కవిమిత్రులారా,
ఈరోజు పూరించవలసిన సమస్య ఇది .....
కనుల వినవచ్చు వీనులఁ గాంచవచ్చు.
ఈ సమస్యను పంపిన గుండా సత్యనారాయణ గారికి ధన్యవాదములు.
ఈరోజు పూరించవలసిన సమస్య ఇది .....
కనుల వినవచ్చు వీనులఁ గాంచవచ్చు.
ఈ సమస్యను పంపిన గుండా సత్యనారాయణ గారికి ధన్యవాదములు.
ధ్యాన మందు నిమగ్నమై తపము జేసి
రిప్లయితొలగించండినిహప రమ్ములు వీడుచు నహ రహమ్ము
యోగ మాయను బొందిన భోగ దేహి
కనుల వినవచ్చు వీనుల గాంచ వచ్చు
వాణి వీణాగానము స్వప్నవాటి గంటి
రిప్లయితొలగించండికనుల; వినవచ్చు వీనులఁ గాంచవచ్చు
కలలయందున; జేర నా కల్పవల్లి
చరణ సన్నిధి -మోక్షము సాధ్యమగునె?
చెవులు పనిజేయకున్నచో చెవిటి వాడు
రిప్లయితొలగించండిచూపులేని కబోదియు చోద్యముగను
సాధనమ్మున విషయమ్ము సవివరముగ
కనుల వినవచ్చు, వీనుల గాంచ వచ్చు
ఈ కామెంట్‌ను రచయిత తీసివేశారు.
రిప్లయితొలగించండిచెవులు వినపడ లేనట్టి చెవిటివాడు
రిప్లయితొలగించండిలుప్తమైనట్టి చూపుతో గ్రుడ్డివాడు
బుద్ధి వాడుచు నెప్పుడు పూర్తిగాను
కనుల వినవచ్చు వీనుల గాంచవచ్చు
ఈ కామెంట్‌ను రచయిత తీసివేశారు.
రిప్లయితొలగించండికనులకు కన్నయి తనరారు గద యాత్మ
రిప్లయితొలగించండి....చెవులకు జెవియయి చెలగు చుండు
జ్ఞానేంద్రియములకు కర్మేంద్రియములకు
....నంతరంగ చతుష్టయమునకేని
ఆధారమై సారమై యాత్మయే యొప్పు
....ఆత్మయే సర్వమై యలరుచుండు
ఆత్మయే కనుచుండు నాత్మయే వినుచుండు
....కనులు వీనులు గోళకములె సుమ్ము
అందుచే జూడగలిగెడి దాత్మ యొకటె
అటులనే వినగలిగెడి దాత్మ యొకటె
ఆత్మయే సర్వమను భావమలరు నెడల
కనుల వినవచ్చు వీనుల గాంచవచ్చు
శ్రీ శంకరయ్య గురుదేవులకు, శ్రీ నేమాని గురుదేవులకు వినమ్రవందనములతో..
రిప్లయితొలగించండిశ్రీ శంకరయ్య గురుదేవులకు ధన్యవాదములతో...
గృహప్రవేశకార్యక్రమము నందు యజమానికి విప్రులు ఈ విధముగా చెప్పుచున్నారు.
=======*==========
కట్టి జూపి నారు కలల సౌధమ్మును
కనుల విందు జేయు కట్టడమ్ము,
చెడ్డ వారి తోడ చెలిమి గల్గిన వారు,
దొడ్డ మనుజులనెడి దుష్ట జనులు
గనిన పాడు కనుల,వినవచ్చు వీనుల,
గాంచ వచ్చు మీరు కష్ట కడలి
నింటి యందు నెపుడు నింపుగాను,గనుక
పెట్ట వలయు దిష్టి గట్టి గాను !
ఘనులు ననురక్తులగు భక్త జనములకును
రిప్లయితొలగించండినేను నీవు నొక్కటి యని తానెరుంగు
జ్ఞానసిద్ధులు యోగి పుంగవుల కెల్ల
కనులు వినవచ్చు వీనులు గాంచ వచ్చు
శంకరయ్యగారూ,
రిప్లయితొలగించండిదై - ది యతి సరిచేయగలరు.
భక్తి శ్రధ్ధల శంకరు భజనజేయు
రిప్లయితొలగించండిపరమ పురుషుండుతనదగు వరముతోడ
కనులవినవచ్చువీనుల గాంచవచ్చు
తారతమ్యము లెఱుగనియార్యుడతడు
గోచరమ్మను పదమునుఁ గోరి యొకఁడు
రిప్లయితొలగించండి"దృష్టి", "కర్ణ"ములకు వెన్కఁ బ్రీతిగ నిడఁ;
"గనుల వినవచ్చు, వీనులఁ గాంచవచ్చు"
ననియె నొక తుంటరియు నట హాస్యమునకు!
(గోచరమగు=కనిపించు, వినిపించు నను నర్థములను తారుమారు చేసి హాస్యమును సాధింపనైనది)
మానవాతీత శక్తులు లేని మనము
రిప్లయితొలగించండికనుల వినలేము వీనుల గాంచలేము
దివ్య దృష్టిని గలిగిన దివిజు లెల్ల
కనుల వినవచ్చు వీనుల గాంచవచ్చు
లక్ష్మీదేవిగారికి ధన్యవాదములు
రిప్లయితొలగించండిలక్ష్మీదేవి గారూ ! 'కలల యందున ' అన్నప్పుడు యడాగం వస్తుందా ? 'కల లందున ' అనుట సరి యేమో !
రిప్లయితొలగించండిఎవ్వ డాత్మను దర్శించు నీ జగమున
నాత డింద్రియములకు నతీతు డగుచు
వినును కనుల తోడ, కనును వీను లొగ్గి
కనుల వినవచ్చు వీనుల గాంచవచ్చు!
రాజేశ్వరి అక్కయ్యా,
రిప్లయితొలగించండిఅబ్బ! ఎంత మంచి పూరణ చెప్పారు. ఈ మధ్యకాలంలో మీరు వ్రాసిన పద్యాలలో ఇది అన్ని విధాల ఉత్తమోత్తమంగా ఉంది. అభినందనలు.
*
లక్ష్మీదేవి గారూ,
బాగుంది మీ పూరణ. అభినందనలు.
మొదటి పాదం ‘వీణాగానము’ అన్నచోట గణభంగం. సవరించండి.
*
గోలి హనుమచ్ఛాస్త్రి గారూ,
అంగవైకల్యం ఉన్నవారి మిగిలిన అంగాలు చురుకుగా పనిచేస్తాయట! మీ పూరణ బాగుంది. అభినందనలు.
*
బొడ్డు శంకరయ్య గారూ,
మీ రెండు పూరణలూ బాగున్నవి. అభినందనలు.
*
పండిత నేమాని వారూ,
‘ఆత్మయే కనుచుండు నాత్మయే వినుచుండు’ అంటూ మీరు చెప్పిన పూరణ మనోహరంగా ఉంది. అభినందనలు.
*
వరప్రసాద్ గారూ,
‘దిష్టి’ పెట్టించిన మీ పూరణ బాగుంది. అభినందనలు.
*
కెంబాయి తిమ్మాజీ రావు గారూ,
మీ పూరణ బాగుంది. అభినందనలు.
*
సుబ్బారావు గారూ,
వరప్రభావాన్ని తెలిపుతూ మీరు చేసిన పూరణ బాగుంది. అభినందనలు.
చివరి పాదంలో యతి తప్పింది. ‘తారతమ్యము లెఱుగని ధన్యుడతడు’ అందామా?
*
గుండు మధుసూదన్ గారూ,
మీ పూరణలోని చమత్కారం అలరించింది. అభినందనలు.
*
నాగరాజు రవీందర్ గారూ,
మీ పూరణ బాగుంది. అభినందనలు.
‘కలలందు, కలలయందు’ రెండూ సరియైన ప్రయోగాలే.
‘శబరి కనుల యందు స్వామి తా దన ప్రతిబింబమరసి’ అని విశ్వనాథ వారి ప్రయోగం.
అమ్మా! లక్ష్మీదేవి గారూ!
రిప్లయితొలగించండిమీ పద్యము బాగుగ నున్నది. అభినందనలు. చిన్న సూచన:
"ఎవ్వ డాత్మను దర్శించు నీ జగమున" అన్నారు కదా. ఆత్మ ద్రష్టయే కాని(చూచేవాడే కాని) దర్శింపబడేవాడు కాదు. "ఎవ్వ డాత్మానుభవ మొందునీ జగమున" అనుట మేలు. స్వస్తి.
ఈ కామెంట్‌ను రచయిత తీసివేశారు.
రిప్లయితొలగించండిగురువు గారికి వందనములు. అయ్యో ! అలా వ్రాసింది నేను - లక్ష్మీదేవి గారు కాదు. మీరు సూచించినట్లు "ఎవ్వ డాత్మానుభవ మొందునీ జగమున" అనుట సబబుగా నున్నది.
రిప్లయితొలగించండిఏక దృష్టిని నిలిపిన ఎవ్వ రైన
రిప్లయితొలగించండినాద జలధిని గాంచును నమ్మకముగ
ఒక్క టయినట్టి ఓంకార మాతను
కనుల వినవచ్చు వీనుల గాంచవచ్చు
ఈ కామెంట్‌ను రచయిత తీసివేశారు.
రిప్లయితొలగించండిపరమ పురుషుని బ్రహ్మోత్సవముల వేళ
రిప్లయితొలగించండితిరుమలకు జేర లేనట్టి నరుల కింట
శోభ దూరదర్శన మగు! చూడవచ్చు
కనుల! వినవచ్చు వీనుల! గాంచవచ్చు!
గురువుగారూ,
రిప్లయితొలగించండిమన్నించండి.
నాగరాజ్ గారూ,
ధన్యవాదములు.
వాణి చేతి వీణను స్వప్నవాటి గంటి;
కనుల; వినవచ్చు వీనులఁ గాంచవచ్చు
కలలయందున; జేర నా కల్పవల్లి
చరణ సన్నిధి -మోక్షము సాధ్యమగునె?
శైలజ గారూ,
రిప్లయితొలగించండిఇప్పటికీ మీ పద్యం మూడవ పాదంలో గణదోషం ఉంది.
*
మిస్సన్న గారూ,
మీ పూరణ బాగుంది. అభినందనలు.
*
లక్ష్మీదేవి గారూ,
సంతోషం!
ఏక దృష్టిని నిలిపిన ఎవ్వ రైన
రిప్లయితొలగించండినాద జలధిని గాంచును నమ్మకముగ
మాతృ దైవమా మోంకార మాత నపుడు
కనుల వినవచ్చు వీనుల గాంచవచ్చు
గురువులకు ధన్య వాదములు
రిప్లయితొలగించండిశ్రీ కంది శంకరయ్య గురువర్యులకు వందనములు,విద్యుత్ అంతరాయం వలన ఆలస్యంగా పంపిస్తున్నందులకు మన్నించి,అర్థ గణదోషములున్న సవరించ ప్రార్థన !
రిప్లయితొలగించండిముక్తి కోసము జేయగా మునులు తపము
దైవశక్తుల వరమొంది తనియు వారు
భక్తితో కలిగిన దైవ శక్తితోడ
కనుల వినవచ్చు వీనుల గాంచ వచ్చు