13, జులై 2010, మంగళవారం

సమస్యా పూరణం - 37

కవి మిత్రులకు నమస్కృతులు.
ఈ రోజు పూరించ వలసిన సమస్య ఇది ...
కలిమి యెడబాసి నప్పుడే కలుగు సుఖము.

11 కామెంట్‌లు:

  1. దాచి పెట్టిన సొమ్మును దోచుకొనఁగ
    వత్తురో దొంగలని, వాడు పగలు రాత్రి
    నిదుర మాని కాపుగనుండి నీరసించె
    కలిమి యెడబాసి నప్పుడే కలుగు సుఖము!!

    రిప్లయితొలగించండి
  2. ధనము కలిగిన మనసుకు తృప్తి లేదు
    కొంత యుండిన మరియింత కోర నగును
    తనను మించిన కలుగును తామసంబు
    కలిమి యెడబాసి నప్పుడే కలుగు సుఖము.

    రిప్లయితొలగించండి
  3. కలిమి యున్నంత కాలమ్ము కపట ప్రేమ
    చెలిమి చేయంగ వత్తురు చెరువు నిండ
    బలిమి లేనట్టి తరుణమ్ము బదులు రాక
    కలిమి యెడబాసి నప్పుడే కలుగు సుఖము

    రిప్లయితొలగించండి
  4. జిగురు సత్యనారాయణ గారూ,
    హరి దోర్నాల గారూ,
    ఇద్దరి పూరణలూ అద్భుతంగా ఉన్నాయి. ధన్యవాదాలు.

    రిప్లయితొలగించండి
  5. నేదునూరి రాజేశ్వరి గారూ,
    పూరణ బాగుంది. అభినందనలు. మొదటి పాదంలో "కపటప్రేమ" అన్నప్పుడు సమాసగతమై ఉన్నందున ట గురువు అవుతుంది. దానిని "కపటమైన" అని సవరిస్తే సరిపోతుంది.

    రిప్లయితొలగించండి
  6. మదిని నిండినట్టి మమత మాయజేసి
    పంచ నిచ్చగించని ప్రేమ పరిమళమ్ము
    తనకె వలయుననెడి స్వార్థ తపన యున్న
    కలిమి యెడబాసి నప్పుడే కలుగు సుఖము

    రిప్లయితొలగించండి
  7. సుమిత్ర గారూ,
    బాగుంది మీ పూరణ. అభినందనలు.

    రిప్లయితొలగించండి
  8. అందరికీ వందనములు !
    అందరి పూరణలూ అలరించు చున్నవి !

    01)
    _____________________________________

    కన్నుమిన్నును గానని - కావరమును
    కన్నవారిని దూషించు - కఱుకు తనము
    కలిమితోడనె పెరుగును ! - కరుణ వీడు !
    కంటకం బగు మిత్రుల - గలసి యుండ
    కలి వశమున ! యీనాటి - కాల మహిమ !
    కలిమి యెడబాసి నప్పుడే - కలుగు సుఖము !
    కళ్ళ కమ్మిన పొరలవి - కరుగు నిజము !
    _____________________________________

    రిప్లయితొలగించండి
  9. వసంత కిశోర్ గారూ,
    జీవనసత్యాలను వెలిబుచ్చారు మీ పూరణలో. బాగుంది. అభినందనలు.

    రిప్లయితొలగించండి