22, మే 2015, శుక్రవారం

సమస్యా పూరణము - 1682 (మారుతి యేతెంచె సీత మాయం బయ్యెన్)

కవిమిత్రులారా,
ఈరోజు పూరించవలసిన సమస్య ఇది....
మారుతి యేతెంచె సీత మాయం బయ్యెన్.

30 కామెంట్‌లు:

  1. ఓరిమి నికడలి దాటిన
    మారుతి యేతెంచె , సీత మాయం బయ్యె
    న్నారావణు బారిన బడి
    యారాణి తనువు విడచె నౌరా యనుచున్

    రిప్లయితొలగించండి
  2. మిత్రులు శ్రీ కంది శంకరయ్యగారికి, సుకవి మిత్ర బృందమునకు నమోవాకములతో...


    (జనాపవాద భీతిచే శ్రీరాముఁడు సీత నరణ్యమునకుఁ బంపఁగా నచటఁ బ్రాణత్యాగ మొనర్పఁబోవు సీతను వాల్మీకి తన యాశ్రమమునకుం గొంపోయిన సందర్భము)


    చేరంబిల్చియు, దుఃఖవి
    దూరుఁడు వాల్మీకిముని బ్రతుకు నిడ, నచటన్
    ధీరు లొదవి, యశ్వముఁ గొన,
    మారుతి యేతెంచె! సీత మాయం బయ్యెన్!!

    రిప్లయితొలగించండి
  3. రాజేశ్వరి అక్కయ్యా,
    విరుపుతో మీ పూరణ బాగున్నది. అభినందనలు.
    కాని చివరి పాదం అన్వయం/అర్థం?
    *****
    గుండు మధుసూదన్ గారూ,
    మీ పూరణ బాగున్నది. అభినందనలు.

    రిప్లయితొలగించండి
  4. మారుతి,సీతా పాత్రల
    ధారణ చేయుచును నొకడు తన్మయ పరుపన్
    వేరొక రంగము నందున
    మారుతి యేతెంచె,సీత మాయంబయ్యెన్

    రిప్లయితొలగించండి
  5. రావణ వధానంతరము సీతాదర్శన మైనపుడు
    రాముడు మారుతితో
    ధీరుడ, సఖుడా గనుమా
    మారుతి, యేతెంచె సీత, మాయంబయ్యెన్
    దారుణ విరహోత్కంఠత,
    నీరజ ముఖినిగని మనము నిమ్మళ మయ్యెన్

    రిప్లయితొలగించండి
  6. ఓ కృషీవలుఁడు తన భార్య 'సీత ' ముచ్చటగా వాహనమును కొనమని కోరగా బేరమాడి ' మారుతి ' కారుని కొని యిచ్చాడు. ఆమె కొత్త కారుని వెనువెంటనే కన్నవారికి చూపించడానికి తీసుకుపోయింది !

    కారును కోరగ సీతయు,
    సీరముతో సిరిని గనిన సీతాపతికిన్
    బేరము పడె ! సంభ్రమమున
    మారుతి యేతెంచె - సీత మాయంబయ్యెన్ !

    రిప్లయితొలగించండి
  7. రెండుచింతల రామకృష్ణ మూర్తి గారూ,
    నటులు విషయంగా మీ పూరణ బాగున్నది. అభినందనలు.
    *****
    అశ్వత్థ నారాయణ మూర్తి గారూ,
    చక్కని విరుపులతో మారుతి శబ్దాన్ని సంబోధనగా మార్చి చెప్పిన మీ పూరణ చాలా బాగున్నది. అభినందనలు.
    *****
    ‘మారుతి’ కారుతో సహా మాయమైన సీత పూరణ బాగున్నది. అభినందనలు.

    రిప్లయితొలగించండి
  8. సీత మాయమ్మయ్యెన్ అని మీరు అడిగి ఉంటే మరిన్ని విరుపులు సాధ్యమయ్యేవి.
    నా పూరణ ఇదిగోనండీ

    కం. ధారుణి కూతును తమ లం
    కా రాణిగ జూచెదమను కలలను గను నా
    పౌరుల దహించి వైచుచు
    మారుతియే తెంచె సీత మాయం బయ్యెన్

    రిప్లయితొలగించండి
  9. ప్రేమికురాలు సీత తన ప్రియుడు మారుతిని తన కుటుంబమునకు పరిచయము చేయుదునని పిలిచి మాయమైన సందర్భములో....

    కోరియు సీతయె తన పరి
    వారమునకు పరిచయంబు పఱపుట కొరకై
    బీరముతో రమ్మనగా
    మారుతి యేతెంచె, సీత మాయంబయ్యెన్!

    రిప్లయితొలగించండి
  10. వారాశి నవలీల నెగసి
    మారుతి యేతెంచె, సీత, మా యంబ(+అ)య్యెన్
    దారుణ విశీర్ణ పూర్ణగ
    నీరీతి యనుచు దలంచి నేగెన్ త్వరన్

    రిప్లయితొలగించండి
  11. లంకా గిరిధర్ గారూ,
    వివిధ్యమైన విరుపుతో మీ పూరణ బాగున్నది. అభినందనలు.
    *****
    బొడ్డు శంకరయ్య గారూ,
    మీ పూరణ బాగున్నది. అభినందనలు.
    *****
    నాగరాజు రవీందర్ గారూ,
    విరుపుతో మీ పూరణ బాగున్నది. అభినందనలు.
    *****
    అశ్వత్థ నారాయణ మూర్తి గారూ,
    మీ పూరణ బాగున్నది. అభినందనలు.
    ‘మా యంబ+అయ్యెన్’ అన్నప్పుడు సంధి లేదు, యడాగమం వస్తుంది.
    మొదటి పాదంలో గణదోషం. ‘వారాశిని లీల నెగసి’ అందామా?

    రిప్లయితొలగించండి
    రిప్లయిలు
    1. గురువుగారు
      వారాశి నవలీల కన్నా
      వారాశిని లీల గణ పరంగానే కాక భావన పరంగానూ
      చాలా బాగుంది, కృతజ్ఞతలు గురువుగారు.

      తొలగించండి
  12. ఆ రామా మణి గాంచను
    మారుతి యే తెంచె,సీత మాయం బయ్యెన్
    మారుతి గాడని ననుకొని
    ఆ రావణు మాయ దలచి నార్తిని దోడన్

    రిప్లయితొలగించండి
  13. వీరులు జడ దారుల గని
    మారుతి యేతెంచె,సీత మాయం బయ్యెన్
    ఆరసి రమ్మని జాడను
    శ్రి రాముదు ముద్రిక నిడి ప్రీతిగ హనుమన్
    ఇది తిమ్మాజిరావు గారి పూరణ

    రిప్లయితొలగించండి
  14. శ్రీ శంకరయ్య గురుదేవులకు వినమ్రవందనములతో.....
    అందరికీ అభివందనములు ...గురువు గారి మరియు పెద్దల పూరణలు అలరించుచున్నవి...
    సమస్యల వల్ల మనసు ఏమియు బాగా లేదు, కానీ బ్లాగునకు దూరంగా ఉండ లేక సరదా గా పూరించు చున్నాను. తప్పులున్న యడల మన్నించ ప్రార్థన..
    పెళ్ళి చూపుల సందర్భము..
    ===============*==================
    ఆరు పదులు దాటిన యా
    మారుతి యేతెంచె,సీత మాయం బయ్యెన్
    కోరిన రాముని తోడను
    కారణము దెలుపక తెల్ల కాగితము పయిన్!

    రిప్లయితొలగించండి
  15. పోచిరాజు సుబ్బారావు గారూ,
    రామాయణంలో మీరు చెప్పిన ఘట్టం లేకున్నా, పూరణ బాగున్నది. అభినందనలు.
    ‘మారుతి గాడని యనుకొని’ అనండి.
    *****
    కెంబాయి తిమ్మాజీ రావు గారూ,
    మీ పూరణ బాగున్నది. అభినందనలు.
    చివరి వాక్యంలో క్రియాపదం లోపించింది. ‘ప్రీతిగఁ బంపెన్’ అనండి.
    ******
    కందుల వరప్రసాద్ గారూ,
    మీ పూరణ బాగున్నది. అభినందనలు.
    మీ సమస్యలు తొందరగా పరిష్కారమై మీకు మనశ్శాంతి చేకూరాలని కోరుకుంటున్నాను. (బెంగుళూరులో ఉన్నప్పుడే బాగున్నట్టున్నారు).

    రిప్లయితొలగించండి
  16. ఈ కామెంట్‌ను రచయిత తీసివేశారు.

    రిప్లయితొలగించండి
  17. కవిశ్రీ సత్తిబాబు గారూ,
    మీ పూరణ బాగున్నది. అభినందనలు.
    ‘వెదుకన్+ఆ’ అన్నప్పుడు యడాగమం రాదు. ‘వెదుక| న్నారావణ...’ అనండి. ఈ సంప్రదాయం పోతనపద్యాల్లో ఎక్కువగా కనిపిస్తుంది.

    రిప్లయితొలగించండి
  18. ఈ కామెంట్‌ను రచయిత తీసివేశారు.

    రిప్లయితొలగించండి
  19. పోర లవునితో రాముడు
    మారుతి యేతెంచె. సీత మాయంబయ్యెన్
    చేరగ ధారుణి.ముగిసెను
    శ్రీరాముని గాధ నిలిచె చెన్నుగ వసుధన్
    ఇది తిమ్మాజిరావు గారి పూరణ

    రిప్లయితొలగించండి
  20. ఓరిమిని కడలి దాటిన
    మారుతి యేతెంచె , సీత మాయం బయ్యె
    న్నారావణు బారిన బడి
    యారాముని తలచి దివికి నౌరా యనగా
    ----------------------------------------
    మారుతి కొంటిని క్రొత్తది
    సారధి నేనంటి నీకు సరసపు మగడౌ
    మారని ద్రైవరు పాతనె
    మారుతి యేతెంచె సీత మాయం బయ్యెన్

    రిప్లయితొలగించండి
  21. తేరున బొమ్మల యాటట
    జోరుగ రఘురామ,సీత చోద్యము వెడలన్
    "ఆడుచు నందరు జూడగ?
    మారుతి యేతెంచె,సీత మాయంబాయెన్|


    రిప్లయితొలగించండి
  22. పారావారము దాటిన
    మారుతి లంకను కనుగొని మాతను వెదుక !
    న్నారావణ మాయ వలన
    మారుతి యేతెంచె, సీత మాయంబయ్యెన్!!

    రిప్లయితొలగించండి
  23. పారావరము నా వ్యథ
    తీరనిదీ శోకమంచు తెగ కృంగితినే
    వారాశి దాటి నినుగని
    మారుతి యేతెంచె సీత! మాయం బయ్యెన్.

    రిప్లయితొలగించండి
  24. కడుపునొప్పి కారణంగా సాయంత్రం తరువాత వచ్చిన పూరణలు, పద్యాలను సమీక్షించలేకపోతున్నాను. మన్నించండి.

    రిప్లయితొలగించండి
  25. లక్ష్మణ స్వామి రామాజ్ఞతో సీతామాతను అడవిలో విడచి వెళ్లిన కాసేపటికి

    చేరగ వచ్చెడిదది మృగ
    మా? రుతి యేతెంచె? సీత మాయంబయ్యెన్
    తారాడుచు రాముఁ దలచి
    యారాటము తోడ మరది నగుపడఁ జూచెన్!

    రిప్లయితొలగించండి
  26. బారుల కోతులయోధ్యకు
    చేరుటకై గంతులిడగ చెన్నుగ నాథున్
    కోరిన పుష్పకము బదులు
    మారుతి యేతెంచె! సీత మాయం బయ్యెన్

    రిప్లయితొలగించండి