7, జులై 2010, బుధవారం

సమస్యా పూరణం - 32

కవి మిత్రులారా,
ఈ రోజు పూరించ వలసిన సమస్య ఇది ...

పచ్చడి మెతుకులె మన కిఁక పరమాన్న మయెన్.

30 కామెంట్‌లు:

  1. వెచ్చాలు కొనుటకెల్లితి
    అచ్చెరువందితి ధరలను ఆలోకించన్
    ముచ్చెమటలు పట్టెనయో
    పచ్చడి మెతుకులె మన కిఁక పరమాన్న మయెన్.

    రిప్లయితొలగించు
  2. హెచ్చెను ధరలవి, దినసరి
    వెచ్చములు కొనుటయె బరువు వీక్షింపంగన్.
    విచ్చిన బతుకులు మనవయె
    పచ్చడి మెతుకులె మన కిఁక పరమాన్న మయెన్.

    రిప్లయితొలగించు
  3. ముచ్చుల పాలనలో మరి
    హెచ్చిన ధరలను కనంగ యెదపోటయ్యెన్
    నచ్చిన నచ్చక పోయిన
    పచ్చడి మెతుకులె మన కిఁక పరమాన్న మయెన్!!

    రిప్లయితొలగించు
  4. రొచ్చు గ నున్న నేల,
    కచ్చిగ దన్నుకు తినగ పెండ్లి బఫేలో,..
    నచ్చక బయటబడితిమి,
    పచ్చడి మెతుకులె మన కిఁక పరమాన్న మయెన్!!

    రిప్లయితొలగించు
  5. హరి దోర్నాల గారూ,
    మంచి అర్థంతో పద్యం వ్రాసారు. బాగుంది. అయితే వ్యావహారిక పదాలను కొద్దిగా మారిస్తే ....
    వెచ్చములు కొనుట కేగితి
    నచ్చెరు వందితిని ధరల నాలోకించన్
    ముచ్చెమటలు పట్టెనయో
    పచ్చడి మెతుకులె మనకిక పరమాన్న మయెన్.

    రిప్లయితొలగించు
  6. రవి గారూ,
    మీ పూరణ అద్భుతం. అభినందనలు.

    రిప్లయితొలగించు
  7. జిగురు సత్యనారాయణ గారూ,
    బ్రహ్మాండమైన పూరణ. ధన్యవాదాలు.

    రిప్లయితొలగించు
  8. మా తాతగారి పూరణ ఇలా ఉంది.

    వెచ్చము తెచ్చుట కొరకై
    ముచ్చట పడి, పోయి, ధరల ముందుగ చూడన్ కట్టా!
    ముచ్చెమటలు పోసెనచట
    పచ్చడి మెతుకులె మన కిఁక పరమాన్న మయెన్!

    రిప్లయితొలగించు
  9. ప్రభ అశోక్ గారూ,
    "శంకరాభరణం" బ్లాగుకు స్వాగతం. మీ పూరణలో భావం బాగున్నా, గణ, యతి దోషాలు ఉన్నాయి. వాటిని ఇలా సవరించాను....
    రొచ్చుగ నున్నను పోతిమి
    కచ్చిగ దన్నుకు తినుటకు కళ్యాణములో
    నచ్చకను బయట పడితిమి
    పచ్చడి మెతుకులె మన కిక పరమాన్న మయెన్.

    రిప్లయితొలగించు
  10. ప్రజ్ఞా దీప్తి గారూ,
    స్వాగతం. మీ తాత గారి పూరణ చాలా బాగుంది. మూడవ పాదంలో చివర "కట్టా" అనేది తొలగిస్తే సరి!

    రిప్లయితొలగించు
  11. పచ్చని సంసారమ్మున
    అచ్చెరు వొ౦దెడు రీతిగ ఆలియు మగడున్,
    ముచ్చట గొల్పుచు పలికిరి
    పచ్చడి మెతుకులె మనకిక పరమాన్న మయెన్.

    రిప్లయితొలగించు
  12. శంకరయ్య గారూ, నమస్కారమండీ. సత్యనారాయణ గారి పూరనలో నాదో సందేహం
    హె కు యె కు యతి వేయవచ్చా తెలుపగలరు.

    రిప్లయితొలగించు
  13. సుమిత్ర గారూ,
    మీ పూరణ బాగుంది. అభినందనలు.

    రిప్లయితొలగించు
  14. ఊకదంపుడు గారూ,
    యె,హె లకు నిరభ్యంతరంగా యతి చెల్లుతుంది. యతిమైత్రి కల అక్షరాల జాబితాలో మొట్టమొదట వచ్చేది అ,ఆ,ఐ, ఔ,య,హ. దాని ప్రకారమే ఇ,ఈ,ఎ,ఏ,ఋ,యి,హి,యె,హె లకు యతి చెల్లుతుంది.

    రిప్లయితొలగించు
  15. హెచ్చిన ధరలను కనుగొని
    వచ్చెనుగద గుండె పోటు విపరీ తంగా
    నచ్చినది తినగ నోచక
    పచ్చడి మెతుకులె మనకిక పరమాన్న మయెన్

    క్షమించాలి తప్పులను సవరించ గలరు నాకు సరిగా రాదు గనుక

    రిప్లయితొలగించు
  16. రాజేశ్వరి గారూ,
    పూరణ నిర్దోషంగా, భావస్ఫోరకంగా బాగుంది. సవరించదగ్గ తప్పులేమీ లేవు. "విపరీతంగా" అనే వ్యావహారిక ప్రయోగాన్ని "విపరీతముగన్" అని కావ్యభాషలో వ్రాస్తే సరి. మీకు నా అభినందనలు.

    రిప్లయితొలగించు
  17. ఊక దంపుడు గారు వారి బ్లాగులో చేసిన పూరణ -

    పదవీ విరమణ చేసిన వృద్ధుడు, తన భార్యతో,భోజనానికి కూర్చుంటూ:

    చచ్చులు పుచ్చులు కూడా

    లచ్చిమి!కొనలేకనుంటి; లావా నలమై

    చిచ్చరబుట్ట జఠరమున

    పచ్చడి మెతుకులె మన కిఁక పరమాన్న మయెన్.

    [సామాన్యంగా వారి బ్లాగులోనే జవాబు ఇచ్చేవాడిని కానీయండీ, ఈ పద్యంలో లావానలమని అపభ్రంశం ఉండటంతో అక్కడ జూపలేదు.]

    రిప్లయితొలగించు
  18. ఊక దంపుడు గారూ,
    "లావానలమై" ప్రయోగం చమత్కారంగా ఉంది. మిశ్రసమాస ప్రయోగం దోషం కాదు. మంచి పూరణ. అభినందనలు.

    రిప్లయితొలగించు
  19. వెచ్చని గాడ్పుల వేసవి
    వచ్చిన సడి తెలియునట్లు వడ్డించండోయ్
    నచ్చిన ముక్కల మాగాయ్
    పచ్చడి మెతుకులె మన కిఁక పరమాన్న మయెన్

    - సనత్ కుమార్

    రిప్లయితొలగించు
  20. పచ్చడి చేయఁ నరగుణము
    పచ్చడి చేసెను ధరణిన పచ్చని చెట్లన్
    పచ్చడి చేసినఁ ప్రకృతిని
    పచ్చడి మెతుకులె మనకిఁక పరమాన్నమవున్

    రిప్లయితొలగించు
  21. రాజేశ్వరి గారి పూరణలో రెండవ పాదములో "వ" కు "వి" కి యతి కుదరదు అనుకుంట. ఆ పాదాన్ని ఇలా మారిస్తే సరిపోతుంది.
    "విచ్చేసెను గుండె పోటు విపరీతముగన్"

    రిప్లయితొలగించు
  22. పచ్చడి చేయఁ నరగుణము
    పచ్చడి చేసెను ధరణిన పచ్చని చెట్లన్
    పచ్చడి చేసినఁ ప్రకృతిని
    పచ్చడి మెతుకులె మనకిఁక పరమాన్నమవున్

    రిప్లయితొలగించు
  23. అందరికీ వందనములు !
    అందరి పూరణలూ అలరించు చున్నవి !
    01)
    _____________________________________

    మెచ్చిన తిండికి నోచము
    హెచ్చిన యీ ధరల వలన - యిక్కటు లాయెన్ !
    పుచ్చిన వంకాయలతో
    పచ్చడి మెతుకులె మన కిఁక - పరమాన్న మయెన్ !
    _____________________________________

    రిప్లయితొలగించు
  24. వసంత కిశోర్ గారూ మీ "మెచ్చిన తిండికి నోచము' పద్యముతో పూరణ బాగుంది.

    రిప్లయితొలగించు
  25. రావుగారూ !బహుకాల దర్శనం ! ధన్యవాదములు !

    రిప్లయితొలగించు
  26. వసంత కిశోర్ గారూ థాంక్స్.నాలుగురోజులు బయటికి వెళ్ళితే ఏవి మిస్ అవుతామో భలే తెలుస్తుంది.

    రిప్లయితొలగించు
  27. వసంత కిశోర్ గారూ,
    మెచ్చదగిన పూరణ చేసారు. అభినందనలు.

    లక్కరాజు వారూ,
    ధన్యవాదాలు.

    రిప్లయితొలగించు
  28. కుచ్చుల జడనున్ జూచుచు
    నచ్చపు కోస్తా పడుచని హైదరబాదున్
    ముచ్చటగా కూడుకొనగ
    పచ్చడి మెతుకులె మన కిఁక పరమాన్న మయెన్

    రిప్లయితొలగించు