కవిమిత్రులారా,
ఈరోజు పూరించవలసిన సమస్య ఇది ...
వనిత కదేల సిగ్గు మగవానికె యయ్యది శోభఁ గూర్చెడున్.
ఈ సమస్యను సూచించిన కవిమిత్రునకు ధన్యవాదములు.
ఈరోజు పూరించవలసిన సమస్య ఇది ...
వనిత కదేల సిగ్గు మగవానికె యయ్యది శోభఁ గూర్చెడున్.
ఈ సమస్యను సూచించిన కవిమిత్రునకు ధన్యవాదములు.
కవిమిత్రులకు నమస్కృతులు.
రిప్లయితొలగించండినిన్న వరంగల్‌లో అవధాన రాజహంస, ప్రముఖ శతావధాని శ్రీ కోట వేంకట లక్ష్మీనరసింహం గారి "సంపూర్ణ భాగవత శతావధానం" ప్రారంభమయింది. ఈరోజు, రేపు కొనసాగుతుంది. ఆహ్వాన పత్రిక నాకు అందలేదు. అందువల్ల దానిని బ్లాగులో ప్రకటించలేకపోయాను.
నేనూ పృచ్ఛకులలో ఒకడను. నాకిచ్చిన అంశం సమస్య.
అవధానానంతరం ఆ విశేషాలను బ్లాగులో ప్రకటిస్తాను.
మునుపటి వస్త్ర ధారణలు పోవుచు పశ్చిమ దేశ ధోరణుల్
రిప్లయితొలగించండివనితలు బూనుచుండ మగవారలు చూడగలేక సిగ్గు సి
గ్గని తల దించి పోవు కలికాలపు వింతలు పెంపులొందుచో
వనిత కదేల సిగ్గు మగవానికె యయ్యది శోభ గూర్చెడున్
శుభాభి నందనలు చాలా సంతో షంగా ఉంది మీ అవధాన విశేషముల కోసం ఎదురు చూస్టూ
రిప్లయితొలగించండిఘనమగు రీతియందు కడు గౌరవమొప్పగ పెద్దలెల్లరున్
రిప్లయితొలగించండిగుణయుత వంశవృద్ధికయి గొప్ప వివాహము చేసి, వారలే
మనకిక దీవనమ్ము నిడ, మన్ననగా శుభ వార్త చెప్పగా
వనిత కదేల సిగ్గు? మగవానికె యయ్యది శోభఁ గూర్చెడున్.
గురువుగారు,
శుభవార్త వినిపించారు. కడు సంతసమందెను నా మది.
లక్ష్మి గారూ ! మీ ఆలోచన తోనే....
రిప్లయితొలగించండిమనమున నచ్చువాని నభి మానము జూపెడు వాని వేడుకన్
ఘనముగ పెండ్లి యాడ మరి కార్యము లన్నియు సాగి మాసముల్
దినములు దొర్లి పోయి యొక తీయని వార్తను చెప్ప బోవగా
వనిత కదేల సిగ్గు? మగవానికె యయ్యది శోభఁ గూర్చెడున్.
చిన్న సవరణ తో..
రిప్లయితొలగించండిమనమున నచ్చువాని నభి మానము జూపెడు వాని వేడుకన్
ఘనముగ పెండ్లి యాడ మరి కార్యము లన్నియు సాగి మాసముల్
దినములు దొర్లి పోగ నొక తీయని వార్తను చెప్ప బోవగా
వనిత కదేల సిగ్గు? మగవానికె యయ్యది శోభఁ గూర్చెడున్.
అనితకు పెండ్లి యాయె కుసుమాస్త్రుడు వేయుచు వాడి బాణముల్
రిప్లయితొలగించండిఘనముగ జంట నత్తరిని గాటపు ప్రేమను ముంచు వేళలో
తన వలపంత చేసి యిడె తానొక తీయని ముద్దు ముందుగా
వనితకదేల సిగ్గు మగవానికి నయ్యది శోభ గూర్చెడున్.
సంతోషకరమైన వార్త గురువు గారూ. నా తరఫున మీకు best of luck.
రిప్లయితొలగించండివెనుకటి కాలమా వనిత భేషుగ విశ్వ విహంగమౌచు శో
రిప్లయితొలగించండిధనలట జేయగన్ వలువ ధారణ యందున ప్యాంట్సు వేయగన్,
అనితర సాధ్యులైన పురుషాదుల ధారణ మారకుండుటే
వనిత కదేల? సిగ్గు, మగవాడికె యయ్యది శోభ గూర్చెడున్!
వనితలు కూడి నాటకము వన్నెలు చిందగ నాడనెంచినన్
రిప్లయితొలగించండిఘనమగు మూతి మీసములు గట్టిగ పెట్టక మధ్య మధ్యలో
పెనిగెడి వేళ జారినను, ప్రీతిగ వేసెడి కర్ణ పాత్రలో
వనిత కదేల సిగ్గు మగవానికె యయ్యది శోభఁ గూర్చెడున్!!
కనుమిక నాతి సిగ్గు పడు కాలము పూర్తిగ పోవునట్టులన్
రిప్లయితొలగించండిజనహితమొప్ప 'వర్మయను జడ్జియె' నాతికి శక్తినిచ్చెనే
మనమున చెడ్డ భావములు మర్త్యమునెవ్వడు చూపడిప్పుడున్
వనితకదేల సిగ్గు? మగవానికె యయ్యది శోభ గూర్చెడున్
మానవ దేహనిర్మితిని మానిని మానిసి రూపభేదమున్
రిప్లయితొలగించండికానగ వస్త్రధారణము కంచెల చీరయు తన్వికొప్పగున్
గాని విదేశ పోకడల కర్పట ధారణ మెబ్బెరందురే
వనిత కదేల సిగ్గు? మగవానికె యయ్యది శోభఁ గూర్చెడున్.
కనగను నేడు రాజసము కాంతల కబ్బెను భోగ భాగ్యముల్
రిప్లయితొలగించండిపనితన మంచు భర్తలను బానిస జేసిరి వేడు కంచునే
వినుటకు వింత గాక మరి వేడుక మీరగ సేవ లొందుచున్
వనిత కదేల సిగ్గు మగవానికి యయ్యది శోభఁ గూర్చెడున్ !
"ఘనముగ పెండ్లి యాడ మరి కార్యము లన్నియు సాగి మాసముల్
రిప్లయితొలగించండిదినములు దొర్లి పోయి యొక తీయని వార్తను చెప్ప బోవగా" గోలి హనుమచ్ఛాస్త్రి గారూ శుభ వార్త ఎంత సున్నితంగా చెప్పారు.
"పనితన మంచు భర్తలను బానిస జేసిరి వేడు కంచునే"
రాజేశ్వరి గారూ ఎంత నిజం! ఇప్పుడే వంటకి కూరలు తరిగి ఇచ్చి వచ్చాను.
కనగను కానరావుగద కాయము నిండుగ వస్త్రధారణల్
రిప్లయితొలగించండిఅనుటకు లేకపోయెగద హాయని చూచుచు సాగిపోదురే
అనయము లెక్కపెట్టకను లాగులు షర్టులు వేసి పోవగా
వనిత కదేల? సిగ్గు! మగవానికె యయ్యది శోభఁ గూర్చెడున్.
సాహితీ కృషీవలురెల్లరికి అభినందనలు,
రిప్లయితొలగించండిఅందరూ సాహిత్యాన్ని పండిస్తున్న తీరు అద్భుతంగా ఉంది.
మరొక్కమారు అభినందనలు.
లక్కరాజు గారూ ! ధన్యవాదములు.
రిప్లయితొలగించండిఅవధాన సభనుండి చాలా ఆలస్యంగా ఇల్లు చేరాను. రోజంతా బ్లాగు చూచే అవకాశం లభించలేదు. మన్నించండి.
రిప్లయితొలగించండిరేపటితో అవధానం పూర్తవుతుంది.
అందరి పూరణల విహంగవీక్షణం చేసాను. వ్యాఖ్యానించే సమయం, ఓపికా లేవు. వీలైతే రేపు సాయంత్రం చూస్తాను.
*
పూరణలు పంపిన కవిమిత్రులు...
పండిత నేమాని వారికి,
లక్ష్మీదేవి గారికి,
గోలి హనుమచ్ఛాస్త్రి గారికి,
మిస్సన్న గారికి,
సహదేవుడు గారికి,
జిగురు సత్యనారాయణ గారికి,
సిరాశ్రీ గారికి,
తోపెల్ల బాల సుబ్రహ్మణ్య శర్మ గారికి,
రాజేశ్వరి అక్కయ్య గారికి,
డా. ప్రభల రామలక్ష్మి గారికి
అభినందనలు, ధన్యవాదాలు.
*
సిరాశ్రీ గారూ,
సంతోషం... శంకరాభరణం బ్లాగు మీకు స్వాగతం పలుకుతున్నది.
మీ పూరణ చాలా బాగుంది. అభినందనలు.
*
మారెళ్ళ వామన కుమార్ గారూ,
లక్కరాజు వారూ,
ధన్యవాదాలు.
ధన్య వాదములు శ్రీ లక్కరాజు గారూ ! బహుకాల దర్శనం
రిప్లయితొలగించండిఅందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
నర్తన శాలలో స్త్రీ వేషంలో సిగ్గు పడవలసినది భీముడే గాని
చాటుగానున్న ద్రౌపది కాదుగదా :
01)
_________________________________________
వణికపు రూపు గల్గు ,వశ - బ్రామిక దీర్తును రమ్మనంచనన్
వనితల నాట్యశాల కదె - వచ్చిన కీచకు కీడు సేయగా
వనితగ చేరె భీముడట - వారిజ లోచన పొంచియుండగన్ !
వనిత కదేల సిగ్గు మగ - వానికె యయ్యది శోభఁ గూర్చెడున్ !
_________________________________________
వణికము = మనోహరము
వశ = స్త్రీ
బ్రామిక = కోరిక
వస్త్రమును వీడి చేతులెత్తి వనజనాభుని ద్రౌపది ప్రార్థించు వేళలో
రిప్లయితొలగించండిసిగ్గుతో తలదించుకున్నవాడే గదా మగవాడు !
02)
_________________________________________
వనితను దుష్టశీలు డదె - వస్త్రము లూడ్చుచు నున్న వేళలో
వనజము నాభి యందు గల - వారిజ నేత్రుని సన్నుతింపగా
వనితయె చేతులెత్తి , తన - వస్త్రము వీడ , సదస్సు నుండినన్
వనిత కదేల సిగ్గు? మగ - వానికె యయ్యది శోభఁ గూర్చెడున్ !
_________________________________________
పక్షులు పంచె పట్టుకు పోయిన వేళ , తను కట్టుకున్న చీరలోనే
రిప్లయితొలగించండిసగం భర్తకు పంచి యిచ్చిన దమయంతి సిగ్గు పడిందా ?
నలుడే పడ్డాడు గాని !
03)
_________________________________________
వనితను గూడి వల్లభుడు - వారికి తిండికి లేక , వైచినన్
వనమున పక్షి గుంపపుడు - పంచియ నెత్తుకు పోవ ఖిన్నుడై
వణకెడు నగ్న రూపుడగు - భర్తకు వస్త్రము పంచి యిచ్చుచో
వనిత కదేల సిగ్గు మగ - వానికె యయ్యది శోభఁ గూర్చెడున్ !
_________________________________________
వల్లభుడు = నిషధాధిపుడు(నలుడు)
వారి = నీరు
వసంత కిశోర్ గారూ,
రిప్లయితొలగించండిమీ మూడు పూరణలూ నైవిధ్యంగా ఉండి అలరిస్తున్నాయి. అభినందనలు.
శంకరార్యా ! ధన్యవాదములు !
రిప్లయితొలగించండి
రిప్లయితొలగించండికనుగొన నేటి సంఘమున గాలముతో బరివర్తనమ్ము నా
ధునికపు భావజాలమున,దొయ్యలులందరు విద్యనేర్చియున్
ధనసముపార్జనను,దాము వరించెడి వస్త్రధారులై,
వనితకదేల సిగ్గు ,మగవానికె యయ్యది శోభ గూర్చెడిన్ .
ఘనముగ కూత కూయుచును ఘట్టిగ గెల్చెద నేనటంచు తా
రిప్లయితొలగించండితినగనె గడ్డి పోచలను తీరిక మీరి యమేఠి నందునన్
కనగ నిరాని నాదినము కంపర మొందుచు రాహులుండనెన్:
వనిత కదేల సిగ్గు మగవానికె యయ్యది శోభఁ గూర్చెడున్