మిస్సన్న గారూ, మీ పూరణ బాగున్నది. అభినందనలు. ***** రాజేశ్వరి అక్కయ్యా, చెఱచిన ప్రేమ రమ్య మెలా అయింది? మొత్తానికి పద్యం బాగుంది. అభినందనలు. ***** డా. విష్ణునందన్ గారూ, మీ పూరణ అద్భుతంగా ఉంది. అభినందనలు. ***** శైలజ గారూ, ‘ంభ’ప్రాసతో ఒక్క పూరణమే కష్ట మనుకుంటే మీరు అలవోకగా రెండు చక్కని పూరణలు చెప్పారు. అభినందనలు. ***** పోచిరాజు సుబ్బారావు గారూ, మీ పూరణ బాగున్నది. అభినందనలు. ***** గుండా వేంకట సుబ్బ సహదేవుడు గారూ, మీ పూరణ బాగున్నది. అభినందనలు. ***** అశ్వత్థ నారాయణ మూర్తి గారూ, మీ పూరణ బాగున్నది. అభినందనలు. ***** గుండు మధుసూదన్ గారూ, మీ పూరణ ఉత్కృష్టంగా ఉంది. అభినందనలు.
కెంబాయి తిమ్మాజీ రావు గారూ, మీ పూరణ బాగున్నది. అభినందనలు. ***** కె. ఈశ్వరప్ప గారూ, మీ రెండు పూరణలు బాగున్నవి. అభినందనలు. కాని మీరు రెండింటిలోను బ-భ ప్రాస ప్రయోగించారు. ***** సంపత్ కుమార్ శాస్త్రి గారూ, మీ పూరణ బాగున్నది. అభినందనలు.
రంభోరూ! అసురవిభులు
రిప్లయితొలగించండిరంభను కాదనుచు నిన్ను రమ్మనిరో వి-
శ్వంభరసుత! విను మానవ
రంభా! రావణుల ప్రేమ రమ్యము జగతిన్.
(అశోకవనంలో రాక్షస స్త్రీలు సీతను బెదిరిస్తూ అన్నట్లుగా ఊహ)
దంభమున దెచ్చి చెఱచిన
రిప్లయితొలగించండిరంభా రావణుల ప్రేమ రమ్యము , జగతిన్
శంభుని గొలిచెడి యసురుడ
సంభవమని దెలియ నంత శాపము నొందెన్
శుంభల్లలితానన ప్రే
రిప్లయితొలగించండిమాంభోనిధి సుందరాంగి మండోదరి వ
చ్చెం భార్యగ ; మదన కళా
రంభా రావణుల ప్రేమ రమ్యము జగతిన్ !
( అప్పుడే వివాహమైన మండోదరి శృంగార కళారంభయయ్యెనని , ఆరంభము = దర్పము , ప్రయత్నము )
శంభుడు పలికెను సతితో
రిప్లయితొలగించండిరంభా! రావణుల ప్రేమ రమ్యము జగతిన్
దంభములు జేసి యున్నను
జృంభణముగ వాని కీర్తి క్షితిలో నిలుచున్!!!
రంభ = పార్వతి (పర్యాయపదం)
జృంభణము = అతిశయము
డింభుడు పలికెను సచితో
రిప్లయితొలగించండిరంభా రావణుల ప్రేమ రమ్యము జగతిన్
సంభవము కాదు హితుడా
కుంభిని సోదరుడు కుజను కోరెను గాదా!
డింభుడు= మూర్ఖుడు
కుంభిని సోదరుడు= రావణుడు
కంభంపాటి తనూజుడు
రిప్లయితొలగించండిదంభము తో బలికె నిపుడు దా రా వణు డే
రంభను మోహించె గమఱి
రంభారావణు ల ప్రేమ రమ్యము జగతిన్
లంకకుఁ గొని దెచ్చిన సీతతో రావణుడు....
రిప్లయితొలగించండిశంభుని పర్వతమెత్తితి
దంభమ్ములు పల్కజాల తగువాడనునే!
కుంభిని సుత! యవ్వన సం
రంభా! రావణుల ప్రేమ రమ్యము జగతిన్!
అంభో జనేత్ర మయసుత
రిప్లయితొలగించండిగంభీ రానను దశాస్యు కరమున్ బట్టన్
సంభవమవ నా దానవ
రంభా రావణుల ప్రేమ రమ్యము జగతిన్
మిత్రులు శ్రీకంది శంకరయ్యగారికి, సుకవి మిత్ర బృందమునకు నమస్సులతో...
రిప్లయితొలగించండిశుంభన్ముఖి మండోదరి
రంభోరు మహేప్సితార్థ రంజిత మదనో
జ్జృంభద్ధృద్రాగోత్ప్రా
రంభా రావణుల ప్రేమ రమ్యము జగతిన్!
శ్రీ గుండు మధుసూదన్ గారి పూరణ ప్రౌఢ సమాస బంధురమై అలరారుతున్నది. అభినందనలు.
రిప్లయితొలగించండిమిస్సన్న గారూ,
రిప్లయితొలగించండిమీ పూరణ బాగున్నది. అభినందనలు.
*****
రాజేశ్వరి అక్కయ్యా,
చెఱచిన ప్రేమ రమ్య మెలా అయింది? మొత్తానికి పద్యం బాగుంది. అభినందనలు.
*****
డా. విష్ణునందన్ గారూ,
మీ పూరణ అద్భుతంగా ఉంది. అభినందనలు.
*****
శైలజ గారూ,
‘ంభ’ప్రాసతో ఒక్క పూరణమే కష్ట మనుకుంటే మీరు అలవోకగా రెండు చక్కని పూరణలు చెప్పారు. అభినందనలు.
*****
పోచిరాజు సుబ్బారావు గారూ,
మీ పూరణ బాగున్నది. అభినందనలు.
*****
గుండా వేంకట సుబ్బ సహదేవుడు గారూ,
మీ పూరణ బాగున్నది. అభినందనలు.
*****
అశ్వత్థ నారాయణ మూర్తి గారూ,
మీ పూరణ బాగున్నది. అభినందనలు.
*****
గుండు మధుసూదన్ గారూ,
మీ పూరణ ఉత్కృష్టంగా ఉంది. అభినందనలు.
రంభా!యని పతిపిలువన్
రిప్లయితొలగించండిరంభగ మారెను మయసుత రాక్షస జన్మన్
సంభవమేయిది మాయా
రంభా రావణులప్రేమ రమ్యము జగతిన్ .
దువ్వూరి రామమూర్తి గారూ,
రిప్లయితొలగించండిమీ పూరణ బాగున్నది. అభినందనలు.
అంభోవీధిన జనియెడు
రిప్లయితొలగించండిరంభను రాపాడి నిలిపి- రావణుడంతన్
పుంభావముతో బలికెను
రంభా రావణుల ప్రేమ రమ్యము జగతిన్!
(నలకూబరుని వద్దకు వెళ్ళుచున్న రంభను,కుబేరుని దగ్గరకు వెళ్ళొస్తూ రావణాసురుడు చూచి వేధించిన వైనం గురించి వ్రాశాను...తప్పులుంటే పెద్దలు మన్నించాలి)
నాగజ్యోతి సుసర్ల గారూ,
రిప్లయితొలగించండిమీ పూరణ బాగుంది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండివి.యస్. ఆంజనేయులు గారూ,
రిప్లయితొలగించండిమీ పూరణ బాగుంది. అభినందనలు.
'దాటీ' అని వ్యావహారికాన్ని ప్రయోగించారు. 'దాటియు' అనండి.
శంభుని మెప్పును పొందిన
రిప్లయితొలగించండికుంభిని సోదరుడు మెచ్చి కొనితెచ్చెను నిన్
అంబుధి దాటియు మానవ
రంభా! రావణుల ప్రేమ రమ్యము జగతిన్
నమస్కారములు మీ అమూల్యమైన సూచనకు కృతజ్ఞతలండి
రిప్లయితొలగించండి
రిప్లయితొలగించండిరంభోరువు ,మందోదరి ,
కు౦భస్తని,రావణుండు కూడగ పుట్టెన్
జంభారి గెల్చు తనయుడు
రంభా!రావణుల ప్రేమ రమ్యము జగతిన్
1.డింభికమండోదరి-ప్రా
రిప్లయితొలగించండిరంభము నుండితనభర్త రక్షణ కొరకై
అంబను దలచెడి “రూపసి
రంభా”రావణుల ప్రేమ రమ్యము జగతిన్|
2.అంబను మండోదరి యా
శంభునిదశకంఠనెంచు సద్భక్తియుచే
లంభో దరునాజ్ఞగ|ఆ
రంభారావణులప్రేమ రమ్యము జగతిన్|
ధన్యవాదములు గురువుగారు..
రిప్లయితొలగించండిధన్యవాదములు శంకరయ్యగారు ..
రిప్లయితొలగించండిధన్యవాదములు శంకరయ్యగారూ!
రిప్లయితొలగించండి*** *** ***
ధన్యవాదములు డా.విష్ణునందన్‍గారూ! మదనకళారంభయైన మండోదరియొక్కయు, రావణునియొక్కయు ప్రేమమునుం గూర్చి చేసిన మీ పూరణ మద్భుతముగనున్నది. అభినందనలు!
అశోక వనములో సీతతో ఒక రాక్షస చెలికత్తె అంటున్నట్లుగా........
రిప్లయితొలగించండిశుంభత్కాంచన దేహ వి
జృంభిత సదమల గుణాఢ్య శ్రీలలితాంగీ
సంభాసమాన శుభదా
రంభా! రావణుల ప్రేమ రమ్యము జగతిన్.
కెంబాయి తిమ్మాజీ రావు గారూ,
రిప్లయితొలగించండిమీ పూరణ బాగున్నది. అభినందనలు.
*****
కె. ఈశ్వరప్ప గారూ,
మీ రెండు పూరణలు బాగున్నవి. అభినందనలు.
కాని మీరు రెండింటిలోను బ-భ ప్రాస ప్రయోగించారు.
*****
సంపత్ కుమార్ శాస్త్రి గారూ,
మీ పూరణ బాగున్నది. అభినందనలు.
రావణుడు రంభతో :
రిప్లయితొలగించండికుంభస్తనీ!మహేంద్ర వి
జృంభ విశృంఖల వినోద జీవన లీలా
రంభస్ఫూర్తిద! వేశ్యా!
రంభా! రావణుల ప్రేమ రమ్యము జగతిన్.
ఊకదంపుడు గారూ,
రిప్లయితొలగించండిప్రశస్తమైన పూరణ చెప్పారు. అభినందనలు.
స్తంభమ్ము వంటి వాడను
రిప్లయితొలగించండిరంభా నిను గోరుచుంటి ప్రణయము సలుపన్
సంభావించెద రమ్మిక
రంభా! రావణుల ప్రేమ రమ్యము జగతిన్!