ఔరా యెవ్విధి నమ్ముదు సారస్వత మునందు జనులు సమ్మతి లేకన్ తారా పధమును తాకెడు భారత సంస్కృతిని వీడి భాగ్య మటంచున్ ----------------------------------------ఔరా యెవ్విధి నమ్ముదు నారావణు లంకనున్న యవనిజ సీతన్నేరము లెంచగ నామది ఈరీతిగ కలత బడుచు నేలిక ననుచున్
అక్కయ్యా, రెండు పద్యాలు బాగున్నవి. అభినందనలు.కాని రెండింటిలోను అన్వయలోపం ఉన్నట్టుంది.
ఔరా యెవ్విధి నమ్ముదు తారా పధమందు వెలుగు దలపక తెలుగున్ సారము తెలియని జనులట భారత సంస్కృతిని వీడి భాషను మరువన్ ---------------------------ఔరా యెవ్విధి నమ్ముదుఈరీతిగ కలత బడుచు నేలిక ననుచున్ నేరము లెంచగ నామది నారావణు లంకనున్న యవనిజ సీతన్
1)ఔరా యెవ్విధి నమ్ముదునీ రాజ్యములోన మాంస, మెల్లరు శాకాహారులు సుజనులు హింసాదూరులు, పలలమ్ముఁ గొనెడి దొరలే లేరే!(ఎవ్విధిన్+అమ్ముదు)2)ఔరా యెవ్విధి నమ్ముదునోరారఁగ నీవు సెప్పు నుడు లవి బొంకుల్,నే రాధఁ గాను, సత్యను,నీ రాసక్రీడలన్ని నే నెఱుఁగుదులే.
నమస్కారములు గురువు గారు మీపద్యములు బాగున్నాయి ఎవ్విధిన్+అమ్ముదు , అమ్ముట అన్న పదం నాకసలు స్పురించనేలేదు . నమ్మకము గురించే ఆలోచించాను . అదేతేడా .గురువుకీ , శిష్యునికీ . హస్తిమ శకాంతం.ధన్య వాదములు
అక్కయ్యా, నేనూ నమ్ముదు గురించే ఆలోచిస్తున్నా రాత్రి నుండి..
అదేమరి ఎంతైనా అక్క లక్షణాలు తగిలి ఉంటాయి . నాణానికి ఒకవైపె చూడటం .
అక్కయ్యా, ధన్యవాదాలు.
భళా శంకరయ్యగారూ,అమ్ముదు, నమ్ముదు...నని... ద్వివిధ ప్రయోగములతో మీ రెండు పద్యము లలరించుచున్నవి. అభినందనలు!
మధుసూదన్ గారూ, ధన్యవాదాలు.
ఒౌరా యెవ్విధి నమ్శుదు బేరమ్శులు రాకపోయెబీడులునగుటన్ఊరునబ్రదుకుట కష్టమురారాయికపోదముమరి రాచనగరికిన్
పోచిరాజు సుబ్బారావు గారూ, మీ పద్యం బాగున్నది. అభినందనలు.
ఒౌరా! యెవ్విధి నమ్ముదుదారాసుతులనను చింతఁ దలపక మదిలోనా రాజు హరిశ్చంద్రుఁడుధీరుండై సత్య వ్రతముఁ దిరముగ నమ్మెన్!
గుండా వేంకట సుబ్బ సహదేవుడు గారూ, మీ పద్యం బాగుంది. అభినందనలు.‘...దలపనివాడై| యారాజు...’ అనండి. అన్వయం కుదురుతుంది.
గురుదేవులకు ధన్యవాదములు.సవరించిన పద్యం:ఒౌరా! యెవ్విధి నమ్ముదు?దారాసుతులనను చింతఁ దలపని వాడైయా రాజు హరిశ్చంద్రుఁడుధీరుండై సత్య వ్రతముఁ దిరముగ నమ్మెన్!
ఒౌరా! యెవ్విధి నమ్ముదు?నారాయణుననుచుఁ దిరుగు నారదుని, తులాభారమున రుక్మిణి తులసిఁజేరిచి హరిఁ దూచి కొనుచు చింతను దీర్చెన్!
గుండా వేంకట సుబ్బ సహదేవుడు గారూ, మీ రెండవ పద్యం బాగున్నది. ఇక్కడ ‘అమ్ముదు, నమ్ముదు’ రెండూ అన్వయిస్తాయి. అభినందనలు.
మా అన్నయ్య చంద్రమౌళి రామారావు గారి పద్యముఔరా యెవ్విధి నమ్ముదుదూరాలోచనములేని దుశ్చరితుల దుర్వా రాక్రమ సంపద్వ్యాపారానీకమ్ము నసుర భంజని జననీ
చంద్రమౌళి రామారావు గారూ, మీ పద్యం అద్భుతంగా ఉంది. అభినందనలు.
ఔరా యెవ్విధి నమ్ముదు పారావారమ్ము దాటి వ్రాలితి ననగా వీరాంజనేయు డంతట శ్రీరాముని వ్రేలితొడుగు సీతకు నొసగెన్!!!
మంద పీతాంబర్ గారూ, మీ పద్యం బాగున్నది. అభినందనలు.
పద్యరచన * గు రు మూ ర్తి ఆ చా రి *ఔరా యెవ్విధి నమ్ముదునా రావణు చె౦త ను౦టివన్ని దిన౦బుల్ కోరెద శీలపరీక్షనుచేరకు మనె రాఘవు౦డు సీతా సాధ్విన్.....................
గురుమూర్తి ఆచారి గారూ, మీ పద్యం బాగున్నది. అభినందనలు.
ఔరా యెవ్విధి నమ్ముదువీర వరేణ్యులఖిలాస్త్రవిధ్యాధికులన్కౌరవులు పాండుతనయుల ఘోరారణ్యముల బంప కుటిలత్వమునన్
పోచిరాజు కామేశ్వర రావు గారూ, మీ పద్యం బాగున్నది. అభినందనలు.
ఔరాయెవ్విది నమ్ముదుశ్రీరాముని చింతబెంచె –సీతమ్మ ననన్ఆరావణ చేష్టలకున్ ప్రారబ్దంబనక నిందబరచుట తగునా?2.ఔరా యెవ్విది నమ్ముదుకారణ మేదైన మనకు కర్షకు డిలలోఆరాధ్యుడు గాకున్నచొ?చేరవు సుఖ శాంతు లెపుడు-చింతయె మిగులున్
కె. ఈశ్వరప్ప గారూ, మీ రెండు పద్యాలు బాగున్నవి. అభినందనలు.మొదటిపద్యంలో కొంత అన్వయలోపం.
హనుమ కృష్ణునితో...ఔరా !యెవ్విధి నమ్ముదుశ్రీరామునివైన కృష్ణ శీఘ్రమె నిచటన్నారీతిగ కనిపింపుమచేరి భజింతు నినునమ్మి సీతాపతిగన్!!!పుస్తకములు సంచీలో బెట్టుకుని అమ్మే పెద్దాయన స్వగతం....ఔరా! యెవ్విధి నమ్ముదుసారంబగు గ్రంధములను చదవరె నెవరున్వేరము నొకటమ్ముడయినతీరుగ నాభార్యకింత దెచ్చెద కూడున్!!!
శైలజ గారూ, మీ రెండు పద్యాలు బాగున్నవి. అభినందనలు.‘శీఘ్రమె యిచట, చదువరె యెవరున్’ అనండి.
ఔరా యెవ్విధి నమ్ముదుయాసతి నాపై విజయము నందెను గాదేనారదముని మాటలు వినినారమణుని యమ్ముకొంటి నగుబాటైతిన్
డా. బల్లూరి ఉమాదేవి గారూ, మీ పద్యం బాగుంది. అభినందనలు.‘నమ్ముదు నాసతి, రమణుని నమ్ముకొంటి’ అనండి.
ఔరా యెవ్విది నమ్ముదుకారాగారమ్మునందు గనుపించెడిసంసారి,గురువర్యు డయ్యు విచారణలో కాముకు డన?సంస్కృతియేదీ?2.ఔరా యెవ్విది నమ్ముదుకారణములు కానరాని కలియుగ సైకొచేరియు సూదులు వేయగ?ఈరోజుకు పట్టుబడడి నెంచగ వింతౌ|
కె. ఈశ్వరప్ప గారూ, మీ రెండు పద్యాలు బాగున్నవి. అభినందనలు.‘పట్టుబడ డిదెంతయొ వింతౌ’ అనండి.
ఔరా!ఎవ్విది నమ్ముదు తూరుపు దిశనందు గ్రుంకు తొగసూడుడనన్శ్రీరామ చంద్రు డిల బహు దారావ్రతుడను వదంతి తలిరు కొనంగన్
కెంబాయి తిమ్మాజీ రావు గారూ, మీ పద్యం బాగున్నది. అభినందనలు.
మిత్రులందఱకు నమస్సులు!(చంద్రమతి నమ్మఁబూనిన హరిశ్చంద్రుని మనోవేదనము)ఔరా! యెవ్విధి నమ్ముదున్, స్వపరిగృహ్యన్, మన్మహారాజ్ఞినిన్,ధీరన్, గోమలదేహఁ జంద్రమతినిన్, దీనన్, దయారూపనున్?దూరీకృత్యనుఁ జేతునే? యిటుల నీ దుర్భాగ్యమందన్, దురాచారుం డెవ్వఁడు? వీఁడె కాఁడె? యకటా! స్థాతవ్యమాయెన్ గదా!వీరిం గానక యెట్టులుందు నిపుడున్ బ్రేమన్ బ్రతారించుచున్?
గుండు మధుసూదన్ గారూ, వృత్తరచన మీకు కొట్టినపిండి. కందపాదాన్ని శార్దూలవృత్తంలో ఇమిడ్చిన మీ రచన అద్భుతంగా ఉంది. అభినందనలు.
ఔరా!యెవ్విధి నమ్ముదుకూరిమితో మసలు నాదు కొమరుని పైనన్ నేరముపడె నవనీతపు చోరుండని 'చెప్పు కృష్ణ సూనృత మిపుడున్."
గండూరి లక్ష్మినారాయణ గారూ, మీ పద్యం బాగున్నది. అభినందనలు.
ఔరా! ఎవ్విధి నమ్ముదునీ రావణు దర్పము గన నిలలో నరుడౌశ్రీరాముని వశమౌనేయా రక్కసు గూల్చయంచు హరితలపోసెన్
ఆంజనేయ శర్మ గారూ, మీ పద్యం బాగున్నది. అభినందనలు.
ఔరా ! యెవ్విధి నమ్ముదుచోరులవలె భూమినంత చేకొని ప్రజలన్ఘోరపు యిడుములనె ట్టుచు దారిద్ర్యమునను ముంచు దానవ జతిన
జాతిన్
ఈ కామెంట్‌ను రచయిత తీసివేశారు.
ఔరా యెవ్విధి నమ్ముదునేరుగ నుడివిన పలుకులు నీరవ మోడీ!పేరును గానని నూరుకు పారుచు పోతివి డజనుల పాస్పోర్టులతో :)
ఔరా యెవ్విధి నమ్ముదునేరాలంబగు పదముల నెమ్మి బడయ నానా రీతుల కందమ్ముగనే రాసులకొలది భేషు నింపెద ననుచున్ :)జిలేబి
ఔరా యెవ్విధి నమ్ముదు!గోరింకలు చిలుకలు తెగ గొప్పగు రీతిన్ పోరాటమ్మును జేయక దారలు భర్తలను బోలి తగులుదురటనే!!!
సెల్ఫ్ డబ్బా :)ఔరా యెవ్విధి నమ్ముదునౌరౌర! జిలేబి పద్య మంచు! పదునుగాతారాపథమును చేరెన్జీరాడు పదముల తోడు సెమ్మెపు కాంతుల్!జిలేబి
ఔరా యెవ్విధి నమ్ముదు
రిప్లయితొలగించండిసారస్వత మునందు జనులు సమ్మతి లేకన్
తారా పధమును తాకెడు
భారత సంస్కృతిని వీడి భాగ్య మటంచున్
----------------------------------------
ఔరా యెవ్విధి నమ్ముదు
నారావణు లంకనున్న యవనిజ సీత
న్నేరము లెంచగ నామది
ఈరీతిగ కలత బడుచు నేలిక ననుచున్
అక్కయ్యా,
తొలగించండిరెండు పద్యాలు బాగున్నవి. అభినందనలు.
కాని రెండింటిలోను అన్వయలోపం ఉన్నట్టుంది.
ఔరా యెవ్విధి నమ్ముదు
తొలగించండితారా పధమందు వెలుగు దలపక తెలుగున్
సారము తెలియని జనులట
భారత సంస్కృతిని వీడి భాషను మరువన్
---------------------------
ఔరా యెవ్విధి నమ్ముదు
ఈరీతిగ కలత బడుచు నేలిక ననుచున్
నేరము లెంచగ నామది
నారావణు లంకనున్న యవనిజ సీతన్
1)
రిప్లయితొలగించండిఔరా యెవ్విధి నమ్ముదు
నీ రాజ్యములోన మాంస, మెల్లరు శాకా
హారులు సుజనులు హింసా
దూరులు, పలలమ్ముఁ గొనెడి దొరలే లేరే!
(ఎవ్విధిన్+అమ్ముదు)
2)
ఔరా యెవ్విధి నమ్ముదు
నోరారఁగ నీవు సెప్పు నుడు లవి బొంకుల్,
నే రాధఁ గాను, సత్యను,
నీ రాసక్రీడలన్ని నే నెఱుఁగుదులే.
నమస్కారములు
తొలగించండిగురువు గారు మీపద్యములు బాగున్నాయి
ఎవ్విధిన్+అమ్ముదు , అమ్ముట అన్న పదం నాకసలు స్పురించనేలేదు . నమ్మకము గురించే ఆలోచించాను . అదేతేడా .గురువుకీ , శిష్యునికీ . హస్తిమ శకాంతం.
ధన్య వాదములు
అక్కయ్యా, నేనూ నమ్ముదు గురించే ఆలోచిస్తున్నా రాత్రి నుండి..
తొలగించండిఅదేమరి ఎంతైనా అక్క లక్షణాలు తగిలి ఉంటాయి . నాణానికి ఒకవైపె చూడటం .
తొలగించండిఅక్కయ్యా,
తొలగించండిధన్యవాదాలు.
భళా శంకరయ్యగారూ,
తొలగించండిఅమ్ముదు, నమ్ముదు...నని... ద్వివిధ ప్రయోగములతో మీ రెండు పద్యము లలరించుచున్నవి. అభినందనలు!
మధుసూదన్ గారూ,
తొలగించండిధన్యవాదాలు.
ఒౌరా యెవ్విధి నమ్శుదు
రిప్లయితొలగించండిబేరమ్శులు రాకపోయెబీడులునగుటన్
ఊరునబ్రదుకుట కష్టము
రారాయికపోదముమరి రాచనగరికిన్
పోచిరాజు సుబ్బారావు గారూ,
తొలగించండిమీ పద్యం బాగున్నది. అభినందనలు.
ఒౌరా! యెవ్విధి నమ్ముదు
రిప్లయితొలగించండిదారాసుతులనను చింతఁ దలపక మదిలో
నా రాజు హరిశ్చంద్రుఁడు
ధీరుండై సత్య వ్రతముఁ దిరముగ నమ్మెన్!
గుండా వేంకట సుబ్బ సహదేవుడు గారూ,
తొలగించండిమీ పద్యం బాగుంది. అభినందనలు.
‘...దలపనివాడై| యారాజు...’ అనండి. అన్వయం కుదురుతుంది.
గురుదేవులకు ధన్యవాదములు.సవరించిన పద్యం:
తొలగించండిఒౌరా! యెవ్విధి నమ్ముదు?
దారాసుతులనను చింతఁ దలపని వాడై
యా రాజు హరిశ్చంద్రుఁడు
ధీరుండై సత్య వ్రతముఁ దిరముగ నమ్మెన్!
ఒౌరా! యెవ్విధి నమ్ముదు?
రిప్లయితొలగించండినారాయణుననుచుఁ దిరుగు నారదుని, తులా
భారమున రుక్మిణి తులసిఁ
జేరిచి హరిఁ దూచి కొనుచు చింతను దీర్చెన్!
గుండా వేంకట సుబ్బ సహదేవుడు గారూ,
తొలగించండిమీ రెండవ పద్యం బాగున్నది. ఇక్కడ ‘అమ్ముదు, నమ్ముదు’ రెండూ అన్వయిస్తాయి. అభినందనలు.
మా అన్నయ్య చంద్రమౌళి రామారావు గారి పద్యము
రిప్లయితొలగించండిఔరా యెవ్విధి నమ్ముదు
దూరాలోచనములేని దుశ్చరితుల దు
ర్వా రాక్రమ సంపద్వ్యా
పారానీకమ్ము నసుర భంజని జననీ
చంద్రమౌళి రామారావు గారూ,
తొలగించండిమీ పద్యం అద్భుతంగా ఉంది. అభినందనలు.
ఔరా యెవ్విధి నమ్ముదు
రిప్లయితొలగించండిపారావారమ్ము దాటి వ్రాలితి ననగా
వీరాంజనేయు డంతట
శ్రీరాముని వ్రేలితొడుగు సీతకు నొసగెన్!!!
మంద పీతాంబర్ గారూ,
తొలగించండిమీ పద్యం బాగున్నది. అభినందనలు.
పద్యరచన
రిప్లయితొలగించండి* గు రు మూ ర్తి ఆ చా రి *
ఔరా యెవ్విధి నమ్ముదు
నా రావణు చె౦త ను౦టి
వన్ని దిన౦బుల్ కోరెద శీలపరీక్షను
చేరకు మనె రాఘవు౦డు సీతా సాధ్విన్
.....................
గురుమూర్తి ఆచారి గారూ,
తొలగించండిమీ పద్యం బాగున్నది. అభినందనలు.
ఔరా యెవ్విధి నమ్ముదు
రిప్లయితొలగించండివీర వరేణ్యులఖిలాస్త్రవిధ్యాధికులన్
కౌరవులు పాండుతనయుల
ఘోరారణ్యముల బంప కుటిలత్వమునన్
పోచిరాజు కామేశ్వర రావు గారూ,
తొలగించండిమీ పద్యం బాగున్నది. అభినందనలు.
ఔరాయెవ్విది నమ్ముదు
రిప్లయితొలగించండిశ్రీరాముని చింతబెంచె –సీతమ్మ ననన్
ఆరావణ చేష్టలకున్
ప్రారబ్దంబనక నిందబరచుట తగునా?
2.ఔరా యెవ్విది నమ్ముదు
కారణ మేదైన మనకు కర్షకు డిలలో
ఆరాధ్యుడు గాకున్నచొ?
చేరవు సుఖ శాంతు లెపుడు-చింతయె మిగులున్
కె. ఈశ్వరప్ప గారూ,
తొలగించండిమీ రెండు పద్యాలు బాగున్నవి. అభినందనలు.
మొదటిపద్యంలో కొంత అన్వయలోపం.
హనుమ కృష్ణునితో...
రిప్లయితొలగించండిఔరా !యెవ్విధి నమ్ముదు
శ్రీరామునివైన కృష్ణ శీఘ్రమె నిచట
న్నారీతిగ కనిపింపుమ
చేరి భజింతు నినునమ్మి సీతాపతిగన్!!!
పుస్తకములు సంచీలో బెట్టుకుని అమ్మే పెద్దాయన స్వగతం....
ఔరా! యెవ్విధి నమ్ముదు
సారంబగు గ్రంధములను చదవరె నెవరున్
వేరము నొకటమ్ముడయిన
తీరుగ నాభార్యకింత దెచ్చెద కూడున్!!!
శైలజ గారూ,
తొలగించండిమీ రెండు పద్యాలు బాగున్నవి. అభినందనలు.
‘శీఘ్రమె యిచట, చదువరె యెవరున్’ అనండి.
ఔరా యెవ్విధి నమ్ముదు
రిప్లయితొలగించండియాసతి నాపై విజయము నందెను గాదే
నారదముని మాటలు విని
నారమణుని యమ్ముకొంటి నగుబాటైతిన్
డా. బల్లూరి ఉమాదేవి గారూ,
తొలగించండిమీ పద్యం బాగుంది. అభినందనలు.
‘నమ్ముదు నాసతి, రమణుని నమ్ముకొంటి’ అనండి.
ఔరా యెవ్విది నమ్ముదు
రిప్లయితొలగించండికారాగారమ్మునందు గనుపించెడిసం
సారి,గురువర్యు డయ్యు వి
చారణలో కాముకు డన?సంస్కృతియేదీ?
2.ఔరా యెవ్విది నమ్ముదు
కారణములు కానరాని కలియుగ సైకొ
చేరియు సూదులు వేయగ?
ఈరోజుకు పట్టుబడడి నెంచగ వింతౌ|
కె. ఈశ్వరప్ప గారూ,
తొలగించండిమీ రెండు పద్యాలు బాగున్నవి. అభినందనలు.
‘పట్టుబడ డిదెంతయొ వింతౌ’ అనండి.
ఔరా!ఎవ్విది నమ్ముదు
రిప్లయితొలగించండితూరుపు దిశనందు గ్రుంకు తొగసూడుడనన్
శ్రీరామ చంద్రు డిల బహు
దారావ్రతుడను వదంతి తలిరు కొనంగన్
కెంబాయి తిమ్మాజీ రావు గారూ,
తొలగించండిమీ పద్యం బాగున్నది. అభినందనలు.
మిత్రులందఱకు నమస్సులు!
రిప్లయితొలగించండి(చంద్రమతి నమ్మఁబూనిన హరిశ్చంద్రుని మనోవేదనము)
ఔరా! యెవ్విధి నమ్ముదున్, స్వపరిగృహ్యన్, మన్మహారాజ్ఞినిన్,
ధీరన్, గోమలదేహఁ జంద్రమతినిన్, దీనన్, దయారూపనున్?
దూరీకృత్యనుఁ జేతునే? యిటుల నీ దుర్భాగ్యమందన్, దురా
చారుం డెవ్వఁడు? వీఁడె కాఁడె? యకటా! స్థాతవ్యమాయెన్ గదా!
వీరిం గానక యెట్టులుందు నిపుడున్ బ్రేమన్ బ్రతారించుచున్?
గుండు మధుసూదన్ గారూ,
తొలగించండివృత్తరచన మీకు కొట్టినపిండి. కందపాదాన్ని శార్దూలవృత్తంలో ఇమిడ్చిన మీ రచన అద్భుతంగా ఉంది. అభినందనలు.
ఔరా!యెవ్విధి నమ్ముదు
రిప్లయితొలగించండికూరిమితో మసలు నాదు కొమరుని పైనన్
నేరముపడె నవనీతపు
చోరుండని 'చెప్పు కృష్ణ సూనృత మిపుడున్."
గండూరి లక్ష్మినారాయణ గారూ,
తొలగించండిమీ పద్యం బాగున్నది. అభినందనలు.
ఔరా! ఎవ్విధి నమ్ముదు
రిప్లయితొలగించండినీ రావణు దర్పము గన నిలలో నరుడౌ
శ్రీరాముని వశమౌనే
యా రక్కసు గూల్చయంచు హరితలపోసెన్
ఆంజనేయ శర్మ గారూ,
తొలగించండిమీ పద్యం బాగున్నది. అభినందనలు.
ఔరా ! యెవ్విధి నమ్ముదు
రిప్లయితొలగించండిచోరులవలె భూమినంత చేకొని ప్రజలన్
ఘోరపు యిడుములనె ట్టుచు
దారిద్ర్యమునను ముంచు దానవ జతిన
జాతిన్
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిఔరా యెవ్విధి నమ్ముదు
రిప్లయితొలగించండినేరుగ నుడివిన పలుకులు నీరవ మోడీ!
పేరును గానని నూరుకు
పారుచు పోతివి డజనుల పాస్పోర్టులతో :)
రిప్లయితొలగించండిఔరా యెవ్విధి నమ్ముదు
నేరాలంబగు పదముల నెమ్మి బడయ నా
నా రీతుల కందమ్ముగ
నే రాసులకొలది భేషు నింపెద ననుచున్ :)
జిలేబి
ఔరా యెవ్విధి నమ్ముదు!
రిప్లయితొలగించండిగోరింకలు చిలుకలు తెగ గొప్పగు రీతిన్
పోరాటమ్మును జేయక
దారలు భర్తలను బోలి తగులుదురటనే!!!
రిప్లయితొలగించండిసెల్ఫ్ డబ్బా :)
ఔరా యెవ్విధి నమ్ముదు
నౌరౌర! జిలేబి పద్య మంచు! పదునుగా
తారాపథమును చేరెన్
జీరాడు పదముల తోడు సెమ్మెపు కాంతుల్!
జిలేబి