సుబ్బారావు గారూ, బాగున్నవి మీ పద్యాలు. అభినందనలు. * నాగరాజు రవీందర్ గారూ, మీ పద్యం బాగుంది. అభినందనలు. "వామను కొసంగె" అన్నదానిని "వామనున కిచ్చె" అందాం.
సహకార సంఘ ఎన్నికల సమయాన మీ "సహకార" వృత్తపు టెన్నిక మన్నిక కు మిత్రశ్రీ సహదేవుడు గారికి నాఅభినందనలు. మీ పూరణ చదివి సరదాగా దానం చెయ్యాలంటే చెయ్యి ఉండలిగదా! నిత్యమూ చేతినీపనికే ఉంచుట కుదరదు గదా! కాని వృక్షానికి ఉన్న గొప్ప పేరు "పాదపము". మీరు చెప్పినట్లు యావచ్చరీరాన్ని నిత్యమూ ఇతరులకే వినియొగించునది వృక్షము. జీవనానికి కావలసిన నీరు వేళ్లద్వారా త్రాగుతుంది. ఈ భావాన్ని పూర్తిగా ఆవిష్కరించలేకపోయినను సరదాగా వ్రాసాను.
చేయి కుదురునపుడె దాన మీయ గలరు కావలెను నీరు త్రావగ కరము నంత పరుల కొసగుచుండును రేయి పవలు లేక పాదపమను నామంబున పరగు చుండు.
డా. ప్రభల రామలక్ష్మి గారూ, మీ సుగంధి వృత్తం మనోహరంగా ఉంది. అభినందనలు. * రాజేశ్వరి అక్కయ్య గారూ, మీ ప్రయత్నం ప్రశంసనీయం. మొదటి, రెండవ పాదాల్లో గణదోషం. నా సవరణ... అన్నిటి కంటెను మిన్నగ నన్నపు దానమ్మె యందు రానందముగన్ ! * సాహిత్యాభిమాని గారూ, మీరు సేకరించిన పద్యం బాగుంది. ధన్యవాదాలు. కాని ఇది నేటి అంశమైన దానశీలానికి చెందింది కాదు. * మిస్సన్న గారూ, అద్భుతమైన సీసం వ్రాసారు. అభినందనలు. * సహదేవుడు గారూ, మీ పద్యం బాగుంది. అభినందనలు. కాకుంటే చివరి పాదంలో గణదోషం... నా సవరణ.... "వడలెడువృక్షమును బిలువ పదమే లేదా!"
ఫలముల నిచ్చును వృక్షము
రిప్లయితొలగించండిసలిలములిచ్చును నదులును చక్కగ నెపుడున్
ఫలితము కోరక జనులకు
కలకాలము మేలొనర్త్రు గద సాధు జనుల్.
తోపెళ్ళ బాలసుబ్రహ్మణ్య శర్మ గారూ,
రిప్లయితొలగించండి"పరోపకారాయ ఫలంతి వృక్షాః" శ్లోకభావంతో చక్కని పద్యం వ్రాసారు. అభినందనలు.
గురువుగారూ! ఇదంతా మీయొక్క శ్రీ పండితుల వారి ఆశీఃప్రభావము. నమస్కారములతో.
రిప్లయితొలగించండిరఘువు, శిబి, బలి, కర్ణుండు, రంతిదేవు
రిప్లయితొలగించండిడాదిగాగల రవని మహావదాన్యు
లగు యశోధను లవ్వారి నాత్మ దలచి
నంతనె లభించు పుణ్య మత్యంత మనఘ!
పండిత నేమాని వారూ,
రిప్లయితొలగించండిదానశీలుర పట్టికతో రమ్యమైన పద్యాన్ని చెప్పారు. అభినందనలు, ధన్యవాదాలు.
దానము సేయట యొక కళ
రిప్లయితొలగించండిదానము నిల జేయువాడు ధర్మా త్ముడగున్
దానములు బెక్కు రకములు
వానిలొ నేదానమైన బరగును జేయన్ .
మొయిలు వర్షించు నిరతము పుడమి యందు
చేయు నుపకృ తి మిత్రుడు ప్రియము తోడ
పండ్ల నిచ్చును వృక్షము బాగు గాను
దాన శీ లుని గుణమిదె ధర్మ నిరత !
కవచ కుండలా లర్పించె కర్ణు డపుడు
రిప్లయితొలగించండివామను కొసంగె బలి చక్రవర్తి యంత
ఈగిన తన మాంస మిడెను డేగకు శిబి
దానశీలము గలవారె ధన్యులౌర !
సుబ్బారావు గారూ,
రిప్లయితొలగించండిబాగున్నవి మీ పద్యాలు. అభినందనలు.
*
నాగరాజు రవీందర్ గారూ,
మీ పద్యం బాగుంది. అభినందనలు.
"వామను కొసంగె" అన్నదానిని "వామనున కిచ్చె" అందాం.
దానశీలత యను ధర్మమార్గముఁ బట్టి
రిప్లయితొలగించండిపుణ్యలోకములను పొందినట్టి
బుధుల దలచినంత పుణ్యమె మనకును
కరుణఁ జూపు గుణము కలుగవలెను.
గురువు గారూ ! మీరు ఇచ్చు, ఇవ్వు అనే పదాలు వాడొద్దంటారు గదా !?
రిప్లయితొలగించండిలక్ష్మీదేవి గారూ,
రిప్లయితొలగించండిమీ పద్యం బాగుంది. అభినందనలు.
*
నాగరాజు రవీందర్ గారూ,
"వామను కొసంగె" అన్నదానిని "వామనున కొసంగె" అనాలి. దానివల్ల గణదోషం వస్తుంది. అందుకే అలా సవరించమన్నాను. ఇచ్చు శబ్దాన్ని ప్రయోగించరాదని నేనెప్పుడు అనలేదే.
సందేహ నివృత్తి చేసినందులకు గురువు గారికి ధన్యవాదములు.
రిప్లయితొలగించండిమరొక పద్యం -
ఏమి యాశించి నది ప్రవహించు నెపుడు !?
సాల మేమి గోరుచు ఫలసాయ మొసగు !?
ఛాయ నొసగు !? తుదకు తన కాయ మొసగు !?
అలరుచుందు రిమ్మహిని మహాత్ము లటులె
నాగరాజు రవీందర్ గారూ,
రిప్లయితొలగించండిమీ తాజా పద్యం చాలా బాగుంది. అభినందనలు.
గురువు గారూ ! ధన్యవాదములు
రిప్లయితొలగించండిచేదుకొద్ది బావి నీరు చేరునెంతొ వేగమే
రిప్లయితొలగించండిపోదు నీవు ఇచ్చినంత పొందు మార్గమేనురా
రాదు నీవు కూడబెట్టు రాశి నీకు తోడుగా
ఆదుకుంటె వచ్చు నీకునాదరమ్ము హెచ్చుగా.
ఈ కామెంట్‌ను రచయిత తీసివేశారు.
రిప్లయితొలగించండిఅన్ని దానముల కంటెను
రిప్లయితొలగించండియన్న దానము మిన్న యందు రానందముగన్ !
తిన్నది చాలని తృప్తిగ
మన్నన జేయంగ బుధులు మాహేశ్వరులై !
నీటిని గ్రహియించి నోటి ముందరి కూడు
రిప్లయితొలగించండి.........దానమ్ము జేసెనో దాత యిచట!
పతనమ్ము దెలిసియు పరమాత్ము డడుగగా
.........తన సర్వమిచ్చెనో త్యాగి యిచట!
తనువున భాగమై తనరిన కవచమ్ము
.........వితరణ జేసెనో వీరు డిచట!
వేడగా సురపతి వెన్నెముక నిడగ
..........తనువును వీడెనో తపసి యిచట!
నరనరమ్మున ప్రవహించు నరులకిచట .
దాన గుణమును వితరణ తత్త్వ మనఘ!
భారతీయాత్మ భవ్యమౌ ప్రాభవమ్ము
సాటి లేనిది సృష్టిలో సత్య మిద్ది.
మిస్సన్న గారూ,
రిప్లయితొలగించండిఅదరగొట్టారండీ. అభినందన మాల అందుకోండి.
మిస్సన్న గారూ! సీసం అదిరింది .ఈ రోజు గోలీమార్ మీరే. అభినందనలు.
రిప్లయితొలగించండిమిస్సన్న గారూ మీ పద్యం బ్రహ్మాండంగా వుంది. అభినందనలు.
రిప్లయితొలగించండిఅడిగిన పాత్రుని కొసగన్
తడబడకనె యిచ్చు దాని దానంబనగన్
కడవరకు పరులకొరకే
వడలెడువృక్షమున్ బిలువగ పదమే లేదా!?
సహకార సంఘ ఎన్నికల సమయాన మీ "సహకార" వృత్తపు టెన్నిక మన్నిక కు మిత్రశ్రీ సహదేవుడు గారికి నాఅభినందనలు. మీ పూరణ చదివి సరదాగా దానం చెయ్యాలంటే చెయ్యి ఉండలిగదా! నిత్యమూ చేతినీపనికే ఉంచుట కుదరదు గదా! కాని వృక్షానికి ఉన్న గొప్ప పేరు "పాదపము". మీరు చెప్పినట్లు యావచ్చరీరాన్ని నిత్యమూ ఇతరులకే వినియొగించునది వృక్షము. జీవనానికి కావలసిన నీరు వేళ్లద్వారా త్రాగుతుంది. ఈ భావాన్ని పూర్తిగా ఆవిష్కరించలేకపోయినను సరదాగా వ్రాసాను.
రిప్లయితొలగించండిచేయి కుదురునపుడె దాన మీయ గలరు
కావలెను నీరు త్రావగ కరము నంత
పరుల కొసగుచుండును రేయి పవలు లేక
పాదపమను నామంబున పరగు చుండు.
డా. ప్రభల రామలక్ష్మి గారూ,
రిప్లయితొలగించండిమీ సుగంధి వృత్తం మనోహరంగా ఉంది. అభినందనలు.
*
రాజేశ్వరి అక్కయ్య గారూ,
మీ ప్రయత్నం ప్రశంసనీయం. మొదటి, రెండవ పాదాల్లో గణదోషం. నా సవరణ...
అన్నిటి కంటెను మిన్నగ
నన్నపు దానమ్మె యందు రానందముగన్ !
*
సాహిత్యాభిమాని గారూ,
మీరు సేకరించిన పద్యం బాగుంది. ధన్యవాదాలు.
కాని ఇది నేటి అంశమైన దానశీలానికి చెందింది కాదు.
*
మిస్సన్న గారూ,
అద్భుతమైన సీసం వ్రాసారు. అభినందనలు.
*
సహదేవుడు గారూ,
మీ పద్యం బాగుంది. అభినందనలు.
కాకుంటే చివరి పాదంలో గణదోషం... నా సవరణ....
"వడలెడువృక్షమును బిలువ పదమే లేదా!"
తోపెల్ల వారూ,
రిప్లయితొలగించండిసరదాగా వ్రాసినా సరిగానే మెప్పిస్తున్నది మీ పద్యం. అభినందనలు.
సంపత్కుమార్ శాస్త్రి గారూ, సుబ్రహ్మణ్య శర్మగారూ, సహదేవుడు(సహకారుడు) గారూ! ధన్యవాదాలు.
రిప్లయితొలగించండిగురువుగారూ ధన్యవాదములు.
దానము చేయగ పెరుగు ని
రిప్లయితొలగించండిధానము నీశు పద సన్ని ధానము గలుగున్
దానము చేయని చోటది
పానమునకు పనికి రాని పాకుడు కొలనౌ.