ఒక్కటియై వచ్చు, నూగును ముప్పది ....యిద్దరితో నేగు నిద్దరివలె ఒక కొంత చేదు వేరొక కొంత తీయన ....కలుగు రసమ్ముల వెలువరించు ఔషధ సారమ్ములలరు పుష్కలముగ ....క్రిముల నెల్లను సంహరించు చుండు కాల కృత్యములలో చాల ముఖ్యంబగు ....దంత ధావనమున దనరుచుండు వేపపుల్ల చాల విలువ గల్గిన దను ఘన యశమ్ము ధరణి గాంచె గాదె? కాల మహిమ చేత మూల జేరెను నేడు కుంచె లెక్కువయి ప్రపంచమందు
శ్రీ శంకరయ్య గురుదేవులకు,శ్రీ నేమాని గురుదేవులకు వినమ్రవందనములతో..
వివిధ రకముల పేస్ట్ ల ప్రకటనల పై ========*============ వేప పుల్ల కున్న విలువ యొక్కటి లేదు దంతములను గాచ దండిగాను తీపి లవణ మనుచు దెలుపు చుందురు నేడు పరువు లేని వారు బలము గాను !
గోలి హనుమచ్ఛాస్త్రి గారూ, మీ మూడు పద్యాలు బాగున్నవి. అభినందనలు. అన్యదేశ్యాలను ఉపయోగించారు కనుక ‘ఉండేను, ఊరిలొ’ అన్నపదాల వాడడం దోషంగా పరిగణించడం లేదు. * పండిత నేమాని వారూ, మీ పద్యం చాలా బాగుంది. అభినందనలు. సీసం మొదటి పాదం చివర ‘ఇద్దరి వలె’ అన్నదాన్ని ‘ఇద్ద రగుచు’ అంటే బాగుంటుందేమో! మీ రెండవ పద్యంలోని చమత్కారం అలరించింది. * శైలజ గారూ, సవరించిన మీ పద్యం బాగుంది. అభినందనలు. * చంద్రశేఖర్ గారూ, చాలా రోజుల తర్వాత.... మంచి పద్యాన్ని వ్రాశారు. అభినందనలు. * గుండు మధుసూదన్ గారూ, మీ పద్యం బాగుంది. అభినందనలు. అన్యదేశ్యాలను వాడిన పాదాలకు పాఠాంతరాలనిచ్చారు. బాగుంది. సంతోషం. * కుసుమ సుదర్శన్ గారూ, మీ పద్యం బాగుంది. అభినందనలు. * లక్ష్మీదేవి గారూ, మంచి పద్యాన్ని వ్రాశారు. అభినందనలు. * వరప్రసాద్ గారూ, మీ పద్యం బాగుంది. అభినందనలు. * సుబ్బారావు గారూ, మీ పద్యం బాగుంది. అభినందనలు. * సహదేవుడు గారూ, మీ పద్యం బాగుంది. అభినందనలు. ‘కాచేటి’ని ‘కాచెడి’ అనండి. అలాగే ‘సత్యమనుచు/ నరగదీయగ...’ అనండి. * కెంబాయి తిమ్మాజీ రావు గారూ, మీ రెండు పద్యాలూ బాగున్నవి. అభినందనలు. * రాజేశ్వరి అక్కయ్యా, మీ పద్యం బాగుంది. అభినందనలు. రెండవ పాదంలో గణదోషం. ‘వేప పుడకయే’ అందామా?
బ్రష్షది తాతకు నోరే
రిప్లయితొలగించండిప్రెష్షుగ నుండేను కడుగ బేక్టీర్యానే
హుష్షని మాయంబగునా
యుష్షే బెరుగునని తాత యూరిలొ చెప్పెన్.
ఒక్కటియై వచ్చు, నూగును ముప్పది
రిప్లయితొలగించండి....యిద్దరితో నేగు నిద్దరివలె
ఒక కొంత చేదు వేరొక కొంత తీయన
....కలుగు రసమ్ముల వెలువరించు
ఔషధ సారమ్ములలరు పుష్కలముగ
....క్రిముల నెల్లను సంహరించు చుండు
కాల కృత్యములలో చాల ముఖ్యంబగు
....దంత ధావనమున దనరుచుండు
వేపపుల్ల చాల విలువ గల్గిన దను
ఘన యశమ్ము ధరణి గాంచె గాదె?
కాల మహిమ చేత మూల జేరెను నేడు
కుంచె లెక్కువయి ప్రపంచమందు
వీధి లోన యుండు వేపచె ట్టుపుల్ల
రిప్లయితొలగించండిటీతు తోము నాటి టూతు బ్రష్షు
పట్టణాల యందు వాడుట మరచినా
పల్లె సీమ జూడ ప్రబలు చుండె
కాన్వెంట్ విద్యార్థి తన స్నేహితునితో ... వేపపుల్ల గురించి..
రిప్లయితొలగించండిబ్రష్షది వేప్ స్టిక్, మౌతే
ఫ్రెష్షగు వాష్ చేయ బ్యాడ్ బేక్టీర్యాయే
హుష్షగు యూస్ చేయగ నా
యుష్సింక్రీసనుచు గ్రాండ్ ప యూరిలొ చెప్పెన్.
ఈ కామెంట్‌ను రచయిత తీసివేశారు.
రిప్లయితొలగించండినోరు శుభ్రపడును తీరుగా నమలిన
రిప్లయితొలగించండిచేదు చంపు క్రిముల చేర నీదు
వేపపుల్ల తోడ వీలుగా చేసెడు
దంత ధావనమె ముదమ్ము గూర్చు.
వేఁప పుల్ల బెట్టి పేరును తోమగా
రిప్లయితొలగించండిపలువరుస మెరయుచు పలుకరించు
శోభ నిచ్చి నీకు లాభ మొసగు పుల్ల
పిచ్చి గాని నీకు పేస్టులేల!
పళ్ళు తోముటకయి పవమాన సుతునకు
రిప్లయితొలగించండినయ్యశోక వనము నందు కాను
పించదగుట నొక్క వేపపుల్లయు నంత
కోపమున వనమును గూల్చె నతడు
పూజ్యులు నేమాని వారి పద్యము చమత్కార జనకముగ నున్నది. అభినందనలు!
రిప్లయితొలగించండినోట నిడక మున్ జేదాయెనో యటండ్రు;
నమలఁగాఁ దీపి, యమృత మంచండ్రు జనులు!
లోకమం దిదె మందయ్య, శోకమేల?
పేస్టు వేస్టయ్య; మేలిడు వేఁప పుల్ల!!
యెండుచోఁ బొయ్యి నంటించ నిదె సమిధయ;
బ్రష్షుకన్నను పదిరెట్లు భద్ర మిదియ;
(కుంచె కన్నను మేలిడు నంచితముగ)
రెండుగాఁ జీల్ప నిదె టంగుక్లీన రయ్య;
(రెండుగాఁ జీల్ప "రసనమాలిన్యదూర"!)
కాన,నే నెల్ల వేళల ఖర్చుఁ బెంచు
వేని నొల్లను; కావలె వేఁప పుల్ల!!
శైలజగారూ,
రిప్లయితొలగించండిమొదటి పాదంలో గణదోషం సవరించవలసి యున్నది..
వేప పుల్ల లోని విలువైన గుణములు
రిప్లయితొలగించండిమానవాళికెల్ల మంచి జేయు
దంతధావనమ్ము దానితో జేయగా
పాచినెల్ల దీసి కాచు నోరు
మంచియలవాట్ల నెల్లరు మఱచినారు
రిప్లయితొలగించండినేడు మరల విచారించ నేర్చినారు
విడచి పుచ్చిన వాటిని ప్రీతితోడ
తలచుచుంద్రు; వేపను వాడ తరలి రారు.
శ్రీ శంకరయ్య గురుదేవులకు,శ్రీ నేమాని గురుదేవులకు వినమ్రవందనములతో..
రిప్లయితొలగించండివివిధ రకముల పేస్ట్ ల ప్రకటనల పై
========*============
వేప పుల్ల కున్న విలువ యొక్కటి లేదు
దంతములను గాచ దండిగాను
తీపి లవణ మనుచు దెలుపు చుందురు నేడు
పరువు లేని వారు బలము గాను !
వేపపుల్ల నమల వెగటుగా నుండును
రిప్లయితొలగించండిపండ్లుతోమ తెల్లబడును మిగుల
పిప్పి పన్నులుండవెప్పటికినిమఱి
వేపపుల్ల మేలు వేనవేలు
నోటి శుభ్రతఁ గాచేటి మేటి కుంచె!
రిప్లయితొలగించండిసాయి సైతము వాడెను సత్య మనుచు
యరగ దీయగ గంధమ్ము నణచు పుండ్ల!
వేప పుల్లతో లాభాలు వేన వేలు!
లక్ష్మీదేవిగారికి కృతజ్ఞతలు తెలియజేస్తూ..సవరణ...
రిప్లయితొలగించండివేప పుల్ల మేలు వేనవేలుగలవు
టీతు తోము నాటి టూతు బ్రష్షు
పట్టణాల యందు వాడుట మరచినా
పల్లె సీమ జూడ ప్రబలు చుండె
పూజ్యులు శంకరయ్యగారికి వందనములు
రిప్లయితొలగించండివేపపుల్ల బ్రష్షు వేపపుల్లయెపేస్టు
పండ్లు తోమ క్రిములు పారిపోవు
నడుమ చీల్చ పుల్ల నాలుక బద్దగా
కడగి నోరు శుభ్ర పడును నిజము
రోజుకొక్క బ్రష్షు రోజుకొక్క పేస్టు
రోజు నాల్కకున్న బూజుదీయ
కాణి ఖర్చు లేక కలుగు శుభ్రత నోటి
కంపు తొలగి పోవు నింపొసంగు
పెరడున వేపను బెంచగ
రిప్లయితొలగించండివిరివిగ నౌషధ ములిచ్చు వేప పుల్లేయైనన్
సురటిగ రంజిల గాలులు
సరిజేయును మనుజు లందు సాత్విక గుణముల్
గోలి హనుమచ్ఛాస్త్రి గారూ,
రిప్లయితొలగించండిమీ మూడు పద్యాలు బాగున్నవి. అభినందనలు.
అన్యదేశ్యాలను ఉపయోగించారు కనుక ‘ఉండేను, ఊరిలొ’ అన్నపదాల వాడడం దోషంగా పరిగణించడం లేదు.
*
పండిత నేమాని వారూ,
మీ పద్యం చాలా బాగుంది. అభినందనలు.
సీసం మొదటి పాదం చివర ‘ఇద్దరి వలె’ అన్నదాన్ని ‘ఇద్ద రగుచు’ అంటే బాగుంటుందేమో!
మీ రెండవ పద్యంలోని చమత్కారం అలరించింది.
*
శైలజ గారూ,
సవరించిన మీ పద్యం బాగుంది. అభినందనలు.
*
చంద్రశేఖర్ గారూ,
చాలా రోజుల తర్వాత.... మంచి పద్యాన్ని వ్రాశారు. అభినందనలు.
*
గుండు మధుసూదన్ గారూ,
మీ పద్యం బాగుంది. అభినందనలు.
అన్యదేశ్యాలను వాడిన పాదాలకు పాఠాంతరాలనిచ్చారు. బాగుంది. సంతోషం.
*
కుసుమ సుదర్శన్ గారూ,
మీ పద్యం బాగుంది. అభినందనలు.
*
లక్ష్మీదేవి గారూ,
మంచి పద్యాన్ని వ్రాశారు. అభినందనలు.
*
వరప్రసాద్ గారూ,
మీ పద్యం బాగుంది. అభినందనలు.
*
సుబ్బారావు గారూ,
మీ పద్యం బాగుంది. అభినందనలు.
*
సహదేవుడు గారూ,
మీ పద్యం బాగుంది. అభినందనలు.
‘కాచేటి’ని ‘కాచెడి’ అనండి. అలాగే ‘సత్యమనుచు/ నరగదీయగ...’ అనండి.
*
కెంబాయి తిమ్మాజీ రావు గారూ,
మీ రెండు పద్యాలూ బాగున్నవి. అభినందనలు.
*
రాజేశ్వరి అక్కయ్యా,
మీ పద్యం బాగుంది. అభినందనలు.
రెండవ పాదంలో గణదోషం. ‘వేప పుడకయే’ అందామా?
దంతమలినజాల మంతయు పోగొట్టి
రిప్లయితొలగించండిహర్ష మందజేసి యనుదినంబు
జనుల గాచుచుండు ఘనరుగ్మతలనుండి
విజ్ఞులార! నిజము వేపపుల్ల.
చేదు నెంచ వలదు సేమంబు తాఁగూర్చు,
క్రిముల జేరనీదు, విమలముగను
దంతపంక్తి నుంచు దారుఢ్యతను బెంచు
విజ్ఞులార! నిజము వేపపుల్ల.
పళ్ళు తోము కొరకు బహువిధ చూర్ణాలు
మరియు లేహ్యతతుల మాటయేల?
తనివిదీర్చగలదు తానొక్కటున్నచో
విజ్ఞులార! నిజము వేపపుల్ల.
ధనము కోరబోదు, మనమున కెంతయో
హాయి నొసగుచుండు, హానికరము
కాదు కొంచెమైన, వాదు లింకేలనో
విజ్ఞులార! నిజము వేపపుల్ల.
పిన్నవారికైన, పెద్దవారలకైన
కోరి పూనువారి కేరికైన
అతుల చేతనత్వ మారోగ్య మందించు
విజ్ఞులార! నిజము వేపపుల్ల.
హరి వేంకట సత్యనారాయణ మూర్తి గారూ,
రిప్లయితొలగించండి‘అతుల చేతనత్వ మారోగ్య మందించు వేపపుల్ల’ను గురించిన మీ ఖండిక చాలా బాగుంది. అభినందనలు.
దంత ధావనము సలుప చింత వీడి
రిప్లయితొలగించండిచెంత నున్నట్టి యొక వేప చెట్టు కొమ్మ
కొంత విరుచుచు వాడిన దంతములను
వింత కాదయ్య రక్షించు వేప పుల్ల
బొడ్డు శంకరయ్య గారూ,
రిప్లయితొలగించండిమీ పద్యం బాగున్నది. అభినందనలు.
గురువుగారికి ధన్యవాదములు. తమరి సూచిత సవరణ:
రిప్లయితొలగించండినోటి శుభ్రతఁ గాచెడు మేటి కుంచె!
సాయి సైతము వాడెను సత్య మనుచు
నరగ దీయగ
గంధమ్ము నణచు పుండ్ల!
వేప పుల్లతో లాభాలు వేన వేలు!
గురువుగారూ,
రిప్లయితొలగించండిధన్యవాదాలు. పైన శంకరాభరణము పేరూ, వాగ్దేవి కొలువైన తీరూ బాగున్నవి.