21, జులై 2010, బుధవారం

సమస్యా పూరణ - 44

కవి మిత్రులారా!
ఈ రోజు పూరించ వలసిన సమస్య ఇది ...
( దాదాపు నలభై ఏళ్ళ క్రితం "ఆకాశవాణి" వారిచ్చిన సమస్య )
రాధా! యిటు రమ్మటంచు రాముఁడు పిలిచెన్.

15 కామెంట్‌లు:

  1. బాధను విలవిల లాడె వి
    రాధుడు గాయము లగుటను రాముని వలనన్
    క్రోధము నంతట వీడి వి
    రాధా! యిటు రమ్మటంచు రాముఁడు పిలిచెన్.

    రిప్లయితొలగించండి
  2. సాధారణ మానవునిగ
    నాదైవ మెదురుగ వచ్చి; నన్నే గనుచున్
    మోదంబు చూపుచును; నా
    రాధా! యిటు రమ్మటంచు రాముఁడు పిలిచెన్.
    భావము:-
    ఓ నా రాధా! నా దైవమైన రాముఁడు సాధారణ మానవుని వలె నాకు ఎదురుగ వచ్చి; ప్రేమ పూర్వకముగా నన్నే చూచుచు " ఇలారా!" అంటూ నన్ను పిలిచెను.

    రిప్లయితొలగించండి
  3. బాధలు లేవు మనకిఁక వి
    రోధులుఁ బాసిరి. హృదయము రూఢిగ నీదే!
    సాధు సుగుణ భర్తృ సమా
    రాధా! యిటు రమ్మటంచు రాముఁడు పిలిచెన్.

    రిప్లయితొలగించండి
  4. నలభై సంవత్సరాల క్రితం నేను చేసిన పూరణ -
    భూధవుని సతిని సీతను
    సాధించిన రక్కసుండు సంతోషముతో
    బాధింపఁగఁ గోపమున వి
    రాధా! యిటు రమ్మటంచు రాముఁడు పిలిచెన్.

    రిప్లయితొలగించండి
  5. రాధాకృష్ణులె ఆడుచు,
    ప్రాధాన్యము నీయలేదు బలరామునికిన్!
    క్రోధమునొందెనొ? ఏమో?
    రాధా! ఇటు రమ్మటంచు రాముడు పిలిచెన్!

    రిప్లయితొలగించండి
  6. బాధిం చకె ప్రియ సఖినను
    సాధారణ దోషమునకు చంపెద వేలా ?
    నాదగు హృదయము నీదిక
    రాధా ! ఇటు రమ్మటంచు రాముడు పిలిచెన్ !

    రిప్లయితొలగించండి
  7. ఆచార్య ఫణీంద్ర గారి పూరణ రంజింపజేసింది.

    రిప్లయితొలగించండి
  8. అందరికీ వందనములు !
    అందరి పూరణలూ అలరించు చున్నవి !

    "రక్త సంబంధం" సినిమాలో చెల్లెలైన రాధను(సావిత్రి)కోటీశ్వరుని కివ్వాలనే తలంపు కలిగిన లక్షాధికారి రాజు(ఎన్*టి*ఆర్-అదే -రాముడు) పేద వాడైన ఆనంద్(కాంతారావు)ను రాధ ప్రేమిస్తుందని తెలియగానే కోపంతో :

    01)
    _____________________________________

    క్రోధో దీప్తుం డాయెను
    రాధా నందుల నట గని - రాతిరి వేళన్ !
    బాధామయ హృదయముతో
    "రాధా"!యిటు రమ్మటంచు - రాముఁడు పిలిచెన్ !

    _____________________________________

    రిప్లయితొలగించండి
  9. వసంత కిశోర్ గారూ,
    పూరణలో మీ చమత్కారం అదిరించి. అభినందనలు.

    రిప్లయితొలగించండి
  10. చిన్న సవరణ తో ..

    రాధను పిలిచెను కృష్ణుడు
    "రాధా"!యిటు రమ్మటంచు -'రాముఁడు పిలిచెన్
    బాధను పడకుము, ఆడెద
    రాధా ! మరి యన్న గూడ రాగా' యనియెన్ !

    రిప్లయితొలగించండి
  11. రాధను కృష్ణుడు పిలెచెను
    రాధా! యిటు రమ్మటంచు;...రాముఁడు పిలిచెన్
    బాధను తాళగ జాలక
    గోధూళిన జానకినట గోముగ కలలో :)

    రిప్లయితొలగించండి