26, జులై 2015, ఆదివారం

సమస్యాపూరణ - 1742 (బ్రాహ్మణుండు కాకి పలలముఁ దిను)

కవిమిత్రులారా,
ఈరోజు పూరించవలసిన సమస్య ఇది....
బ్రాహ్మణుండు కాకి పలలముఁ దిను.
(ఒక ప్రసిద్ధ ప్రహేళికా పద్యంలోని చివరి పాదం)

36 కామెంట్‌లు:

  1. పనికిమాలినట్టి పట్టింపులవియేల
    పట్టువిడుపులేక బ్రతుకలేవు
    తిండియు దొరకని ప్రదేశమ్ములో చిక్క
    బ్రాహ్మణుండు కాకి పలలముదిను

    రిప్లయితొలగించు
  2. కత్తి పట్టు రాజు, కలము పట్టును కవి,
    మగని తలచు మగువ, మండు పొయ్యి,
    జడలుఁ దాల్చు మునులు,శాస్త్రముఁ జెప్పును
    బ్రాహ్మణుండు, కాకి పలలముఁ దిను!!

    రిప్లయితొలగించు
  3. అక్షరంబు రాని యజ్ఞాని యైనను
    బ్రాహ్మణుండు, కాకిపలలము దిను
    మనిన తినడిది నిజమాకటం బడినను
    పులులు గడ్డిదినునె? పుడమి యందు.

    రిప్లయితొలగించు
  4. ఆవు పాలనిచ్చు- అమ్మపంచును ప్రేమ
    సిగ్గులొలుకు కలికి -చిలుక పలుకు
    సార మత్తునిచ్చు- శాస్త్రాలు బొధించు
    బ్రాహ్మణుండు,- కాకి పలలము దిను

    రిప్లయితొలగించు
  5. మురుగు కొఱకు తాను పులిచేత జిక్కును
    బ్రాహ్మణుండు ; కాకి పలలముఁ దిను
    తఱిని నక్క దాని తస్కరింపగ జూచు ;
    పంచతంత్ర కథలు బహు పసందు

    రిప్లయితొలగించు
  6. కూడు గుడ్డలందు కులమడ్డు రాదయా!
    గుణమె నిర్ణ యించు తినెడు తిండి
    కాపు వాడు మెచ్చి కటిక శాకముఁ దిను!
    బ్రాహ్మణుండు కాకి పలలముఁ దిను!

    (కాకి =నల్లవన్నెగల కోడిపుంజు)

    రిప్లయితొలగించు
  7. చంద్రమౌళి సూర్యనారాయణ గారూ,
    మీ పూరణ బాగున్నది. అభినందనలు.
    *****
    జిగురు సత్యనారాయణ గారూ,
    మీ పూరణ అద్భుతంగా ఉంది. అభినందనలు.
    *****
    వి.యస్. ఆంజనేయులు శర్మ గారూ,
    మీ రెండు పూరణలు బాగున్నవి. అభినందనలు.
    *****
    నాగరాజు రవీందర్ గారూ,
    మీ చాల పూరణ బాగున్నది. అభినందనలు.
    *****
    గుండా వేంకట సుబ్బ సహదేవుడు గారూ,
    మీ పూరణ బాగున్నది. అభినందనలు.

    రిప్లయితొలగించు
  8. కొండ నుండు కోతి మండుచుండునెపుడు
    చాయమగడు కొంగ జపము జేయు
    చాఱమీనుకొరకు శాస్త్రము జెప్పును
    బ్రాహ్మణుండు కాకి పలలము దిను!!!

    రిప్లయితొలగించు
  9. శైలజ గారూ,
    మీ పూరణ బాగున్నది. అభినందనలు.
    విరామచిహ్నాలు పెట్టకపోవడంవల్ల అపార్థాలకు అవకాశమున్నది. ఈ సమస్యకు మూలమైన ప్రహేళికాపద్యంలో ఇలాగే ఉంటుంది. విరామచిహ్నాలు పెడితేనే అర్థవంతమౌతుంది. విరామచిహ్నాలతో మీ పద్యం...
    కొండ నుండు కోతి; మండుచుండునెపుడు
    చాయమగడు; కొంగ జపము జేయు
    చాఱమీనుకొరకు; శాస్త్రము జెప్పును
    బ్రాహ్మణుండు; కాకి పలలము దిను!!!

    రిప్లయితొలగించు
  10. ఈ నాటి సమస్యకు మూలమైన ప్రహేళికాపద్యం ఇది....

    కొండ నుండు నెమలి కోరిన పాలిచ్చు
    పశువు శిశువు తోడ పలుక నేర్చు
    వనిత వేదములను వల్లించుచుండును
    బ్రాహ్మణుండు కాకి పలలము దిను!

    పై పద్యంలో ఏపాదాని కాపాదం చదివితే అపార్థాలకు అవకాశం ఉంది. విరామచిహ్నాలు పెట్టి తదనుగుణంగా చదివితే అపార్థాలు తొలగిపోతాయి...

    కొండ నుండు నెమలి; కోరిన పాలిచ్చు
    పశువు; శిశువు తోడ పలుక నేర్చు
    వనిత; వేదములను వల్లించుచుండును
    బ్రాహ్మణుండు; కాకి పలలము దిను!

    రిప్లయితొలగించు
  11. పాలకుర్తి రామమూర్తి గారి పూరణ.....

    ప్రగతి సుగతి జూపు పరతత్త్వ మెవ్వాడు
    సాధనమ్ము జేసి బోధ జేయు?
    "కా"యను చరుచెద్ది? కాకేమి దిను? నోలిఁ
    బ్రాహ్మణుండు, కాకి, పలలము దిను!

    రిప్లయితొలగించు
  12. పాలకుర్తి రామమూర్తి గారూ,
    శంకరాభరణం బ్లాగు మీకు స్వాగతం పలుకుతున్నది.
    క్రమాలంకార పద్ధతిలో మీ పూరణ బాగున్నది. అభినందనలు.

    రిప్లయితొలగించు
  13. గోవు మెచ్చి తినును కోమలమౌ గడ్డి
    చేరి దుంపలతిను చెవుల పిల్లి
    పప్పు ధప్పళమ్ము బహుపసందుగ తిను
    బ్రాహ్మణుండు, కాకి పలలముదిను.

    రిప్లయితొలగించు
  14. గోలి హనుమచ్ఛాస్త్రి గారూ,
    మీ పూరణ బాగున్నది. అభినందనలు.

    రిప్లయితొలగించు
  15. వేదవిద్యలెల్ల విస్తారమొనరించు
    బంధు జనుల రాక పరిగణించు
    కౄర మృగములెల్ల కోరియిష్టముతోడ
    బ్రాహ్మణుండు, కాకి, పలలముదిను.

    రిప్లయితొలగించు
  16. సంపత్ కుమార్ శాస్త్రి గారూ,
    మీ క్రమాలంకార పూరణ బాగున్నది. అభినందనలు.

    రిప్లయితొలగించు
  17. కాకి మాంస మనిన కడజాతి వానికి
    మక్కు వెక్కు వుండి మఱచి పోడు
    జ్ణాన హీను డెపుడు జాత్యల్పు డగునులే
    బ్రాహ్మణుండు కాకి పలలముదిను

    రిప్లయితొలగించు
  18. కవిశ్రీ సత్తిబాబు గారూ,
    మీ పూరణ బాగున్నది. అభినందనలు.

    రిప్లయితొలగించు
  19. పప్పు,నెయ్యి,కూర,భక్షించు నన్నంబు
    పరమ ప్రీతి తోడ *బ్రాహ్మణుండు.
    కాకి పలలముఁదిను* కరణిని తినువారు
    కలరు వారి నిపుడు తలఁచ నేల?

    రిప్లయితొలగించు
  20. పప్పు,నెయ్యి,కూర,భక్షించు నన్నంబు
    పరమ ప్రీతి తోడ *బ్రాహ్మణుండు.
    కాకి పలలముఁదిను* కరణిని తినువారు
    కలరు వారి నిపుడు తలఁచ నేల?

    రిప్లయితొలగించు
  21. బ్రాహ్మణుండు కాకి పలలము దినునట
    చూచితీవ ? రమణ ! చోద్యమ యది
    కాల మహిమ ,యిదియ ,కనగనిం కనునేమి
    యుండు దైవ మ !నతు లొనర జేతు

    రిప్లయితొలగించు
  22. మిత్రులు శ్రీ కంది శంకరయ్యగారికి, సుకవి మిత్ర బృందమునకు నమస్సులతో...

    కొమ్మనుండుఁ గ్రోఁతి కోరిన సిరులిచ్చు
    లక్ష్మి యేడ్చు శిశువు మెచ్చు మధువు
    తేఁటి మంత్రములును దీపింపఁ బఠియించు
    బ్రాహ్మణుండు కాకి పలలముఁ దిను!

    రిప్లయితొలగించు
  23. నా పూరణమందు విరామ చిహ్నములనుం బాటించినచో నిట్లుండును:

    కొమ్మనుండుఁ గ్రోఁతి; కోరిన సిరులిచ్చు
    లక్ష్మి; యేడ్చు శిశువు; మెచ్చు మధువు
    తేఁటి; మంత్రములును దీపింపఁ బఠియించు
    బ్రాహ్మణుండు; కాకి పలలముఁ దిను!

    రిప్లయితొలగించు
  24. దువ్వూరి రామమూర్తి గారూ,
    మీ పూరణ బాగున్నది. అభినందనలు.
    *****
    పోచిరాజు సుబ్బారావు గారూ,
    మీ పూరణ బాగున్నది. అభినందనలు.
    *****
    గుండు మధుసూదన్ గారూ,
    మీరు పూరణగా ప్రహేళికనే నిచ్చారు. చాల బాగుంది. అభినందనలు. విరామచిహ్నాలతో ప్రహేళికా సమాధానం ఇచ్చినందుకు ధన్యవాదాలు.

    రిప్లయితొలగించు
  25. శైలజ గారూ,
    మీరు కూడా గుండు వారి వలె పూరణగా ప్రహేళికనే ఇచ్చారు. నేను ఆ చమత్కారాన్ని గమనించలేదు. మన్నించండి. మీ ప్రహేళికా పూరణ బాగున్నది. అభినందనలు.

    రిప్లయితొలగించు
  26. పంచ భక్ష్యము లుంచిన పళ్ళెమందు
    పప్పుప్రీతితో గుడుచును బ్రాహ్మణుండు
    కాకి పలలముఁ దిను కడు కాంక్షతోడ
    చెట్టుకొమ్మపై కాళ్ళతో పట్టి యుంచి

    రిప్లయితొలగించు
  27. ఈ కామెంట్‌ను రచయిత తీసివేశారు.

    రిప్లయితొలగించు
  28. కుక్కుటామిషమ్ము కోరి భుజి౦చు న
    బ్రాహ్మణుండు. కాకిపలలము దిను
    ట.కొర కియ్య కొనదు డాకిని యైనను
    వేయి రుచులు కల్గు వేపుడిడిన

    రిప్లయితొలగించు
  29. శైలజ గారి ఆటవెలది హాయిగా నడిచింది.

    శ్రీ గుండు మధుసూదన్ గారి పద్యం మేలైనది . మంచి ప్రణాళిక ! రెండవ పాదంలో ' లచ్చికి 'మారుగా లక్ష్మిని ప్రతిక్షేపించడం ' ప్రమాదో ధీమతామపి ' కావచ్చును .

    రిప్లయితొలగించు
  30. ఆవు,పచ్చిగడ్డిహరిణకంతినుచుండు|
    త్రాగు పాలుపిల్లి,త్రాచులాగ|
    పంచ్యభక్ష్యములనువదలక దినగల్గు
    బ్రాహ్మణుండు|కాకిపలలముదిను

    రిప్లయితొలగించు
  31. శ్రీ భాగావతుల కృష్ణారావు గారి పూరణ

    శాకములను తినును శాస్త్రజ్ఞుడైనట్టి
    బ్రాహ్మణుండు; కాకి పలలముఁ దిను.
    తృణము తినెడి గోవు తినబోదు నంజుడు
    యెగిరి వాయసమ్ము యెఱచి తినును

    రిప్లయితొలగించు
  32. సుకవి మిత్రులు డా. విష్ణునందన్ గారికి ధన్యవాదములు!

    నేను ముందు "లచ్చి"యనియే ముందు టైపుచేసితిని. కాని, యొక చిన్న సవరణ మవసరపడి, దానిని తొలఁగించితిని. రెండవసారి టైపుచేయునపుడు "లచ్చి"కి బదులు, "లక్ష్మి"యని టైపాటు దొరలినది. మూఁడవసారి, విరామ చిహ్నముల నుంచునపుడు దానిని గమనింపకయే ప్రకటించితిని. క్షంతవ్యుఁడను. దోషమునుం దెలిపినందులకు ధన్యవాదములు.

    రిప్లయితొలగించు
  33. అన్నపరెడ్డి సత్యనారాయణ రెడ్డి గారూ,
    తేటగీతిలో మీ పూరణ బాగున్నది. అభినందనలు.
    *****
    కెంబాయి తిమ్మాజీ రావు గారూ,
    మీ పూరణ బాగున్నది. అభినందనలు.
    *****
    డా. విష్ణునందన్ గారూ,
    ధన్యవాదాలు.
    *****
    కె. ఈశ్వరప్ప గారూ,
    మీ పూరణ బాగున్నది. అభినందనలు.
    ‘హరిణకం’...?
    *****
    భాగవతుల కృష్ణారావు గారూ,
    మీ పూరణ బాగున్నది. అభినందనలు.
    ‘నంజుడు+ఎగిరి వాయసమ్ము+ఎఱచి’ అన్నప్పుడు యడాగమం రాదు. ‘నంజుడు| నెగిరి వాయసమ్మె యెఱచి...’ అనండి.

    రిప్లయితొలగించు
  34. క్రమాలంకారము

    శ్రాద్ధ మెవడు శ్రద్ధగా పితరుల?
    పిండమేది ముట్టు పిదపనచట?
    శూద్రుడేమి తినును సొగసైనదంచును?
    బ్రాహ్మణుండు-కాకి-పలలముదిను

    పప్పు నెయ్యి కలిపి పర్వమంచు దినును
    బ్రాహ్మణుండు;కాకి,పలలముదిను
    శూద్రుడెంతగానొ సుఖము చెందును గదా!
    మాంస వంటకాల మహిత రుచికి

    శాకపాకములను సరిగాను తినుగదా
    బ్రాహ్మణుండు-కాకిపలలముదిను
    నీచమైనదైన నింపుగా పిండంబు
    ముట్టినంత కాకి ముక్తి యనరె

    రిప్లయితొలగించు
  35. మల్లెల సోమనాథ శాస్త్రి గారూ,
    మీ మూడు పూరణలు బాగున్నవి. అభినందనలు.
    మొదటి పూరణ మొదటి పాదంలో గణదోషం. బహుశా టైపాటు కావచ్చు. ‘శ్రాద్ధ మెవడు పెట్టు శ్రద్ధగా పితరుల’
    రెండవపూరణలో ‘మాంస వంటకాల’ అనడం దుష్ట సమాసం. ‘మాంసభోజనంపు మహితరుచికి’ అందామా?

    రిప్లయితొలగించు