1, జనవరి 2013, మంగళవారం

సమస్యా పూరణం - 924 (హ్యాపీ న్యూ యియర్)

కవిమిత్రులారా,
ఈరోజు పూరించవలసిన సమస్య ఇది ...
హ్యాపీ న్యూ యియ రటన్న నాగ్రహ మొందెన్.

25 కామెంట్‌లు:

  1. అంకెలెన్ని మార్చి యానంద పడినంత
    నూత్నమనగ నెచటను కనలేము
    ప్రకృతి క్రొత్త రంగు పఱిచి చూపు వసంత
    కాలమేను నూత్న కరము, శుభము.

    రిప్లయితొలగించండి
  2. వాపోయె నొకడు నేతకు
    హ్యాపీ న్యూయియరటన్న నాగ్రహమొందెన్
    నా పాలి యముని రీతిగ
    ఛీ! పాపము దుష్ట జనుల సేవలటంచున్

    రిప్లయితొలగించండి
  3. హ్యాపీ యనునది నాంగ్లము
    తీపిగ నెటులుండు మనకు తిక్తము గాకన్ ?
    పాపపు జగతిని వినుటకు
    హ్యాపీ న్యూయియరటన్న నాగ్రహ మొందెన్ !

    పూజ్య గురువులకు ప్రియ మైన సోదరులకు ,సోదరి లక్ష్మీ దేవి గారికీ అందరికీ నూతన సంవత్సర శుభా కాంక్షలు .

    రిప్లయితొలగించండి
  4. హ్యాపీ గ్యాస్ బండలతో!
    హ్యాపీ విద్యుత్తు కోత హంగామాతో!
    హ్యాపీ పెరిగే ధరలకు!
    హ్యాపీ న్యూయియరటన్న నాగ్రహ మొందెన్ !

    రిప్లయితొలగించండి
  5. మిత్రులకు నూతన ఆంగ్ల సంవత్సర శుభాకాంక్షలు!!!

    రిప్లయితొలగించండి
  6. నిర్భయ తండ్రి మనోభావము:

    పాపే గతించగ మిగుల
    కోపంబున బిడ్డఁదలచికుములుచు నుండన్
    పాపుల శిక్షింపకనే
    హ్యాపీ న్యూయియరటన్న నాగ్రహ మొందెన్

    రిప్లయితొలగించండి
  7. ఏపాప మెరుగని తెలుగు
    పాపడు శంకరు సమస్య పదబంధము లం
    దాపాడు యాంగ్ల మందున
    హ్యాపీ న్యూ యియ రటన్న నాగ్రహ మొందెన్!

    రిప్లయితొలగించండి
  8. శ్రీ శంకరార్యులకు, కవిమిత్రులందరకూ నూతన ఆంగ్ల వత్సర శుభాకాంక్షలు.

    రిప్లయితొలగించండి
  9. తోపెల్ల బాల సుబ్రహ్మణ్య శర్మమంగళవారం, జనవరి 01, 2013 12:42:00 PM

    వాపోయెన్ సగటు మహిళ
    కాపాడు నెవడిట పాడు కాలము క్రమ్మన్
    హ్యాపీ లుప్తం బన్నిట
    హ్యాపీ న్యూయియరటన్ననాగ్రహమొందెన్.

    "శంకరాభరణ" బ్లాగాభరణులుగా శోభిల్లు మాన్యశ్రీ పండిత నేమాని వార్కి, గురువుగార్కి, మిత్రతతికి, సోదరీమణులకు నా హృదయపూర్వక "లోకనారి" నూతన సంవత్సర శుభాకాంక్షలు.
    సహదేవుడు గారు "నిర్భయ తండ్రి మనోభావము" చాల బాగా చెప్పారు.వారికి మరొక్కసారి నా శుభాకాంక్షలు.

    రిప్లయితొలగించండి
  10. ఆపండితు డాంధ్రంబున
    నే పలుకుడు ఛాత్రులార! యికపై ననగా
    శ్రీపతి యనియెడి బాలుడు
    హ్యాపీ న్యూయియరటన్న నాగ్రహ మొందెన్.

    రిప్లయితొలగించండి
  11. ఈ కామెంట్‌ను రచయిత తీసివేశారు.

    రిప్లయితొలగించండి
  12. పెద్దలందరికి ప్రణామములు!

    కోపమ్ము వలదు! నీకున్
    మా పలుకులు వినఁబడ; విదె! మంచిది యంత్రం
    బోపికమై వాడు; మిఁకన్
    హ్యాపీ న్యూ ”యియ” రటన్న నాగ్రహ మొందెన్.

    సప్రశ్రయంగా,
    ఏల్చూరి మురళీధరరావు

    రిప్లయితొలగించండి
  13. పాపయ్యకు వచ్చె చెముడు
    ఈ పూటనె దెచ్చినాడు 'యియరుకు మిషనే'
    గోపయ్య కలసి "హల్లో"
    "హ్యా పీ న్యూ యియ రటన్న నాగ్రహ మొందెన్

    రిప్లయితొలగించండి
  14. తోపెల్ల బాల సుబ్రహ్మణ్య శర్మమంగళవారం, జనవరి 01, 2013 5:31:00 PM

    శాస్త్రిగారూ! Ear, new ear అని గొప్ప విరుపు నిచ్చివేళాకోళం ధ్వనింపజేసారు. చాల బాగున్నది. అభినందనలు.

    రిప్లయితొలగించండి
  15. తోపెల్ల బాల సుబ్రహ్మణ్య శర్మమంగళవారం, జనవరి 01, 2013 5:35:00 PM

    శాస్త్రిగారూ! ప్రథమ పాదాంత ఉ కారంమీద ద్వితీయ పాదాద్యక్షరం ఈ కలువ వలెనేమో అని నా అనుమానం. అలా విడిగా వ్రాయ వచ్చునా. దయజేసి తెలుపగలరు.

    రిప్లయితొలగించండి




  16. నూతన ఆంగ్ల సంవత్సర శుభాకాంక్షలు

    పాపారావుని కలుసుకు
    హ్యా పీ న్యూ యియ ర టన్న నాగ్రహ మొం దెన్
    నాపాద మస్త కంబుగ
    నే పాపము సేసి నానొ ? నెప్పుడొ ? నెక్కడొ ?

    రిప్లయితొలగించండి
  17. శ్రీ గోలి హనుమఛ్ఛాస్త్రి గారి పద్యము చిన్న సవరణతో:

    పాపయ్యకు వచ్చెను చెవు
    డీ పూటనె తెచ్చినాడు హియరింగ్ మిషనే
    గోపయ్య కలసి హల్లో
    హ్యాపీ న్యూ యియరటన్న నాగ్రహమొందెన్

    స్వస్తి

    రిప్లయితొలగించండి
  18. శ్రీగురుభ్యోనమః
    కవిమిత్రులకు, 2013 నూతన సంవత్సర హృదయపూర్వక శుభాకాంక్షలు.మిత్రులు శ్రీ తో.బా.సు. శాస్త్రిగారికి ధన్యవాదములు.
    శ్రీగోలి వారల హాస్యం అలరించింది.వారికి నా అభినందనలు. స్వస్తి.

    రిప్లయితొలగించండి
  19. కవిమిత్రులకు నూతన సంవత్సర శుభాకాంక్షలు!
    శుభాకాంక్షలు తెలిపిన అందరికీ ధన్యవాదములు.
    *
    ఈనాటి సమస్యకు మంచి పూరణలు చెప్పిన....
    లక్ష్మీదేవి గారికి,
    పండిత నేమాని వారికి,
    రాజేశ్వరి అక్కయ్య గారికి,
    మిస్సన్న గారికి,
    సహదేవుడు గారికి,
    చంద్రశేఖర్ గారికి,
    తోపెల్ల బాల సుబ్రహ్మణ్య శర్మ గారికి,
    హరి వేంకట సత్యనారాయణ మూర్తి గారికి,
    ఏల్చూరి మురళీధరరావు గారికి,
    గోలి హనుమచ్ఛాస్త్రి గారికి,
    సుబ్బారావు గారికి,
    అభినందనలు, ధన్యవాదాలు.

    రిప్లయితొలగించండి
  20. రాజేశ్వరి అక్కయ్యా,
    ‘అనునది + ఆంగ్లము’ అన్నప్పుడు అనునది యాంగ్లము అని యడాగమం వస్తుంది.
    *
    సుబ్బారావు గారూ,
    ‘కలుసుకు’ అనకుండా ‘పాపారావు కలువగనె’ అందాం.
    వాక్యప్రారంభాన్ని అచ్చుతో ప్రారంభించే సౌలభ్యం ఉంది. ‘ఆపాద’ అనవచ్చు.
    నాల్గవ పాదంలో గణదోషం. ‘నెప్పుడొ నెక్కడొ’ను ‘యెప్పుడొ యెటనో’ అనండి.

    రిప్లయితొలగించండి
  21. బాల సుబ్రహ్మణ్య శర్మ గారూ ! ధన్యవాదములు.మీ సూచన నిజమే.. మీ అనుమానమును చక్కని సవరణతో శ్రీ పండితనేమాని గారు నివృత్తి చేశారు. వారికి ధన్యవాదములు. ఆర్యా! యియరు,న్యూ యియరు అనివుంటే బాగుంటుందని అలా వ్రాశాను అయినా మీ ' హియరింగ్ సవరణ ' ఇంకా బాగుంది.
    సహదేవుడు గారూ ! ధన్యవాదములు.

    రిప్లయితొలగించండి
  22. సాపాటు గుడిచి శయ్యను
    తీపైన కలలు గనియెడి తృప్తుని నిద్రన్
    లేపుచుఁ దీతువు వోలెను
    హ్యాపీ న్యూ యియరటన్న నాగ్రహ మొందెన్!

    గురువు గారికి , అన్నయ్య గారికి , మిత్రులకు ఆంగ్ల నూతన సంవత్సర శుభాకాంక్షలు !

    రిప్లయితొలగించండి
  23. కోపిష్ఠి వదిన కూతురు
    పాపయ్య మనుమడి తోడ పారిన దనుచున్
    వాపోవుట నటియించుచు
    హ్యాపీ న్యూయియ రటన్న నాగ్రహ మొందెన్

    రిప్లయితొలగించండి