
తగురీతి ధర్మ పత్నికి
జగమెరిగిన బ్రాహ్మ ణుండు సంతస మొందన్
క్షమించాలి \
రిప్లయితొలగించండిచివరి పాదం
జగమెరిగిన బ్రాహ్మణుండు జన్మించెనుగా "
అని ఉంటే బాగుంటుందేమొ
ఇటువంటి పరిస్థితులని సృష్టించిన రసవత్తర కావ్యం కళాపూర్ణోదయము. వీలైతే చదవమని మనవి. చాలా ఓపిక కావాలి. అల్లిక మరియు కథ రెండూ జిగిబిగియే.
రిప్లయితొలగించండితగు శస్త్ర చికిత్స జరుగ
రిప్లయితొలగించండియగణిత ధనరాశి కరిగె, యనుకూలించెన్
భగవత్కరుణా ఫలమున
మగవానికి, గర్భమాయె మానినిఁ గూడన్
యుగముల లక్ష ణ మరయుము
రిప్లయితొలగించండిజగమున మఱి వింత లెన్నొ జరుగును జూడన్
నగుబాటు గలుగు విధముగ
మగవానికి గర్భ మాయె మానిని గూడన్
పండిత నేమాని వారూ,
రిప్లయితొలగించండివిరుపుతో మీ పూరణ ప్రశస్తంగా ఉంది. అభినందనలు.
*
రాజేశ్వరి అక్కయ్యా,
మీ పూరణ బాగుంది. మొదటిది, సవరించినది రెండూ... అభినందనలు.
*
చంద్రశేఖర్ గారూ,
ధన్యవాదాలు.
*
సహదేవుడు గారూ,
మీ పూరణ బాగుంది. అభినందనలు.
‘జరుగ నగణిత...’, "కలిగె ననుకూలించెన్’ అనండి.
*
సుబ్బారావు గారూ,
మీ పూరణ బాగుంది. అభినందనలు.
సగభాగము నీవంచును
రిప్లయితొలగించండితగ వలపుల కురియజేసె ధవుడును, సతియున్
వగ లొలుకుచు ప్రేమ నిడెను
మగవానికి, గర్భమాయె మానినిఁ గూడన్.
మిస్సన్న గారూ,
రిప్లయితొలగించండిమీ పూరణ బాగుంది. అభినందనలు.
వగచిన సంతతి లేదని
రిప్లయితొలగించండిమగవానికి, గర్భమాయె మానిని గూడన్
తగు శుభ తిథి సమయమ్మున
మగనాలికి దీరె కోర్కె మనముప్పొంగెన్
గండూరి లక్ష్మినారాయణ గారూ,
రిప్లయితొలగించండిమీ పూరణ బాగుంది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిజగదాంబివ్వంగ వరము
రిప్లయితొలగించండిమగవానికి, గర్భమాయె మానిని గూడన్
మగనాలిలోని మార్పుకు
తెగమురిసెనతడు కనుగొని తీరగు రూపున్
తగ దైవగతింబొనరెన్
రిప్లయితొలగించండిమగవానికి, గర్బమయ్యె మానిని గూడన్
సుగుణాలరాశి భార్యకు
సొగసైన సుతుడు జనించి సౌఖ్యము నొసగెన్
ఎగనామమ్మిడి పనులకు
రిప్లయితొలగించండితెగబలిసినవానిజూసి,తెంపరినెగతా
ళిగపలికి నవ్వె ,గనరే
మగవానికి గర్భమాయె మానిని గూడన్ !!!
చిన్న సవరణ...
రిప్లయితొలగించండితగ దైవగతింబొనరెన్
మగవానికి, గర్బమయ్యె మానిని గూడన్
సుగుణాలరాశి భార్యకు
సొగసైన సుతుడు జనించి సుఖమున్ నొసగెన్
సుగతిని బొందుట కొరకై
రిప్లయితొలగించండిసొగసగు పుత్రుని బడయగ సుకృతములెల్లన్
వగవక చేయుచు నుండెడు
మగవానికి; గర్భమాయె మానిని గూడన్!
సహదేవుడు గారూ,
రిప్లయితొలగించండిమీ భావమే సరియైనది. నేను తొందరపాటుతో ‘కలిగె’ అన్నాను. ఐనా అక్కడ ‘కరిగె ననుకూలించెన్’ అని ఉండాలి.
*
నాగరాజు రవీందర్ గారూ,
మీ పూరణ బాగుంది. అభినందనలు.
*
అన్నపరెడ్డి సత్యనారాయణ రెడ్డి గారూ,
మీ పూరణ బాగుంది. అభినందనలు.
‘జగదాంబ’ అనడం దోషం. అది ‘జగత్ + అంబ = జగదంబ’. దాని తరువాత వచ్చిన అచ్చుకు యడాగమం రావాలి. సంధి లేదు. దానిని ‘జగదంబ వరము నివ్వగ/ జగదంబ యివ్వఁగ వరము’ అనండి.
*
శైలజ గారూ,
మీ పూరణ బాగుంది. అభినందనలు.
*
మంద పీతాంబర్ గారూ,
బాగుంది మీ పూరణ. అభినందనలు.
*
బొడ్డు శంకరయ్య గారూ,
మీ పూరణ బాగుంది. అభినందనలు.
పండిత నేమాని గారికి పూజ్యులు గురుదేవులు
రిప్లయితొలగించండిశంకరయ్య గారికి వందనములు
వగ జెందు సంతులేదని
మగవానికి.గర్భ మయ్యె మాని[బ్రాహ్మణుడు]ని గూడన్
మగనాలికి,రాజన్యుడు
తగు రీతిని సత్కరించె ధరణీదేవున్
guruvulaku dhanya vaadamulu
రిప్లయితొలగించండిగురువు గారికి ధన్యవాదాలు. తమరి సూచన మేరకు సవరించిస పద్యం.
రిప్లయితొలగించండితగు శస్త్ర చికిత్స జరుగ
నగణిత ధనరాశి కరిగె, ననుకూలించెన్
భగవత్కరుణా ఫలమున
మగవానికి, గర్భమాయె మానినిఁ గూడన్
తెగ పూజలెన్నొ సలుపుచు
రిప్లయితొలగించండిమగ డాక్టరు చెప్పినట్టి మందులు వాడెన్
తెగిపోయెను దోషంబులు
మగవానికి; గర్భమాయె మానిని గూడన్
కెంబాయి తిమ్మాజీ రావు గారూ,
రిప్లయితొలగించండిమీ పూరణ బాగుంది. అభినందనలు.
మాని శబ్దానికి మానము కలవాడు అనే అర్థం ఉంది కాని బ్రాహ్మణుడు అనే అర్థం ఉన్నట్టు లేదు.
*
గోలి హనుమచ్ఛాస్త్రి గారూ,
మీ పూరణ బాగుంది. అభినందనలు.
రిప్లయితొలగించండిపూజ్యగురుదేవులుశంకరయ్యగారికివందనములు
“మాని” యన్న శబ్దమునకు “బ్రాహ్మణుడు” యని అర్ధము. దయతో ఆచార్య జి.యన్ .రెడ్డిగారి తెలుగు పర్యాయపద నిఘంటువు లో
118 పుట 2429 సంఖ్యను పరిశీలించుడు
తిమ్మాజీరావు గారూ,
రిప్లయితొలగించండినిజమే... బ్రాహ్మణునకు మాని అన్న పర్యాయపదాన్ని ఆచార్య జి.యన్.రెడ్డి గారు పేర్కొన్నారు. గమనించాను. మీ ప్రయోగంలో దోషం లేదు.
కాని శబ్దరత్నాకరం, శబ్దార్థచంద్రిక, బ్రౌణ్యం, సూర్యరాయాంధ్ర్రనిఘంటువు, శ్రీహరి నిఘంటువులలో ఎక్కడా ఆ శబ్దానికి బ్రాహ్మణుడు అన్న అర్థాన్ని ఇవ్వలేదు.
రగడీ ప్రధాని పదవని
రిప్లయితొలగించండిమగువొక పన్నాగమల్లి మన్మోహనుకున్
నగుమోముననిడి నంతనె
మగవానికి గర్భమాయె మానినిఁ గూడన్
రిప్లయితొలగించండిచిగురించగ మోహమ్మది
మగవానికి, గర్భమాయె, మానినిఁ గూడన్
జగమే ఊయల యై తూ
గ గాను ప్రకృతికృపగాన, కరుణామయికిన్ !
జిలేబి
మగవాడిని నాకేటని
రిప్లయితొలగించండిబిగువగు గోచీని కట్టి బింకము మీరన్
తగవుకు నమేఠి వెడలగ
మగవానికి గర్భమాయె మానినిఁ గూడన్