అది ‘కాంతన్+కోరఁగ= కాంతఁ గోరఁగ’ ఇంతకుముందే గుండు మధుసూదన్ గారు ఫోన్ లో ఈ విషయమై చర్చించారు. కొంతరు ‘కాంత కోరగ’ అనే అర్థంలో పూరించారు. నిజానికి అది దోషమే కాని అంత లోతుగా పరిశీలించి మిత్రుల ఉత్సాహాన్ని నీరుగార్చడం ఇష్టంలేక, ఆ వ్యత్యాసాన్ని ‘చూసీ చూడనట్టు’ ఊరుకుంటున్నానని గుండు వారితో చెప్పాను.
డా. బల్లూరి ఉమాదేవి గారూ, మీ రెండు పూరణలు బాగున్నవి. అభినందనలు. రెండవపద్యం మొదటిపాదంలో గణదోషం. ‘పర్ణశాలలో పతితోడ.../ పర్ణశాలయందు పతితో...’ అనండి. ఒక గమనిక... ‘కాంతన్+కోరగ=కాంతఁ గోరగ (ద్రుతసంధి)’ అని సమస్య. మీరు ‘కాంత+కోరగ(గసడదవాదేశ సంధి’ అనే అర్థంలో పూరించారు.
గురువుగారికి నమస్కారం. నిండు చూలాలైన భార్య సీతను మనసుకు నచ్చిన వరము కోరుకోమని రాముడు అడిగినప్పుడు ఆమె ఋషిపత్నుల చెంతన వనవాసమున గడపవలెనన్న కోరిక తెలిపినడు అతను ఏకాంతుడయ్యాడు అన్న భావనలో రాసిన పద్యం. తప్పులుంటే మన్నించి తెలుపగలరు.
మీ పూరణ బాగున్నది. అభినందనలు. మీరు గణాల వారీగా కాకుండా పదాల వారీగా టైప్ చేయండి. ఇలా... నెలలు నిండినవేళను నెలతకు నతి మక్కువను వర మీయగ మగడు దలప మునిసతులచెంత కేగగ మన సయెనని...
కవిమిత్రులకు గమనిక... సమస్య ‘కాంతన్+కోరఁగ=కాంతఁ గోరఁగ’ (ద్రుతసంధి). కొందరు ‘కాంత+కోరగ=కాంత గోరఁగ’ (గసడదవాదేశ సంధి) అనే అర్థంలో పూరించారు. అలా పూరించిన వారిలో రాజేశ్వరి అక్కయ్య గారు, విరించి (వి.యస్. ఆంజనేయులు శర్మ) గారు, వసంత కిశోర్ గారు (వీరి మూడవ పూరణ మినహాయింపు), శైలజ గారు, డా. బల్లూరి ఉమాదేవి గారు ఉన్నారు.
మీరు పూరణలను ఏ మార్పూ చేయకుండా మళ్ళీ ప్రకటించారు. పైన మీ పద్యాల తర్వాత నా వ్యాఖ్య క్రింద ‘ప్రత్యుత్తరం’ అన్నదానిని క్లిక్ చేసి అక్కడ మీరేం చెప్పాలన్నా చెప్పవచ్చు. మళ్ళీ ప్రత్యేకంగా పోస్ట్ చేయ నక్కరలేదు.
మీ ప్రయత్నం ప్రశంసనీయం. పూరణలో కొంత గందరగోళ మున్నది. నలుడు షట్చక్రవర్తులలో ఒకడు కాని షట్చక్రవర్తి అనరాదు. ‘వరుము అన’..? ‘తానె, తానే’ అన్న రూపాలున్నవి కాని ‘తానెయే’ అన్న రూపం లేదు.
సమపాదాలుండే వృత్తాలను నాలుగుకంటె ఎక్కువ (పరిమితి లేని) పాదాలతో వ్రాయవచ్చు. అలాగే సమపాద లక్షణాలు కలిగిన తేటగీతి, ద్విపద, మంజరీద్విపదలను ఎక్కువ పాదాలతో వ్రాయవచ్చు. సీసమును కూడ పెక్కు పాదాలతో వ్రాసి (సీసపాదాన్ని 6 ఇంద్రగణాలు, 2 సూర్యగణాలుగా) తరువాత ఎత్తుగీతితో ముగించవచ్చు. కందం, ఆటవెలది విషమపాద లక్షణాలు కలిగి ఉండడం వల్ల ఎక్కువ పాదాలు వ్రాయరాదు.
మీరు మొదటగా పోస్ట్ చేసిన పూరణ క్రింద నా వ్యాఖ్య... దాని క్రింద ‘ప్రత్యుత్తరం’ అని ఉంటుంది. దానిని క్లిక్ చేసి వచ్చిన బాక్సులో టైప్ చేసి మీ సవరణను పోస్ట్ చేయాలి.
మధుర భావము లందున మనసు గలిపి
రిప్లయితొలగించండివలపు వలవేసి బంధించు వారి జాక్షి
చిలిపి చేష్టల గిలిగింత చిక్కు ముడిని
కాంతఁ గోరఁగ తానె యేకాంతుఁ డయ్యె
ఏకాంతుడు = అతిశయ వంతుడు
బాగున్నది మీ పూరణ. అభినందనలు.
తొలగించండిగురువు గారికి సుకవి మిత్రబృందానికి నమస్సుల తో.........
రిప్లయితొలగించండిమరణ శయ్యపై ముంతాజు మగని బిలిచి
మారు మనువాడ బోనంచు మాట యున్ను
నేల పయి తన జ్ఞాపిక న్నిలుప మనుచు
కాంత గోరగ తానె యేకాంతు డయ్యె
మీ పూరణ బాగున్నది. అభినందనలు.
తొలగించండిఅందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
అలరింప నున్నవి !
ప్రవరుడు :
01)
___________________________________
పిలక, గుండును గలిగిన - విప్రుగాంచి
వలచి మోహించి పైబడ్డ - వనిత విడచి
అగ్నిదేవుని ప్రార్థించి - యరిగె మేటి !
కాంతఁ గోరఁగ తానె యే - కాంతుఁ డయ్యె !
___________________________________
ప్రవరుని ప్రస్తావనతో మీ మొదటి పూరణ బాగున్నది. అభినందనలు.
తొలగించండిఅర్జునుడు :
రిప్లయితొలగించండి02)
___________________________________
వలచి వలపించు కొన జేరె - వారకాంత
వరుస కాదని పార్థుడు - వాదులాడ
కోప మది హెచ్చ , నూర్వశి - శాపమిడెను !
కాంతఁ గోరఁగ తానె యే - కాంతుఁ డయ్యె !
___________________________________
మీ రెండవ పూరణ బాగున్నది. అభినందనలు.
తొలగించండినలమహారాజు :
రిప్లయితొలగించండి03)
___________________________________
నిన్నె వలచితి నలరాజ - నీవు లేక
నిముస మైనను మనజాల - నిలువు మనుచు
రాయబారిగ వచ్చిన - రాజుతోడ
యింతి దమయంతి వినుతించ - సుంత వినక
దేవతలు మెచ్చె నిన్నెంతొ- దేవి వినవె
వారలందొక్క వానిని - కోరుకొనిన
నీకు శుభమగు నని చెప్పి - నిర్గమించి
కాంతఁ గోరఁగ తానె యే - కాంతుఁ డయ్యె !
___________________________________
దేవతల రాయబారిగా వచ్చిన నలుని గురించిన మీ మూడవ పూరణ బాగున్నది. అభినందనలు.
తొలగించండి‘రాజుతోడ| నింతి...’ అనండి.
నలమహారాజు :
తొలగించండి03)
___________________________________
నిన్నె వలచితి నలరాజ - నీవు లేక
నిముస మైనను మనజాల - నిలువు మనుచు
రాయబారిగ వచ్చిన - రాజుతోడ
నింతి దమయంతి వినుతించ - సుంత వినక
దేవతలు మెచ్చె నిన్నెంతొ- దేవి వినవె
వారలందొక్క వానిని - కోరుకొనిన
నీకు శుభమగు నని చెప్పి - నిర్గమించి
కాంతఁ గోరఁగ తానె యే - కాంతుఁ డయ్యె !
___________________________________
భృగువు తన్నిన మన్నించి వినయమొప్ప
రిప్లయితొలగించండిమౌని పాదమ్ము బట్టుచు మర్మమెఱిగి
శౌరి! చిరు దరహాసియై శాంతమనెడు
కాంతఁ గోరఁగ తానె యేకాంతుఁడయ్యె!
కినుక వహియించి మాధవి తనను వీడ
గుండా వేంకట సుబ్బ సహదేవుడు గారూ,
తొలగించండివిష్ణువు కలియుగదైవం వేంకటేశ్వరుడైన నేపథ్యాన్ని వివరించిన మీ పూరణ బాగున్నది. అభినందనలు.
పాద లేపనము గరుగ బాధ పడెడు
రిప్లయితొలగించండిప్రవరునిగని వరూధిని వలపు దెలుప
తూలగించుచు బోయెనా నేలవేల్పు
కాంత గోరఁగ తానె యేకాంతుఁడయ్యె!!!
నేలవేల్పు = బ్రాహ్మణుడు
ప్రవరుని ప్రస్తావనతో మీ పూరణ బాగున్నది. అభినందనలు.
తొలగించండితనదు ప్రేమను దెల్పుచు తపన తోడ
రిప్లయితొలగించండివలచి వచ్చిన చిత్రాంగి వరుస జూచి
తల్లి నీవని సారంగధరుడు తరలె
కాంత గోరంఁగ తానె యేకాంతుఁడయ్యె!!!
సారంగధరుని ప్రస్తావనతో మీ పూరణ బాగున్నది. అభినందనలు.
తొలగించండిగురుదేవులకు ప్రణామములు.
రిప్లయితొలగించండికాంత కోరగ,
కాంతఁ గోరగ
పైరెండు ప్రయోగముల తేడా గతంలో తెలిపారు.నేడు
పూరణలు చూసినపుడు సందేహము కలుగుతున్నది.పరిశీలించ పార్థన.
అది ‘కాంతన్+కోరఁగ= కాంతఁ గోరఁగ’
తొలగించండిఇంతకుముందే గుండు మధుసూదన్ గారు ఫోన్ లో ఈ విషయమై చర్చించారు.
కొంతరు ‘కాంత కోరగ’ అనే అర్థంలో పూరించారు. నిజానికి అది దోషమే కాని అంత లోతుగా పరిశీలించి మిత్రుల ఉత్సాహాన్ని నీరుగార్చడం ఇష్టంలేక, ఆ వ్యత్యాసాన్ని ‘చూసీ చూడనట్టు’ ఊరుకుంటున్నానని గుండు వారితో చెప్పాను.
సంతోషం గురువుగారూ!
తొలగించండిమిత్రులందఱకు నమస్సులు!
రిప్లయితొలగించండి(మేనకా విశ్వామిత్రుల ప్రణయ వృత్తాంత పూర్వక శకుంతలా జనన ఘట్టము నిట ననుసంధానించుకొనునది)
గాధిజుఁడు మేనకనుఁ గూడి గాదిలి సుత
పుట్టువునకుఁ గారణమయ్యుఁ, బోవ నెంచి,
కాంతఁ గోరఁగఁ, దానె యేకాంతుఁ డయ్యె!
మేనకయుఁ బుత్రికను వీడి తానుఁ బోయె!!
విశ్వామిత్రుని ప్రస్తావనతో మీ పూరణ ప్రశస్తంగా ఉంది. అభినందనలు.
తొలగించండిపై ‘గుండా’ వారికి నేనిచ్చిన సమాధానం ఒకసారి చూడండి.
1.పాద లేపనమునతాను పరుగు దీసి
రిప్లయితొలగించండిపారమార్థిక మెసగెడు పర్వతాన
లేపనమ్ము కరగి పోగ లేడి వంటి
కాంత గోరగ తానె యేకాంతు డయ్యె.
2పర్ణశాల యందు పతితోడ పడతి సీత
గడుపు చుండె పరవశాన కాలమెల్ల
పసిమికాంతుల మెరిసేటి పసిడి మృగముఁ
కాంత గోరగ దానె యేకాంతు డయ్యె.
డా. బల్లూరి ఉమాదేవి గారూ,
తొలగించండిమీ రెండు పూరణలు బాగున్నవి. అభినందనలు.
రెండవపద్యం మొదటిపాదంలో గణదోషం. ‘పర్ణశాలలో పతితోడ.../ పర్ణశాలయందు పతితో...’ అనండి.
ఒక గమనిక... ‘కాంతన్+కోరగ=కాంతఁ గోరగ (ద్రుతసంధి)’ అని సమస్య. మీరు ‘కాంత+కోరగ(గసడదవాదేశ సంధి’ అనే అర్థంలో పూరించారు.
గురువుగారికి నమస్కారం. నిండు చూలాలైన భార్య సీతను మనసుకు నచ్చిన వరము కోరుకోమని రాముడు అడిగినప్పుడు ఆమె ఋషిపత్నుల చెంతన వనవాసమున గడపవలెనన్న కోరిక తెలిపినడు అతను ఏకాంతుడయ్యాడు అన్న భావనలో రాసిన పద్యం. తప్పులుంటే మన్నించి తెలుపగలరు.
రిప్లయితొలగించండితే. గీ: నెలలు నిండిన వేళన నెలత కునతి
మక్కు వనవర మీయగ మగడు దల్ప
మునిస తులచెంత కేగగ మనస యెనని
కాంతఁ గోరఁగ, తానె యేకాంతుఁ డయ్యె
మీ పూరణ బాగున్నది. అభినందనలు.
తొలగించండిమీరు గణాల వారీగా కాకుండా పదాల వారీగా టైప్ చేయండి. ఇలా...
నెలలు నిండినవేళను నెలతకు నతి
మక్కువను వర మీయగ మగడు దలప
మునిసతులచెంత కేగగ మన సయెనని...
ధన్యవాదాలు గురువుగారు. అలాగే చేస్తాను.
తొలగించండికవిమిత్రులకు గమనిక...
రిప్లయితొలగించండిసమస్య ‘కాంతన్+కోరఁగ=కాంతఁ గోరఁగ’ (ద్రుతసంధి).
కొందరు ‘కాంత+కోరగ=కాంత గోరఁగ’ (గసడదవాదేశ సంధి) అనే అర్థంలో పూరించారు. అలా పూరించిన వారిలో రాజేశ్వరి అక్కయ్య గారు, విరించి (వి.యస్. ఆంజనేయులు శర్మ) గారు, వసంత కిశోర్ గారు (వీరి మూడవ పూరణ మినహాయింపు), శైలజ గారు, డా. బల్లూరి ఉమాదేవి గారు ఉన్నారు.
1.పాద లేపనమునతాను పరుగు దీసి
రిప్లయితొలగించండిపారమార్థిక మెసగెడు పర్వతాన
లేపనమ్ము కరగి పోగ లేడి వంటి
కాంత గోరగ తానె యేకాంతు డయ్యె.
2పర్ణశాల యందు పతితోడ పడతి సీత
గడుపు చుండె పరవశాన కాలమెల్ల
పసిమికాంతుల మెరిసేటి పసిడి మృగముఁ
కాంత గోరగ దానె యేకాంతు డయ్యె.
మీరు పూరణలను ఏ మార్పూ చేయకుండా మళ్ళీ ప్రకటించారు. పైన మీ పద్యాల తర్వాత నా వ్యాఖ్య క్రింద ‘ప్రత్యుత్తరం’ అన్నదానిని క్లిక్ చేసి అక్కడ మీరేం చెప్పాలన్నా చెప్పవచ్చు. మళ్ళీ ప్రత్యేకంగా పోస్ట్ చేయ నక్కరలేదు.
తొలగించండిపెండ్లి యాడెను గుడిలోన పేరి శాస్త్రి
రిప్లయితొలగించండికాంత గోరగ తానె ,యేకాం తు డయ్యె
కట్న మేదియు లేదను గార ణమున
నియ్య గవిడాకు లామెకు నిష్ట మౌట
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
ప్రజల సేవల జేయుటే భాగ్యమనుచు
రిప్లయితొలగించండితనకుటుంబపు బాధ్యత తలచనట్టి
విభుని భార్యయు బిడ్డలు విడువ, కీర్తి
కాంత( గోరగ తానె యేకాంతుడయ్యె
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
వలలు జేరిన సైరంద్రి తెలిపె నిట్లు
రిప్లయితొలగించండికోర రానట్టి కోరికన్ గోరినట్టి
ఖలుడు కీచకున్ దునుమాడ వలయు ననుచు
కాంత గోరగ తానెయే కాంతుడయ్యె
మీ పూరణ బాగున్నది. అభినందనలు.
తొలగించండి
రిప్లయితొలగించండిరమ్ము నర్తనశాలకు రాజ రాత్రి
మున్ను కననట్టి సుఖముల ముంచివైతు
నన్న మాలిని చనియె నిహతుడవంగ
కాంతఁ గోరఁగ తానె యేకాంతుఁ డయ్యె.
మీ పూరణ బాగున్నది. అభినందనలు.
తొలగించండిజీవమున్నంత వరకు విశేషవిషయ
రిప్లయితొలగించండివాంఛలనుదీర్చుకొని తృప్తిపడక దేహ
దార్ఢ్యము సడల యవసాన దశనుమృత్యు
కాంత గోరంగ తానె యేకాంతు డయ్యె
మీ పూరణ బాగున్నది. అభినందనలు.
తొలగించండి‘మృత్యుకాంత’ కంటే ‘మోక్షకాంత’ అంటే ఇంకా బాగుంటుందేమో?
కవిమిత్రులకు నమస్కారముతో
రిప్లయితొలగించండిగురుమూర్తి ఆచారి
రూపరిన్ , ధనిన్ , సద్గుణ రుచిరమతిని ;
పుంస్త్వ శోభితు విభునిగా పొందెనామె ;
సతిని రమ్మనియెను విదేశముల కతడు ;
రా తిరస్కరింప , విడకుల నొసగు మని
కాంత(న్) గోరగ - తానె యేకాంతుడయ్యె !
మిథున మిటు విడిపోవుట మేలు గాదు.
(రూపరి = రూపవంతుడు
ధని = ధనవంతుడు
పుంస్త్వ శోభితు = మగసిరి కలవాడు
మిథునము = దంపతుల జంట)
మీ పూరణ బాగున్నది. అభినందనలు.
తొలగించండి‘విడాకుల’ టైపాటు వల్ల ‘విడకుల’ అయినట్టుంది.
ఔను గురువు గారు ! పొరపాటైంది..
తొలగించండిసవరించాను..
రూపరిన్ , ధనిన్ , సద్గుణ రుచిరమతిని ;
పుంస్త్వ శోభితు విభునిగా పొందెనామె ;
సతిని రమ్మనియెను విదేశముల కతడు ;
రా తిరస్కరింప , విడాకుల నొసగు మని
కాంత(న్) గోరగ - తానె యేకాంతుడయ్యె !
మిథున మిటు విడిపోవుట మేలు గాదు.
(రూపరి = రూపవంతుడు
ధని = ధనవంతుడు
పుంస్త్వ శోభితు = మగసిరి కలవాడు
మిథునము = దంపతుల జంట)
ధన్యవాదములు
పూజ్యు లు శంకరయ్య గారికి వందనములు. మీ వివరణ చూసిన తర్వాత గమనించాను నేను దృతమును.
రిప్లయితొలగించండిజగతిఁ బేరుగన్నట్టి షడ్ఛ్చక్ర వర్తి
నలుడు సురునొకరి వరుమన దమయింతి
నరసి, కోరిక నొల్లదు, నల్వురొక్క
కాంతఁ గోరఁగ, తానెయే కాంతుఁ డయ్యె.
మీ ప్రయత్నం ప్రశంసనీయం. పూరణలో కొంత గందరగోళ మున్నది. నలుడు షట్చక్రవర్తులలో ఒకడు కాని షట్చక్రవర్తి అనరాదు. ‘వరుము అన’..? ‘తానె, తానే’ అన్న రూపాలున్నవి కాని ‘తానెయే’ అన్న రూపం లేదు.
తొలగించండిపూజ్యు లు శంకరయ్య గారికి వందనములు. ధన్యవాదములు. పూరణ దోషాలు గ్రహించితిని.
తొలగించండిగృహమున కలదు సుందర కీరవాణి
తొలగించండిభార్య మృదుభాషి చపలుడు వాడు కనగ
నేమి వింత నిజసతి సనియె తను పర
కాంతఁ గోరఁగ, తానె యేకాంతుఁ డయ్యె.
చక్కని పూరణ. అభినందనలు.
తొలగించండిగురువుగారూ తేటగీతి ఆటవెలది వంటి పద్యాలను నాలుగుకన్న ఎక్కువ పాదాలతో వ్రాయవచ్చునా?
రిప్లయితొలగించండిసమపాదాలుండే వృత్తాలను నాలుగుకంటె ఎక్కువ (పరిమితి లేని) పాదాలతో వ్రాయవచ్చు. అలాగే సమపాద లక్షణాలు కలిగిన తేటగీతి, ద్విపద, మంజరీద్విపదలను ఎక్కువ పాదాలతో వ్రాయవచ్చు. సీసమును కూడ పెక్కు పాదాలతో వ్రాసి (సీసపాదాన్ని 6 ఇంద్రగణాలు, 2 సూర్యగణాలుగా) తరువాత ఎత్తుగీతితో ముగించవచ్చు. కందం, ఆటవెలది విషమపాద లక్షణాలు కలిగి ఉండడం వల్ల ఎక్కువ పాదాలు వ్రాయరాదు.
తొలగించండిశ్రీ భాగవతుల కృష్ణారావు గారి పూరణ
రిప్లయితొలగించండిసుంతయౌ పాదలేపన మంతరించ
గనుచు ప్రవరుని హిమగిరి కలియమనుచు
కాంతగోరగ,తానె యేకాంతుడయ్యె
వలదు వలదని పలుకుచు పాట్లు పడగ
మీ పూరణ బాగున్నది. అభినందనలు.
తొలగించండి
రిప్లయితొలగించండిశ్రీగురుభ్యోనమః
సగము దేహము నందున సతిని జేర్చి
ద్వైత భావము తొలగి యద్వైత సిద్ధి
కలుగ జేయగ మదినెంచి గరళ కంఠు
గాంతఁ గోరఁగ తానె యేకాంతుఁ డయ్యె.
మీ పూరణ బాగున్నది. అభినందనలు.
తొలగించండిగురుదేవులు సూచన మేరకు సవరించిన పద్యము
రిప్లయితొలగించండిజీవమున్నంత వరకు విశేషవిషయ
వాంఛలనుదీర్చుకొని తృప్తిపడక దేహ
దార్ఢ్యము సడల యవసాన దశను మోక్ష
కాంత గోరంగ తానె యేకాంతు డయ్యె
మీరు మొదటగా పోస్ట్ చేసిన పూరణ క్రింద నా వ్యాఖ్య... దాని క్రింద ‘ప్రత్యుత్తరం’ అని ఉంటుంది. దానిని క్లిక్ చేసి వచ్చిన బాక్సులో టైప్ చేసి మీ సవరణను పోస్ట్ చేయాలి.
తొలగించండిఅందమొలికెడు పుత్తడి హరిణ మొకటి
రిప్లయితొలగించండిపంచవటి దరిదాపున సంచరించ
పట్టితెమ్మని మురిపాన ప్రాణనాథు
కాంత గోరగ తానె యేకాంతు డయ్యె
‘విరించి’ గారూ,
తొలగించండిమీ పూరణ బాగున్నది. అభినందనలు.
Guruvugaariki dhanyavaadamulu.
రిప్లయితొలగించండి