పండిత నేమాని వారూ, కాళియమర్దన ఘట్టాన్ని మనోహరమైన పద్యాలలో చెప్పి అలరింపజేశారు. అభినందనలు. * సుబ్బారావు గారూ, మీ పద్యం బాగుంది. అభినందనలు. * లక్ష్మీదేవి గారూ, మీ పద్యం బాగుంది. అభినందనలు.. మొదటిపాదంలో యతి తప్పింది. * శైలజ గారూ, పద్యం బాగుంది. అభినందనలు. ‘ముదమున్’ అన్వయం కుదరడం లేదు. ముదమునన్ అంటే కుదురుతుంది కానీ గణదోషం అవుతుంది. అక్కడ ‘వెన్ను డలరుచున్’ అనండి.
లక్ష్మీదేవి గారూ, మీ సవరణలు బాగున్నవి. * అన్నపరెడ్డి సత్యనారాయణ రెడ్డి గారూ, మీ తేటగీతిక బాగుంది. అభినందనలు. రెండవ పాదంలో ‘వసియించు’ అంటే గణదోషం ఉండదు. బహుశా టైపాటు కావచ్చు. * మిస్సన్న గారూ, మనోహరమైన ఖండిక చెప్పారు. అభినందనలు. * సహదేవుడు గారూ, మీ పద్యం బాగుంది. అభినందనలు. * గోలి హనుమచ్ఛాస్త్రి గారూ, బాగుంది మీ పద్యం. అభినందనలు.
ఘన నీలాంగుడు గోప నాయకుడు లోక త్రాణ దక్షుండు చొ
రిప్లయితొలగించండిచ్చెను కాళింది మడుంగు నా జలములన్ జీకాకులన్ వెట్టు దు
ష్టుని కాళీయుని ద్రొక్కి బట్టి తలపై శోభాయమానమ్ముగా
నొనరించెన్ బళి తాండవంబు జను లత్యుత్సాహులై యొప్పగా
వడి వడి నాట్యమొనర్చెను
గడ గడలాడించె నెదను కాళీయునికిన్
పుడమి జనులకున్ భద్రము
లిడె కృష్ణుడు తత్పదముల కిదె నతి గూర్తున్
పుడమి జనులను రక్షింప బూనుకొ నుచు
రిప్లయితొలగించండిపాము పడగల మీదను పాద ముంచి
యణ గ ద్రొక్కగ కా ళీయు ఫ ణ ములన్ని
ఆర్తి బ్రార్ధించె నా గృష్ణు నపుడు మిగుల
అల కాళీయునిపైననెక్కు మన గోపాలుండ జూడంగ నా
రిప్లయితొలగించండికలగా నుండెనె, నేడు కన్నులకు చొక్కమ్మైన రూపమ్మదో
సులభమ్మీవిధి గాంచు భాగ్యమిట నా చూపెల్ల ధన్యమ్ముగా
నిల నిల్చెన్ ! మది సంతసమ్ముఁ గన నేడింతింతనంజాలునా!
అంతటి కాళీయునిపై
రిప్లయితొలగించండివింతగ నర్తించుచుండె వెన్నుడు ముదమున్
ఎంతటి వాడవు కృష్ణా!
చింతలు తొలగించునిన్ను చేరి భజింతున్
పండిత నేమాని వారూ,
రిప్లయితొలగించండికాళియమర్దన ఘట్టాన్ని మనోహరమైన పద్యాలలో చెప్పి అలరింపజేశారు. అభినందనలు.
*
సుబ్బారావు గారూ,
మీ పద్యం బాగుంది. అభినందనలు.
*
లక్ష్మీదేవి గారూ,
మీ పద్యం బాగుంది. అభినందనలు..
మొదటిపాదంలో యతి తప్పింది.
*
శైలజ గారూ,
పద్యం బాగుంది. అభినందనలు.
‘ముదమున్’ అన్వయం కుదరడం లేదు. ముదమునన్ అంటే కుదురుతుంది కానీ గణదోషం అవుతుంది. అక్కడ ‘వెన్ను డలరుచున్’ అనండి.
గురువుగారు,
రిప్లయితొలగించండిగోపాలుడు లో ఆ వస్తుందనుకున్నాను. మన్నించండి.
శోభాంగుండ/పుణ్యాత్ముండ అని మారిస్తే బాగుంటుందంటారా?
యమున యందున కాళియు డనెడి సర్ప
రిప్లయితొలగించండిరాజు వసించుచుండెను రాజసముగ
జలము త్రాగగ చనుదెంచు జంతువులను
పట్టి భక్షించు చుండెను వరుసగాను
ఆడు చుండగ గోపకుల్ వేడుకగను
బంతిచేరెనా మడుగులో నంతిమముగ
కర్రివేలుపు గాంచి తా కరము వేగ
దూకె నదిలోన బంతికై తేకువగను
కనలి కాళియు డుతనపై కాలు ద్రువ్వ
చిందు లాడుచు శిరముపై చెన్నుగాను
గర్వ భంగము జేసె నా కంసవైరి
విష్ణు నాజ్ఞను మన్నించి విషపు పాము
చేరె వేరొక మడువుకు చెలులతోడ
చెంగున దూకె లోకముల క్షేమము జూచెడు నందుపట్టి నీ-
రిప్లయితొలగించండిలాంగుడు దుష్ట కాళియు నడంచగ వాని శిరమ్ము పైకి చూ-
డంగను భీతులై జనులు ఠావులు దప్పగ పాము ప్రాణముల్
హంగుగ నాడె తాండవము హాయిగ జేయుచు వేణుగానమున్.
తలలు ఛిద్రమాయె దర్పమ డంగెను
పతి యవస్థ జూచి పాము సతులు
హే పరాత్పరా! ఆహీశ్వరునకు ప్రాణ
భిక్ష నొసగు మనుచు వేడి రపుడు.
కాళీయుని కరుణించెను,
కాళిందిని వీడె నహియు, కరుణామయు గో-
పాళి నుతించెను కడు, గో-
పాలకు పద పద్మములకు ప్రణతులు గూర్తున్.
ఇడుముల తాలగ లేమయ!
రిప్లయితొలగించండిమడుగున కాళీయు ద్రొక్క మా గోపాలా!
యడుగిడ రావా! యనినన్
పడగల నెక్కియు యడచిన వరదునకు నుతుల్!
గరుడ రేఖ యున్న కరవదు పామంచు
రిప్లయితొలగించండినరులు చెప్పుచుంద్రు, నాట్య మీవు
చేయ గొప్పతనము చెప్పగా లేములే
గరుడ గమను వైన కతన గాదె.
లక్ష్మీదేవి గారూ,
రిప్లయితొలగించండిమీ సవరణలు బాగున్నవి.
*
అన్నపరెడ్డి సత్యనారాయణ రెడ్డి గారూ,
మీ తేటగీతిక బాగుంది. అభినందనలు.
రెండవ పాదంలో ‘వసియించు’ అంటే గణదోషం ఉండదు. బహుశా టైపాటు కావచ్చు.
*
మిస్సన్న గారూ,
మనోహరమైన ఖండిక చెప్పారు. అభినందనలు.
*
సహదేవుడు గారూ,
మీ పద్యం బాగుంది. అభినందనలు.
*
గోలి హనుమచ్ఛాస్త్రి గారూ,
బాగుంది మీ పద్యం. అభినందనలు.
గురువుగారికి ధన్యవాదములు.
రిప్లయితొలగించండి