కవిమిత్రులకు నమస్కృతులు. గత వారం రోజులుగా ఊళ్ళు తిరుగుతూ తీరిక లేకపోవడం, ఇంటర్ నెట్ అందుబాటులో లేకపోవడం తదితర కారణాల వల్ల బ్లాగును చూచే అవకాశం లభించడం లేదు. నా పరోక్షంలోనూ మిత్రులు నిరాటంకంగా, ఉత్సాహంగా పూరణలు చేస్తూ, పద్యాలను వ్రాస్తూ, గుణదోష విచారణ చేస్తున్నందుకు ఆనందంగా ఉంది. అందరికీ అభినందనలు, ధన్యవాదాలు. రేపటి నుండి బ్లాగుకు అందుబాటులో ఉండగలనని అనుకుంటున్నాను.
పగడపు మెరుపుల నేలిక
రిప్లయితొలగించండిజగడమ్ములు వీడి నంత జగతికి మేలౌ
పగ సెగలు మరచి కలసిన
సుగమమ్ము గనుండు నంచు సోనియ పలికెన్
జగడమ్ములెట్లు మనుజస్వభావమున్
రిప్లయితొలగించండిమిగమీఱె? మిత్రతనమెట్లుబోయెనో?
పగ పెచ్చగిల్లె; నిక ప్రాణహాని హె
చ్చుగ సంభవించునెటు చూడ గల్గునో?
జగమున నరులిట నిరతము
రిప్లయితొలగించండిపగలను సెగలను గలుగుచు బరగిన గనగా
జగడము లధికము లగుగద
జగడము వదలిన జనులకు జగతిని సుఖమౌ.
జగదీశ్వర పదమునకై
రిప్లయితొలగించండిజగను డొకడు జతనమూనె సంరంభముతో
జగడము లేలా? సాదర
ముగ తత్పద మతనికిచ్చి పూజింప దగున్
శ్రీ కంది శంకరయ్య గురువర్యులకు వందనములు,
రిప్లయితొలగించండిఅర్థ గణదోషములున్న సవరించ ప్రార్థన !
తడబాటులేక నిలబడి
జడియక కలబడగ నీవు జగడములాడన్
సుడిబడుదురు ప్రత్యర్థులు
వడివడిగను జేరి గెలుపు వశమౌ నీకున్
లోకమ్ము సౌఖ్య మందగ
రిప్లయితొలగించండిశ్రీకారము జుట్టుమనెడు శ్రీపతి వచనం
బాకారము దాల్చ కున్నను
భీకర జగడమ్ము లెగయు వేదన మిగులున్!
జగడము లాడుట మానుడు
రిప్లయితొలగించండిజగడములేదారితీయుజావులకు నిలన్
జగడము ధర్మ విరుధ్ధము
సుగమమునగు జీవితంబు జగడము లేమిన్
జగడ మాడంగ హెచ్చును శత్రుభావ;
రిప్లయితొలగించండిమెడఁద శాంతమ్ముఁ గోల్పోవు; హితముఁ దొలఁగు;
ధనము వ్యయమగు; సౌఖ్యమ్ముఁ దలఁగిపోవు!
జగడ మెంతేని వలదయ్య జనుల కెపుడు!!
సోదరి లక్ష్మీదేవిగారికి నమస్కారము. తమరి మంజుభాషిణీ వృత్తము రమణీయముగ నున్నది. కాని, మిత్రతనము సాధువు కాదని యనిపించుచున్నది. పరికించఁగలరు.
రిప్లయితొలగించండిజగడము లాడెడు వానిని
రిప్లయితొలగించండిపగతో నిరతము రగిలెడు వానిని, కుమతిన్,
జగడములకు గారణమై
వగపించెడు వాని విడువ వలయును మిత్రా..
తప్పును సూచించినందుకు ధన్యవాదములండి.
రిప్లయితొలగించండి" మిత్రతయు మృగ్యమయ్యెనో" అని సవరింపదగుననుకొనుచున్నాను.
చిన్న సవరణతో...
రిప్లయితొలగించండిజగమున నరులిట నిరతము
పగలను సెగలను గలుగుచు వగచుట తగునా
జగడము లధికము లగుగద
జగడము వదలిన జనులకు జగతిని సుఖమౌ.
జగడమే కౌరవ సంతతిఁ విడదీసి
రిప్లయితొలగించండి......... ఘోర యుద్ధమునకు దారి తీసె!
జగడమే రాముని శరము వాలిని ద్రుంచ
......... కారణమై యొప్పె ఘనముగాను!
జగడమే సురలను పగవారిగా జేసె
......... దాయాదులైనట్టి దైత్యులకును!
జగడమే చిన్న రాజ్యాలెల్ల లోకువై
......... తెల్లవారికి జిక్కు దిక్కు జూపె!
జగడమే నేడు రాష్ట్రమున్ జగతి లోన
నవ్వు పాల్జేయుచున్నది నమ్ముడయ్య!
మైత్రికిన్ మించు కల్మి జగత్రయమున
కాన రాదని నమ్మిన కలుగు శుభము.
మిత్రులందరు మంచి మంచి పద్యములను వ్రాసి మన బ్లాగును అలరింప జేసిరి. అందరికీ శుభాశీస్సులు మరియు అభినందనలు.
రిప్లయితొలగించండిపండిత నేమానిగారికి గురుదేవులు శంకరయ్యగారికి వందనములు
రిప్లయితొలగించండిజగడములాడుట వలదని
పగలను పెంచునట౦చను వాక్కులు నిజమే
పగలను పెంచగ బూదియె
మిగులును సెగలారిపోవ మేదిని యందున్
జగడము తప్పదొకప్పుడు
జగడము లో రావణుండు చావగతెచ్చెన్
మగువనుసీతను రాముడు
జగడము పాండవులకునిచ్చె జయమును కీర్తిన్
జగడము మనకేలననగ
సగము హిమాలయపు సీమ చైనా వశమై
వగ కాశ్మీరమునందున
తేగటార్చిరి జూడ భారతీయుల సేనన్
జగడము న్యాయము కొరకై
జగడము సేయంగ వలయు స్వాతంత్ర్యముకై
జగడ మ్మనివార్యంబగు
జగమున ధన మాన ప్రాణ సంరక్షణకై
కవిమిత్రులకు నమస్కృతులు.
రిప్లయితొలగించండిగత వారం రోజులుగా ఊళ్ళు తిరుగుతూ తీరిక లేకపోవడం, ఇంటర్ నెట్ అందుబాటులో లేకపోవడం తదితర కారణాల వల్ల బ్లాగును చూచే అవకాశం లభించడం లేదు. నా పరోక్షంలోనూ మిత్రులు నిరాటంకంగా, ఉత్సాహంగా పూరణలు చేస్తూ, పద్యాలను వ్రాస్తూ, గుణదోష విచారణ చేస్తున్నందుకు ఆనందంగా ఉంది.
అందరికీ అభినందనలు, ధన్యవాదాలు.
రేపటి నుండి బ్లాగుకు అందుబాటులో ఉండగలనని అనుకుంటున్నాను.