(కావున మన పితరులకు వారు బ్రతికియున్నపుడే వలయు కోరికలను దీర్చి వారి నానందింపఁ జేయుటయే నిజమైన శ్రాద్ధమని యెఱుంగునది. మరణించిన పిదప నెన్ని యొనర్చినను వ్యర్థములు గదా!)
అపవర్గతృషితుల కాహ్వానమును పల్కి ..........యర్చించి సద్గతు లందు వారు తాత ముత్తాతల తలచుక శ్రద్ధతో ..........పిండప్రదానముల్ బెట్టు వారు తిలతర్పణమ్ముల సలిపి పితౄణము .........తగ్గినదని మది దలచు వారు ఈ యేటి కీ తీరు, పై యేటికిని మాకు .........పిలుపు రాగలదను పెద్దవారు
భారతీయార్ష సంస్కృతీ ప్రేరితులరు 'పితరు లను మాట మరచిన బిడ్డలెల్ల' సిగ్గు జెంద పైవారి నర్చించి తనుపు భవ్యమౌ మహాలయపమావాస్య నేడు.l
పితృ దేవతలు త్రితరముల పితృపతి లోకముననుండ ప్రేమ లొలుకగన్ పితృ తర్పణంబు లీయన్ పితృసురులు,మహాలయమున, ప్రీతింగనరే (మహాలయ అమావాస్యని మహాలయము అని కూడ అంటారని చదివాను)
ఈ కామెంట్‌ను రచయిత తీసివేశారు.
రిప్లయితొలగించండి‘విరించి’ గారూ,
తొలగించండిమీ పద్యం బాగున్నది. అభినందనలు.
‘మన విధి యగు’ అనండి.
తనువు వీడిన పూర్వుల దలచు కొనుచు
తొలగించండిఋణము దీర్చుకొనుటె నేడు మనవిధియగు
తప్ప బోకుము వదులుము తర్పణముల
తీర్చుకొనుము పితౄణమ దియెఘనమ్ము
పెద్దల పండుగ యనుకొని
రిప్లయితొలగించండినొద్దికగా నిత్తురంట నోగిర ములనే
తద్దినమని పితరులకట
శ్రద్ధగ పెట్టెడి దినమది శ్రార్ధం బనగా
అక్కయ్యా,
తొలగించండిమీ పద్యం బాగున్నది. అభినందనలు.
‘శ్రార్ధం’ టైపాటు.
పెద్దల పండుగ యనుకొని
తొలగించండినొద్దికగా నిత్తురంట నోగిర ములనే
తద్దినమని పితరులకట
శ్రద్దగ పెట్టెడి దినమది శ్రాద్ధం బనగా
వర్ష ఋతువు లోన భాద్రపదము నందు
రిప్లయితొలగించండిమరణ మొంది నట్టి మానవులకు
శ్రద్ధ తోడ జనులు శ్రాద్ధంబు బెట్టుచు
తర్పణంబు లిడిన దక్కు తృప్తి /ముక్తి.
2.పెద్దల పండుగ యనుచును
పెద్దలలోచేరి నట్టి పెద్దల కెల్లన్
నొద్దికగా తర్పణములు
బుద్ధిగ నిడుదురు జనములు పుడమిన గనుమా!.
3పుత్రులైనవారు పుడమిన పితృదేవ
తలకు తృప్తి కలుగ తద్దినంబు
భాద్రపదము బహుళ పక్షమాసము నందు
విడువ కుండ మీరు పిండ మిడుడు.
డా. బల్లూరి ఉమాదేవి గారూ,
తొలగించండిమీ మూడు పద్యాలు బాగున్నవి. అభినందనలు.
‘పుడమిని’ అనండి.
మిత్రులందఱకు పిత్రమావాస్య పర్వదిన శుభాకాంక్షలు!
రిప్లయితొలగించండిబ్రతికియున్ననాఁడు పలు బాధలం బెట్టి
మరణ మంది నంత మదిని మురిసి
విందు సేయ నగునె? పితలు మనియు నుండ
శ్రద్ధ నిడెడి ప్రేమ శ్రాద్ధమగును!
బ్రదుకు నిడిన పితలు బ్రతికి యున్నప్పుడే
శ్రద్ధతోడ వారిఁ జక్కఁగాను
పితృ సపర్య చేసి ప్రేమల నందించి
వలయు భోగము లిడుట లగు శ్రద్ధ!
మనిననాఁ డిడకయ మరణించి నంతన
శ్రాద్ధకర్మ పేర సర్వులకునుఁ
బెట్టి ఘనతఁ జాటఁ బితృసేవ యది కాదు!
స్వీయతృప్తియె! యది విలువ కలదె?
(కావున మన పితరులకు వారు బ్రతికియున్నపుడే వలయు కోరికలను దీర్చి వారి నానందింపఁ జేయుటయే నిజమైన శ్రాద్ధమని యెఱుంగునది. మరణించిన పిదప నెన్ని యొనర్చినను వ్యర్థములు గదా!)
గుండు మధుసూదన్ గారూ,
తొలగించండిమీ పద్యాలు, పద్యాలలో వెలిబుచ్చిన అభిప్రాయాలు బాగున్నవి. అవశ్యం ఆచరింప దగినవి. అభినందనలు.
ఈమ హాలయ యమవస యెన్న భువిని
రిప్లయితొలగించండిఅన్ని కులముల వారలు మిన్న గాను
తర్ప ణ మ్ములు శ్రధ్ధగ దమతమ పిత
రులకు నిత్తురట మఱి యా ర్యుల యె దుటన
పోచిరాజు సుబ్బారావు గారూ,
తొలగించండిమీ పద్యం బాగుంది. అభినందనలు.
‘మహాలయ యమవస’ అని సమాసం చేయరాదు కదా! ‘ఈ మహాలయ పితృదిన మెన్న...’ అనండి.
ఈ కామెంట్‌ను రచయిత తీసివేశారు.
తొలగించండిప్రతిమహాలయ పక్షము పావనమ్ము
రిప్లయితొలగించండిపితురులకు నది మిక్కిలి ప్రీతికరము
తర్పణములిడ పూజించి తనివితోడ
దొరకుదీవెనలు సదా పితురులనుండి
అన్నపరెడ్డి సత్యనారాయణ రెడ్డి గారూ,
తొలగించండిమీ పద్యం బాగుంది. అభినందనలు.
పితరులను దలంచి పిండప్రదానము
రిప్లయితొలగించండిచేయ వలెను నేడు శ్రేయముగను
తర్పణములు వదలి దానమ్ము లిచ్చిన
వెల్లివిరియు సుఖము నెల్లరకును!!!
శైలజ గారూ,
తొలగించండిమీ పద్యం బాగున్నది. అభినందనలు.
మహాలయ అమావాస్య
రిప్లయితొలగించండి===============
అపవర్గతృషితుల కాహ్వానమును పల్కి
..........యర్చించి సద్గతు లందు వారు
తాత ముత్తాతల తలచుక శ్రద్ధతో
..........పిండప్రదానముల్ బెట్టు వారు
తిలతర్పణమ్ముల సలిపి పితౄణము
.........తగ్గినదని మది దలచు వారు
ఈ యేటి కీ తీరు, పై యేటికిని మాకు
.........పిలుపు రాగలదను పెద్దవారు
భారతీయార్ష సంస్కృతీ ప్రేరితులరు
'పితరు లను మాట మరచిన బిడ్డలెల్ల'
సిగ్గు జెంద పైవారి నర్చించి తనుపు
భవ్యమౌ మహాలయపమావాస్య నేడు.l
మిస్సన్న గారూ,
తొలగించండిఅద్భుతమైన పద్యాన్ని అందించారు. అభినందనలు.
పితృ దేవతలు త్రితరముల
రిప్లయితొలగించండిపితృపతి లోకముననుండ ప్రేమ లొలుకగన్
పితృ తర్పణంబు లీయన్
పితృసురులు,మహాలయమున, ప్రీతింగనరే
(మహాలయ అమావాస్యని మహాలయము అని కూడ అంటారని చదివాను)
పోచిరాజు కామేశ్వరరావు గురూ,
తొలగించండిమీ పద్యం బాగున్నది. అభినందనలు
పద్యరచన
రిప్లయితొలగించండి* గు రు మూ ర్తి ఆ చా రి *
పెడసరమగు పె౦డ్లామును + ఒప్పి౦చ లేక
ముసలి వారికి నొక ముద్ద. బువ్వ నిడక
చనిన పిదప వగచ c బ్రయోజనము సున్న.
యేమొ గాని , పశ్చాత్తాపహృదయ మొ౦ది
యేట పితృతర్పణము భక్తి నిడుట వలన.
వారి యాత్మ క్షమి౦చి కాపాడు నేమొ ! !
గురుమూర్తి ఆచారి గారూ,
తొలగించండిమీ పద్యం బాగున్నది
అభినందనలు.
మీరు పదాలను విడదీసి చూపనవసరం లేదు
పద్యరచన: మహాలయ అమావాస్య.
రిప్లయితొలగించండిభాద్ర పదపు బహుళ పక్షమ్ము బరగు మ
హాలయమ్ము. నమవ శాహ్ణమందు
శ్రద్ధ భక్తి మీర శ్రాద్ధ మిడగ దీరు
మాత పితల ఋణము మనుజునకును
కెంబాయి తిమ్మాజీ రావు గారూ,
రిప్లయితొలగించండిమీ పద్యం బాగున్నది. అభినందనలు.
పితృదేవుండ్లనుఁ బిల్చి తర్పణములన్ బెట్టంగ నేలేడ్చెదో?
రిప్లయితొలగించండిసుతులన్ బొందితిమంచు సంతసమునన్ సొక్కంగ తప్పైనదో
రి! తిరంబౌనొకొ సత్తువల్ తనువులీ లీలన్ సదా నిల్చునో?
ధృతి కాయంబున నుండగా విధులనున్ దీర్చంగ తాత్సారమో?
లక్ష్మీదేవి గారూ,
తొలగించండిమీ పద్యం బాగున్నది. అభినందనలు.
బహువిధముల బంధమ్మును
రిప్లయితొలగించండిమహాలయ అమవసి భక్తి మమతలు నింపే
సహనపు పిండ ప్రధానమె
ఇహపర సంబంధబంధ మీప్సితమిదియే
కె. ఈశ్వరప్ప గారూ,
తొలగించండిమీ పద్యం బాగున్నది. అభినందనలు.
‘మహాలయ అమవసి’ అని విసంధిగా వ్రాశారు.
పితరులఁ దల్చుచు తర్పణ
రిప్లయితొలగించండిమతివాసములేక నిడగ నాలోకములో
వెతలున్ దొలంగ వార్కి సు
గతుల మహాలయ మొసంగు గమనించుడయా!
గుండా వేంకట సుబ్బ సహదేవుడు గారూ,
తొలగించండిమీ పద్యం బాగున్నది. అభినందనలు.
శ్రీగురుభ్యోనమః
రిప్లయితొలగించండిదుర్భర పాపముల్తొలగి దోషములెల్ల సశించునట్లుగా
గర్భగృహమ్ము నందు మడి గట్టుచు మంత్రము లుచ్చరించుచున్
దర్భ పవిత్రముల్ తొడిగి తర్పణ లిచ్చుచు గల్గ జేసి రా
నిర్భయులై చరింపదగు నిర్మల నిశ్చల పుణ్యలోకముల్.
శ్రీపతి శాస్త్రి గారూ,
తొలగించండిచక్కని పద్యాన్ని అందించారు. అభినందనలు.