అన్నపరెడ్డి సత్యనారాయణ రెడ్డి గారూ, సమస్యపాదం ఆటవెలది అయితే మీరు తేటగీతి వ్రాశారు. భావం బాగుంది. నా సవరణ... చక్కగాను జీవజాలమ్ము సాకఁగఁ జేఁతకానివాఁడు సేసె సృష్టి యంచితమ్ముగ హరి పెంచి పోషించును శివుఁడు లయ మొనర్చు జీవములను.
నిందవేయువాడు నిజమునుదెలియక చేతగానివాడు|సేసె సృష్టి బ్రహ్మ శివుని యాజ్ఞ|.బాధ్యత లందున బెంచు విష్ణు శక్తి నుంచు సుఖము. 2.బ్రహ్మ పుట్టుకలను,రక్షనువిష్ణువు లయముజేయు శివుడు నియమ మిదియె చేతగానివాడు సేసె సృష్టియనుట తప్పుమాటగాద తలచగాను
ఊకదంపుడు గారూ, పద్యం , భావం బాగున్నాయి. మనః ఫలకం మీద భారవి నిలిచాడు. "క్త్వార్థంబైన యిత్తునకు సంధి లేదు" కనుక "పలికె రెండు పుటలు పరికించి తానిట్లు" అని సవరిస్తే భేషుగ్గా ఉంటుంది.
కెంబాయి తిమ్మాజీ రావు గారూ, ఇప్పటికీ అన్వయదోషం తొలగలేదు. మీ పద్యానికి నా సవరణ.... సకలజీవకోటి సంతృప్తి పరచగ కల్పతరువు పొడమె, కాని దానిఁ గూల్చు గొడ్డలి కనుఁగొన మేలొనర్చగ చేఁతకానివాఁడు సేసె సృష్టి.
త్రాగి యుండి నలువ తనరి మైకమందు
రిప్లయితొలగించండివిశ్వ మంత నింపె వెఱ్ఱి జనుల
మెదడు నుంచ మదిని మోకాలు నందుంచె
చేఁత కాని వాఁడు సేసె సృష్టి
అక్కయ్యా,
తొలగించండిబ్రహ్మను చివరికి మదిరాపానమత్తుణ్ణి చేశారు. బాగుంది మీ పూరణ అభినందనలు.
మొదటిపాదంలో గణదోషం. ‘తనరి మైకమునందు’ అనండి.
మూడవపాదంలో యతిదోషం. ‘భువిని జనుల మెదడు మోకాలునం దుంచె’ అందామా?
త్రాగి యుండి నలువ తనరిమై కమునందు
తొలగించండివిశ్వ మంత నింపె వెఱ్ఱి ప్రజల
భువిని జనుల మెదడు మోకాలు నందుంచె
చేత కాని వాడు సేసె సృష్టి
రెండు మాట్లు " జనుల " వస్తుందని ' ప్రజల " అని వ్రాసాను
గురువుగారికి నమస్కారం. సిరివెన్నెల చిత్రంలో 'ఆదిభిక్షువు ' అన్న పాట మదిలో మెదిలి ఈ క్రింది పూరణకు ప్రయత్నిమ్హ్చను. తప్పులుంటే క్షమించి తెలియచేయగలరు.
రిప్లయితొలగించండిఆ.వె: తేనె లొలకు పూల తరుణము నొకరోజు
ధరము లుండు నేళ్ళు ధరణి మీద
యెంచి జూడ నిటులె, యవకత వకలతో
చేఁత కాని వాఁడు సేసె సృష్టి
వేదుల సుభద్ర గారూ,
తొలగించండిమీ పూరణ బాగున్నది. అభినందనలు.
‘తరుణమా యొకరోజు’ అనండి. ‘మీద నెంచి’ అనవలసి ఉంటుంది. కాని మూడవపాదంలో యతి తప్పింది. ‘ధరణిమీద| నరసి చూడ నిటులె యవకతవకలతో...’ అనండి.
సవరించాను గురువుగారు. ధన్యవాదాలు.
తొలగించండితేనెలొలకుపూలతరుణమాయొకరోజు
ధరములుందునేళ్ళుధరణిమీద
నరసిజూడనిటులెయవకతవకలతో
చేతకానివాడు జేసె సృష్టి
ముందు సిద్ధ మగును నందరి కంటెను
రిప్లయితొలగించండిచేత కాని వాడు, సేసె సృష్టి
సకల జీవ కోటి నికమనీ యముగను
ముఖము నందు వ్రాసి పూర్వ ఫలము
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
డంబమునకు బోయి బెంబేలు బడిపోవు
రిప్లయితొలగించండిచేతకానివాడు, సేసె సృష్టి
నుదుట రాత రాసి చదువులముదుకడు
జీవకోటి కెల్ల జీవ మొసగె !!!
శైలజ గారూ,
తొలగించండిమీ పూరణ బాగున్నది. అభినందనలు.
పద్మ సంభవుండు వాణీశుడుశృతిసం
రిప్లయితొలగించండిఘాతవిలసితముఖకమలుడతడు
భళిర యొక్క సారి వ్రాయనిక మరల్ప
చేఁతకానివాఁడు సేసె సృష్టి.
పోచిరాజు కామేశ్వర రావు గారూ,
తొలగించండిమీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిబొందితో త్రిశంకు నందించ స్వర్గమ్ము
రిప్లయితొలగించండిచేతకానివాఁడు సేసె సృష్టి
నింగి,నేల మధ్య నిగిడి కౌశికమౌని
తన తపో బలమ్ము తరిగిపోవ!
గుండా వేంకట సుబ్బ సహదేవుడు గారూ,
తొలగించండివిశ్వామిత్రుని ప్రస్తావనతో మీ పూరణ బాగున్నది. అభినందనలు.
చక్కగా జీవజాలము సాకెడు పని
రిప్లయితొలగించండిచేతగాని వాడు సేసె సృష్టి
పెంచి పోషించును మురారి యంచితముగ
శివుడు లయమొనరించును జీవములను
అన్నపరెడ్డి సత్యనారాయణ రెడ్డి గారూ,
తొలగించండిసమస్యపాదం ఆటవెలది అయితే మీరు తేటగీతి వ్రాశారు. భావం బాగుంది. నా సవరణ...
చక్కగాను జీవజాలమ్ము సాకఁగఁ
జేఁతకానివాఁడు సేసె సృష్టి
యంచితమ్ముగ హరి పెంచి పోషించును
శివుఁడు లయ మొనర్చు జీవములను.
మిత్రులందఱకు నమస్సులు!
రిప్లయితొలగించండిధనము గల్గువాని ధన మెక్కుడుగఁ జేసి,
బీదవాని మిగుల బీదసేసి,
లోకమందు భేద మీ కోవ నడపుౘుఁ
జేఁతకానివాఁడు సేసె సృష్టి!!
కొలఁది మార్పుతో...
తొలగించండిధనము గల్గువాని ధన మెక్కుడుగఁ జేసె!
బీదవాని మిగుల బీదఁ జేసె!
భేద మేమి లేని విధముఁ బాటించుట
చేఁతకానివాఁడు సేసె సృష్టి!!
గుండు మధుసూదన్ గారూ,
తొలగించండిమీ పూరణ బాగున్నది. అభినందనలు.
సర్వజనహితముగ శాస్త్రవిజ్ఙానమ్ము
రిప్లయితొలగించండివాడుకొనుచు లోక ప్రగతినెంచఁ
జేతకానివాఁడు సేసె, సృష్టి లయము
జేయఁ బ్రేల్చఁ గలుగు మాయ బాంబు!
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
నిందవేయువాడు నిజమునుదెలియక
రిప్లయితొలగించండిచేతగానివాడు|సేసె సృష్టి
బ్రహ్మ శివుని యాజ్ఞ|.బాధ్యత లందున
బెంచు విష్ణు శక్తి నుంచు సుఖము.
2.బ్రహ్మ పుట్టుకలను,రక్షనువిష్ణువు
లయముజేయు శివుడు నియమ మిదియె
చేతగానివాడు సేసె సృష్టియనుట
తప్పుమాటగాద తలచగాను
కె. ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
శ్రీ భాగవతుల కృష్ణారావు గారి పూరణ
రిప్లయితొలగించండికన్నులున్నవాడు కండ్లు మూసి చరించ
కండ్లు లేని వాడు గాంచు భువిని
మేలు కీడు లెరిగి మెదడు లమర్చని
చేఁతకానివాఁడు సేసె సృష్టి.
నాతి నొక్క చోట నాపలేని నలువ
చేతకాని వాడు సేసె సృష్టి
తాళి కట్టి పిదప తనపత్ని తలవ్రాత
మార్చ లేని వాడు మన విధాత !
భాగవతుల కృష్ణారావు గారూ,
తొలగించండిమీ రెండు పూరణలు బాగున్నవి. అభినందనలు.
సకలజీవకోటి సంతృప్తి పరచగ
రిప్లయితొలగించండికల్పతరువు పొడమె .కాపురుషుడు
వంట కట్టె కొరకు పడగొట్ట గొడ్డలి
చేతగానివాడు సేసె సృష్టి
కెంబాయి తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
కొంత అన్వయలోపం ఉంది.
మెచ్చెదరని దలచి, మిగుల మోదముతోడ
రిప్లయితొలగించండిస్వీయ రచనఁ దండ్రి చేతికిడగ
పలికె, రెండు పుటలు పరికించిజూచిట్లు:
"చేఁతకానివాఁడు సేసె సృష్టి".
ఊకదంపుడు గారూ,
తొలగించండిమీ పూరణ బాగున్నది. అభినందనలు.
దీనిని చదవగానే భారవిని తిట్టిన తండ్రి కథ గుర్తుకొచ్చింది.
ఊకదంపుడు గారూ, పద్యం , భావం బాగున్నాయి. మనః ఫలకం మీద భారవి నిలిచాడు.
తొలగించండి"క్త్వార్థంబైన యిత్తునకు సంధి లేదు" కనుక "పలికె రెండు పుటలు పరికించి తానిట్లు" అని సవరిస్తే భేషుగ్గా ఉంటుంది.
డా. విష్ణునందన్ గారూ,
తొలగించండిధన్యవాదాలు.
గురువు గారికి, డా.విష్ణు నందన్ గారికి ధన్యవాదములు.
తొలగించండిమెచ్చెదరని దలచి, మిగుల మోదముతోడ
స్వీయ రచనఁ దండ్రి చేతికిడగ
పలికె రెండు పుటలు పరికించి తానిట్లు:
"చేఁతకానివాఁడు సేసె సృష్టి"
ఊకదంపుడు గారూ,
తొలగించండికచ్చితంగా నేను సూచించాలనుకున్న సవరణనే మీరు వ్రాసారు. సంతోషం!
సకలజీవకోటి సంతృప్తి పరచగ
రిప్లయితొలగించండికల్పతరువు పొడమె .కాపురుషుడు
వంట కట్టె కొరకు పడగొట్ట గొడ్డలి
చేతగానివాడు సేసె సృష్టి
కెంబాయి తిమ్మాజీ రావు గారూ,
తొలగించండిఇప్పటికీ అన్వయదోషం తొలగలేదు. మీ పద్యానికి నా సవరణ....
సకలజీవకోటి సంతృప్తి పరచగ
కల్పతరువు పొడమె, కాని దానిఁ
గూల్చు గొడ్డలి కనుఁగొన మేలొనర్చగ
చేఁతకానివాఁడు సేసె సృష్టి.
ఇదీ అంత సంతృప్తిగా లేదు, కాని కొంతలో కొంత నయం!
చేరినాడ నొక్క చిత్రప్రదర్శనా
రిప్లయితొలగించండిశాల, నందుఁ గంటి సర్రియలిజ
మనెడి చిత్రమొకటి, యనుకొంటి నేనిట్లు
“చేఁతకానివాఁడు సేసె సృష్టి”
అతిశయంబుతోడ నన్నితెలుసు నంచు
రిప్లయితొలగించండిచేతకానివాడు సేసె సృష్టి
పిచ్చివాని చేతి వస్తువట్లు నదియు
పేలి పోయె గాదె బిగువు లేక.
అతిశయంబుతోడ నన్నితెలుసు నంచు
రిప్లయితొలగించండిచేతకానివాడు సేసె సృష్టి
పిచ్చివాని చేతి వస్తువట్లు నదియు
పేలి పోయె గాదె బిగువు లేక.
డా. బల్లూరి ఉమాదేవి గారూ,
తొలగించండిమీ పూరణ బాగున్నది. అభినందనలు.
మూడవపాదంలో యతిదోషం. ‘పిచ్చివాని చేతఁ బెట్టిన వస్తువై’ అందామా? ‘తెలుసునంచు’ అన్నదాన్ని ‘తెలియునంచు’ అనండి.
ఈ కామెంట్‌ను రచయిత తీసివేశారు.
రిప్లయితొలగించండిగురువు గారికి ప్రణామములతో నేను కార్యార్థినై ఢిల్లీ రావడం వలన సమస్యాపూరణాన్నీ సకాలంలో పోస్టు చేయలేక పోయాను మన్నించగలరు
రిప్లయితొలగించండిహరి హరు లిరువురునసురకోటి దునుమాడి
శిష్టుల పరిరక్ష సేసినారు
కమల గర్భుడతడు కదనమాడుటయందు
చేతకాని వాడు సేసె సృష్టి
ఆంజనేయ శర్మ గారూ,
తొలగించండిమీ పూరణ బాగున్నది. అభినందనలు.