కవిమిత్రులారా,
ఈరోజు పూరించవలసిన సమస్య ఇది .....
మడిగట్టిన పండితుండు మద్యము గ్రోలెన్.
ఈ సమస్యను పంపిన సంపత్ కుమార్ శాస్త్రి గారికి ధన్యవాదములు.
ఈరోజు పూరించవలసిన సమస్య ఇది .....
మడిగట్టిన పండితుండు మద్యము గ్రోలెన్.
ఈ సమస్యను పంపిన సంపత్ కుమార్ శాస్త్రి గారికి ధన్యవాదములు.
తడి యారని మడి బట్టను
రిప్లయితొలగించండివడి వడీగా నార బెట్ట బారున కేగెన్
సడి జేయక చలి కోర్వని
మడి గట్టిన బ్రాహ్మ ణుండు మద్యము గ్రోలెన్
"బ్రాహ్మణుండు" అనే కంటే "పండితుండు" అంటే బాగుంటుందేమో!
రిప్లయితొలగించండిఅందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
యజమాని వద్దంటున్నా అలవాటైన రైతు మానునా :
01)
__________________________________
వడి వడి పారెడి యెద్దుల
మడి దున్నెడి కమతకాడు - మద్యము ద్రావన్
విడు , వలదని వారించిన
మడి గట్టిన బ్రాహ్మణుండు; - మద్యము గ్రోలెన్ !
__________________________________
వెండిశివుణ్ణి పూజించి
రిప్లయితొలగించండిమడికట్టుతో భార్య ప్రసాదం తెచ్చిస్తే
కులవృత్తి మాని
మడిలో యెద్దులతో అరకను గట్టి
కాయకష్టం చేస్తున్న బ్రాహ్మడు
కొంచెం పుచ్చుకున్నాడు చాటుగా :
03)
__________________________________
మడికాసు శివుని పూజల
మడికచ్చను భార్యదెచ్చి - మడికూ డిడినన్
మడకల దున్నగ నెద్దుల
మడి గట్టిన బ్రాహ్మణుండు - మద్యము గ్రోలెన్ !
__________________________________
మడికాసు = వెండి
మడికచ్చ = వైదిక స్త్రీలు చీర కట్టుటలోని ఒక రీతి
మడికూడు = ప్రసాదము
మడక = అరక
మడి = పొలము
చెడ్డ వాడైన కొడుకు తండ్రి మాట వినునా :
రిప్లయితొలగించండి02అ)
__________________________________
చెడు నడతల జరియించెడు
కడవాడగు తనయు తోడ - "కాదంబరమున్
విడ వలయు తప్పురా " యన
మడి గట్టిన బ్రాహ్మణుండు; - మద్యము గ్రోలెన్ !
__________________________________
కాదంబరము = మద్యము
మడీ తడీ లేనివాడు తాగడమే కాదు విశ్వేశ్వరుణ్ణి కూడా నిందిస్తాడు మైకంలో :
రిప్లయితొలగించండి04అ)
__________________________________
మడిగా శివు బూజించును
మడి గట్టిన బ్రాహ్మణుండు ! - మద్యము గ్రోలెన్
మడి విడనాడిన వాడే
మడికాసుమలఃప్రభువును - మైకము దిట్టున్ !
__________________________________
మడికాసుమల = రజతాద్రి = కైలాసపర్వతము
శ్రీ శంకరయ్య గురుదేవులకు, శ్రీ నేమాని గురుదేవులకు వినమ్రవందనములతో..
రిప్లయితొలగించండిశ్రీ శంకరయ్య గురుదేవులకు, శ్రీ నేమాని గురుదేవులకు ధన్యవాదములతో...
కవిమిత్రులకెల్లరుకు శుభోదయం...
======*=======
గుడి ముంగిట వలదనెనా
మడి గట్టిన బ్రాహ్మణుండు;మద్యము గ్రోలెన్ !
చెడు నడతలుగల యువకులు
వడివడిగ పరుష పదములు బల్కుచు వెడలెన్!
అడవి జనులు దెచ్చిన మద్యము బహు శ్రేష్టమనివిని మడి గట్టితినని మరచి బ్రాహ్మణుండు మద్యము ద్రాగెను.
రిప్లయితొలగించండికొన్ని ప్రాంతములలో మద్యము నైవేద్యముగ బెట్టుదురు.
=======*===========
అడిగిన వరముల నిచ్చెడి
యుడుపతి నైవేద్యముగను నొక్క కడవతో
డడవి జనులు నిడుగ,మరచి
మడి గట్టిన బ్రాహ్మణుండు మద్యము గ్రోలెన్ !
మిస్సన్న గారూ,
రిప్లయితొలగించండిఈ సమస్య ప్రసిద్ధమైనదే. ఇది సంపత్ కుమార్ శాస్త్రి గారి సృష్టి కాదు. గతంలో కొన్ని అవధానాలలో మంచి పూరణలకు అవకాశమిచ్చిన సమస్యే.
అయినా మీ సూచనను పాటించి మార్పు చేస్తున్నాను. ధన్యవాదాలు.
మిత్రులారా! శుభాశీస్సులు.
రిప్లయితొలగించండిఈశాన్య భారత దేశాచారము ప్రకారము ఇది యొప్పిదమే.
వడి వామాచారుండొ
క్కడు పూజ మకార పంచకముతో జేయన్
దొడగుచు సిద్ధంబగుటను
మడిగట్టిన పండితుండు మద్యము గ్రోలెన్
(మకారాది పంచకమనగా మహిళ, మద్యము, మాంసము, మొ.వి.)
రాజేశ్వరి అక్కయ్యా,
రిప్లయితొలగించండిబాగుంది మీ పూరణ. అభినందనలు.
మీరున్న అమెరికా వంటి చలిదేశాల్లో కొందరికి అది తప్పదేమో కాని, ‘మడిబట్ట నారబెట్టడానికి బారుకు పోవడం’ ఏమిటి? ‘ఆరబెట్టి’ అనడానికి టైపాటా?
*
వసంత కిశోర్ గారూ,
మీ నాలుగు పూరణలూ బాగున్నవి. అభినందనలు.
*
వరప్రసాద్ గారూ,
మీ పూరణ బాగుంది. అభినందనలు.
*
పండిత నేమాని వారూ,
మీ పూరణ బాగుంది. అభినందనలు.
సంపత్ కుమార్ శాస్త్రి గారి పూరణ....
రిప్లయితొలగించండివడిగల యెద్దులు గానకఁ
తడియంటని నేలగాంచి దైన్యముతోడన్
సడిచేయక విషమనుకొని
మడిగట్టిన బ్రాహ్మణుండు మద్యము గ్రోలెన్
సంపత్ కుమార్ శాస్త్రి గారూ,
రిప్లయితొలగించండిబాగుంది మీ పూరణ. అభినందనలు.
ఇంతకీ ఆ బ్రాహ్మణుడు పౌరోహిత్యం వదిలి వ్యవసాయం మొదలుపెట్టినవాడా?
ఆర్యా.. నమస్సులు..మడిగట్టిన బ్రాహ్మణుండు మద్యము ద్రాగెన్ అను సమస్యను శంకరాభరణములో గతములో ఇచ్చినట్లు గుర్తు...
రిప్లయితొలగించండిఇంతకీ మేము మడి గట్టవలసినది బ్రాహ్మణునకా..పండితునకా...
మడిగట్ట పొలము కేగెను
రిప్లయితొలగించండిగుడికందుల పండిత శివ గురవారావే
ముడిగట్టి బుడ్డి దెచ్చెను
మడిగట్టిన పండితుండు మద్యము గ్రోలెన్.
గోలి హనుమచ్ఛాస్త్రి గారూ,
రిప్లయితొలగించండినిజమే. ఇది గతంలో ‘మడిగట్టిన శ్రోత్రియుండు మద్యము ద్రాగెన్’ అని ఇవ్వబడింది. గుర్తుంటే ఇవాళ దీనిని ఇవ్వకుండా ఉండేవాడిని.
‘బ్రాహ్మణుండు/పండితుండు’ ఇద్దరిలో ఎవరినీ తీసుకున్నా ఫరవాలేదు.
మీ పూరణ బాగుంది. అభినందనలు.
ఆర్యా ! ధన్యవాదములు..
రిప్లయితొలగించండినాపూరణ మరొక విధముగా...
ముడిగట్టి బుడ్డి బొడ్డున
గుడికందుల పండిత శివ గురవారావే
మడిగట్ట పొలము కేగెను
మడిగట్టిన ' పండితుండు ' మద్యము గ్రోలెన్.
శ్రీగురుభ్యోనమ:
రిప్లయితొలగించండివడివడిగా నెవరేగిరి
గుడి పూజకు,శ్రమ మరువగ గ్రోలెన్ దేనిన్
మడి దున్నిన రైతు యొకడు
మడి కట్టిన బ్రాహ్మనుండు,మద్యము గ్రోలెన్.
గురువుగారికి మరియునితర కవిమిత్రులకు నమస్సుమాంజలి.
రిప్లయితొలగించండిమొదటిసారిగా నాచే సూచింపబడిన సమస్య శంకరాభరణములో రావడము నాకెంతో ఆనందముగా ఉంది.
ఇకపోతే, "మడి" అనే పదానికి "మడుగు" అనే అర్థముతో రాయలసీమ ప్రాంతములో వాడుక గలదు. మరి నిఘంటువులు ఏమి చెప్తున్నాయో తెలీదు. సాధారణంగా మడుగులో ఉన్నవాళ్ళు ఇతరులను తాకడము అనేది ఉండదు ( నిష్ట ఎక్కువ కాబట్టి ). అటువంటి వాడు అందునా బ్రాహ్మణుడు మద్యము త్రాగడము అనేది సమస్య. అందువలననే ఇక్కడ పండితుడు అనేదానికంటే శ్రోత్రియుడు లేదా బ్రాహ్మణుదు అనే పదాలకే ఎక్కువ పొందిక జరుగుతుంది సమస్యతో.
కానీ, ఇతరకవిమిత్రుల కోరికపరంగా నైతెనేమి, ఎక్కువ పూరణలు కొఱకైతేనేమి, గురువుగారు చేసిన సవరణ ( పండితుండు ) సర్వదా ఆమోదయోగ్యమే.
పాతపూరణ తెలీదు కానీ, నేను కూడా "మడి" అనే పదాన్ని సేద్యము పరంగానే అర్థాన్ని సంగ్రహించి పూరించినాను.
త్వరలో మరికొన్ని సమస్యలను సేకరించి పంపుతాను.
ధన్యోస్మి.
వడివడిగా గుడికేగెను
రిప్లయితొలగించండిమడిగట్టిన పండితుండు, మద్యము గ్రోలెన్
దుడుకుదనంబులు గలిగియు
చెడు వర్తన గలిగియుండు చెనటులు మిగులన్
హనుమచ్ఛాస్త్రి గారూ,
రిప్లయితొలగించండిమార్పులు చేసిన మీ పూరణ బాగుంది. అభినందనలు.
‘పొలమున కేగెను’ అనవలసి ఉంటుంది కదా... అక్కడ ‘పొలమునకుఁ జనె’ అందామా?
*
శ్రీపతి శాస్త్రి గారూ,
క్రమాలంకార పద్ధతిలో మీ పూరణ బాగుంది. అభినందనలు.
‘రైతు + ఒకడు’ సంధి నిత్యం. యడాగమం రాదు. అక్కడ ‘రైతొకండు’ అందాం.
*
సంపత్ కుమార్ శాస్త్రి గారూ,
గతంలో ‘శ్రోత్రియుండు’ అంటూ ఇచ్చిన సమస్యే ఇది. అందువల్ల మార్పు చేయవలసి వచ్చింది.
‘మడి’ అన్న పదానికి ‘వరి పొలము’ అన్న అర్థం సుప్రసిద్ధమే. ఏదైనా అర్థం కోసం ఎక్కడికో వెళ్ళి నిఘంటువులను వెదకాల్సిన పని లేదు. మన బ్లాగులోనే ఉన్న ‘ఆంధ్రభారతి’ని క్లిక్ చేసి, పదాన్ని టైప్ చేస్తే దానికి ఏయే నిఘంటువులు ఏయే అర్థాలనిచ్చాయో, పర్యాయపదాలతో సహా మీ ముందు ప్రత్యక్షం.
*
సుబ్బారావు గారూ,
మీ పూరణ బాగుంది. అభినందనలు.
కొన్ని ప్రాంతములలో మద్యము నైవేద్యముగ బెట్టుదురు.
రిప్లయితొలగించండి=========*==========
పుడమిని గాచెడి పురుషుడు
కడు ముదమున జేకొనునని కడవల తోడన్
నిడగ,ప్రసాద మనుచు నా
మడిగట్టిన బ్రాహ్మణుండు మద్యము గ్రోలెన్!
వరప్రసాద్ గారూ,
రిప్లయితొలగించండికొందరు గ్రామదేవతలకు మద్య మాంసాలు నైవేద్యం చేయడం మామూలే. మీ పూరణ బాగుంది. అభినందనలు.
‘కడవలతో తా/ మిడగ...’ అనండి.
పూజ్యగురుదేవులు శంకరయ్యగారికి కవులందరికీ నమస్కారములు
రిప్లయితొలగించండివడివడిగ సంధ్యవార్చగ
తడి యుడుపుల పండితుండు తాడిని జేరెన్
జడదారి జూచి పల్కెను
మడిగట్టిన పండితుండు మద్యము గ్రోలెన్
గడగడ వణికెడు తండ్రికి
రిప్లయితొలగించండిపడిపోయినపల్సుజూడపరుగున బోయెన్
కొడుకులు మందని యివ్వగ
మడిగట్టిన పండితుండు మద్యము గ్రోలెన్
కెంబాయి తిమ్మాజీ రావు గారూ,
రిప్లయితొలగించండిమీ పూరణ చాలా బాగుంది. అభినందనలు.
*
శైలజ గారూ,
మీ పూరణ బాగుంది. అభినందనలు.
పొడగని యొకతుచ్ఛాత్ముని
రిప్లయితొలగించండిమడిగట్టిన బ్రాహ్మణుండు(పండితుండు), "మద్యము గ్రోలెన్
కెడ జేరనీయరా"దని
వడివడిగా తొలగిపోయె పలుకక తానున్.
విడదీయ రాని బంధము
రిప్లయితొలగించండిచెడునడత వలన దగిలిన స్నేహము తోడన్
ముడివడ బలహీనతతో
మడిఁగట్టిన పండితుండు మద్యము గ్రోలెన్!
గుడి చుట్టు తిరిగి గొల్చెను
రిప్లయితొలగించండిమడిగట్టిన బ్రాహ్మణుండు, మద్యము గ్రోలేన్
గుడి చెంత భక్తి భాహ్యుడు ,
గుడిలోనే తస్కరించె కుమతుండొకడున్.
గుండు మధుసూదన్ గారి పూరణ......
రిప్లయితొలగించండివెడలెను పశ్చిమదేశ
మ్మిడఁగను నుద్యోగ మెలమి మేలయెఁ; జలిచే
వడ వడ వణఁకుచుఁ దాళక
మడిఁగట్టిన పండితుండు మద్యముఁ గ్రోలెన్!
హరి వేంకట సత్యనారాయణ మూర్తి గారూ,
రిప్లయితొలగించండిమీ పూరణ ప్రశస్తంగా ఉంది. అభినందనలు.
*
సహదేవుడు గారూ,
మీ పూరణ బాగుంది. అభినందనలు.
*
గండూరి లక్ష్మినారాయణ గారూ,
బాగుంది మీ పూరణ. అభినందనలు.
*
గుండు మధుసూదన్ గారూ,
మంచి పూరణ చెప్పారు. అభినందనలు.
అడుసున పొలమును దున్నుచు
రిప్లయితొలగించండివడివడిగా పనులు జేసి బడలిక తోడన్
కడతేరక కష్టంబులు
మడి గట్టిన బ్రాహ్మణుండు మద్యము గ్రోలెన్.
బొడ్డు శంకరయ్య గారూ,
రిప్లయితొలగించండిమీ పూరణ బాగుంది. అభినందనలు.
గురువుగారూ! నేను ఇప్పుడే బ్లాగును చూస్తున్నాను. ఇంతవరకు యేవ్యాఖ్యనూ పెట్టలేదు. "The Other" నేను కాదు.
రిప్లయితొలగించండి
రిప్లయితొలగించండితడయక తన వరి చేనుకు
మడి గట్టిన, బ్రాహ్మణుండు, మద్యము గ్రోలెన్
పడియుండి పాక లోపల,
సడిజేయక, పాలెగాడు సంతోషముతో.
మిస్సన్న గారూ,
రిప్లయితొలగించండిగతంలో మీరొకసారి "The other" నేనే అని చెప్పుకున్నారు కదా! అందుకని పొరబడ్డాను. మన్నించండి.
మీ పూరణ చాలా బాగుంది. అభినందనలు.
ఆర్యా ! ధన్యవాదములు..
రిప్లయితొలగించండిమీరు సూచించిన సవరణతో...
ముడిగట్టి బుడ్డి బొడ్డున
గుడికందుల పండిత శివ గురవారావే
మడిగట్ట పొలమునకు జనె
మడిగట్టిన ' పండితుండు ' మద్యము గ్రోలెన్.
విడువక పూజలు సలిపెను
రిప్లయితొలగించండిమడిగట్టిన పండితుండు,మద్యము గ్రోలెన్
చెడు నడత గలిగిన నరుడొ
కడు- తలరాతలను మార్చు ఘనులిట గలరే?
గురువుగారు,
రిప్లయితొలగించండిother అట్లా చెప్పి ఇంకొక వ్యాఖ్య పెట్టేది ఎప్పుడూ చంద్రశేఖరులవారు కదా!
లక్ష్మీదేవి గారూ,
రిప్లయితొలగించండిమీ పూరణ చాలా బాగుంది. అభినందనలు.
The other విషయంలో నేను నిజంగానే పొరబడ్డాను. ధన్యవాదాలు.
శ్రీ మిస్సన్న గారూ! శుభాశీస్సులు.
రిప్లయితొలగించండిమీ పద్యములో "చేనుకు"కి బదులుగా చేనునకు అని ఉండవలెను. మరియు పద్యములో అన్వయ లోపము కనుపట్టుచున్నది. స్వస్తి.
మడిలో నారును వేసియు
రిప్లయితొలగించండివడివడిగా గృహము జేరి వడ్డన కోరన్
ఘడియైన ఓర్వ జాలక
మడిగట్టిన పండితుండు మద్యము గ్రోలెన్
గురువుగారికి నమస్సులు. యడాగమము విషయములో పొరపాటును సవరించి క్రింది విధంగా సవరించినాను.
రిప్లయితొలగించండివడివడిగా నెవరేగిరి
గుడి పూజకు,శ్రమ మరువగ గ్రోలెన్ దేనిన్
మడి దున్నిన యువకుడొకడు (యువకుడు తాన్)
మడి కట్టిన బ్రాహ్మనుండు,మద్యము గ్రోలెన్.
రైతొకండు అంటే 3 వ గణము జగణము ఔతుంది కదా!
ధన్యవాదములు.
మిస్సన్న గారూ,
రిప్లయితొలగించండిమీ పద్యం మొదటి పాదాన్ని ‘తడయక వరి చేనునకున్...’ అందాం. ‘మడి గట్టెను’ అంటే అన్వయలోపం తొలగుతున్నది.
*
ప్రభల రామలక్ష్మి గారూ,
మీ పూరణ బాగుంది. అభినందనలు.
మీ మూడవ పాదాన్ని ‘గడియ యయిన నోర్వకనే’ అనండి.
*
శ్రీపతి శాస్త్రి గారూ,
మీ సవరణ బాగుంది. సంతోషం.
శ్రీ కంది శంకరయ్య గారు: శుభాశీస్సులు.
రిప్లయితొలగించండిమీరు శ్రీ మిస్సన్న గారి పద్యమునకు చిన్న సవరణలు సూచించేరు. మడిగట్టెను అంటే అన్వయము సరిపోవును కానీ మీరు ఇచ్చిన సమస్యలోని అక్షరములను మార్చుట జరుగును కదా. చూడండి. స్వస్తి.
పండిత నేమాని వారూ,
రిప్లయితొలగించండినిజమే. నేను గమనించలేదు. ధన్యవాదాలు.
‘కడు నలసెను పొలమునకున్
మడిగట్టిన పండితుండు....’ అంటే ఎలా ఉంటుందంటారు?
అయ్యా! శ్రీ శంకరయ్య గారూ! సరే అంటాను. స్వస్తి.
రిప్లయితొలగించండిగురువుగారికి నమస్సులు. పొరపాటును క్రింది విధంగా సవరించినాను.
రిప్లయితొలగించండిమడిలో నారును వేసియు
వడివడిగా గృహము జేరి వడ్డన కోరన్
గడియ యయిన నోర్వకనే
మడిగట్టిన పండితుండు మద్యము గ్రోలెన్
ఎడతెరిపిలేని వర్షము,
రిప్లయితొలగించండికడుభీకర చలికి గుండె గజగజ వణుకన్
బిడియపడుతు చలివీడను
మడి గట్టిన బ్రాహ్మణుండు మద్యము గ్రోలెన్
నేమాని పండితులకు, గురువుగారికి నా పద్యంలోని తప్పులను సరిదిద్దినందులకు ధన్యవాదములు
రిప్లయితొలగించండికుసుమ సుదర్శన్ గారూ,
రిప్లయితొలగించండిమీ పూరణ చాలా బాగుంది. అభినందనలు.
‘భీకర చలి’ అని సమాసం చెయ్యరాదు కదా. ‘కడు బెడగగు చలికి’ అందామా?
విద్యావినయసంపన్నే బ్రాహ్మణే గవి హస్తిని |
రిప్లయితొలగించండిశుని చైవ శ్వపాకే చ పండితాః సమదర్శినః ||
మిడిమిడి జ్ఞానమునందున్
వడివడిగా గీత చదివి వార్ధక్యమునన్
తడి బట్టలు కట్టు కొనుచు
మడిగట్టిన పండితుండు మద్యము గ్రోలెన్
రిప్లయితొలగించండిసుడిగుండపుసంకటమున
పడినట్టి మనజుడు తాను పరమాత్ముని జే
ర డిగనురుకన్ జిలేబీ,
మడిగట్టిన పండితుండు మద్యము గ్రోలెన్!
జిలేబి
ప్రభాకర శాస్త్రి గారూ,
రిప్లయితొలగించండిజిలేబీ గారూ,
ఇద్దరూ పోటీ పడి పాత సమస్యలకు చక్కని పూరణలను అందిస్తున్నారు. సంతోషం. కాని పనుల ఒత్తిడి వల్ల మీ పూరణలను సమీక్షించలేకపోతున్నాను. మన్నించండి.
నేను సిద్ధం చేస్తున్న సమస్యాపూరణల పుస్తకంలో మీ పూరణలు తప్పక ఉంటాయి.
🙏🙏🙏
రిప్లయితొలగించండి
తొలగించండికంది వారు
వావ్ ! సమస్యా పూరణముల పుస్తకమా !
అదురహో ! వేచివుంటాం
జిలేబి
అవునండీ... కొంతకాలంగా ఆ పనిమీద ఉన్నాను. కనీసం ఐదు వందల సమస్యలు, ఒక్కొక్క సమస్యకు శంకరాభరణంలోని కవిమిత్రుల పూరణలలో నాలుగింటిని ఎన్నుకొంటూ సిద్ధం చేస్తున్నాను. అంటే ప్రతి పేజీలో పైన బోల్డ్ అక్షరాలతో సమస్య, దాని క్రింద నాలుగు పూరణలు పూరించినవారి పేర్లతో సహా ఉంటాయి. అంటే ఒక్కొక్క పేజీకి ఒక సమస్య, నాలుగు పూరణలు ఉంటాయి. ఇప్పటికి వందకు పైగానే ఎన్నుకున్నాను. ఈ మధ్య కొంత అనారోగ్యం, పని ఒత్తిడి కారణంగా వెనుకబడింది. మళ్ళీ మొదలు పెట్టాలి.
తొలగించండిపడిగాపులు పడుచు పడుచు
రిప్లయితొలగించండికుడి యెడమలు చూడకుండ కూరిమి మీరన్
ధడధడ వోటుల కొరకై
మడిగట్టిన పండితుండు మద్యము గ్రోలెన్