11, జనవరి 2015, ఆదివారం

పద్యరచన - 787

కవిమిత్రులారా,

పై చిత్రాన్ని పరిశీలించి తగిన పద్యము(ల)ను వ్రాయండి.

25 కామెంట్‌లు:

  1. నెత్తిమీదమోపుమెత్తి యీ మోపును (మోపుము+ఎత్తి )
    కోరమీసమున్న కోతిబావ
    గడ్డి మిషను జూపి కవ్వించనేలనే
    కొంటె చూపు తోడ కోమలాంగి

    రిప్లయితొలగించండి
  2. పచ్చ గడ్డి మోపు భామకు దలపైన
    పెట్టు చుండె భర్త బిట్టు గాను
    మోపు బరువు నామె మోయగ లేదేమొ ?
    తాత ! యెత్తు కొనుము దయను నీవు

    రిప్లయితొలగించండి
  3. మోపును నెత్తిన బెట్టుచు
    చూపులు సారించె నతడు సొగసులు విరియన్
    కోపమున బలికె చిన్నది
    సాపత్యము గాదు వినుము సరసుడ యనుచున్

    రిప్లయితొలగించండి
  4. నల్ల కాటుక చాటున పిల్ల వలపు
    బరువు నెత్తికెత్త యతని కరువు దీర్చె
    రెండు జూపులు కలియగ రెప్ప పాటు
    మదన యుద్ధమ్ము ప్రకటించె మనసు గూడ

    రిప్లయితొలగించండి
  5. ధాన్య రాసుల పోకలు తనవి దీర
    కష్ట పడిన రైతన్నకు కరువు దీర్చు
    సకల భోగములు భువిని సత్కరించ
    సంకు రాతిరి అందాలు సంతరించు !!

    రిప్లయితొలగించండి
  6. చంద్రమౌళి సూర్యనారాయణ గారూ,
    మీ పద్యం బాగున్నది. అభినందనలు.
    ****
    పోచిరాజు సుబ్బారావు గారూ,
    మీ పద్యం బాగున్నది. అభినందనలు.
    ****
    రాజేశ్వరి అక్కయ్యా,
    మీ పద్యం బాగున్నది. అభినందనలు.
    ****
    భళ్ళముడి శ్రీరామ శంకర ప్రసాద్ గారూ,
    మీ రెండు పద్యాలు బాగున్నవి. అభినందనలు.

    రిప్లయితొలగించండి
  7. మోపెత్త బావ నాయుడు
    చూపులనెడు మోకుగట్టి చుట్టెను వానిన్
    మోపొకటి తలను బెట్టెను
    మోపుగ నింకొకటి యెంకి ముడిచెను తలపున్.

    రిప్లయితొలగించండి
  8. మోపు నెత్త మంచు ముగ్ధ కన్నుల లోని
    మెరుపు జూసి మేని విరుపు జూసి
    మోపు మాట మరచె మురిసి నాయుడుబావ
    ఎంకి కనుల పూచె పంకజాలు.

    రిప్లయితొలగించండి
  9. ఆటపాటలందునన్నిపనులయందు
    కలిసిమెలిసియుండ కనులపంట
    చూచువారికెల్ల సొగసైన కాపుర
    మనగనేమొ జూపుననుట సొబగు.

    రిప్లయితొలగించండి
  10. మోపు నెత్తుచు మరదలి యేపుఁ జూసి
    మదన భాణపు హతి హృది కదము ద్రొక్క
    మంచె కాడను కలువగ నెంచి కోర
    బావ కోర్కెను మన్నించి బాస చేసె

    రిప్లయితొలగించండి
  11. గోలి హనుమచ్ఛాస్త్రి గారూ,
    మీ పద్యం బాగున్నది. అభినందనలు.
    ****
    మిస్సన్న గారూ,
    మీ పద్యం బాగున్నది. అభినందనలు.
    ****
    లక్ష్మీదేవి గారూ,
    మీ పద్యం బాగున్నది. అభినందనలు.
    ****
    అన్నపరెడ్డి సత్యనారాయణ రెడ్డి గారూ,
    మీ పద్యం బాగున్నది. అభినందనలు.

    రిప్లయితొలగించండి
  12. ఏమి కత యిది మరదలా ?ఎచటనుండి
    ఎత్తుకొచ్చితి? మోపున న్నెత్త మనుచు
    మోపుకాదహే నిన్ను నీ కైపు సొగసు
    మెత్తగా నెత్త గలనె నీ పొత్తు కుదర

    రిప్లయితొలగించండి
  13. కెంబాయి తిమ్మాజీ రావు గారూ,
    మీ పద్యం సరసంగా ఉండి అలరించింది. అభినందనలు.

    రిప్లయితొలగించండి
  14. మోపు నెత్తఁ బోయి మోకాళ్లు సోకంగ!
    చూపుఁ జూపు చిలుక సుధలుఁ బొంగ!
    భావ సైగ లోని భావాలు గుచ్చంగ!
    కుర్ర దాని బుగ్గ లెర్ర బారె!

    రిప్లయితొలగించండి
  15. బావ,మరదలసంభాషణ
    ఎత్తకుగడ్డిమోపు|సుతిమెత్తనిచూపులుమోయలేను|"నీ
    సత్తువలేదదేల?"మనసందునచిత్తముతక్కువాయెగా|
    "క్రొత్తగజెప్పుటెందులకు?"కోర్కెలతీర్పులునెంచశఖ్యమా?
    మత్తుగనుందువేల?"ననుమానపుతూకముబెంచినందుకే"|

    రిప్లయితొలగించండి
  16. గుండా వేంకట సుబ్బ సహదేవుడు గారూ,
    మీ పద్యం బాగున్నది. అభినందనలు.
    ****
    కె. ఈశ్వరప్ప గారూ,
    మీ పద్యం బాగున్నది. అభినందనలు.

    రిప్లయితొలగించండి
  17. మోపు నెత్తగ లేనింక పోరమగడ
    కాయ కష్టము వద్దంచు కస్సు మనియె
    ఓర చూపుల పెండ్లాము నూర బెట్టి
    మోతు వయ్యారి నినుగూడి మోపు ననియె .

    రిప్లయితొలగించండి
  18. గురుదేవులకు ధన్యవాదాలు. సవరించిన మూడవ పాదం తో పద్యం :
    మోపు నెత్తఁ బోయి మోకాళ్లు సోకంగ!
    చూపుఁ జూపు చిలుక సుధలుఁ బొంగ!
    బావ సైగ లోని భావాలు గుచ్చంగ!
    కుర్ర దాని బుగ్గ లెర్ర బారె!

    రిప్లయితొలగించండి
  19. నెత్తిన మోపును బెట్టుచు
    ముత్తెమువలెనున్న పిల్ల ముద్దుల మోమున్
    చిత్తరువై గనుచు నతడు
    బిత్తరి చూపులు తెలిపిన ప్రేమకు మురిసెన్!!!

    రిప్లయితొలగించండి
  20. నడుమిక నొచ్చును మావోయ్
    వడివడిగా మోపునెత్తి-వాటము జూపన్
    తడబడనిక నీతోడుగ
    విడిబడకనె మోతునుగద-వినవోయ్ మావా!

    రిప్లయితొలగించండి
  21. పిరాట్ల ప్రసాద్ గారూ,
    మీ పద్యం బాగున్నది. అభినందనలు.
    ****
    సహదేవుడు గారూ,
    ఈమధ్య మిత్రులు టైప్ దోషాలు ఎక్కువగా చేస్తున్నారు. ప్రచురించేముందు ఒకసారి సరిచూసుకోవలసిందిగా ఎన్నోసార్లు సామూహికంగా, వ్యక్తిగతంగా చెప్పాను కూడా. కాని మార్పు లేదు. అందుకని నేను టైపాట్లను ఎక్కువగా పట్టించుకోవడం లేదు.
    సవరించిన పద్యం బాగున్నది. సంతోషం.
    ****
    శైలజ గారూ,
    మీ పద్యం బాగుంది. అభినందనలు.
    ****
    సుసర్ల నాగజ్యోతి గారూ,
    శంకరాభరణం బ్లాగు మీకు స్వాగతం పలుకుతున్నది. సంతోషం!
    మీ పద్యం బాగుంది. అభినందనలు.
    ‘మావోయ్’ అని గ్రామ్యాన్ని ప్రయోగించారు. గ్రామీణుల విషయం కనుక పాత్రోచిత భాషను ప్రయోగించడం తప్పు కాదనుకోండి. అయినా అక్కడ ‘మామా’ అంటే సరిపోతుంది కదా!

    రిప్లయితొలగించండి
  22. మోపెత్తు మనెడు కోమలి
    చూపులలో చిక్కుకొనుటచోద్యంబెట్లౌ
    బాపూ కుంచెకు పూసిన
    కాపూ ప్రేమికుల తీరు కమనీయంబౌ !!!

    రిప్లయితొలగించండి
  23. ఇక్కడ పద్యం ఎడిట్ చెయ్యటమెలాగో తెలీటము లేదు శంకరయ్యగారూ

    రిప్లయితొలగించండి
  24. మంద పీతాంబర్ గారూ,
    ఎన్నాళ్ళ కెన్నాళ్ళకు! చాలా సంతోషం.. నిజానికి ఈరోజు ఉదయమే మిమ్మల్ని జ్ఞాపకం చేసుకున్నాను.
    మీ పద్యం బాగున్నది. అభినందనలు.
    ‘కాపూ’ అనడమే కాస్త ఇబ్బందిగా ఉంది. ‘కాపుల ప్రేమికుల...’ అనవచ్చుకదా!
    ****
    సుసర్ల నాగజ్యోతి గారూ,
    ఒకసారి ప్రచురించాక ఇక సవరించడానికి అవకాశం లేదు. బ్లాగు నిర్వాహకుడనైన నాకు కూడా! సవరణలుంటే మళ్ళీ టైప్ చేసి క్రొత్తగా పోస్ట్ చెయ్యడమే!
    పైన గుండా వేంకట సుబ్బ సహదేవుడు గారూ టైపు దోషాలతో ముందు పోస్ట్ చేసి, ఆ దోషాలను సవరించుకొని ‘సవరించిన పద్యం’అంటూ మళ్ళీ పోస్ట్ చేశారు. గమనించండి.

    రిప్లయితొలగించండి
  25. నాగజ్యోతి గారూ,
    దోషాలేమైనా ఉంటే మొదటి పద్యాన్ని పూర్తిగా తొలగించే అవకాశం మాత్రం ఉంది. ఆ పద్యం క్రింద తేదీ, సమయం ప్రక్కన చెత్తడబ్బా బొమ్మ కనిపిస్తున్నది కదా! దాన్ని క్లిక్ చేసి సూచనలను పాటిస్తే సరి!

    రిప్లయితొలగించండి