పూర్వపు నేతలు ( రాజకీయ నాయకులు) ప్రజల సొమ్మును మాత్రమే గాకుండా వారి వారి సొంత సొమ్మును కూడా ప్రజల కోసమే ఖర్చు జేసే వారు ! మొన్న పంచాయతీ ఎలక్షన్లు జరిగినప్పుడు రోజూ పేపర్లలో ఉన్న ఆస్తంతా ప్రజల కోసం ఊరి కోసం ఖర్చు జేసి నేడు కటిక దారిద్ర్యం లో మగ్గుతున్న పూర్వపు సర్పంచుల గురించి ఎన్నో కథనాలు ! కళ్ళు చెమర్చేవి చదువుతుంటే !
పూర్వపు నేతలు పచ్చిక(గడ్డి) తిననొల్లని పాడియావులు గదా :
01) ______________________________________
పాడి యావుకు సమముర - పాత నేత !(వారు) ప్రజల కొఱకే వాడిరి - వారి సొమ్ము ! ప్రజల సొమ్మును పోల్చిన - పచ్చికగను పచ్చికను దిన నొల్లదు - పాడి యావు ! ______________________________________
మాయాబజార్ వంటి మహత్తరమైన సినిమాలు చూచిన వారికి నేటి నీతీ నియమం లేని సినిమాలు చూడాలంటే మనసొప్పుతుందా ?
02) _________________________________
మనసు నాహ్లాద పరచెడు - మంచి మంచి పాత సినిమాల ప్రేమించు - జాతివారు నేటి సినిమాల గందురే - నీతి లేని ! పచ్చికను దిన నొల్లదు - పాడి యావు ! _________________________________
వంశమును నిల్ప నే గద - భార్య వచ్చు ! భార్య వచ్చిన దెన్నడో - భాగ్యవశము ! వంశమును నిల్పె పుత్ర సౌ - భాగ్య మిచ్చి ! పయన ముడుగుచు నున్నట్టి - వయసు నందు వర్ణ సంకర మేలనో ?- వలదు ! స్వామి పచ్చికను దిన నొల్లదు - పాడి యావు ! _________________________________
పచ్చి మాంసము తినే ఆవు అని కొంత కాలం క్రితం చదివిన వార్త ఆధారంగా... పచ్చి మాంసమె కావలె పాల నీయ కాల మహిమేమొ! లేకను కల్కిమాయొ! మాంస భక్షనమ్మది తప్ప మచ్చు కైన పచ్చికను దిననొల్లదు పాడియావు!
శ్రీ శంకరయ్య గురుదేవులకు, శ్రీ నేమాని గురుదేవులకు వినమ్రవందనములతో..
శ్రీ శంకరయ్య గురుదేవులకు ధన్యవాదములతో...
అందరికీ అభివందనములు !
శ్రీ వసంత కిషోర్ గారు జెప్పినట్లు, ఇప్పుడంతా గడ్డి తినేడి వారు నేతలు,వారి సహచరులే! ========*========= మేను శాశ్వతం బనుచును మేదిలోన, జిహ్వ కిష్టమైన మిగుల జిగురు గారు సర్వ రుచులు దినుట నేర్చి,శంక వీడి పచ్చికను దిన నొల్లదు పాడి యావు !
వసంత కిశోర్ గారూ, ప్రజల సొమ్మును గడ్డిలాగా మేయని పాతతరం నాయకుల గురించిన మొదటి పూరణ, నీతి లేని గడ్డిని తినిపించే నేటి సినిమాల గురించిన రెండవ పూరణ, హరిశ్చంద్రుని వాక్యంగా మూడవ పూరణ... దేనికదే ప్రశస్తంగా ఉన్నాయి. అభినందనలు. మొదటి పూరణ రెండవ పాదంలొ గణదోషం. ‘వారు ప్రజలకై వాడిరి వారి సొమ్ము’ అనండి. * రాజేశ్వరి అక్కయ్యా, మీ రెండు పూరణలు బాగున్నవి. అభినందనలు. ‘గోవు + అనగ’ అన్నప్పుడు యడాగమం రాదు. ‘గో వనంగ’ అనవచ్చు. ‘తరువది యింటింట’ అనవలసి ఉంటుంది. * గుండు మధుసూదన్ గారూ, పరుల గడ్డిని మేయని ఆవును గురించిన మీ పూరణ చాలా బాగుంది. అభినందనలు. * నాగరాజు రవీందర్ గారూ, ఏదో రోగంతో బాధపడుతున్న ఆవును కొన్న అవస్థను చక్కగా వివరిస్తూ మొదటి పూరణ చెప్పారు. దూడను పోగొట్టుకున్న ఆవును గురించిన రెండవ పూరణ బాగుంది. అభినందనలు. * శైలజ గారూ, వాల్ పోస్టర్లను తినమరిగిన ఆవును గురించిన మీ మొదటి పూరణ బాగుంది. రెండవ పూరణలో పళ్ళు, బియ్యము, అన్నము తినే ఆవును గురించి చెప్పారు. అభినందనలు. * గోలి హనుమచ్ఛాస్త్రి గారూ, మొదటి పూరణ లోని సెటైర్ అదిరింది. పట్నవాసపు ఆవును గురించిన రెండవ పూరణ బాగుంది. అభినందనలు. * పండిత నేమాని వారూ, మీ పూరన ఉత్తమంగా ఉంది. అభినందనలు. * గండూరి లక్ష్మినారాయణ గారూ, విరుపుతో చక్కని పూరణ చెప్పారు. అభినందనలు. * సహదేవుడు గారూ, ఆ వార్తను నేను కూడా చదివినట్టు గుర్తు. బాగుంది మీ పూరణ. అభినందనలు. * కెంబాయి తిమ్మాజీ రావు గారూ, కల్తీ గడ్డిని తిననొల్లని ఆవు గురించిన మీ పూరణ బాగుంది.అభినందనలు. * కుసుమ సుదర్శన్ గారూ, విరుపుతో మంచి పూరణ చెప్పారు. అభినందనలు. * వరప్రసాద్ గారూ, మీ మూడు పూరణలూ వైవిధ్యంగా బాగున్నవి. అభినందనలు. ‘మేదిని’ని ‘మేది’ అన్నారు. * మిస్సన్న గారూ, అధముని చేతి పచ్చికను ఆవు తినదన్న మీ పూరణ చాలా బాగుంది. అభినందనలు.
గురువులు శంకరయ్య గారికి నమస్కారములు నావద్ద మీవి రెండు ఫోన్ నెంబర్లు ఉన్నాయి కానీ ఒక్కటీ పనిచేయ డము లేదు .ఇక మైల్ లో పంపితే తిరిగి వస్తున్నాయి సమస్యలు చేరటల్లేదు దయచేసి మీ నెంబర్లు , మరియు ఈ మైల్ ఐడి ఇవ్వ గలరు ధన్య వాదములు
అయ్యా ! వరప్రసాద్ గారూ !
రిప్లయితొలగించండిమీకు mail పంపించాను !
చూడండి !
అందరికీ వందనములు !
రిప్లయితొలగించండిఅందరి పూరణలూ అలరించ నున్నవి !
ఇప్పుడంతా గడ్డి తినే నేతలే గదా !
పూర్వపు నేతలు ( రాజకీయ నాయకులు)
ప్రజల సొమ్మును మాత్రమే గాకుండా
వారి వారి సొంత సొమ్మును కూడా
ప్రజల కోసమే ఖర్చు జేసే వారు !
మొన్న పంచాయతీ ఎలక్షన్లు జరిగినప్పుడు
రోజూ పేపర్లలో
ఉన్న ఆస్తంతా ప్రజల కోసం ఊరి కోసం ఖర్చు జేసి
నేడు కటిక దారిద్ర్యం లో మగ్గుతున్న
పూర్వపు సర్పంచుల గురించి ఎన్నో కథనాలు !
కళ్ళు చెమర్చేవి చదువుతుంటే !
పూర్వపు నేతలు పచ్చిక(గడ్డి) తిననొల్లని పాడియావులు గదా :
01)
______________________________________
పాడి యావుకు సమముర - పాత నేత !(వారు)
ప్రజల కొఱకే వాడిరి - వారి సొమ్ము !
ప్రజల సొమ్మును పోల్చిన - పచ్చికగను
పచ్చికను దిన నొల్లదు - పాడి యావు !
______________________________________
మాయాబజార్ వంటి మహత్తరమైన సినిమాలు చూచిన వారికి
రిప్లయితొలగించండినేటి నీతీ నియమం లేని సినిమాలు చూడాలంటే మనసొప్పుతుందా ?
02)
_________________________________
మనసు నాహ్లాద పరచెడు - మంచి మంచి
పాత సినిమాల ప్రేమించు - జాతివారు
నేటి సినిమాల గందురే - నీతి లేని !
పచ్చికను దిన నొల్లదు - పాడి యావు !
_________________________________
సకల దేవత లందరు నికర ముగను
రిప్లయితొలగించండికొలువు దీరిన దైవము గోవు యనగ
కల్ప తరువది నింటింట గాడి పశువు
పచ్చి కను దిన నొల్లదు పాడి యావు
|| మత్తేభము ||
రిప్లయితొలగించండిఅరయన్ , వంశము నిల్పనేగద , వివా - హంబట్టి వైవాహిక
స్ఫురణం బిప్పటి కెన్నడో , జరిగె ! స - త్పుత్రుండు పుట్టెన్ ! వయః
పరిపాకంబును , తప్పు చున్న యది ! ! ఈ - ప్రాయంబునన్ , వర్ణ సం
కరపుం పెండిలి , ఏల చుట్టెదవు ? నా - కంఠంబునన్ , కౌశికా!!!
(బలిజేపల్లి వారి సత్య హరిశ్చంద్ర నుండి)
మాతంగ కన్యలను పెళ్ళాడు మన్న విశ్వామిత్రునితో హరిశ్చంద్రుడు :
03)
_________________________________
వంశమును నిల్ప నే గద - భార్య వచ్చు !
భార్య వచ్చిన దెన్నడో - భాగ్యవశము !
వంశమును నిల్పె పుత్ర సౌ - భాగ్య మిచ్చి !
పయన ముడుగుచు నున్నట్టి - వయసు నందు
వర్ణ సంకర మేలనో ?- వలదు ! స్వామి
పచ్చికను దిన నొల్లదు - పాడి యావు !
_________________________________
మాకు గోవొక్కటి కలదు; మానిత గుణ
రిప్లయితొలగించండిశీల! యదియ యెప్పుడును మా చేనిలోని
పచ్చిగడ్డియె మేయును! పరుల చేలఁ
బచ్చికను దిన నొల్లదు! పాడియావు!!
ఒక రైతు దిగులుగా మరొక రైతుతో :
రిప్లయితొలగించండివేల రూకలు వెచ్చించి బేరమాడి
మచ్చలు గల యావు నొకటి తెచ్చితేను
అయ్యొ యేమైనదో గాని యంతలోన ?
పచ్చికను దిన నొల్లదు పాడి యావు
పాడి యావుకు పచ్చిక పాత మేత
రిప్లయితొలగించండిపచ్చ గడ్డియె కరువాయె పట్టణముల
వాలు పోస్ఠరు తినుటలో వాసికెక్కి
పచ్చికను దిన నొల్లదు పాడి యావు
గంగి గోవును బూజించ గలుగు నఘము
గోవు మాలక్ష్మి యందురు గోము గాను
పళ్ళు బియ్యము యన్నను బరమ ప్రీతి
పచ్చికను దిన నొల్లదు పాడి యావు
ఆవురావురనుచు గడ్డినంత మేసి
రిప్లయితొలగించండిఅరగకదిపుడు జైలునకరిగె కొంద
రనెడు మాటలకర్థంబు నరయలేక
పచ్చికను దిన నొల్లదు పాడి యావు
పట్నమందలి యావును పట్టితెచ్చి
రిప్లయితొలగించండిపంటపొలముల దిప్పగ పల్లెనందు
నాగరీకపు తిండిలా నచ్చకేమొ
పచ్చికను దిన నొల్లదు పాడి యావు
పచ్చికను గూర్చి దుర్వార్త వచ్చుట విని
రిప్లయితొలగించండిఆవు నిర్ఘాంతముపడె ననంతరమున
నకట! ధర్మార్జితము కాని యట్టి యెడల
పచ్చికను దిన నొల్లదు పాడియావు
జంతు మాంసము దినగోరు జాతి కేశి
రిప్లయితొలగించండిచంపి వేటాడి తిను గాని చక్కనైన
పచ్చికను దిన నొల్లదు, పాడియావు
పచ్చికను మెచ్చి తిని యిచ్చు పాలు లెస్స .
పచ్చి మాంసము తినే ఆవు అని కొంత కాలం క్రితం చదివిన వార్త ఆధారంగా...
రిప్లయితొలగించండిపచ్చి మాంసమె కావలె పాల నీయ
కాల మహిమేమొ! లేకను కల్కిమాయొ!
మాంస భక్షనమ్మది తప్ప మచ్చు కైన
పచ్చికను దిననొల్లదు పాడియావు!
ఈ కామెంట్‌ను రచయిత తీసివేశారు.
రిప్లయితొలగించండిపందిత నేమానిగారికి పూజ్యులుశంకరయ్య
రిప్లయితొలగించండిగారికి వందనములు
తినగ మేలిమి కసవును మనిషి తినుచు
కలుషితమ్మగు పచ్చిక గవిలకిడగ
నిరశనవ్రత మొనరిచె నేతల వలె
పచ్చికను దిన నొల్లదు పాడి యావు
శ్రీ కంది శంకరయ్య గురువర్యులకు వందనములు,
రిప్లయితొలగించండిఅర్థ గణదోషములున్న సవరించ ప్రార్థన !
కౄర జంతువు సింహము ఘోరముగను
పచ్చిమాంసము తిననిష్ట పడును గాని
పచ్చికను దిననొల్లదు, పాడియావు
పచ్చికను ప్రీతితో దిని పాలనిచ్చు
శ్రీ శంకరయ్య గురుదేవులకు, శ్రీ నేమాని గురుదేవులకు వినమ్రవందనములతో..
రిప్లయితొలగించండిశ్రీ శంకరయ్య గురుదేవులకు ధన్యవాదములతో...
అందరికీ అభివందనములు !
శ్రీ వసంత కిషోర్ గారు జెప్పినట్లు, ఇప్పుడంతా గడ్డి తినేడి వారు నేతలు,వారి సహచరులే!
========*=========
మేను శాశ్వతం బనుచును మేదిలోన,
జిహ్వ కిష్టమైన మిగుల జిగురు గారు
సర్వ రుచులు దినుట నేర్చి,శంక వీడి
పచ్చికను దిన నొల్లదు పాడి యావు !
జీతమునే నమ్ముకున్న సుఖము లేదు నేడు, లంచములు తీసుకున్నచొ సుఖము గలుగునని అధికారులు నమ్ముచున్నారు.
రిప్లయితొలగించండి=======*============
పచ్చిక దిన,శక్తి మిగుల పది ఘడియలు
ఫాలితిన్ సంచులను దిన పది దినములు
సుఖము నొందుచు నుండగ సొగసుగాను
పచ్చికను దిన నొల్లదు పాడి యావు!
ఆవు చేలో మేసిన దూడ గట్టున మేయునా?
రిప్లయితొలగించండి=========*===========
3. ఎండు గడ్డి దినుట నేర్చి మెండు గాను
జిక్క కుండె వలకు రైతు స్థిరము గాను,
కనుల జూచి గలత జెంది,కమ్మ నైన
పచ్చికను దిన నొల్లదు పాడి యావు!
(ఎండు గడ్డి= లంచము, వలకు = సి బి ఐ,రైతు= యజమాని,నాయకుడు, పాడి యావు= సేవకుడు )
గడ్డి బెట్టిన పాలిచ్చు దొడ్డ మనసు
రిప్లయితొలగించండిపాలు ద్రావిన మనుజులు మేలు మరచి
విషము గ్రక్కుచు వధియించ వింత గాదె
పచ్చికను దిన నొల్లదు పాడి యావు
పొంది మేలును మఱచిన నందు రవని
రిప్లయితొలగించండిశ్వానమైనను ముట్టదు వాని శవము
నంతియే గాదు వినుమట్టి యధము చేతి
పచ్చికను దిన నొల్లదు పాడి యావు
రిప్లయితొలగించండిలాలూ మిశ్రా గడ్డి మేసే నని జెప్పిన
తీర్పు విని పాడియావు కలత చెందె
నొల్ల నొల్ల ఇక గడ్డి నాకు నొల్ల నొల్ల
పచ్చికను దిన నొల్లదు పాడియావు!!
జిలేబి
చెంగు చెంగున గెంతుచు చేరి పొదుగు
రిప్లయితొలగించండిబాగుగా క్షీరమును ద్రావు లేగదూడ
తప్పిపోవ మందను వీడి దారి మరచి
పచ్చికను దిన నొల్లదు పాడియావు
వసంత కిశోర్ గారూ,
రిప్లయితొలగించండిప్రజల సొమ్మును గడ్డిలాగా మేయని పాతతరం నాయకుల గురించిన మొదటి పూరణ, నీతి లేని గడ్డిని తినిపించే నేటి సినిమాల గురించిన రెండవ పూరణ, హరిశ్చంద్రుని వాక్యంగా మూడవ పూరణ... దేనికదే ప్రశస్తంగా ఉన్నాయి. అభినందనలు.
మొదటి పూరణ రెండవ పాదంలొ గణదోషం. ‘వారు ప్రజలకై వాడిరి వారి సొమ్ము’ అనండి.
*
రాజేశ్వరి అక్కయ్యా,
మీ రెండు పూరణలు బాగున్నవి. అభినందనలు.
‘గోవు + అనగ’ అన్నప్పుడు యడాగమం రాదు. ‘గో వనంగ’ అనవచ్చు. ‘తరువది యింటింట’ అనవలసి ఉంటుంది.
*
గుండు మధుసూదన్ గారూ,
పరుల గడ్డిని మేయని ఆవును గురించిన మీ పూరణ చాలా బాగుంది. అభినందనలు.
*
నాగరాజు రవీందర్ గారూ,
ఏదో రోగంతో బాధపడుతున్న ఆవును కొన్న అవస్థను చక్కగా వివరిస్తూ మొదటి పూరణ చెప్పారు.
దూడను పోగొట్టుకున్న ఆవును గురించిన రెండవ పూరణ బాగుంది. అభినందనలు.
*
శైలజ గారూ,
వాల్ పోస్టర్లను తినమరిగిన ఆవును గురించిన మీ మొదటి పూరణ బాగుంది.
రెండవ పూరణలో పళ్ళు, బియ్యము, అన్నము తినే ఆవును గురించి చెప్పారు. అభినందనలు.
*
గోలి హనుమచ్ఛాస్త్రి గారూ,
మొదటి పూరణ లోని సెటైర్ అదిరింది.
పట్నవాసపు ఆవును గురించిన రెండవ పూరణ బాగుంది. అభినందనలు.
*
పండిత నేమాని వారూ,
మీ పూరన ఉత్తమంగా ఉంది. అభినందనలు.
*
గండూరి లక్ష్మినారాయణ గారూ,
విరుపుతో చక్కని పూరణ చెప్పారు. అభినందనలు.
*
సహదేవుడు గారూ,
ఆ వార్తను నేను కూడా చదివినట్టు గుర్తు. బాగుంది మీ పూరణ. అభినందనలు.
*
కెంబాయి తిమ్మాజీ రావు గారూ,
కల్తీ గడ్డిని తిననొల్లని ఆవు గురించిన మీ పూరణ బాగుంది.అభినందనలు.
*
కుసుమ సుదర్శన్ గారూ,
విరుపుతో మంచి పూరణ చెప్పారు. అభినందనలు.
*
వరప్రసాద్ గారూ,
మీ మూడు పూరణలూ వైవిధ్యంగా బాగున్నవి. అభినందనలు.
‘మేదిని’ని ‘మేది’ అన్నారు.
*
మిస్సన్న గారూ,
అధముని చేతి పచ్చికను ఆవు తినదన్న మీ పూరణ చాలా బాగుంది. అభినందనలు.
గురువులు శంకరయ్య గారికి నమస్కారములు
రిప్లయితొలగించండినావద్ద మీవి రెండు ఫోన్ నెంబర్లు ఉన్నాయి కానీ ఒక్కటీ పనిచేయ డము లేదు .ఇక మైల్ లో పంపితే తిరిగి వస్తున్నాయి సమస్యలు చేరటల్లేదు దయచేసి మీ నెంబర్లు , మరియు ఈ మైల్ ఐడి ఇవ్వ గలరు ధన్య వాదములు
ఇచ్చినట్టి మాట నిలుప నిచ్చగించి
రిప్లయితొలగించండిహెచ్చయిన బాధ పడు కథ నెట్లు వినెనొ
నచ్చట నిలిచి మేసెడి యాశ వీడె;
పచ్చికను దిన నొల్లదు పాడియావు.