విజయ దశమిరా తమ్ముఁడ! విజయ దశమిరా! జైశ్రీరామ్. ఆర్యులారా! ఈ క్రింది పాటను ఆలపించే ప్రయత్నం చెయ్యండి. అదే విధంగా ఆలోచించండి ఈ పాటలో ఏవైనా ఛందో భరిత పద్యాలున్నాయేమోనని. http://andhraamrutham.blogspot.in/2015/10/blog-post_32.html#.VinrmZJ95kg
మీ అందరి పూరనలు చాలా చక్కగా ఉన్నవి. మీ అందరికీ మిమ్ములను తీర్చి దిద్దుచున్న శ్రీ శంకరార్యులకు నా అభినంనలు. నమస్తే.
శంకరయ్యగారూ! ఈ కథను నేను గతమున "నీల ఐరావతము శ్వేత ఐరావతముగ మారిన కథ" గా ...మన బ్లాగులోనే ప్రకటించియుంటిని. దానిని (దివి:02-10-2012న) నా "మధుర కవనం" నందుఁ బ్రకటించితిని. ఆ లంకె నిచట నిచ్చుచుంటిని. పరిశీలించఁగలరు. http://madhurakavanam.blogspot.in/2013/10/blog-post_13.html
అన్నయ్యగారూ నమస్తే.మీకు తెలియదనికాదు.మరచిపోయి వుంటారు.ఒకసారి ఐరావతంమీద వస్తున్న ఇంద్రుని కెదురుపడ్డ దుర్వాసుడు ఇంద్రునకు పూలహారాన్నిస్తాడు.ఇంద్రుడు అహంకారంతో దాన్ని ఏనుగు తొండానికేస్తాడు .ఆ ఏనుగు కాలికిందికేసి తొక్కుతుంది ముని కోపంతో శపిస్తాడు.
ఉమాదేవి గారూ, మీ వివరణ చూచాక ఈ కథ నాకు తెలిసినకథే అనిపిస్తున్నది. కాని పూర్వపరాలు గుర్తుకు రావడం లేదు. క్రమక్రమంగా జ్ఞాపకశక్తిని కోల్పోతున్నట్టున్నాను.
గురువు గారికి ప్రణామములు
రిప్లయితొలగించండికవిమిత్రులకు అభినందనలతో ,,,,,,
కమనీయ పురము గట్టగ
శ్రమనే లెక్కింపనట్టి సాహసి యతడై
కుమతుల కన్నులు కుట్టగ
నమరావతి రాజు చంద్రుడై శోభిల్లెన్
ఆంజనేయ శర్మ గారూ,
తొలగించండిమీ పూరణ బాగున్నది. అభినందనలు.
కమతములన్ దోచుకొనుచు
రిప్లయితొలగించండితమితో తొత్తులనుగూర్చి తలచుచుమదిలో
సుమధుర వాగ్ధానమ్ముల
నమరావతిరాజు చంద్రుడై శోభిల్లెన్
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
సత్యనారాయణ రెడ్డి గారూ, మీ పూరణము బాగున్నది. అభినందనలు!
తొలగించండి"వాగ్దానము" అనవలెను. ఇది....మహాప్రాణయుతము కాదు.
గుండుమధు సూదన్ గారికి న మస్సులు.
తొలగించండివాగ్దానములిడి
యమరావతి రాజు చంద్రుడై శోభిల్లెన్
అమవాస లెన్ని వచ్చిన
రిప్లయితొలగించండిరమణీయపు రాచవీడు ప్రద్యోతించ
న్నమరించుచు నాంధ్రులకు
న్నమరావతి రాజు చంద్రుడై శోభిల్లెన్!!!
శైలజ గారూ,
తొలగించండిమీ పూరణ బాగున్నది. అభినందనలు.
‘అమవాస’ అన్న శబ్దం లేదు. ‘అమవస లెన్నియొ వచ్చిన’ అనండి.
ప్రముఖుల నాహ్వనించగ
రిప్లయితొలగించండియమునకదిలి, పుట్టమట్టి యంకితమనగన్
శ్రమ జన్మభూమి సిరియని
యమరావతి రాజు చంద్రుఁడై శోభిల్లెన్!
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
మిత్రులందఱకు నమస్సులు!
రిప్లయితొలగించండిరమణులు రంభోర్వశ్యా
ద్యమర గణికలనెడు తార కావృత యుతుఁడై
యమర సుఖమ్ములఁ దేలుౘు
నమరావతిరాజు, "చంద్రుఁడై" శోభిల్లెన్!
గుండు మధుసూదన్ గారూ,
తొలగించండిమీ పూరణ వైవిధ్యంగా ఉండి అలరించింది. అభినందనలు.
ధన్యవాదములు శంకరయ్య గారూ!
తొలగించండిసుమగాత్రి రంభ తోన
రిప్లయితొలగించండియ్యమరావతి రాజు యింద్రుడై శోభిల్లెన్
విమలారంభము తోని
య్యమరావతి రాజు చంద్రుఁడై శోభిల్లెన్.
గోలి హనుమచ్ఛాస్త్రి గారూ,
తొలగించండిమీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిపోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
‘జధాని’ అని బేసిగణంగా జగణాన్ని వేశారు. రెండవపాదంలో గణదోషం. సవరించండి.
అమలిన జలములు మృత్తిక
రిప్లయితొలగించండిక్షమ పూజను రాజధాని కడగాలునకై
ప్రముఖ ప్రథాని చేయగ
అమరావతి రాజు చంద్రుడై శోభిల్లెన్
కెంబాయి తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
కమలాసనవంశజు డను
రిప్లయితొలగించండిపమ సంయమి కశ్యపఘనవంశాబుధికిన్
విమలయశుడు వజ్రాయుధు
డమరావతి రాజు చంద్రుఁడై శోభిల్లెన్.
పోచిరాజు కామేశ్వర రావు గారూ,
తొలగించండిమీ పూరణ బాగున్నది. అభినందనలు.
విజయ దశమిరా తమ్ముఁడ! విజయ దశమిరా!
రిప్లయితొలగించండిజైశ్రీరామ్.
ఆర్యులారా!
ఈ క్రింది పాటను ఆలపించే ప్రయత్నం చెయ్యండి.
అదే విధంగా ఆలోచించండి ఈ పాటలో ఏవైనా ఛందో భరిత పద్యాలున్నాయేమోనని.
http://andhraamrutham.blogspot.in/2015/10/blog-post_32.html#.VinrmZJ95kg
మీ అందరి పూరనలు చాలా చక్కగా ఉన్నవి. మీ అందరికీ మిమ్ములను తీర్చి దిద్దుచున్న శ్రీ శంకరార్యులకు నా అభినంనలు.
నమస్తే.
సుకవిమిత్రులు చింతా రామకృష్ణారావు గారూ,
తొలగించండిధన్యవాదాలు.
మీ రిచ్చిన గేయాన్ని పరిశీలిస్తే అది నాకు రెండు కందపద్యాలుగా కనిపించింది.
రిప్లయితొలగించండిఅమరావతి యనుచోటన
కమనీయపుపురముగట్టి కళకళలాడన్
కుమతుల గర్వమునణచగ
అమరావతిరాజుచంద్రు ఢైశోభిల్లెన్
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
చి.రామకృష్ణారావు గారికి మీపాట తేటగీతి చందములో ఉన్నది .శ్రీరామనామము మోక్షప్రదము
రిప్లయితొలగించండితిమ్మాజీ రావు గారూ,
తొలగించండిఎన్నివిధాలుగా చూసినా చింతా వారి గేయంలో తేటగీతి లక్షణాలు నాకు కనిపించలేదు. రెండు కందపద్యాలను గుర్తించగలిగాను.
15అమరావతి రాజేంద్రుడు,
రిప్లయితొలగించండిఅమరావతి రాజు చంద్రు డై శోబిల్లెన్
అమరావతి నగరంబే
అమరికనవ్యాంద్రప్రజకు నాకర్షితమౌ|
కె. ఈశ్వరప్ప గారూ,
తొలగించండిమీ పూరణ బాగున్నది. అభినందనలు.
అమరాధిపుడగు నింద్రుడ
రిప్లయితొలగించండిహమున మునియొసంగి నట్టి హారము నవమా
నమొనర్చ శపిం చె;పిదప
నమరావతి రాజుచంద్రుడై శోభిల్లెన్
డా. బల్లూరి ఉమాదేవి గారూ,
తొలగించండిమీ పూరణ బాగున్నది. అభినందనలు.
కాకుంటే ఈ కథ నాకు క్రొత్త.
శంకరయ్యగారూ! ఈ కథను నేను గతమున "నీల ఐరావతము శ్వేత ఐరావతముగ మారిన కథ" గా ...మన బ్లాగులోనే ప్రకటించియుంటిని. దానిని (దివి:02-10-2012న) నా "మధుర కవనం" నందుఁ బ్రకటించితిని. ఆ లంకె నిచట నిచ్చుచుంటిని. పరిశీలించఁగలరు.
తొలగించండిhttp://madhurakavanam.blogspot.in/2013/10/blog-post_13.html
స్వస్తి.
అమరాధిపుడగు నింద్రుడ
రిప్లయితొలగించండిహమున మునియొసంగి నట్టి హారము నవమా
నమొనర్చ శపిం చె;పిదప
నమరావతి రాజుచంద్రుడై శోభిల్లెన్
ఈ కామెంట్‌ను రచయిత తీసివేశారు.
రిప్లయితొలగించండిశ్రీ భాగవతుల కృష్ణారావు గారి పూరణ
రిప్లయితొలగించండిఅమరులె యచ్చెరువొందుచు,
డమరుక దుందుభులు విజయ దశమినిమ్రొగన్
గమనించగ, నవ్యాంధ్ర
న్నమరావతి రాజు చంద్రుడైశోభిల్లెన్
భాగవతుల కృష్ణారావు గారూ,
తొలగించండిమీ పూరణ బాగున్నది. అభినందనలు.
అన్నయ్యగారూ నమస్తే.మీకు తెలియదనికాదు.మరచిపోయి వుంటారు.ఒకసారి ఐరావతంమీద వస్తున్న ఇంద్రుని కెదురుపడ్డ దుర్వాసుడు ఇంద్రునకు పూలహారాన్నిస్తాడు.ఇంద్రుడు అహంకారంతో దాన్ని ఏనుగు తొండానికేస్తాడు .ఆ ఏనుగు కాలికిందికేసి తొక్కుతుంది ముని కోపంతో శపిస్తాడు.
రిప్లయితొలగించండిఉమాదేవి గారూ,
తొలగించండిమీ వివరణ చూచాక ఈ కథ నాకు తెలిసినకథే అనిపిస్తున్నది. కాని పూర్వపరాలు గుర్తుకు రావడం లేదు. క్రమక్రమంగా జ్ఞాపకశక్తిని కోల్పోతున్నట్టున్నాను.
భ్రమతీరగ వడివడిగా
రిప్లయితొలగించండితమ యిండ్లను కోలు పోవు దైన్యము నందున్
కుములుచు నమవస రాత్రిని
అమరావతి రాజు చంద్రుఁడై శోభిల్లెన్