27, ఫిబ్రవరి 2015, శుక్రవారం

పద్యరచన - 833

కవిమిత్రులారా,

పై చిత్రాన్ని పరిశీలించి తగిన పద్యము(ల)ను వ్రాయండి.
 వ్యంగ్యచిత్రకారులు వి. రామకృష్ణ గారికి ధన్యవాదాలతో...

16 కామెంట్‌లు:

  1. పలుకు విదేశభాషలను పామరులైనను ప్రీతితోసుమా
    చులకనజేసి తెల్గునిట జూతురు - పిల్లలు మాటలాడుచో
    వలదని వేయుచుండిరట వారికి శిక్షలు పాఠశాలలో
    తెలుగన చిన్నచూపు మరి దీనికి కారణ మేమిటో గదా

    రిప్లయితొలగించండి
  2. తొలిపలు కులుసభ యందున
    కలవర పడిమాతృ భాష కైమోడ్పు లటంచున్
    తెలుగును వీడకు మెన్నడు
    వెలిగించు నుబ్రతుకు బాట వేలుపు లెపుడున్

    రిప్లయితొలగించండి
  3. తెలుగును పలుకుట కటకట
    వెలుగును విరజిమ్ము భాష వేయి విధమ్ముల్
    కలుగు నాంగ్లము నందున
    మెలగిన మెండైన కొలువు మేలగు మీకున్

    రిప్లయితొలగించండి
  4. తెలుగు మహాసభ లందున
    వెలిగెడు మన " టెలుగు " జూడ వెగటనిపించున్
    తెలివియె లేకను " యెంగ్లీస్ "
    తెలివినొకడు జూపబోవ తిక్కగ నుండున్.

    రిప్లయితొలగించండి
  5. విశ్వ తెలుగు సభలటంచు వేదినెక్కి
    తెలుగు పండితులనెవరి పిలువ కుండ
    నాంగ్ల భాషలో మాట్లాడి యగ్గలముగ
    జరుపు సభల భాషకు మేలు జరుగుటెట్లు?

    రిప్లయితొలగించండి
  6. తెలుగు మహాసభలందున
    దెలుగును విడనాడుచున్న తేజమ్మెపుడో ?
    పలుకుము తీయని తెనుగున
    వెలిగించుము మానసములు విశ్వము నంతన్!!!

    రిప్లయితొలగించండి
  7. ఆంగ్ల భాషను జనులెల్ల యనుసరించ
    తల్లి భాషను మరచిరి తాము యెపుడొ!
    తెలుగు పోవగ పుట్టేను తెగులు మనకు
    భాష సంకర మయ్యేను భావి నందు!

    రిప్లయితొలగించండి
  8. చంద్రమౌళి సూర్యనారాయణ గారూ,
    మీ పూద్యం బాగున్నది. అభినందనలు.
    *****
    రాజేశ్వరి అక్కయ్యా,
    మీ పద్యాలు బాగున్నవి. అభినందనలు.
    మొదటి పద్యం రెండవ పాదంలో గణదోషం. ‘కైమోడ్పు లనన్’ అనండి.
    రెండవ పద్యం మూడవ పాదంలో గణదోషం. ‘కలుగును గద యాంగ్లమ్మున’ అనండి.
    *****
    గోలి హనుమచ్ఛాస్త్రి గారూ,
    మీ పద్యం బాగున్నది. అభినందనలు.
    *****
    అన్నపరెడ్డి సత్యనారాయణ రెడ్డి గారూ,
    మీ పద్యం బాగున్నది. అభినందనలు.
    *****
    శైలజ గారూ,
    మీ పద్యం బాగున్నది. అభినందనలు.
    *****
    టేకుమళ్ళ వెంకటప్పయ్య గారూ,
    మీ పద్యం బాగున్నది. అభినందనలు.

    రిప్లయితొలగించండి
  9. నేతి బీర లోన నేతిని గననట్లు
    తెలుగు సభల లోన తెలుగు సున్న
    చిత్త శుద్ధి లేక జేసిన యత్నముల్
    ఫలము నిచ్చు టన్న వలను గాదు.

    రిప్లయితొలగించండి
  10. మిస్సన్న గారూ,
    మీ పద్యం బాగున్నది. అభినందనలు.

    రిప్లయితొలగించండి
  11. ఈ కామెంట్‌ను రచయిత తీసివేశారు.

    రిప్లయితొలగించండి
  12. నెరుగ మాతృభాష చదువ నేమధుకవి
    తా రసమయ వాఙ్మ్ యములు మాతాపితలను
    మరచిమార్గముదప్పి కామవశుడైతి
    మాతృభాష నేర్చుకొనర మానవునిగ

    నా మొదటి ప్రయత్నం.తప్పులను సుహృదయంతో మన్నింప ప్రార్ధన.

    రిప్లయితొలగించండి
  13. తల్లు లింట తెలుగు వల్ల కాదన నాడె
    తెలుగు భాష కాంగ్ల తెగులు బట్టె
    తెలుగు నేత జబ్బు తెలిసె మనకు నేడు
    తేట జేసె వీడు గోటు గాను

    రిప్లయితొలగించండి
  14. వ.రా.స. గారూ,
    శంకరాభరణం బ్లాగు మీకు స్వాగతం పలుకుతున్నది. పద్యరచనపట్ల మీకు ఆసక్తి కలిగినందుకు సంతోషం. ఆ ప్రయత్నంలో ఈ బ్లాగు మీకు అన్నివిధాల సహకరిస్తుంది.
    ఇక మీ మొదటి ప్రయత్నం ప్రశంసనీయం. నేను ప్రస్తుతం పద్యభావం జోలికి పోవడం లేదు. మొదటి పాదాన్ని ‘నెరుగ’ అని ప్రారంభించారు.అటువంటి పద్యం లేదు. ‘ఎరుగ’ అన్నా యతి సరిపోతుంది. రెండవ పాదంలో ‘వాఙ్మ్ యములు’ అన్నారు. ‘వాఙ్మయములు’ అనాలి. అంటే గణదోషం. ‘వాఙ్మయము’ అంటే సరి! మిగతా పద్యం బాగుంది. అభినందనలు, స్వస్తి!
    *****
    భళ్ళముడి శ్రీరామ శంకర ప్రసాద్ గారూ,
    మీ పద్యం బాగుంది. అభినందనలు.

    రిప్లయితొలగించండి
  15. గురువుగారికి నమస్కారాలు! మీ వ్యాఖ్యలకు ధన్యవాదాలు. వీటిని బట్టి తదుపరి ప్రయత్నం మరింత జాగ్రత్త్తగా వహిస్తాను. స్వస్తి.

    రిప్లయితొలగించండి